Ka Leo o ka Lahui, Volume II, Number 276, 9 Kepakemapa 1891 — Page 3
| This text was transcribed by: | Melissa Eskaran |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HOALOHALOHA
Honolulu, Sept. 5, 1891
I ke Alii ka Moiwahine LILIUOKALANI!
O makou na Lala o ka Ahahui Hoonaauao Liliuokalani Mahele 2, ka Ahahui Au i kukulu ponoi ai, me ke kaumaha luuluu i ka ako e ia ana aku e ka make ma ke ahiahi o ka la 27 o Augate i hala, o ke kokoolua pili aloha Ou e ke Alii, o na makahiki loihi he iwakalua a oi o keia ola ana, Ka Mea Kiekie ke ‘Lii JOHN OWEN DOMINIS, ke Kane Keiki Alii.
Ke komo pu aku nei makou e auamo i na ehaeha Ou, me ka hooholo ana i ka makou pule i ko kakou Makua Lani e hoomama mai i Kou mau ehaeha.
Na ka Ahahui Hoonaauao Liliuokalani Mahele 2, ma o ko makou Komite ala. E ola loihi ka Moiwahine.
Mrs Kahuila Wilcox
Mrs Lahilahi Webb
Mrs Hattie Kawainui Komite
Mrs Maikai Kaleo
Miss Lokalia Anakolio
Haunaele Ewa i ka Moae
Ma ka auina la hoomalolo iho nei, ua olohani ae la na paahana o ka _______________ oiai, wahi a ko makou lohe, no ka like ole ka o ka mahele me ka hoohelu, oia ka ke kumu.
A mamuli o keia kukaehu ana o ua poe nei, ua kii ia ae la kekahi o ko makou mau hoaloha i mau paahana no lakou, a ua hoole ia aku.
E na hoaloha o ka pahi oi-lua, eia kekahi olelo kaulana loa o ko kakou nei ana; i alii no ke alii i na kanaka, a aohe hoi he hana nui i ke alu ia e na kanaka; aka hoi, ina ua pono ole na lawelawe ana a na paahana, alaila, ua nani no, oiai, oia ke kanawai o ke nele ana, aia no i kona manao.
Nolaila, e na hoaloha, pehea hoi keia?
Wahi hoi a Solomana, like ole ka manao, ke ole ke kukakuka, a makahewa hoi ka hana, ke kue ka mahiai. He oia mau kana olelo i na wa a pau, ina kakou a pau e hahai ana mahope ona, alaila, aole loa he mokuahana ana.
NA KULA
I ka wehe ia ana o ke kula o Alanui Papu, he 250 ka nui o na haumana, mai loko mai o ia huina, he 30 haumana hou.
O ke Kula Alii o Kehehuna, he 200 ka nui o na haumana, a me he la, ke pau pono keia pule, lihi launa, ke pau pono keia pule, lihi launa aku paha i kau wahi o ka 400 ka nui o na haumana.
Ke Kula o Kamehameha, he 100 ka nui o na haumana, he 25 i koe e kakali ia ala o ka hoea aku, a o ke kula o na opio, he 60 ka nui o na haumana.
Ma ka halekula kaikamahine o Kawaiahao, he 74 haumana i ka wehe ia ana o ke kula, aia ka palena i ka 130 haumana.
O ke kula o Punahou, he 74, mai na haumana nohopaa a na haumana ua hele la.
Ma ko kula hoomakaukau o Punahou, he 120 ke hui ia me na hau mana o ke kula nui o Punahou.
LAWE OLA
Ma ka hora 9:50 o ke kakahiaka Poakahi nei, ua kelepona ia mai la i Kalakaua Hale, e hai mai ana, ua lawe kekahi pukiki i kona ola, o Jno Onelis kona inoa, ma o kona lele ana iloko o ke kio wai o Alekoki. He mau makahiki loihi i hala ae nei, ua hoehaeha mau ia oia e ke kahi ano mai ola ole, me he mea ala, ua uluhua oia i ka hoehaeha mau ia o kona kino e kela ano mai, a oia paha kona kumu o ka lele ana iloko o ka wai, i pau ai kona ike ana i na ehaeha o keia ao.
Ua hoouna ia aku kekahi haole luu, a ua luu ia a loaa ke kino make o ua pukuku nei ilalo o ke kio wai, a ua hoihoi ia aku kona kino make ma ka hale o kona kaikuahine. Ua hala e aku kana wahine i ka make, a waiho iho la i ka laua poe keiki liilii he 4 ka nui. Aloha wale keiki i ka hala e na makua i ka make, aohe i ana no ka waiwai, no ka poe ilihune no.
Ua hoohui ia ma ka berita maemae o ka mare, o Mr. J. J. Egan me Miss Julia Paty, ma kahi noho o na makua o ka wahine, a ma ka la onehinei i haalele mai ai no ka hauoki o Kaleponi na mea i mare ia.
OLELO HOOLAHA
E ike auanei kanaka na a pau, eia ma ka pa aupuni o Makiki nei, kekahi lio. 1 lio wahine keokeo ki kokiko, 2 wawae mua paa i kapuai hao, hao kuni ano e. Lio k keokeo aole kuni. O ka mea nona keia lio, e pono oia e kii koke mai o hala auanei na la he 12, pau ia’u i ke kudala ia i ka la 19 o Sept, i ka hora 12 o ke awakea Poaono.
D. Kaoao
273-dtf Luna Pa Aupuni
HE ILIO PAE HEWA
Ua loaa ia’u ma ko’u wahi noho ma Peleula, ika la 20 o Aug, kekahi ilio opiopio; eia kona ano, eleele ka ihu, ulaula ke kino, keokeo na wahi wawae ai eha. O ko ona nana keia wahi ilio, e pono oia e kii koke mai, me ka uku pu mai i ko’u mau lilo o ka hoolaha ana, a me kuu malama ana iaia, a ina e hala na la he 15, e lilo loa no ia’u keia ilio.
Owau no me ka oiaio,
Moses Waakahuli
Peleula, a i ole, ma kahi kuai paka.
*1w d
HE HOOLAHA I KA AKEA
E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu, hu’i ke kino, aku iloko o ka iwi, eha o ke poo, ma’i wahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG PONG
Helu 40, Huina o na alanui Kamika me
Hotele, Honolulu, Oahu, Aug. 31 1y
OLELO HOOLAHA
Ua makemake ia i 50,000 kawowo Alani momona, aole e emi malalo o 6 iniha ke kiekie, a e uku ia no he 5 keneta o ke kumu hookahi. No na mea ae i koe; e pono e hele ae e kuka pu me Dilinahama.
B. F. DILINAHAMA
Luna Nui O. R. & L Co.
Honolulu, Aug. 24, ’91 265-d1m
OLELO HOOLAHA
Ua makaukau ka mea nona O inoa malalo iho, e hana i na Pna HAKU PUNA ELEELE a me ka pohaku e ae no na pa kupapau, a me na kahua kukulu kia hoomanae. O ka poe makemake e waiho mai i ka lakou mau kauoha me Ioane Akina.
J. BOWLER
Sept. 22, ’90 d-1y*
OLELO HOOLAHA
Eia ma ka Pa Aupuni o Makiki nei kekahi mau lio helehewa, lio w eleele kiko keokeo ma ka lae, hao kuni ano-e hema hope, lio w eleele elua wawae keokeo hope, hookahi wawae keokeo o mua hema, hao ku ni ano e hema hope, hao kuni III ak. hope, kiko keokeo ma ka lae; lio w ulaula, elua wawae keokeo hope, keokeo loihi ma ka lae, hao P ak hope hao III hema hope; lio w ulaula, hauliuli keokeo loihi ma ka lae, eha wawae keokeo, he mau hao kuni ano e ma ka aoao o na a-i. O ka mea a mau mea nona keia mau lio, e pono e kii koke mai o hala na la he 13, e kuai kudala aku no au ke hiki aku i ka la 22 o Augate, 1891, hora 12 awakea Poaono.
David Kaoao
256-dtf Luna Pa Aupuni.
Hoolaha Hookapu
Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a eoko ia e like me kekuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa,
MRS. C. I. HIRAM
Honolulu, Oahu, Oct. 8, 1890 3ms-d
OLELO HOOLAHA
E ike auanei na kanaka a pau, eia ma ka Pa Aupuni o Makiki nei, kekahi lio hele hewa, hookahi lio k ahinahina, 1 wawae keokeo hope hema, hao kuni ano e ma ka aoao hema, hao kuni hoi @ ma ke aoao akau hope, ekolu wawae ahinahina.
O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wa ma ka la 22 o Aug. M. H. 1891 awakea Poaono hora 12.
David Kaoao.
257 4ts-d* Luna Pa Aupuni
Aila Kuai
E LOAA NO MA KAHI O
J. F. COLBURN
(KEONI KOLOBANA)
Ma ke Kihi o na Alanui
Nuuanu me Moi.
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha,
J. F. COLBURN
Honolulu, Iulai 8, 1891 232 dtf
Hale Hana Wai
Momona
WAI-ANIANI
Sam. Lad me John Grace na Ona.
Ka poe wale no na lakou e hana nei NA WAI HOOMAEMAE KOKO KAULANA oia hoi ka
SASEPARILA
A ME KA
WAI-HAO
NA WAI MOMONA AWAPUHI,
SASEPARELA, LEMI, WAI
PIPII, SODAMAOLI,
SIDA KAMEPEA, ao.
Mutual @ - TELEPONA – Bell 29@
KUAI HOOPAU NUI
Mai keia manawa aku a hiki i ko Makou hoonee
ana aku iloko o ko makou
HALEKUAI HOU
Ma ke Alanui Papu, (NA HALE BURUA)
E hoolilo aku ana Makou i ko Makou waiwai a
pau o na ano Lole:
NA LOLE NANI,
NA LOLE KUMUIA
KAPU A ME PAPALE
PAHU LOLE, a pela aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d
HOOLAHA HOU
B. F. Ehlers & Co. – PAINAPA
HELU 99 Alanui Papu
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.
Owau me ka oiaio,
B. F. EHLERS & CO.
Poino i ka
Wai!
POINO I KA WAI!
E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.
N. S. SACHS
263-DTF. Honolulu
He Kuai Nui Hoopau aku
E HOOMAKA ANA I KEIA
POAONO, AUGATE 1, 1891
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko
Makou Pono, aka nou no
Papa Kumukuai no 30 La wale no:
200 paa lihilihi keokeo puka aniani .20
20 i-a Kalakoa maikai 1.00
12 keokeo 1 i-a laula 1.00
8 keokeo 1 i-a laula 1.00
159 kakini lakoke o na Kamalii (huluhulu) .@
93 kakini ka’o waihooluu o na wahine .95
Huluhulu no na paa lole kupono, .25 keneta o ka i-a, e kuai no makou i keia
mau la no 7 i-a no 1.00
Papale Kula o na Kamalii .25
Na Kawela nunui, 2 no. .25
Kakini eleele maikai .25
Na Papale i kahiko maikai ia 2.50
RUMI MANA LOLE MALUNA HOLOKU etc., HANA IA ME KAOLUOLU LOA. E HOOPAA AKU NO MAKOU NO NA KUMUKUAI MALUNA NO 30 LA. NO KE DALA KUIKE WALE NO KEIA KUAI ANA.
C. J. @
Ka makamua o@ Hale lako o na @ aia hoi ma @ a me Hotele, kahi i hanau ia ai na kuai hoopono a @ nui @.