Ka Leo o ka Lahui, Volume II, Number 262, 19 August 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU, AUGATE 19, 1891.     Helu 262.

He Moolelo Kaao

---NO---

KANA.

KE AHI KANANA---KA HIA-

PAIOLE---KA MOOPUN AA

ULI---KA MEA NANA I

HOOHIOLO O HAUPUKE-

LE KA PUU KAUA I MO-

LOKAI.

A mahope aku, e hoi ana lakou a noho pu lakou iuka o ke kuahiwi, na makua a me na keiki, na moopuna hoi me ke kupunawahine, ke hiki mai ko lakou mau la palupalu, i nana aku, a nana mai, i ku ae ka pilikia o ko lakou noho ohana ana; e noho like ana, aohe pilikia oia, ua akoakoa na ohana a pau aia i ke alo.

A e hooko aku ana na makua i ka manao o ka laua keiki, mahope aku o keia mnawa o ko kakou moolelo.

Ua hoala hou ae la ua mau alii nei i ka lakou mauhana hou o luna e ka aina, oia hoi ka huliamahi ana o na alii, a me na makaainana he hana mahiai.

Kanu ke kalo, uala, maia, ko, ipukalai, ipuaiwaha, pu, a me kekahi mau mea kanu e ae.

Oia na hana nui o ko Hilo poe, iloko oia mau la, a ua ulu io mai la ka mea kanu a na alii i kanu ai, a me ka na makaainana, ua nui hewahewa a ka launu ole mai ka ai i kela wa.

Ua poho ka ai iwaena i kela wa, ua ai ke aiai, a haalele, a haawi okoa na ka holoholona e ai ka ai.

O na mea maikai a kela mau alii i hoala ai ka manao mahiai iwaena o na maakaainana, aohe o lakou pololi ai, hookahi wale no a lakou mea imi o ka i'a.

Pela iho la ka noho ana o na makaainana o Hilo i kela manawa, ua noho lakou me ka pumehana o ka lakou naau i ke aloha i ko lakou mau alii.

Ua lilo ia i mea kamailio nui ia e na kanaka, ka oluolu o ko lakou mau ahi, me ke aloha nui i na makaainaan, e ike ana i ke kanaka nui a hiki i ke kanaka iki.

Nolaila, ua kaulana ka moolelo o Hoakalani, a me kana alii kane, o Hakalanileo iwaena o ko laua mau makaainana.

He nui no hoi i nana i hapai ia e keia mau alii; he mau hana e hoo pomaikai ai i na kanaka oluna o ka aina.

Ua hoike aku laua i kekahi mau mea maikai imua o lakou, me ka i ana; auhea oukou e ko maua mau makaainana aloha, eia wale no ka maua kauoha ia oukou, e noho like oukou me ka oluolu o na manao, aole ke kue a me ka mokuahana.

Aka, e noho kuikahi oukou ma na ano a pau, aoel ke kipikipi, aole ka hakaka, aole ke kue, aole no hoi ka mokuahana.

E liek no me ko kakou noho like ana e noho nei, a pela no auanei oukou e noho aku ai ma keia mua aku, mali'a o hiki mai ko maua mau la palupalu, a elemakule paha alaila, e pau auanei ko kakou noho pu ana i kahi hookahi.

A oia auanei ko maua wa e hoi ai i ke kuahiwi, a noho pu me ka maua keiki, ke keiki hoi nana i hoopakele mai i ko'u ola, a oia hoi o Kana.

Aole maua e hiki e pale i kana olelo kauoha, ma kana olelo wale no maua e hoolohe ai; no ka mea, mai iaia mai i loaa mai ai ia'u keia hui ana o kakou.

O ka maua keiki o Niheu, a oia auanei ko oukou alii ma keia mua aku, ke pono no nae hoi kana hana ana, e like me ka maua hana ka na makua, a pela no auanei hoi oia e hoohalike ia ai.

Aka, i hana oia i ka mea i oi aku i ke kupono mamua o ka mea hiki i ka noho oluolu ana o ke alii me na makaainana, alaila, he hana hewa loa ia ana i hana ai imua o oukou na makaainana.

Aole no he hewa i na makaainana, ke hoopau ae i kona noho ahi ana, aka hoi, ina no hoi e like kon@ noho ana me maua na makua, alaila, aole hoi ana olelo ana, i hookahi no hoi wai o ka like.

O keia wale iho la no ka maua mau olelo ano nui i pahola aku nei imua o oukou e ko maua mau makaainana aloha nui.

Ua hooki iho la o Hoakalani i kana mapuna leo wai meli imua o na kanaka.

I mai la na kanaka i ua alii wahine nei; aole an ei makou e pono e noi aku i kou oluolu?  E kauoha iho oe ia niheu i ka olua keiki aloha, e hoike mai oia i kona manao ponoi imua o makou, o kona mau makaainana o keia mua aku.

Ae, he mea maikai ia, wahi a Hoakalani i pane mai ai i kona mau makaainana.

Nolaila, e na makamaka heluhelu o keia kaao. e waiho iki iho kaua i ka hoopanee loa ana aku imua no ka mea, e oiii aku ana oia ma ke kakahiaka o ka ia apopo.

 

Ma ka auina la o nehinei i pulelo aku ai ke keiki aukai Kinau no kona mau awa maa mau.

 

H. P. K. Malulani.

HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene au me ipo la, a ilamakua au i ka la'i@ Kuka@au ma ke aio o na pali  E ohiia no hoi na aie me ke ku i ka eleu a me ka puuhiohio.

 

He Moolelo Nanea.

NO

De Atanani.

Ke Koa o ka Lio

Olohe.

---A I OLE---

NA KIAI EKOLU

O FARANI.

Eia paha hoi iloko nei o Parisa ke Duke o Bakinehama?

Ae e ke alii! wahi a ke Cadinela i pane aku ai.

Alaila, heaha kana hana iloko nei o Parisa?

Aole i maopopo loa ia'u, wai a ke Cadinela, aka, he haupu wale no ko'u, eia oia ke hoolala nei i kekahi mau hana e h@olilo ia aku ai ke kuokoa o Farani nei iloko o k anoholima o ka poe pakaha a me ke kipi, a e ke alii, ua hoomaopono no anei oe no na olelo a kapena Terevila?
Na olelo hea la?

Na olelo no h@i ana i olelo iho nei, aia no he wa, a e poha ae no he leo no ke kukala kaua.

Ae e Roceliu, ke hoomaopopo ala au no ia mea.

Alaila e ke alii, aole oia ke kahua nui o ko ke Duke o Bakinehama hoea ana mai nei i Parisa nei?

Oia wale no anei ka misiona a keia Duke i hoea mai ai? wahi a ka moi me ka leo haalulu.

Aole e ke alii, aia he mau kumu lehulehu e ae no kekahi a ua Duke nei i hoea ma ai ma Parisa nei, a iloko o ia mau kumu lehulehu, o ka hana oi loa ana i hoao a@e hoohaahaa i kou nohoalii, oia no kona kipi ana mai ia oe.

Aha! e kipi mai ana ka oia ia'u? wahi a ka moi me ka nau iho o kona mau ku'i.

Ae e ke alii, ke ole au e kuhihewa, aia he mau la pokole ma keia mua aku, a e ike no oe no ia mea.  E haawi ana au i ko'u makaala ana a pau me ko'u ikaika, i kumu e loaa ai ia'u na hooia ana no ia mau lono, a'u h@i i lohe wale mai ai no.

I ka wa a ke Cadinela i hoopuka ae ai i kela mau huaolelo, kulana hope aku la ka m@i, me he la, ua ku aku oia i kekahi puupuu ikaika loa, a me na nanaina o ke pihoihoi nui, hoopuka mai la oia i na huaolelo penei:

e Roceliu, he oiaio anei ka'u mau mea e lohe nei mai kou mau lehulehu mai?

Ae e ke alii, a ina he oiaio ka'u maju mea i lohe ai mai ka madame de Lane mai, alaila, e hewa ole anei au ke olelo ae, ina aku na hana ku makaia o ke kipi a kikeke mai ma kou ipuka.

A e Roceliu! heaha ia mau lono a madame de Lane i hoike mai ai ia oe? wahi a ka moi Lui i ninau mai ai.

Ua hoike mai o madame de Lane ia'u, wahi a ke Cadinela, no ko ka moiwahine ala ana ma kela mau po aku nei i hala a aumoe loa, a ma ke kakahiaka ana ae, he mau helehelena kaumaha loa kona. o kona mau maka ua hele a upehupehu a e kakau ana oia he palapala.

Aha! he palapala ea! wahi a ka moi i hooho ae ai, e pono e loaa kela palapala ia'u!

Aka, pehea e loaa ai ia oe ua palapala ala, oiai, ua maopopo o ia oe a me a'u aole loa e hiki i kekahi o kaua ke hooko aku i kela misiona!  wahi a ke Cadinela i pane aku ai i ka moi.

Pela io no e Roceliu, aka, aole anei e hiki ia'u ke haawi aku i ke kauoha no ka huli ia ana o ka malu, a i ole ia, o kona kino paha? wahi a kamoi me kona inaina nui e @aka haalulu ana kona kino.

Alaila, owai ka puuwai koa i aa e hooko i ke kauoha? i ninau aku ai ke Cadinela.

O ka makuisa wahine Anacere! i pane mai ai ka moi.

A! o ka makuisa wahine Anacere ea?  Ha, ha, ha, he makuisa wale iho no ia, a o kona hoea ana aku imua o ke alo o ka moiwahine.  Ane, malalo o kau kauoha, aole anei ia he hoohaahaa ana i kou inoa e ke alii, oiai, o kau wahine, he koko alii kiekie loa ia no Auseturia, a he moiwahine hoi no Farani nei.

O keia mau huaolelo a ke Cadinela, ua hiki ole ia i ka moi ke pane koke mai, oiai ka inaina e noho alii ana maluna ona, a liuliu, pane hou mai ia oia:

Aole loa au e nana ana no kona kulana moiwahine, ina he mau hana kana o ke kumakaia.  e hoko ana au e like @ue ka hanohono o ka nohoalii o Farani nei, a e Roceliu, no ke aha la oe i haawi ole ai i ke kauoha no ka hopu ana i ke Duke o Bakinehama, oiai kona mau la ma Parisa nei, ina hoi paha, aohe he nui o ka hana.

Aole i pau.

He Mau Aina Kahua

Hale, Halekuai a

Mau Waiwai

e ae.

Ua loaa mai ke kauoha ia'u ke kuai kudala akea aku mai ko'u Keena Kudala, ma Alanui Moiwahine,

MA KA POAHA, AUGATE 13, HORA

12 AWAKEA.

I keia mau waiwai malalo ino:

HALE a me AINA---ma ka aoao Komohano o Alanui Hotle a me Kekaulike, e pili la me ka waiwai o Mrs. Mary Foster, a nona hoi ka ilo o 1425 kuea kapuai, me ke alo.  33 kapuai ma Alanui Hotele a me 34 1/2 kapuai ma Alanui Kekaulike; a me kekahi apana aina e holo ana i hope mai ke alanui aku.  E hoolimalima ana ma ka mahina no $20.  Aole he hoolimalima maluna o ka aina.

2.  HE PA AINA---e kokoke la ma ke Komohana o Alanui Alakea a me Moiwahine, he 3667, ka ili.  Ua hoolimalimaia i ka Hui Hana Hao Union, no 15 ma kahiki mai Maraki 1, 1891, me ke kulea na hoolimalima no 15 hou akju makahiki, ma ka uku kaokoa o $150 o ka maka hiki i ukuia ma ka hapaha.  Na ka Hui Union e uku na lilo auhau aupuni a me auhau wai.

3.  HE AINA ma PAUOA---e waiho la ma ke Alanui Pauoa, kokoke i kahi o KEO PU, 137,100 eka, he kahua hale a me ke kahi mau aina lo'i keia aina.  He ku lana hoi e ike pono ia ai ke kulanakauhale a me ka moena.  Hoolimalimaia ia Tai Fook Co., (Yee Wo Chan, agena.) no $100 o ka makahiki, ma ka hapa ma kahiki e uku mua ai.  He 6 1/2 makahiki i koe o ka hoolimalima e paa mai ka la i o Iulai, 1891.  Kala kuike ko na kuai ana a pau.

E ike ia no na kii o na aina a e loaa no hoi na hoakaka ana ma ko'u Keena Kudala, ma Alanui Moiwahine.

JAS. F. MORGAN.

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA

MA'I A PAU O KELA A ME KEIA

ANO, ME KA ELEU A ME KA

HOLOMUA.

HE OLUOLU KA AUHAU.

KEENA OIHANA:---Aia ma ka aoao ma Ewa iho o ka halekuai Puaa, e kuu nei ma ke kihi o na Alanui Kamika me Hotele.

HE PALAPALA HOOIA.

Honolulu, April 29, 1891.

Owau o Chu Sam Lau, no ke kulanakauhale o Honolulu, Mokupuni o Oahu Ko Hawaii Pae Aina.  Ke hooia, a ke hooiaio aku nei au imuao ke akea, ua ike au a na maopopo ia'u a ke haawi nei au i ko'u mahalu piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u mai'i he akepau, a he popo hoi ma ka olelo kahiko.  Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola.  Ua loaa au i keia ma'i mai ko'u wa opio loa mai a na  aneane he 4 makahiki o ka hoomailo ana a keia ma'i i ko'u kino aka, ma keia wa na loaa ia'u ke ola maikai loa.  E hele ae e ka poe luuluu a kau naha.

Mei 12, 1891.

OLELO HOOLAHA.

E ike auanei na kanaka a pau, eia ma ka Pa Aupuni o Makiki nei kekahi mau lio hele hew; hookahi lio k. ulaula, elua wawae keokeo ma ka hema, hao-kuni A E ma ka hema, kiko keokeo ma ka lae; lio w. hulupala lae kea, elua wawae keokeo hope, hookahi wawae keokeo mua, hao-kuni N O ma ka aoao hema o ka a-i.  O ka mea a mau mea paha nona keia mau lio e pono e kii koke mai, o hala auanei na la i e 15, alaila, e kuai kudala aku no au ma ka la 22 o Augate, 1891, hora 12 awakea Poaono.

D. KAOAO.

Luan Pa Aupuni.