Ka Leo o ka Lahui, Volume II, Number 268, 28 ʻAukake 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.         HONOLULU. AUGATE 28, 1891.   Helu 268

 

He Moolelo

No

KAMAPUAA.

 

KE KEIKI PUAA A KAHIKIULA ME HINA- KA MOOPUNA PUAA A KAMAUNUANIHO- KA HOA PAIO HOI O PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

 

O oe ia e Haunuu, e Haulani

E Haalokuloku

Ka Mano e ka I'a nui

E ui, e Uilani

Ko inoa Puaa ia e o mai.

 

Ae, pela ko'u manao i makemake ai, malia paha hoi o loaa ka'u mea i iini ai ma ou la, ke ike aku nei wau i kou kulana o ke kanaka ui a ka launa ole mai.

Ke loaa hoi ia'u kau mea i makemake nui ai, alaila, ua pono ka kaua hoaikane ana iho nei, a i loaa ole ia'u, alaila, ua waiwai ole ko'u lilo ana i aikane nau.

A heaha ia mea au i kuko ai a ko ole?

He mau wahine, o ke kaikuaana no a me kona kaikaina;  ua hookuli au i ko'u mau waiwai a pau loa, a noho ilihune wau, aole no i loaa ka hi o laua ia'u; in a no hoi la e halawai ana na laau iho, in a no la hoi ua ahona iki, he ole loa no.

Pane aku la o Kauapuaa ia Limaloa; ua ike no ka oe aohe loaa mai o ko laua mau kino, haawi wale aku la no ka oe i kou mau waiwai a pau; he nui no ka hoi kou naaupo e ke aikane, a loaa ole mai no ka hoi ka laua, o ka hookuli wa le aku la no kau i kou mau waiwai.

Aohe no hoi e nana aku ou mau maka, a ka wahine no hoi e ae mai ana i kou waiwai, he nani makepono hoi ia o ka haawi ana o kou waiwai, ua hui pu aku me na wai o Na malokama.

Ina pela ka loaa ole o kela mau wahine ia oe o kaua i ke kanaka waiwai, he ole loa aku ia'u, he kanaka ilihune wau o kaua.

He kanaka ui hoi oe o kaua. a'u e ike aku nei ia oe i keia wa in a owau a he wahine ui,  hiu ia oe e a'u a wela, a lawe no wau ia oe a lilo.

He manawa hooheno aka iho la ia o laua nei, i oi loa aku ka aka o laua; i ka olelo a kekahi, in a he wahine oia, in a no la ua pai ke oole'a.

He mau wahine ui no laua, wahi a ka ninau a Kamapuaa ia Limaloa.

Ae, wahi a Limaloa.

A owai ko laua mau inoa?

O kuikuilanahinahina, a me Kui kuilanahanahana. o na kaikuahine o Kanoiki, ke alii o Kauai nei.

A heaha ka hana a na alii o Kau ai, nei i keia wa?

He kaua ka hana i keia wa me na alii o Oahu i holo mai nei, oia hoi o Kahikiula a me Hina kana wahine, a me ka laua keiki, oia hoi o Kahikihonuakele.

Ua hnipu aku la kekahi mau alii a me kekahi hapa o ka lahui kanaka, ma ko Kahikiula ma aoao, a ua loaa ia lakou ka lanakila ma ke ka hua kaua.

! aku la o Kamapuaa ia Limaloa; aia mahea kahi o ua mau wahine nei au e hookuli nei?

Ei aku ma kela huli aku o keia pali e ku mai nei mamua o kaua, aia ma ke kahawai o Huleia aku nei, aia ilaila ko laua wahi nohe.

E hele hoi ha kaua ilaila, wahi a Kamapuaa i kana aikane ia Limaloa; no ka mea, o kona olu ia, o kona ike wale aku i na lihi wai o Punahoa.

Ua pii aku la laua ma ia pali, a iwaenakonu o ka pali, ua olokaa mai la kekahi mau luahine i ka pohaku maluna ponoi o laua nei, oiai o Kamapuaa ka mea mamua e pii aku nei, a o Limaloa aku mahope.

Like coke aku nei laua nei i ke kaa mai o keia pohaku maluna ponoi o laua nei, ua lalau ae la o Kamapuaa i kekahi pohaku, a onou aku la ma kahi a @a mau pohaku nei e kaa mai nei, a o ka paa aku la no ia o @a pohaku nei i olokaa mai ai.

Ia manawa i lalau aku ai o Kamapua i na mau luahine nei, a hoolei aku la i ka pali, a aia ia mau luahine he kino pohaku, ke kiai la ma Haulepu, a ka inoa o keia mau luahine, o Kiei a me Halo.

Hoomaka aku la laua nei e pii loa a kau iluna o ka pali i Kemamo, a eku aku la ke kino puaa o ua Kamapuaa nei i wai.

Oia ka loaa o ka wai o Kemamo a hiki i keia wa, a he wai makaikai nui ia hoi e na alii, a me na malihini no a pau o keia Paeaina.

Ua iho aku la o Kamapuaa ma ma kela aoao e nana la i ke kahawai o Huleia, a ike mai la hoi o Kalahoakai, ke kanaka nana i lawe ke kahi ope'a o Kamapuaa, ia laua nei. a pa mai la ka@a kahea ia laua nei; hele mai kakou maanei e noho ai, a mo'a ae ka i'a, alaila paina kakou.

Aole i pau.

He Moolelo Nanea.

NO

De Atanani.

Ke Koa o ka Lio Olohe,

A I OLE

NA KIAI EKOLU O FARANI.

A o ka loaa ana iaia he kahua oiaio maoli e hiki ai iaia ke hooia iho no keia mau olelo a ke Cadinela, oia ka ua moi nei i hooholo iho ai, e hele koke aku oia e ike i kana moiwahine mahope iho o ka pau ana o ka laua kamailio ana me ke Cadinela.

Nolaila, mahope iho o ka pau ana ae o ka laua kamailio ana me ke Cakinela, ku ae la ua moi nei iluna a hele aku la no ke keena o kana moiwahine, me na helehelena i hele a kunahihi me ka inaina a me ka huhu.

Ua hoopuiwa loa ia ka moiwahine. me ka haikea pu ana ae o kona mau helehelena, iaia i ike mai ai i na nanaina huhu o ka moi.

A i ka wa a ua moi nei i kamailio aku ai me @a huaolelo kakana o ka hoowahawaha, ua pane mai la ka moiwahine me keia mau olelo o ka wiwo ole.

E ke alii, aole oe i hoike pau mai nei i na huaolelo nano i hoouluku i ka wai ua lana malie o kou puuwai a aole no hoi i ka'u mau mea i nana aku ai ia oe.

Hoomaha iki iho la ka moiwahine me ka hanu nui ana, a liuliu, pane hou mai la oia:

Ano, e ha'i mai, heaha k@ karaima a'u i hana ai, o kela leta anei a'u i ko'u kaikunane?

No keia mau huaolelo a ka moiwahine, aole e hiki i ka moi ke pane aku, aka, o ka ua moi la i kamailio ae ai, oia no kona pane ana aku i kana moiwahine me keia mau huaolelo:

E ka madame, aia he mau la pokole i koe, a e hoea mai ana no ka la au i hoike aku ai ia oe, no ka wa e malama ia ai o kela anaina hulahula, e haawi ia ana hoi no kou hanohano.

A oiai hoi, o oe ka mea nona ka la hanohano, ua hauoli loa au e ike aku ia oe ma ua anaina la me @a pihi daimana e owaka ana maluna o kou mau aahu, ano e ka madame ua lohe aku la anei oe?

O keia mau huaolelo a ka moi. me he poka kila ala ia i ki ia aku i ka puuwai o ka moiwahine Ane. naka haalulu ae la ia me ka maka'u nui, iaia i hoomanao ae ai, aia he hopena weliweli ke uhai mai ana ma kona mau kapuai.

Nana mai la oia maluna o ka moi me ka maka'u nui a me ka hopohopo, aka, aole loa oia i pane mai i hookahi huaolelo.

No ka pane ole mai o ka moiwahine Ane no na olelo a ka moi, ua kamailio hou aku la ua moi nei me ka leo oolea:

Ua loe anei oe e ka madame. ua lohe anei oe no ka'u mau mea i kamailio aku nei ia oe?

Ae e ke alii, ua lohe au, wai a ka moiwahine i pane mai ai me ka leo haalulu.

E hiki ae ana oe ma kela aha hulahula?

Ae.

A me ke@a mau pihi daimana ke kahi e like mo ka'u i kamailio mua aku nei ia oe?

Ae.

Alaila, ua pau ae la, oia wale no ka'u mau mea i makemake ai e hoi ke aku ia oe.

Aka. o ka manawa hea ka manawa e malama ia ai o keia aha hulahula? wahi a ka moiwahine i ninau aku ai.

Aole i loihi loa, aka, aole e hiki ia'u ke ha'i aku i ka la, e ike au i ke Cadinela no ia mea.

Alaila, @a ke Cadinela ka i hoo kokono mai ia oe e hoala i keia aha hulahula? i ninau mai ai ka moiwahine.

Ae e ka madame, aka, no ke aha la oe i ninau mai ai ia'u no ia mea? wahi a ka moi.

Alaila, na ua Cadinela no anei i kauoha mai ia oe e hoea aku au ma kela anaina hulahula me kela mau pihi daima?

Ae e ka madame, a heaha iho la kau ninau no ia mea, in a na ke Cadinela, a i ole, na'u @aha i haawi na kauoha no keia aha hulahula! he mau hana karaima anei ia?

Aole e ke alii wahi a ka moiwahine.

Alaila, e hiki io ae ana oe? wahi a ka moi i ninau aku ai me ka leo oolea.

Ae, e hoea aku ana au e like me ka makemake o ka moi, wahi a ka moiwahine.

Ua haawi aku ka moi i na k@@@@@oo ana no kana moiwahine, alaila, huli ae la ia maluna o kona maa kapuai, a haalele iho la i ka moiwahine.

He Mau Aina Kahua, Hale, Halekuai a Mau Waiwai e ae.

Ua loaa mai ke kauoha ia'u e kuai kudala akea aku mai ko'u Keena Kudala. ma Alanui Moiwahine,

MA KA POAHA. AUGATE 13, HORA 12 AWAKEA.

I keia mau waiwai malalo ino:

HALE a me AINA ma ka aoao Komohana o Alanui Hotele a me Kekaulike, e pili la me ka waiwai o Mrs Mary Foster, a nona hoi ka ili o 1425 kuea kapuai me ke alo. 33 kapuai ma Alanui Hotele a me 34 1/2 kapuai ma Alanui Kekaulike; a me kekahi apana aina e holo ana i hope mai ke alanui aku. E hoolimalima ana ma ka mahina no $20. Aole he hoolimalima maluna o ka aina.

2. HE PA AINA e kokoke la ma ke Komohana o Alanui Alakea a me Moiwahine, he 3667, ka ili. Ua hoolimalima ia i ka Hui Hana Hao Union. no 15 ma kahiki mai Maraki 1, 1891, me ke kulea na hoolimalima no 15 hou aku makahi ki, ma ka uku kaokoa o $150 o ka maka hiki i ukuia ma ka hapaha. Na ka Hui Union e uku na lilo auhau aupuni a me auhau wai.

3. HE AINA ma PAUOA e waiho la ma ke Alanui Pauoa, kokoke i kahi o Keo Pu, 137, 100 eka. he kahua hale a me ke kahi mau aina lo'i ko keia aina. He ku lana hoi e ike pono ia ai ke kulanakauhale a me ka moana. Hoolimalimaia ia Tai Fook Co., (Yee Wo Chan, agena, no $100 o ka makahiki, ma ka hapa ma kahiki e uku mua ai. He 6 1/2 makahiki i koe o ka hoolimalima e paa ka la 1 o Iulai, 1891. Kala kuike ko na kuai ana a pau.

E ike ia no na kii o na aina a e loaa no hoi na hoakaka ana ma ko'u Keena Kudala, ma Alanui Moiwahine.

JAS. F. MORGAN

250 - 9tsd.                     Luna

Kauka Pake Akamai!

DR. LEONG KANG TONG

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

HE OLUOLU KA AUHAU.

KEENA OIHANA: Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.

HE PALAPALA HOOIA.

Honolulu, April 29, 1891.

Owau o Chu Sam Lau, no ke kulanakauhale o Honolulu, Mokupuni o Oahu Ko Haawaii Pae Aina. Ke hooia, a k@hooiaio aku nei au imua o k@ akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo hoi ma ka olelo kahiko. Ke noi aku nei au i ka poe a pau i @oohia me kela ano ma'i. e hele ae iaia, a e loaa no ke ola. Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana a keia ma'i i ko'u kino, aka, ma keia wa ua loaa ia'u ke ola maikai loa. E hele ae e ka p@@ i lu@luna kaumaha.

Mei 12, 1891. 1m.-d.

OLELO HOOLAHA

E ike auanei na kanaka a pau, eia ma ka Pa Aupuni o Makiki nei kekahi mau lio hele hewa; hookahi lio k. ulaula, elua wawae keokeo ma ka hema, hao-kuni A E ma ka hema, kiko keokeo ma ka lae; lio w. hulupala lae kea, elua wawae keokeo hope, hookahi wawae keokeo mua, hao-kuni N O ma ka aoao hema o ka a-i. O ka mea a mau mea paha nona keia mau lio e pono e kii koke mai. o hala auanei na la he 15. alaila. e kuai kudala aku no au ma ka la 22 o Augate. 1891, hora 12 awakea Poaono.

D. KAOAO.

282 - 3tsd.            Luna Pa Aupuni.