Ka Leo o ka Lahui, Volume II, Number 282, 17 September 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

 

 

OHUOHU PONO

 

            Nui a lehulehu na ohua i kau aku ma ka oneki o ka Mikahala, ma ka Poalua nei, no aina kaili la.

 

            He mau kamaaina kekahi no ua aina la i ka ilikai, i hoi pu aku, a he mau malihini hoi kekahi e ake ana e ike i ke ahi kaulana o Mokuaiki, me ke one kani hoi o Nohili, hili hewa auanei paha oukou i na la Mokihana, papapau oukou i ka wai kuauhoe.

 

HE AHA MELE.

 

            Ma ka po Poalua nei, ua wehe ia kekahi aha mele ma ka hale noho o ke keiki a ka onamiliona, mawaho o ka Piolani Paka.

 

            O ka poe nana keia aha mele, he poe keiki Hawaii oiaio lakou, oia no na keiki hookama a Prof. Baka, o ka puali puhi ohe Hawaii. Ua kani a maikai no na mea a pau, a he ku maoli no i ka mikololohua ke hoolohe aku.

 

MAI HILO MAI.

 

            Sept. 4, - Ku mai ma ke awa la'i o Hilo Bay nei, he wahi moku kiaha mai Aukelalia mai, no kekahi mau haole onamiliona, a o kana hana o ka lawe ana mai, no ka makaikai honua i ua poe puolo opihi koele la; ne poe Belekane; a e noho ana ka ianei no hookahi malama a oi. E pulu mau ana na ihu o lakou i na pakaua o ka ua Kanilehua o Hilo nei, a e ai ono ana i na anae momona o Mohouli.

 

            La Kapule, Sept. 6 - Moloko o ka Luakini o Haili, ua onou ia aku ka ihu o kekahi opio Hawaii, e ka puupuu akau a ka lokoino; oia kela kumu kane o ke Kula Hanai; a uwe iho la ka opio. a hoi aku la e hai i ka makua. Ia loke ana o ka makuakane, oiai oia he hoa, a he kapena no ka puali makai; pii ka ena a okala na hulu i ka mahama ha; a hele aku la e halawai me ua lima koko la, maloko o Haili, m eka manaoio e hoooko aku i ke kanawai maluna ona. Aka, ua kamoe ia iho la ia mau koni ana a ka puuwai, mamuli o ka mihi ana mai o ka mea huhu hala ole, a malie iho la ka ua. pau ka makani, ke la'i nei.

 

            Ma ia la Kapule no, he uluaoa o na aha elua, maloko o Haili nui me Haili liilii, ka aha o na kane a me ko na wahine a wawalo aku la na leo iloko o ka lew, no kekahi kumuhana i hakoko ia, oiai ke kahu ua hele ma kahi e no kekahi ha na okoa. He mau hana hoonaueue keia i ka Papa Maukele; aka e maalili ana no paha, oiai ke loku mau nei hoi ka ua i keia mau la.

 

            Sept. 10, - Halawai ka Ahahui o na Ekalesai Euanelio Kalevina o Hawaii nei ma Haili. Hoomalu ia ka hale e C.M. Kamaka, a o Mr. Kalino ke Kakauolelo Ka nui o na lala i akoakoa mai, he 29, mai na kahu a i na elele. a me na lala mau a na haiolelo.

 

            Ma ka baloka ana, ua koho hou ia no na luna mua, i mau luna no ka halawai, a hapai ia na hana e like no me ka hana mau oia ano Aha. O na mea ano e i hoea ae imua o ka Aha, oia iho keia:

 

            1. He palapala kahea na ka Ekalesia o Kona-waena ia Mr. Kiwini, i kahu no lako@: a waiho i ma ka lima o ke komite ua palapala nei. A ma ka la 12 ae, ua waiho ia mai ka hoike a ke komite e olelo ana, "ua pono a pololei ka palapala kahea e like me na rula o ka aha kahea e like me na rula o ka Aha: a e waiho aku i ka palapal kahea ma ka lima o Mr. Kiwini, no kona noonoo ia mea."

 

2. Ua hooholo ia, e nonoi aku i ka Papa Hawaii e haawi i uku hoo mau no S. C.Luhiau, i $75 o ka makahiki, oiai, ua palupalu a elemakule hoi oia iloko o ka oihana laa. Ma keia mea i hooholoia, ua maikai ka manao, koe wale no kahi ma-na ai; aole ia he kupono; ina i $100, e aho iki ia. Ina he elemakule haole keia, aole pela ka nui o ke ola e hooholoia ai, aia aku no iluna. E na Kahunapule Hawaii oiaio, e hana oukou me ka kupono, mai hopohopo a maka'u wale.

 

3. He palapala nonoi no Kolapana mai, e ae ia lakou e nonoi i na Ekalesia a puni ka Mokupuni o Hawaii nei, i dala no ko lakou luakini; ua hoole ia.

 

Sept. 12, - Malama ia ka hoike o na Kula Sabati o Hilo nei ma Haili; maikai no na haawina i hoikeia; malalo o ka 150 ka nui o na haumana makua me keiki ma ia hoike ana. Mahope o ka pau ana o na hana, lulu dala na haumana Kula Sabati. Na W. A. Mio, ke kahu Kula Sabati, i painai mai he mau wahi olelo uuku no, me kahi waiubata aohe manoanoa. Na O. P. Emson hoi. kakau leta o ka Papa Hawaii, he mau olelo kuio, o ke ano hoomaemae, a ano kalai i kekahi mau ano pono ole i ike ia ma na hoike Kula Sabati. He ku i ke ano a me ke kaona o ka mau ole lo e houhou ana; aka, he mau mea oiaio nae a pololei maoli.

 

            Sept. 13 - La Kapule, Malama ia ka haiolelo nonoi kokua aloha a Mr. Kalaiwaa o na Ekalesia e Kailua me Helani, ke kumu olelo.  "E homa." Ma keia haiololo a ua kei ki la o ka Paia ala o Puna, ua hu ka aka a me ka hehe o na niho i ka lealea i na olelo hoopilipili no ka "Homai i na kokua."

 

            Pau ka ipu makani o Hilo nei i ke kaao ia mai, a me na kaikamahine manamanalima maikai a nepunopu hoi, a me kahi kanaka koku e noe ana i ka imi i kahi kenikeni, mawaena o na dala nunui a pela aku. Piha ke anaina i ka mahalo a me ka hauoli no kana ipu makani i "Homai" ia mia , he$50 a oi aku.

 

            Hookuu ia na hana o ka Ahahui ma ke ahiaki o ka la 12. a noho ma Puako i Maraki 1892.

"Aloha e na hoa lawelawe

Iloko o Iesu

Hauoli pu kakou

A launa pono pu.

Hilo Bay, Sept. 14, 1891

 

OLELO HOOLAHA.

 

NA HOA HUI MEKANIKA

 

            E malama ia ana he halawai na ka Hui Paahana Mekanika ma ka Hale Huilahui, kihi o Alanui Hotele a me Betela, ma ke ahiahi Poaha. Sepatemaba 17, 1891, hora 7.

281-2ttd    Ma ke kauoha.

 

OLELO HOOLAHA

 

E ike auanei na kanaka a pau, eia na ka pa aupuni o Makiki nei kekahi lio helehewa. Lio w ulaula keokeo loihi ma ka lae, elua wawae keokeo hope, hao CM kuni ma ka aoao ak o ka a-i.  O ka mea nona keia lio, e kii koke mai o halaha na la he 14, e kuai kudala aku no au, ke hiki aku i ka la 26 o Sept., 1891, hora 12 awakea Poaono.

D. Kaoao.

Sept. 13 280d3t. Luna Pa Aupuni

 

E na Luna Lawe Pepa o ka  Leo o KA LAHUI, ke hai ia aku nei ka lohe ia oukou, ina he mau helu koe o ka la 3 o Augate nei, oia hoi ka Poakahi mua, alaila e pono e hoi hoi mai i keia keena.

 

KALOA & WAINEE.

 

NA KAMANA HUI KUKULU HALE.

 

(Me ka uku haaha.)

 

            O na kauoha mai na mokupuni mai, e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.

S. K. Kaloa. & Geo. Wainee.

W-4ts Sept 11, 1891.

 

OLELO HOOLAHA.

 

            E ike auanei na mea a pau, eia ma ka pa aupuni o Makiki nei, kekahi mau lio hewa; lio k ulaula poholehole ke kua, aole kuni; lio k ulaula kikokiko ma ka a-i 4 wawae keokeo hoailona kuni uha hope ak. aho ano e.  O ka mea a mau mea paha nona keia mau lio, e pono e kii koke mai, o hala na la he 15, e kuai kukala aku no au ma ka la 26 o Sept. 1891. D. KAOAO.

LUNA PA AUPUNI

Sept. 11, 278 d-3ts

 

OLELO HOOLAHA

 

            E ike auanei kanaka na a pau, eia ma ka pa aupuni o Makiki nei, kekahi lio. 1 lio wahine keokeo ki kokiko, 2 wawae mua paa i kapuai hao, hao kuni ano e. Lio k keokeo aole kuni. O ka mea nona keia lio, e pono oia e kii koke mai o hala auanei na la he 12, pau ia'u i ke kudala ia i ka la 19 o Sept, i ka hora 12 awakea Poaono.

D. Kaoao.

273-dtf.  Luna Pa Aupuni

 

Kauka Yong Kam Pung.

 

(APANA)

 

Helu 53, Alanui Maunakea.

 

Ke Kauka Loea o ka

 

Aina Pua!

 

Ua hike ke hoo@a ia kela a me keia ano

ma'i, mai ko na kane, wahine a me

na keiki liilii. O na ma'i ha-no

ua hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke ho-

ike. Ke ho-

ike ia aku nei,

eia ke ola ia nei, me ka oluolu pu o kahi au-

hau. Ka poe pilikia hanau keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o'u nei

 

           E KIPA mai e ka poe i hooluu luu ia me na haawina pilihuaa ka ma @ a na'u oukou e hooluolu aku.

 

KAUKA YONG KAM PUNG.

 

Honolulu Sept. 2, 1891.  272-d3m

 

I KA LEHULEHU HAWII

 

            Ke hooiaio aku nei ka mea nona ka inoa malalo, ua hoolaia ka'u wahine mai ka pilikia hoomailo a ka ma'i kokopaa, ka'u keiki elua makahiki hoi mai ka aneane loa ana e make i ka ma'i emi pu wale no o ke kino. oia hoi ka pilikia ai maloko o ke kino. Mai ke ola ana o ka ma'i a hiki i keia la , aole i hoea hou mai na pilihua o ia ano. Ke kono nei au i na makamaka Hawaii o'u e hele ae ia Kauka Apana (Yong Kum Pung) a e loaa no ka maha. Mai kanalua ma na ano elua - oia ka oluolu o na pilikia ma'i a me ka haahaa o na auhau an@.  Me ka oiaio,

P. M. AEA.

 

KAUAI HOOPAU NUI.

 

Mai keia manawa aku a hiki i ko Makou hoonoo

ana aku iloko o ko makou

 

JHALEKUAI HOU

 

Ma ke Alanui Papu, - (NA HELE BURUA.

E hoolilo aku ana Makou i ko Makou wai wai a pau o na ano Lole:

NA LOLE NANI

NA LOLE I HUMUIA.

KAPU A ME PAPALE

PAHU LOKE,   a pele ak@

 

No na Uku Hooemi Loa Nae

 

Egan & Gunn.

 

ALANUI MOI kokoke i ke ALANUI PAU.   tf-d

 

HOOLAHA HOU

B. F. Ehlers & Co - PAINAPA

 

HELU 99 AlanuI Papu.

 

IA OUKOU E NA MAKAMAKA A ME NA HOALOHA, OKAI HOI, UA

makaukau makou i ke kauai hoopoho aku i na lole @ na Wahine, Kane a me na Kamalii, oiai, e hoi mai ana o B. F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no la LOLE HOU.

 

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.  Owau me ka oiaio,

B. F. EHLERS & CO

tf

 

Poino i ka Wai!

 

POINO I KA WAI!

 

E hoomaka ana keia mawaena o keia la a me ka Poalua a hiki mai o keia pula ae me ka nana ole ia o na lilo.

N. S. SACHS

263-dtf Honolulu

 

 

He Kuai Nui Hoopau aku.

E HOOMAKA ANA I KEAI

POAONO, AUGATE 1, 18913

Ua Lilo ko makou Waiwai he mea mohai wale!

Ua Hoemiia ke Kumukuai ilalo, aole i ko Makou Pono, aka nou no

Papa Kumukuai no 30 La wale no:

 

200 paa lihilihi keokeo puka aniani ................................. .90

20 i-a Kalakoa maikai ........................................................1.00

12 keokeo I i-a laula ...........................................................1.00

8 keokeo I i-a laula .............................................................1.00

159 kakini ka'e waihooluu o na wahine ............................... .45

93 kakini ka'e waihooluu o na wahine ................................. .05

Huluhulu no na paa lole kupono, .25 keneta o ka i a , e kuai no kakou i keia mau la no 7 i-a no ...1.00

Papale Kula o na Kamalii .................................................... .25

Na Kawele nunui 2 no ......................................................... .25

Kakini eleele maikai ............................................................ .25

Na Papale i kahiko maikai ia .............................................. 2.50

RUMI HANA LOLE MALUNA HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO SO LA. NO KE DALA KUIKE WALE @ KEIA KUAI ANA.

 

C. J. Fishel

 

            Ka makamua o na Hale lako o na Wahine, oia hoi ma alauui P@@@ @ 22

Hotele, kahi i hauau ia @ kaui hoopono a ano nui no hoi.  @@@-@@