Ka Leo o ka Lahui, Volume II, Number 277, 10 September 1891 — Page 3
| This text was transcribed by: | Nyla Fujii-babb |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
AOHE I POMAIKAI.
Ma Kohala, ua ulu ae la he hoopaapaa mawaena o Mr. Hihio a me kana wahine o Kapehe kona inoa, a ua nui ka laua hakaka ana; a o ka hopena o ia hana, oia ka hele ana aku o ka wahine a ha'i aku la i kekahi ona mahiko, no lakou ka halekuai i puhi kolohe ia ai i ke ahi mamua aku nei. Ua ha'i aku ia, na kana kane me kekahi kanaka o Hapaumi ka inoa, me ua wahine nei no hoi, na lakou i hana kela hana ino, ma o ko lakou ninini ana i ka aila mahu, a puhi aku la i ka halekuai o ka mahiko i ke ahi, a eia lakou ke paa nei ma kahi paa, a he mea keia e pakele ai o kekahi kanaka i hoopaa hewa ia iho nei o Hookuli kona inoa, ma o ka hoohuoi ia nana keia hana, eia ka auanei, aole nana, he okoa ke kolohe, aka he mea ia e ko ai ke olelo a ka buke hemolele, a kahi poe e hoole nei he hoopunipuni, eia iho na huaolelo:-- "O ka mea e hana ia ma kahi malu, e hoike ia no ma ke akea."
A nolaila, aole hoi lakou i pomai kai no ka lakou hana hewa i hana ai.
BILA KAMAAOLE ME NA INOA ELUA.
Ma ke kakahiaka nui onehinei, oiai na kanaka e hele ana no ko lakou mau hale hana, aia hoi, ua pahola koke ae la kekahi lono a puni ke Kapitala nei, e hoike ana, ua paa i ka hopu ia kela aihue e wa ia nei ma keia kulanakauhale, oia hoi o Bila Kamaa-ole.
O ka inoa o keia aihue, o Wm. Hoopii, a o ka inoa mua i lohea ia mai, o Bapela, a mamuli o keia mau inoa hoopahaohao, ua komo mai iloko o makou ke kanalua, oiai hoi o keia kanaka i hopu ia ai, wahi a ko makou lohe, ua hopu ia oia ma ke ano hoohuoi ia, oia ka mea nana e aihue nei.
Nolaila, ke olelo nei makou, me ke kuio, ina o keia kanaka Hawaii ka mea nana i aihue iloko o keia mau la loihi i hala aku nei, aole loa makou e kanalua ke pane ae, ua paa kahiko oia i ka hopu ia, a ina i keia mau la, aia oia malalo o ka malu o ke aupuni e noho nei i keia mau la, a ke uku nei hoi oia no ka hewa ana i hana ai.
Eia hou keia kumu kanalua o makou, o kona hopu ia ana ma ke alanui aupuni, aole hoi oia e hana ana i kekahi hana karaima malaila, aka, malalo o keia kanawai hoo huoi, ua hopu ia oia.
No makou iho, ma ka aoao o ka lahui Hawaii, aole loa makou e apo no ana i na hana o keia ano, ina ua hana hewa i'o oia, a oiaio maoli no ka mea nona e aihue nei, alaila, ua oi aku ka pono, e kau aku i na ahewa ana a pau a ke kanawai maluna o kona hokua a e uku hoi oia no kana hewa i hana ai.
Aka hoi, ina aole oia, alaila, he mea maikai loa, e hookuu ia oia; a oiai hoi, ke pahaohao nei makou i ka hiki iaia e wehe i ka puka o na hale pohaku nunui o keia kulanakauhale, oiai hoi, na makai e ku kiai ana, aka, aole nae he loaa.
Mamuli o ka loaa ana ia makou o keia lono, ke ku nei makou me ka ninau aua, he oiaio anei, na ia nei io i aihue, a i ole ia, na keia po@ hulu like paha, a i ole ia, ua uku ia anei oia e hana i keia hana o kekahi poai, aole paha?
Ua pahaohao makou i ka hikiwawe o ka loaa ana, oiai aole loa i loaa i ka wa i haawi ole ai ka Ilamuku i kekahi uku makana o $250 i ka wa i puka ai kela uku makana ma kekahi mau nupepa o keia kulanakauhale, ua ikea ae la ua loaa ka eihue; nolaila, i loaa ai ia makou he kumu kanalua, a kuihe hoi, oiai hoi, o ka makou i haupu ai aia no keia aihue iloko o kela poe manu hulu like o kukulu o Kahiki mai, no lakou kela mau maka keleawe, me na onohi poniponi o ka hookamani nui, e pohai ana mamua o ka imi hale o lakou, a oia poai maoli no ka poe nana e hoopahaohao nei ia kakou iloko o keia mau la loihi, aole ia poe mawaho aku o keia mau palena.
O ka lua keia o na mea i hopu ia ma ke ano hoohuoi ia, o ka mua he haole, no kona kamaa ole paa oia i ka hopu ia, a o ka hopena ua hookuu ia, a o ka lua hoi keia.
O ka makou nae e hoopua aku nei, ei aku no ua poe aihue la ke pee mai la mawaho o ka pa, a o kahi po@@ia e kiei mai la, me ko lakou aahu eleele o ka anela uhi o ka po, e pale ana hoi i ko lakou umauma me na manao lili oihana, aake hoi i ka hanohano. Nolaila, ke kali nei makou a hiki i ka ike ia ana o ka hopena o keia aihue, a oia ko makou wa e huai pau aku ai i na ouli o ka manawa e nee nei.
Ua nui na hoaloha i akoakoa aku ma ka uwapo i ka Poalua nei, no ka ike ana i ko lakou mau makamaka e haalele mai ana no na aina e, ua a mele pu mai no hoi ka Bana. Hawaii i ke mele "Aloha Oe" a helelei iho la ka waimaka o kahi poe. Aloha no.
HE ILIO PAE HEWA.
Ua loaa ia'u ma ko'u wahi noho ma Peleula, ika la 20 o Aug, kekahi ilio opiopio; eia kona ano, eleele ka ihu, ulaula ke kino, keokeo na wahi wawae ai eha. O ko ona nana keia wahi ilio, e pono oia e kii koke mai, me ka uku pu mai i ko'u mau lilo o ka hoolaha ana, a me kuu malama ana iaia, a ina e hala na la he 15, e lilo loa no ia'u keia ilio.
Owau no me ka oiaio,
Moses Waakahuli.
Peleula, a i ole, ma kahi kuai paka.
*1w d
HE HOOLAHA I KA AKEA.
E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG PONG.
Helu 40, Huina o na alanui Kamika me Hotele, Honolulu, Oahu. Aug. 31. 1y.
OLOLO HOOLAHA.
Ua makemake ia i 50,000 kawowo Alani momona, aole e emi malalo o 6 iniha ke kiekie, a e uku ia no he 5 keneta o ke kumu hookahi. No na mea ae i koe, e pono e hele ae e kuka pu me Dilinahama.
B. F. DILINAHAMA.
Luna Nui O.R.& L Co.
Honolulu, Aug. 24, '91 265-d1m.
OLELO HOOLAHA.
Ua makaukau ka mea nona Oinoa malalo iho, e hana i na Pna HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanae. O ka poe makemake e waiho mai i ka lakou mau kauoha me Ioane Akina.
J. BOWLER.
Sept. 22, '90, d-1y*
OLELO HOOLAHA.
Eia ma ka Pa Aupuni o Makiki nei kekahi mau lio helehewa, lio w eleele kiko keokeo ma ka lae, hao kuni ano-e hema hope, lio w eleele elua wawae keokeo hope, hookahi wawae keokeo o mua hema, hao kuni ano e hema hope, hao kuni 111 ak. hope, kiko keokeo ma ka lae lio w ulaula, elua wawae keokeo hope, keokeo loihi ma ka lae, hao P ak hopehao 111 hemahope; lio w ulaula, hauliuli keokeo loihi ma ka lae, eha wawae keokeo, he mau hao kuni ano e ma ka aoao o na a-i. O ka mea a mau mea nona keia mau lio, @ pono @ kii koke mai o hala na la he 13, e kuai kudala aku no au ke hiki aku i ka la 22 o Augate, 1891, hora 12 awakea Poaono.
David Kaoao.
Luna Pa Aupuni
256-dtf
Hoolaha Hookapu.
Ke hoike ia aku nei ka lohe @ na ano kanaka a pau loa. Ua hookapu loa mana i ko maua mau Apana Aina ekolu i kapaia i Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C.O. HIRAM, a i ole ia, me DAVID DAYTON, a i ole KUKA.
Owau no me ka haahaa.
MRS. C.I. HIRAM.
Honolulu, Oahu, Oct. 8, 1890.
3ms-d.
OLELO HOOLAHA.
E ike auanei na kanaka a pau, eia ma ka Pa Aupuni o Makiki nei, kekahi lio hele hewa, hookahi lio k ahinahina, 1 wawae keokeo hope hema, hao kuni ano e ma ka aoao hema, hao kuni hou + ma ka aoaoa akau hope, ekolu wawae ahinahina.
O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M. H. 1891 awakea Poaono hola 12.
David Kaoao.
Luna Pa Aupuni.
257 4ts-d*
Aila Kuai.
E LOAA NO MA KAHI O
J. F. COLBURN. (KEONI KOLOBANA.)
Ma ke Kihi o na Alanui Nuuanu me Moi.
E loaa no no ke kumukuai haahaaloa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha,
J. F. COLBURN.
Honolulu, Iulai 8, 1891.
232 df@
Hale Hana Wai Momona
WAI-ANIANI
Sam. @ad me John Grace na Ona.
Ku poe wale no na lakou e hana nei NA WAI HOOMAEMAE KOKO KAULANA oia hoi ka SASEPARILA A ME KA WAI-HAO.
NA WAI MOMONA AWAPUHI SASEPARELA, LEMI, WAI PIPII, SODAMAOLI, SIDA, KAMEPENA, @@
Mutual @@@ TLEPONA-Bell 29@
KUAI HOOPAU NUI.
Mai keia manawa aku a hiki i ko Makou hoonee ana aku iloko o ko makou HALEKUAI HOU
Ma ke Alanui Papu, - (NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NA NI, NA LOLE I HUMUIA, KAPU A ME PAPALE, PAHU LOLE,a pela aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU.
tf-d
HOOLAHA HOU
B. F. Ehlers & Co.-PAINAPA.
HELU 99 Alanui Papu.
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. EHLERS me na lole hou ma keia moku mai a oia ke kumu o ko makou kuai hoopoho ana , i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.
Owau me ka oiaio,
B. F. EHLERS & CO.
Poino i ka Wai!
POINO I KA WAI!
E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.
N. S. SACHS.
Honolulu.
263-dtf.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no - Papa Kum@kuai no 30 La wale no:
200 paa lihilihi keokeo puka @@@@@ $ .90
20 i-a Kalakoa maikai 1.00
12 keokeo 1 i-a laula 1.00
8 keokeo 1 i-a laula 1.00
159 kakini lakeke o na Kamalii (huluhulu) .45
93 kakini ka'o waihooluu o na wahino .05
Huluhulu no na paa lole kupono, 25 keneta o ka i-a, o kuai no makou i keia
mau la no 7 i-a no $1.00
Papale Kula o na Kamalii .25
Na Kawele nunui, 2 no .25
Kakini eleele maikai .25
Na Papale i kahiko maikai ia $2.50
RUMI HANA LOLE MALUNA, HOLOKU etc. HANA KA OLUOLU LOA. E HOOPAA AKU NO MAKOU NO NA KUMUKUAI MALUNA NO 30 LA. NE KE DALA KUIKE WALE NO KEIA KUAI ANA.
C. J. FISHEL.
Ka makamua o na Hale lako o na Wahine, oia hoi ma alanui @@@@ a me H@@@le, kahi i hana@ ia ai na kuai @@opono a ano nui no hoi.
@@@-dt