Ka Leo o ka Lahui, Volume II, Number 263, 21 ʻAukake 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

            I ka hora 6045 a.m., ua ike ia aku la kekahi lio e holo pupule ana ma alanui Moi, me kona hoolele pua ana i ka huila o ke kaa ana e kauo ana, o ka mea laki nae, aole i poino ke kaa, a me ka lio, ua paa e no i ka hopu ia ua kaa lawe ukana ala.

            Ma ka Hawaii Holomua i ike. iho ai makou i ka hoole ana o ka Moiwahine i ka mea i puka mai kona waha mai, ana hoi i koho ai i kinohi, i makia no kona Aupuni, oia hoi ka Hoopono. ua pau ka hoopono. a heaha akua auanei ua makia hou, o kahi ka i hoole ai ke Alii, malalo ae ka o Laie.

            O Laulau ana no me Hina opu halakoa ma ko luna o na kaa eha lio, ke hiki aku i ka la hanau o ke Alii; a o lakou ma hoi ko luna o na lio e hooanapuu a e hookikii ai. O kumulaau Inia, ka mea iaia ka Pu a Kiha ia la; a ma ka leo kani nakolokolo o keia pu, e hahai mai ai na Puali Hoohololio, a me kaa, me ko lakou mau aahu piha o ka holu a me na lipine melemele e welo ana i ke kumu huelo o na lio. Ina e holo ana na lio o oukou; mai poina i ke kaulona pono ana a kou oukou mau maka no ke kumu pepeiao o na lio, o puiwa auanei i ke kapalili o na lipine i ka makani.

 

He Moolelo

No

KAMAPUAA.

KE KEIKI PUAA A KAHIKIULA ME HINA – KA MOOPUNA PUAA A KAMAUNUANIHO – KA HOA PAIO HOI O PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

O oe ia e Haunuu, e Haulani

E Haalokuloku

Ka Mano e ka Iʻa nui

E ui, e Uilani

Ko inoa Puaa ia e o mai.

            E manao ana no paha oe i ka manao hoopaakiki, he mea ka aku ia hai i ka poino. aka, i ka oiwi no e like me oe aʻu e ike nei i keia wa.

            E hewa ole nae wau, i kini akua o ka po, ke ike mai ia kaua, no ka mea, ua kahea mua mai nei hoi wau ia oe, e ku iho, mai holo aku.

            Holo aku no oe make iaʻu, a ku iho oe ola, i loaa hoi he wa maikai no haua e kuka ai, ua pale ia ae nae hoi e oe ia olelo maikai a ka hoa.

            Hookuu mai nei oe i ko mama holo, alaa nae ka pilikia o ke kino la, - “Ua waiho i Kaea ka iwi o kamahele.”

            E aloha auanei oe e ke kino wailua o Limalo ilio, eia wau ke huli hoi nei me ke kino ola, a o oe hoi o kaua, e waiho ana kou kino make maanei; e moe Kau ana oe, a e moe Hooilo.

            Ia manawa i hooki ae ai o Kama puaa i kana mau huaolelo kaukau maluna o ke kino o ua ilio nei, a huli aku la oia hoi no ka hale o Kuolokele, me ka ike ole mai o Kuolokele i keia mau hana, mawaena hoi o Kamapuaa a me ka ilio.

            Ke manao la no o Kuolokele, aia no la o Kamapuaa i kai o Puuokapolei; eia ka auanei o Kamapuaa ke alualu la i ka ilio aihue, a hiki i ka loaa ana o ka ilio ia Kamapuaa, ua haalele mai ka hanu ola iloko o ka ilio.

            Ke hoi aku nei o Kamapuaa ma ke ala e hookokeke aku la i ka hale o Kuolokele, aole i nalowale iho ka ili o kanaka, ua hoea aku la oia ma waho o ka hale o Kuolokele.

            Oiai o Kuolokele, hoomakaukau ana e paina ma ia ahiahi. ku ana keia ma waho o ka puka e ka hale.

            I ka lohe ana o Kuolokele i keia halulu kapuai wawae kanaka mawaho, ua ninau koke aku la o Kuolokele me ka leo kanana o ka ona hale penei:

            Owai keia kapuai kanaka e halulu mai nei mawaho o ka hale?

            He kanaka. aole nae he kanaka e owau no o kau moopuna o Kamapuaa, e ku aku nei mawaho o ka hale.

            I kela manawa i lohe pono mai ai o Kuolokele i ka leo o kana moo puna o Kamapuaa, a kahea mai la oia me ka leo ohaoha o ke aloha; e komo mai maloko nei o ko hale, - a komo io aku la no hoi o Kamapuaa iloko o ka hale.

            Ua hoolilo iho la laua ia m@@awa i manawa haawi aloha mawaena o ka moopuna a me ke kupunakane, me ka piha hauoli hoi o Kuolokele i ko Kamapuaa hiki ana aku ma ia ahiahi.

            I mai la o Kuolokele ia Kamapuaa; mama no hoi oe i pii mai nei i keia kula loa; o ka pii maikai ana mai la no nae hoi keia au, ua malu malu ke kula, aohe pono i ke ao he wela ka ili i ka la.

            Ike wale nae hoi i ou mau kupuna, a me ko kaikuaana, wahi hou a Kuolokele.

            I aloha mai nei no nae lakou ia oe, wahi a Kamapuaa.

            Ae, aloha no hoi paha lakou e no ho mai la ia puu panoa.

            I aku la o Kamapuaa ia Kuolokele; aole no wau e kala i pii mai nei, mahope iho no o ke awakea au i pii mai nei, a ma keia uka aku nei la ko’u wahi i noho mai nei, a e like no hoi me ka’u i hoike mai ai ia oe i ke la onehinei, pela no wau i hopk@ mai nei; no kuu makemake loa e ike i ke ano o kela ilio aihue au i olele mai ai ia’u, a nolaila, ua ike io mai nei wau i ua ilio la, a ua pau hoi ko’u kuhihewa.

            I mai la o Kuolokele ia Kamapuaa; a ike io mai la oe i ke ano o ua ilio la. Ia nei iho nei no ua ilio la kahi i aihue iho nei. a i ko’u hoi ana mai nei i kauhale nei. ua hoomaka aku nei e h@l@ ua ilio la. aole i lo@a aku nei ia’u. ua alualu aku nei wau a hala loa ua ilio nei, nolaila, hoi okoa mai la wau, he hana anei ka kela ilio, he mau hana hoonaukiuki wale no.

            I aku la o Kamapuaa ia Kuolokele ua hoopau ia kou hoonaukiuki e pili ana i ka ilio.

            Pehea auanei e hoopau ia ai o ko’u naau hoonaukiuki i ka ilio? a o kai ala hana mau iho la no paha ia o ka aihue i ka’u mau mea ai.

            Olelo moakaka mai la o Kamapuaa ia Kuolokele. I ka wa a ua ilio nei i holo a@ nei, ua kahea aku wau i ua ilio nei e ku iho, a e halawai pu maua ma ke ano kuka ana hoi.

            Aole nae oi ala hoolohe mai i ka’u alelo kahea aku iaia, hoomaka no kela e holo me ka mama.

            A ma ia holo ana a ka ilio, me kona manao kuhihewa nui loa, aohe kanaka mama nana oia e alualu aku e loaa ai.

            Nolaila, ua alualu aku nei wau mahope o ua ilio la, a hiki i ke kahawai o Kaukaonahua, a ua holo aku nei ua ilio la i ke kuahiwi me kona mama nui. aka, ua lilo nae ia mama ona i mea ole, mamuli o kona holo pupule loa. ua pau loa ia kona aho, a ua holo oia a moe okoa i ke kula.

            I ko’u hiki ana aku i kahi a ua ilio nei e waiho ana, ua ike koke iho @@ wau i ke ano o ka ilio, ua lele loa kona hanu hope loa mai iaia aku.

Aole i pau.

 

OLELO HOOLAHA.

E ike auanei na kanaka a pau, eia ma ka Pa Aupuni o Makiki nei, kekahi lio hele hewa, hookahi lio k ahinahina. 1 wawae keokeo hope hema, hao kuni ano e ma ka aoao hema, hao kuni hou + ma ka aoao akau hope, ekolu wawae ahinahina.

            O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M. H. 1891 awakea Poaono hola 12.

David Kaoao

257 4ts-d* Luna Pa Aupuni.

 

Ai la Kuai.

            E LOAA NO MA KAHI O

J. F. COLBURN.

(KEONI KOLOBANA.)

Ma ke Kihi o na Alanui Nuuanu me Moi.

            E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.

            Ko oukou hoaloha,

J. F. COLBURN.

Honolulu, Iulai 8, 1891. 232 dtf

 

Hale Hana Wai Momona

WAI-ANIANI

Sam. Lad me John Grace na Ona.

Ka poe wale no na lakou e hana nei

NA WAI HOOMAEMAE KOKO KAULANA

oia hoi ka

SASEPARILA

A ME KA

WAI-HAO.

NA WAI MOMONA AWAPUHI, SASEPARELA, LEMI, WAI PIPII, SODAMAOLI, SIDA, KAMEPENA, &c.

Matuai 330-TELEPONA-Bell 20@

 

KUAI HOOPAU NUI.

Mai keia manawa aku a hiki i ko Makoa hoonee ana aku iloko o ko makou

HALEKUAI HOU

Ma ke Alanui Papu, -(NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE. a pela aku

Nolina Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.          tf-d.

 

HOOLAHA HOU

B.F. Ehlers & Co. –PAINAPA.

HELU 99 Alanul Papu.

IA OUKOU E NA MAKAMAKA A ME NA HOALOHA, OIAI HOI, UA

makaukau makou i ke kuai ana aku ia oukou i na lako lole wahine o na ano Steila a pau; oia hoi –

Na Silika hou  Na Sateen hou

Na Mikilima hou         Na Lihilihi hou

Na lihilhii keokeo hou Na Lihilihi kau lole hou

Na ano Mamalu hou loa          Na Paku Pukaaniani

Na lole hou o na wahine         Na lole o na keiki liilii.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.            Owau me ka oiaio,

tt          B. F. EHLERS & CO.

 

Poino i ka Wai!

POINO I KA WAI!

            E hoomaka ana keia mawaena o keia la-a me ka Poalua a hiki mai o keia pule ae, me ka nana ole ia e na lilo.

N. S. SACHS.

263-dtf.           Honolulu.

 

He Kuai Nui Hoopau aku.

E HOOMAKA ANA I KEIA

POAONO, AUGATE 1, 1891.

Ua Lilo ko makou Waiwai he mea Mohai wale!

Ua Hoemiia ke Kumukuai ilalo, aole i ko Makou Pono, aka nou no-

Papa Kumukuai no 30 La wale no:

200 paa lihilihi keokeo puka aniani     $@@.@0

20 i-a Kalakoa maikai 1.00

12 keokeo 1 i-a laula   1.00

8 keokeo 1 i-a laula     1.00

159 kakini lakeke o na Kamalii (huluhulu       .45

93 kakini ka e waihooluu o na wahine            .05

Huluhulu no na paa lele kupono, .25 keneta o ka i a, e kuai no makou i keia mau la no 7 i-a no       1.00

Papale Kula o na Kamalii        .25

Na Kawele nunui, 2 @o         .25

Kakini eleele maikai    .25

Na Papale i kahiko maikai ia   2.50

RUMI HANA LOLE MALUNA, HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO 3@ @@. NO KE @@@@KUIKE WALE NO KEIA KUAI ANA.

C. J. Fishel.

            Ka makamua o na Hale lako o na Wahine, oia hoi ma alanui P@p@ a me Hotele, kahi i hanau ia ai na kuai hoopono a ano nui no hoi.       @@@ @@