Ka Leo o ka Lahui, Volume II, Number 259, 14 ʻAukake 1891 — Page 2

KA LEO O KA LAHUI.

"E Mau ke Ea o ka Aina i ka Pono."

 

 

MA KE KAUOHA

 

HOOLAHA OIHANA WAI.

Honolulu, June 22, 1891

 

            I kulike ai me ka Pauku 1, Mokuna XXVII o na Kanawai o 1886.

 

            O na mea a pau e lawe nei i ke kuleana wai a e hookaa nei paha i ka uku wai, ke hoomaopopo ia aku nei, o na uku @ no ka manawa e pau ana i Dekemaba 31, 1891, ua hiki a ua kupono e hookaa ia ma ke Keena o ka Oihana Wai, ma ka la 1 o Iulai, 1891.

 

            O na auhau wai a pau e waiho uku ole ana ke @mikumamalima la mahope iho @ ia wa, o paku@ @a aku ana no ke n@@i @a haneri keneta.

 

            O ka poe a pau e hookaa mai ana i ko lakou auhau wai e hoike pu mai i ko lakou likiki hope i uku ai.

 

            Ma ke Keena o ka Oihana Wai ma Kapuaiwa, e uku ia na aunau.

                                                                        JOHN C. WHITE.

Luna Hooponopono Oihana Wai

222   24ts

 

KUAI O KA HOOLIMALIMA O AINA

AUPUNI E WAIHO LA MAWAENA

O HUMUULA A ME

WAIPUNALEI, HILO,

HAWAII

 

            Ma ka Poaha, Augate 6, 1891, ma ka hora 12 awakea, ma ke komo’na alo o Aliiolani Hale, e kuai kudala ia aku ai ka hoolimalima o na aina aupuni e waiho la mawaena o Humuula a me Waipunalei, Hilo, Hawaii, nona ka ili he @75 eka, oi aku a emi mai paha,

            Ka manawa     he umi makahiki.

            Ka uku koho mua  $100 no ka makahiki e uku nina ia i ka hapa makahiki.

 

            Ua hoomoe ia ka manawa o ke kuai ana a hiki i ka Poaha, Sepatemaha 10, 1891, ma ia hora no a ma ia wahi no.

                                                                        C. N. Spencer

                                                                        Kuhina Kalaiaina

Keena Kalaiaina, Aug 6, 1891.                                                                                               td

 

            Ua hookohu ia aku i keia la o Mr. George Ross i hoa no ka Papa Alanui o ka Apana o Kona Akau, Mokupuni o Hawaii, ma kahi o James Chamlers i haalele mai,

            Penei iho la ka panoa e ku nei:

               C. M. Leman,         Luna Hoomalu

               W. G. Walker,

                Geo. Ross.

                                                                        C. N. Spencer,

                                                                        Kuhina Kalaiaina,

Keena Kalaiaina, aug, 1891                                                                                                    td

 

KUAI O KA HOOLIMALIMA O NA AINA AUPUNI

A PAU E WAIHO LA MALUNA O NA AINA PA HOME.

A MAWAENA O NA AINA O KALOKO, HALEOHIU

A ME KAUPULEHU, N. KONA, HAWAII

 

            Ma ka Poakolu, Augate 12, 1891, ma ka hora 12 awakea, e kuai kudala ia ai, ma hoolimalima o na aina aupuni a pau malana aku o na aina Pa Home a mawaena o na aina o Kaloko, Haleohiu a me Kaupulehu nona na eka 1160, oi aku a emi mai paha, Kona Akau, Hawaii.

 

            Na Kumu:  No 15 makahiki, he $60 ke koho mua no ka makahiki, e uku ia mamua ma ka hapa makahiki.

 

            Ua kuai ia na hoolimalima o keia mau nina me ke kuleana, ua hiki no i ke aupuni @ kekahi wa iloko o ka manawa o ka hoolimalima, ke komo, ke lawe nona ke hoolilo aku a pau a i kekahi mahele paha o ua aina la, no na mea e pili ana i ua pu Aina Home me ka hookuu ana o ke aupuni i na hoemi kupono mai ka uku hoolimalima.

                                                                        C. N. SPENCER,

                                                                        Kuhina Kalaiana.

Keena Kalaiaina, Iulai 11, ’91.                                                                       286 4 td.

 

KUAI HOOLIMALIMA O KA AINA

AUPUNI O KAAPOKO, APANA O

HILO HAWAII

 

            Ma ka Poakolu, Sepatemaba 6, 1891, ma ke ale iho o Aliiolani Hale, e kuai ia aku ana ma ke kudala akea ana ka noo@maluna o kela apaha aina aupuni o Kaapoko, e kokoke ana ma ke paa o ke alanui aupuni, Koko e ka apuna o Hilo, Hawaii.

 

            A o kona ili he 100 eka, a oi a emi mai paha.

 

            Ka manawa hoolimalima i koe he 10 makahiki.

 

            Keeau koho ma@ he $800, a e uku mua a ka hoolimalima i keia a me keia makahiki.

                                                                        C. N. SPENCER,

                                                                        Kuhina Kalaiana,

Keena Kalaiaina, Aug 8, 1891.                                                                       256 @d.

 

KA LEO O KA LAHUI.

 

JNO. E. BUSH

Lunahooponopono a me Puuku.

 

POALIMA, AUGATE 14, 1891.

 

E Pili ana i ke Kuikahi Panailike.

 

Eia ke waiho nei ka manao hooponopono hou i ko kakou Kuikahi, iloko o ka naau o na mahiko, a e hooponopono hou hoi a lilo i mea e hoopoino ai i ko kakou kuokoa, me ka lilo o na pono a pau i koe o ka aina, no ka poe waiwai a me na mahiko.

 

            Ua uwehe ia ae nei hoi ka uhi o na kumuhana a lakou i manao ai e hooko i keia mea, malalo o ka hoopau loa ana i na auhau dute, a e komo wale ka waiwai o na aina a elua iloko o ko kela a me keia aina.  Aia malalo o na aahu o ka panai piha keia poe e hoao nei e hooko i ka lakou mau hana.  O ka moolelo kumu o keia mau hana, mai ka 1889 mai no ia, i ka wa a ko kakou Kuhina ma Wasinetona i waiho aku ai i keia mau hana imua o ke aupuni o Amerika, a mahope mai ai, hoea mai oia ma Honolulu nei i ka malama o lune o ia makahiki no, me ke kope o keia kuikahi kaulana no keino “Kuikahi Elau pu,” i kakau ia ai ia wa maluna o ka pepa.  Eia no me kakou keia moolelo o keia mau la aku nei, aole i poina ia kakou.

 

            Aole kakou e hoopoina i ka paio ana o ka Aha Kuhine, me ka Moi Kalakaua ma kekahi aoao a me ka Loio Kuhina Akepoka, a o kona mau hoa Kuhina hoi ma kekani ao ao.  He oiaio no paha, mai ko no ka aoao o ka Aha Kuhina, e hookikina ana i ka Moi ia mau la, ina aole ke ku o ka Loio Kuhina mahope o ka aina, ka Lahui a me ka Moi.  No keia paio hahana a haule ai keia akua lapu aihue kuokoa o ka lahui, a makou i hoolaha akea ai, ua lilo he enemi o Mr. Akepoka no kona mau hoa Kuhina a me ka poe waiwai, mahiko, baneko a pela aku.  Ae, o keia ke kumu o ka paio ana o ka Aha iloko o ka Hale Ahaolelo i hala aku mahope, a haule ai ka Aha Kuhina o Daimana ma, me Kakina, a haalele wale mai ai hoi keia Akepoka.  O keia ka pau i puka pau mai ai na kipi ana a lakou, e hoonoho ia Liliuokalani ma kahi o kona Kaikunane Alii hala ole.

 

            Ua pomaikai ka lahui i ka hoohuli ia ana o ka naau o keia haole malihini i aloha io ia kakou, mamua o ka poe i hanau ia iolko o ka aina, e hana malu ana i kekahi kuikahi e kuai ana i ka pono o ka lehulehu i mau ai ka mana me lakou nei misionari ae, ma ka mana o na elau pu a ikaika o na koa o Amerika Huipuia.

 

            Ua makepono a pololei kela kuikahi poholalo, a ua kanu ia hoi me ka hakalia ole.  Aka, eia hou no nae na uhane ino o ka puali misionari ke hoala hou mai nei i ka mea i kanu ia, me ka hooko pono ole i ka maluhia o ka ilina o ka make.  Ua eli hou ia mai ua mea make la, a oia ke hoomoe ia nei ma kahi hoopumehana i loaa hou ai ka pumehana o na iwi koko a io ole o ke Kuikahi hoopaa mana no na mamno, a hoopau lanakila hoi o na Hawaii.

 

            E nana pono kakou i ke kumu maoii i makemake ia ai o keia kuikahi e ka poe nana e ake nui nei e houla hou mai, i ike pono ai kakou i ke pili a aole paha o na pomaikai o ia mea i ka lehulehu.

            Ke ole makou i apo hewa i ke ano o ka mea i makemake ia, ke i ni nei na aoao a elua e hoololi ia ke Kuikahi Panailike, a e hookomo ia na waiwai o na aoao a elua me ke dute ole.  Ma keia kuikahi panai piha, e haule ana kekahi haawina nui o ko kakou mau loaa aupuni, a o ka hope o ia, he auhau hoi maluna o kakou, ka poe uku pono e lawa ai ia makalua i hoopoho ia i mea e hoowaiwai ai i na mahiko a me ka poe mea dala, a kalepa hoi, oiai, aole o ka haule ana o na dute e emi mai ana na kumukuai o na aahu a me na mea ai o kakou.

 

            Heaha iho la ko kakou pomaikai ma e hookomo ia ana me ka auhau ole, @@ mea a pau mai Hawaii aku no na awa o Amerika.  E like me ia e ike ia nei, ua noa mua no ke dute maluna o na mea a pau, koe wale aku no ke kope a me ka huluhipa, a aole no paha he mea ano nui hou aku o keia hope e manao ia ana, ua noa mua ka pia, aila koli, maia, na huaai, na mea ai ulu, na ili pioi a me na holoholona a ae, raiki, pulu, hua kanu, mea kanu, mea hihi, kumulaau, malakeke a m@ aila i hoohehee ia.  Ma ke kanawai o Amerika wale iho no, ua komo wale ke kope, a aole hou ae he mea ulu o ka kakou aina i nele i ke komo noa, koe wale no ka hiluhipa.

 

            Nolaila, heaha hou aku ke kumu o keia ae wale ana aku no o Hawaii e hookomo wale mai me ka auhau ole i na mea a pau o Amerika, no keia wahi mea hookahi, a me ka loaa hou ole mai hoi o ke pani e hoopaa ai i ko kakou mau poho?  Heaha ka waiwai o keia hana ma ko kakou aoao, ina e hoonui ia aku ka helu o na waiwai komo wale ma ko kakou aoao, ina aole ia mea maa nei, a ina hoi maanei, aole he waiwai o ka hoouna ana ma na aina e?  He hookahi no pane.  Aole mao li no he wahi pomaika iki; aka he nui ka poino.

 

KA OULI O KA MANAWA.

 

            E na hoaloha, na makamaka, na hoe kuili o ka kakou kamalei wiao ole, KA LEO, ka mea hoi nana e hoike aku imua o oukou i na ouli o kela a me keia ano.

 

            Aole paha oukou i poina e na makamaka i ke ano o kela poo e kau ae la maluna, ma keia poe, ua ninau aku makou imua o ka lahui, heaha la na ouii o ka manawa e hoea mai ana?

 

            Nolaila, mamuli o keia ninau, ke hoike aku nei makou imua o ka lahui i na ouli o ka manawa i hoea mai, oia keia.

 

            Ma ka huakai kaapuni a ko kakou Moiwahine ia Oahu nei, ua halawai mai la oia me kekalu hlia i maopopo ole iaia e hoea mai ana, oiai hoi i ka po o Olokulua, ua hoea mai la ua ulia ala.

 

            Oiai ka Moiwahine Liliuokalani, na Keikialii Kawananakoa a me Kalanianaole, ka Puuku o ke alo alii, a me Keoni Kamaki, e holo ana maluna o kekapi kaa, e huki ia ana e na lio elua, i ka no i hoike ia maluna, e hoohele ia ana hoi ua kaa ala e kekahi Pukiki.  O keia @nakai alii, he hoohikiana aku ia i kauhale, na hu aku la nae ke kaa o ka Moiwahine a me na keiki alii i kula.

 

            Oiai nae ke kaa o ke alii e akali ia ana e kakahi o kona mau aliikoa oia o Kaahu, a i ka ike ana o keia koa i ke ano kupono ole o keia wahi a ke kaa o ke alii e holo nei, ua olelo mai la oia e ku ke kaa, oiai, aole he ike ia aku o ke alanui.

 

            Aka, ua pane koke aku la ka mea kaa i ke kalaiwa, e hookele aku malaila, oiai o ke alanui aku no ia.  A ua hooko aku la ke kalaiwa, aole i loaa elua anana ke kaawale mai kela wahi mai, ua oupe iho la ke kaa a oia ka wa o ka Moiwahine i pane ae ai, e huli ana kakou, aole i upu iho, ua huli i’o aku la no ke kaa, a paa ana lakou a pau iloko o ke kaa.

 

            O ke keiki alii Kalanianaole ma lalo, o ka makuahine Moi aku, o ke keiki alii Kawananakoa aku, a o Keoni Kamaki ua puka aku kona poo mawaho o ke kaa, a o ka Puuku hoi, aia no oia ma kekahi aoao.

 

            I ka ike ana o Kaahu i ka wala ana o ke kaa, oia kona wa i holo koke mai ai a paa i na lio, a mamuli o ka ulia laki, ua naha aku la ke pani o hope o ke kaa i ka hehi ia, a pela lakou ia lanakila ai.

 

            Aole nae he poino i loaa, i ka Moiwahine, ke keikialii Kawanakoa, Puuku, a me Keoni Kamaki, o ka mea wale no i loaa he wahi poino iki, o ke keikialii Kalanianaole, ua maui ia kona poehiwi hema aka, ua palekana nae.

 

            Ua lihaliha makou i ko makou lohe ana i keia uha poino i loaa ma ke alahele o ko kakou Moiwahine, a me na keikialii; a ua iilo hoi i mea e hookuihe ai i ko makou noonoo, oiai, mai papau na ‘Lii, he ino o Waialua.

 

            Nolaila, e ka lahui Hawaii, e akahi no a loaa ka puana a ka moe aka, he mea ehaeha nae na ulia o keia ano.  Oiai hoi, eia ko kakou makuahine alii iloko o na hoonipo ana a ka mai iaia, a ina paha e papal@a hou iho ua poino, pehea la oia, a me kona pokii a me ka lahui holookoa.

 

            Nolaila, e ka makuahine Moiwahine o keia lahui, e hoihoi pono ae ia oe a me kou lahui ponoi, iluna o ke kahua au i koho ai, oia hoi ka Hoopono, pela auanei ke Akua e kokua mai ai.

 

Ua Hoi Mai.

 

            Ua huli hoi mai nei ka huakai alii ma ke ahiahi o ka Poakolu nei, he maikai no ke ola o na mea a pau.

 

            Oiai ka Moiwahine, na keikialii, a me ka puuku i kau ai iluna o ke kaa alii, ua motio pololei ae la ko lakou alahele no ka home o ka Moiwahine Kanemake ma Honuakaha, ua launa na alii iloko o ka ehaeha, oiai hoi ka makuahine alii iloko o kona omaimai, a i kona lohe ana i na ulia i ili aku maluna o kana kaikamahine Moi a me na keiki alii, ua hiki ole iaia ke numi iho i ka ukana a ke aloha, oiai hoi ola e waiho ana ma kahi moe, na ka waimaka no e hele.

 

            Ua loaa pu ina lii a pau ia haawina hookahi a he mau kipono ia o ka ehaeha, a i ka ma o ana ae, na huli hoi aku la ka Moiwahine ne Wasinetona, e ike i na maka o kaea kane, oiai hoi kana alii kane e kali mai ana iaia.

 

            E na Luna Lawe papa o ka LEO O KA LAHUI, ke hai ia aku nei ka hohe ia oukou, ma ke mau helu koe o ka la 3 o Augate nei, oia hoi ka Poakahui mua, alala e pono e hoi hoi mai i keia keena.

 

OELELO HOOLAHA

 

E ike auanei na mea a pau owao o ka me nona ka inoa malalo iho, ke hoike nei penei:  O ka waiwai pa o Hulupii (k) a me ka waiwai o Puamana (k) i na ke no Honokua S. Kona Hawaii.  Nolaila o kela mau apana aina na lilo loa ia’o me ka’u dala ponoi ma o ka’u kuai ana aku i ke kaikakamahine ponoi a Hulu pii (k) a me Puamana (k) i make a o ka inoa o ua kaikamahine la a na mea i hoi ke ia ae la maluna o Pahupu (w) no Kea nae Koolau Maui a o keia Pahupu (w) ua kuai a hoolilo loa mai oia ia’u i kela mau apana aina i hoike ia ma ka inoa o kona mau makuakane a ua hoopili pa mai i kona sila i na dala he $30 a’u naa wi a hoopili pu aku i kona lima i ka la 7 o Mei A.D. 1891 ma Keanae; a o  keia mau apana aina i lilo mai nei ia’u me ka’u dala.  Na’u ponoi e uku nei ka ae hau kuke i na makahiki he 21 i hala a ma na ano a pau na lilo loa ia’u a owao no ka ona maluna oia mau waiwai paa.

Kou Oiaio;

            J. W. P. MILIKAA.

Honokua S. Kona Hawaii.                                                                              251 4tsd

 

OLELO HOOLAHA

 

 

            Eia ma ka Pa Aupuni o Makiki nei kekahi mau lio helehewa, lio w eleele kiko keokeo ma ka lae, hao kuni ano e hema hope, lio w eleele elua wawae keoekeo hope, hookahi wawae keokeo o mua hema, hao ku ni ano e hema hope, ha kuni III ak hope, kiko keokeo ma ka lae; lio w ulaula, elua wawai keokeo ho pe, keokeo loihi ma ka lae, ho P ak hope haoIII hema hope; lio w ulaula, hauliuli keokeo lohi ma ka lae, eha wawai keokeo, he mau hao kuni ano e ma ka aoao o na a i.  O ka mea a mau mea nona keia mau lio, e pono e kii koke mai o hala na la he 13, e kuai kudala aku no au ke hiki aku i ka la 22 o Augate, 1891, hora 12 awakea Poaono.

                                                                                                                        David Kaoao.

256 dtf.                                                                                                     Luna Pa Aupuni.

 

OLELO HOOLAHA.

 

            E ike auanei na kanaka a pau, eia ma ka Pa Aupuni o Makiki nei, kekahi mau lio wahine kikokiko keokeo, hao kuni, H ma ka uha hope hema.  Lio kane ulaula lokia elua wawae hope keokeo, lae kea, eha wawae paa i kamaa hao, haokuni, @, hema hope, hao kuni.  A k, hapala K, uha hope, akao.  Lio kane keokeokikokiko, hao XI aku Lio kane keokeo, ahinahina ka wawae a pau, hao JM, akau, O ka mea, a mau mea nona keia poe lio, e pono e kii koke mai, o hala na la he 12, 3 kuai kudala aku no au ke hiki aku i ka la 15 o Augate, 1891, ma ke awakea Poaono hora 12.   

                                                                                                            DAVID KAOAO,

Aug, 4, 35s d*.                                                                                   Luna Pa Aupuni.

 

NAWAHI HUNTSMAN

 

NA LOIO LAHUI!

 

            Ua makaukau maua e kokua aku i na poe o ka Lahui i hoohia ia e na pilikia kivila a hewa paha; a e  koi a e hoopii aku ma kekehi o ia mau ano imua o na Aha Kanawai, mamuli o na uku i aelike la.  Aia no ko maua keena Loio ma ke kihi akau o na alanui Moi a me alakea maloko o ke kulanakauhale o Honolulu.  Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.

 

            O na hana a na aina, mahele aina a me ke kaha ana e na kii a me na palapala aina a pau, ua waiho aku maua @@ ka Loea Ana Aina a Civila Enekinia kaulana R. W. WILIKOKI e lawelawe, a e hooko me ka eleu.

 

            No na mea i koe, e kipa mai no ma ko maua keena nei e kuku ou ai.  O mana no me ka aloha,

                        H. NAWAHI me D. L. HUNTSMAN.

Honolulu, June 3, 1891                                                                                   208 dtf

 

Hoolaha Hookapu.

 

            Ke hoike ia aku nei ka lohe i oa ano kanaka a pau loa.  Ua hookepu loa mana i ko maua mau Apana Aina ekohu i kapaia o Kalaheo, Kahaleuia a me Puuoihala, no lakou na eka 202 e waiho la ma ka Paa, Kailua, Koohaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o na mau Apana aina la, a o ka mea a mau mea paha e k@e aua i keia e hpou ia no e maua, a i ole ia, e ko maua mau hope paha a e hooko ia e like me ke kuhikuhi a ke kanawai.  O na poe a pau e makemake ana e komoiloko o keia Hui, i pono lakou e hele mai e hui pu me Mrs. C. I. HIRAM, a i ole ia, me @AY@@@, a i ole ia KUKA.

            Owau o me ka h@@i@a,

MRS. C. I. HIRAM.

Honolulu, Oahu, Oct. 8, 1891.                                                                       @@@ d.