Ka Leo o ka Lahui, Volume II, Number 259, 14 August 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II. HONOLULU, AUGATE 14, 1891. HELU 2@@

 

He Mooleloo

No

KAMAPUAA.

KE KEIKI PUAA A KAHIKIULA ME HINA--KA MOOPUNA PUAA A KAMANUAHIHO--KA HOA PAIO HOI O PELE KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

 

O oe ia e Haunuu, e Haulani

E Haalokuloku

Ka Mano e ka I'a nui

E ui, e Uilani

Ko inoa Puaa ia e o mai.

 

        A i ka wa hea o ka la e hiki mai ai o ua iho nei a ainue i na mea o kou hale?

        I ka auina la, e hele ae ana ka malu o ka la a uhi i ke kula o Oahunui, alaila, oia auanei ka wa o ua ilio la e hiki mai ai i ko'u hale, a oia no hoi ka wa a ka la e haalele pau iho ana i kona malamalama i ka uka o Halemano.

        Ke hoomanao ae la kou mea kakau, i na hooheno a kahiko e pili ana ia Halemano:

        "Hele hewa i ka nahele o Halemano

        I ka uka o Wahiawa."

        I ka maopopo ana ia Kamapuaa ka wa a kela ilio aihue i ka i'a a Kuolokele e hiki aku ma kona hale, olelo aku la oia i kona kupunakane penei:

        Mamua iho o kela wa o ka la apopo, e hiki mua ae ana au a noho ma ke kula o Lihue, ka mea i olelo ia e ka poe kahiko:

        "Pu-a o Lihue me Malamanui

        Ke kaena wale ala no ka manu o Halekii,

        Ke hoopapane la ia Hoolehua

        He nui konohiki a Oilowai

        A Kaikioe i lawe mai

        O ke kalana ka i lilo i ke kaeleloli

        E aloha e--"

        I aku la o Kamapuaa ia Kuolokele:

        E hoi oe ma ke kakahiaka o ka la apopo, a e hele no hoi oe i kau hana maa mau o ka mahiai, a e wa iho hemahema wale iho no oe i kau mau mea ai mawaho o ka hale, a i ka manawa au e ike mai ai, ua hoea mai ua ilio la, e hoi koke mai oe no ka hale, a oia kou, wa e alualu koke aku ai me kou ma@a nui.

        A e noho aku ana hei au me ka makaala nui ana no ua ilio kolohe nei.

        Mali'a oia ke oolea mama helo, hookahi wale no pakele o ia ilio, he hoea ole mai, a i ole paha ia, he ike mua nona ia'u, alaila, aole oia e hookokoke hou mai maanei.

        A ina he ike ole nona a hiki i ko hale, a lawe aihue mai i ko i'a e like me kou maa mau i ka hana kolo he a kela a kela ilio, alaila, e hoio ihu ole ana ia ilio i ke kula o Kanoenoe nei.

        Nolaila, e hookuu kaua ma keia wahi a hui hou aku kaua ma ka la apopo.

        Ia manawa i haawi ae ai laua i ke aloha mawaena o laua, a huli hoi aku la o Kamapuaa no kahi a kona kaikuaana e noho mai ana.

        A ma kona hoi ana aku me kela i'a hookahi ma kona lima, ua hiki aku ia oia i Puuokapolei, a hui aloha me kona hanau mua.

        A hana ino la oia i ka i'a hookahi ana i paa aku ai a mo'a, a haawi aku la oia i ka i'a i kona kaikuaana nana e ai

        He poi me kela i'a mo'a, a ai iho la kona hanau mua a maona, a auau iho la o Kekeleiaiku iaia iho, me ka hoomaemae ana i kona kino a maikai, a komo iho la i kona lole a paa kona kino.

        A i aku la o Kamapuaa ia Kekeleaiku, e puka aku kaua iwaho o ka hale, a e hele aku kaua e ike i ko kaua mau kupunawahine.

        Nolaila, wa ae mai la kona kaikuana i ka manao o kona kaikaina, a o kona ake nui no ia, o ka ike i ka maka o kona mau kupunawahine.

        A hele i'l aku la laua nei e ike i ko laua mau kupuna, a i ka hui po ana o na moopuna me na kupuna, he mea e ka nui o ke aloha o ko laua mau kupuna, i ko laua ike ana mai i ka maka o ka laua moopuna i make ai i ke kaawe i ke aloha i kona pokii.

        Ua lilo ia he manawa no lakou e hoonuu ai na lihilihi maka o lakou i kana ukana e haakokohi ana he waimaka.

        A he wa kupilikii no hoi ia o ka manao o na luahine, me he mea la, e kokoke ae ana e noha ko laua puu wai.

        Nohea aloha ole hoi, no ko lakou halawai pu ana he maka a he maka, he kino a he kino, a ua hele hoi a papale ke aloha moopuna maluna iho o ko laua, a ke naka haululu nei ko laua kino.

Aole i pau.

He Moolelo Kaao

N

KANA.

KE AHI KANANA--KA HIA PAIOLE--KA MOOPUNA A ULI--KA MEA NANA I HOOHIOLO O HAUPUKELE KA PUU KAUA I MOLOKAI.

        Me he mea la paha e olelo okoa ae ana no ua aliiwahine nei o Hilo, i na hooheno o kona aina hanau; a kaua no hoi paha ia e hooheno ae ai--

        Au ka umauma o Hilo i ka wai

        Lana ke ka wai Lehua o Leleiwi

        He iwi ka maka, he alele na ke aloha.

        A ma ka oili ana ae o ka hoku loa o ka wanaao, me he mea la e haawi mai ana i kona aloha kakahiaka i ke aliiwahine o Kauakanilehua.

        Ua hiki aku ko makou waa malalo pono iho e kela puu kaua, i ka wa poeleele no nae.

        Ia makou i pili pono aku ai, ua lele aku la na kanaka i uka o ka aina e hoopaa ai i ka waa o makou, a ua olelo mai la o Kapepeekanila ia'u e lele makou i uka o ka aina.

        Aole no wau i ae pono aku, aka nae, he mea makehewa wale iho no nae ia'u ke noho iluna o ka waa, no ka mea, ua piha loa ia wau i ka nololi, ua hele mai le o loko o'u i kela wa a aneane, me he mea la e kaili ae ana i ke aho.

        Ma ia mea i hoohelo iho ai kou manao, e aho wau e ae aku, e haawi pio ai'u iho, mamua o ko'u make ana, malia paha ma ia hana ana a'u , e loaa iki ai ia'u he loihi o na la o ko'u hanu ana i na ea hu'ihu'i o ke ao nei.

        Aole no o'u manaolana e loaa hou ana ia'u, he manawa e hui hou ai wau me oukou e o'u makaainana aloha.

        Eia ka auanei e hui hou ana kakou i keia la, e like me oukou e ike mai nei ia'u, a pela hoi wau e ike aku nei ia oukou.

        Aole nae ma na kumu e i hui hou ai kakou, aka, malalo nae ia o kahooikaika pauaho ole ana o ka'u mea aloha he kane.

         A oia no hoi oukou e ike mai nei iaia, e noho nei mako'u aoaa hema nei, ua huli ia e @ nei i ka@@kaika a puni o Hawaii nei, a @@ i @@@@ he koa ikaika.

        Aka nae hoi, na ke koa o n@ moku o Hamakua, i kuhikuhi mai i ke alahele e loaa ai o na koa ikaika ma ko ia nei aoao.

        Ua loaa io ke koa, aole no ia he koa e ae, aka, he hua no ia mai loke aku o ko maua puhaka aku, a he keiki hoi i hanau kupanaha ia mai e a'u.

        He kino kaula kona ano i hanau mai ai, a ua hoolei ia e maua iloko o ka puu opala, aole o maua hoomanao hou iaia he keiki na maua, a eia ka mea apiki:

        Ina paha e hoohalike mai ke keiki e like me ka maua hana, ka hoolei iaia me ka manao ole aku, ina la aole kakou e hui pu hou i keia wa.

        Aka, aole nae pela, i ka wa i lilo ai oia na Uli e hanai, kona kupuna wahine, ua kii aku no kona hanau maa'e noi aku ia Uli, no Kana e lilo i koa no ko lakou holo ana ae i Molokai e kaua ai me ke koa kaulana o luna o ka pua.

        Ua hooko ia ia manao a Hakalani leo i hoolala ai no ka huakai kaua, a ua holo pono kai nei apa na hana i hoohana ae nei.

        He mea oiaio, ua hiki i'o ae nei lakou nei i Molokai, a ia'u e moe ana i ke awakea o kekahi la, maloko o ka hale, ua pii ae ka'u keiki hiapou oia hoi o Niheu, a haawe mai la ia'u mai loko mai o ka hale.

        Oiai au a me kuu keiki e iho ana no lalo o ua puu la, a iwaenakonu paha o ka pali, ua ike mai la na kiu kiai o luna o ka puu, oia hoi na wahi manu o Kolea-kane a me Kolea wahine.

        Ua lele mai la lau e loaa maua e iho ana ilalo, o ko laua lalau iho iho la no ia i na wahi lauaoho mua o ke poo o Niheu, ia manawa i haalele mai ai ka'u keiki aloha ia'u, a o ko'u manawa no h@i i lilo hou aku ai i na manu, a hoihoi aku la ia'u iluna o ka puu.

        A ia'u e lawe hou ia ana no luna o ka puu, a i ko'u alawa hou ana mai i hope; aia hoi, ua ike mai la au i kuu keiki e kaa ana ilalo o ka pali.

        Iloko o kela manawa a'u i ike aku ai i ke keiki, ua hu mai la ko'u aloha a nui nona, ua maopopo no ia'u e make ana oia i kela wa; eia ka auanei e ola ana no--a oia no keia keiki aloha a maua e noho mai nei.

        He huakai manaonao, a mokumokuahua keia a u e huai pau aku nei ia oukou e o'u mau makaainana aloha.

        Ina Luna lawe pepa a pau o KA LEO, ke hoike ia aku nei ka lohe ia oukou, i na o ka lana, a mau luna pahao oukou he koena pepa kana o ka la 8 o Ione nei: e hoihoi mai i ke keena nei. Ma kekauoha.

H.P.K. Malulani.

HE LOIO a he hookapeke olelo @a ke Kanawai. E loaa no au mai k@ kai hawanawana o Kawaihae e ho@@ a@ me ipo la, a Hamakua au i ka @@@ o Kakaiau ma ke alo o na pali E o@@@@@ hoi na aie me ke ku i ka eleu a @@@ ka paahi@hi@@

Nov 8 @@@@@@

He Mau Aina Kahua Hale Halekuai a Mau Waiwai e ae.

        Ua loaa mai ke kauoha ia'u e ku@i kudala akea aku mai ko'u Keena Ku@@@ ma Alanui Moiwahine,

MA KA POAHA, AUGATE 13, HORA 12 AWAKEA.

I keIa mau waiwai malalo i@.

        HALE a me AINA--ma ka aoao Komoh@na o Alanui Hotele a me Kekaulike, @ pili la me ka waiwai o Mrs. Mary Foster, a nona hoi ka ili o 1425 kuea kap@@ me ke alo. 33 kapuai ma Alan@i Hotele a me 34 1/2 kapuai ma Alanui Kekaulike; a me kekahi apana aina e holo a@@@ i hope mai ke aianui aku. E hooli@@ lima ana ma ka mahina no $20. Aole @@hoolimalima maluna o ka aina.

        2. HE PA AINA--e kokoke la ma k@ Komohana o Alanui Alakea a me Mo@@@ hine he 3667, ka ili. Ua hoolimali@@ ia i ka Hui Hana Hao Union, no 15 @@ kahiki mai Maraki 1, 1891, me ke kule@na hoolimalima no 15 hon aku maka@ ki, ma ka uku kaokoa o $150 o ka ma@@ hiki i @kuia ma ka hapaha. Na ka H@@ Union e uku na lilo auhau aupuni a meauha@ wai.

        3. HE AINA ma PAUOA--e waiho la @@ ke Alanui Pauoa, kokoke i kahi o K@@ Pu, 137,100 eka, he kahua hale a me kekahi mau aina Io'i ko keia aina. He @@ lana hoi e ike pono ia ai ke kulanaka@hale a me ka moana. Hoolimalimaiea @ Tai Fook Co., (Yee Wo Chan, a@@@ no $100 o ka makahiki ma ka hapa @@ kahiki e uku mua ai. He 6 1/2 makahiki i koe o ka hoolimalima e paa mai ka @ l o Iulai, 1891. Kaia kuike ko na k@@@ ana a pau.

        E ike ia no na kii o na aina a e @@@ no hoi na hoakaka ana ma ko'u Kee@@ Kudala, ma Alanui Moiwahine.

JAS. F. MORGAN,

250-@@@sd l una

Kauka Pake Akamai!

Dr. LEONG KANG TOY@@

 

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

 

HE OLUOLU KA AUHAU.

        KEENA OHIANA: --Aia ma ka aoao ma Ewa iho o ka halekuai Puaa, e k@ nei ma ke kihi o na Alanui Kamika m@ Hotele.

HE PALAPALA HOOLA.

Honolulu, April @19, 1891.

        Owau o Chu Sau. Lau, no ke kulanakauhale o Honolulu, Mokupuni o Oahu Ko Haawaii Poe Aina. Ke hooia, a k@ hooiaio aku nei au imua o ke kea, @a ike au a na maopopo ia'u a ke haawi nei au i ko'u mahalo piha ia Kauka Leon@ Kang Tong e noho nei ma Alanui Hotele Honolulu, no ka mea, ua lapaau oia ia @ an na ola au mamuli o kana au @awe@we akahele ana, oiai o ko'u ma'i he akepau. a he popo hoi ma ka olelo kahiko. Ke noi aku nei au i ka poe a pau i leohia me kela ano mai'i, e hele ae iaia, a e loa@ no ke ola. Ua loaa au i keia ma'i ma i ko'u wa opio loa mai, a ua aneane he @ makahiki o ka hoomailo ana a keia ma@ i ko'u kon@ aka, ma keia wa na loaa ia @ ke ola maikai loa. E hele ae e ka @@ i m@@@ a kau @aha.

Mei 12, 1891. Im@@.

OLELO HOOLAHA.

        E ike auanei na kanaka a pau. eia ma ka Pa Aupuni o Makiki nei kekahi mau lio hele hewa; hookahi lio k. ulaula. elua wawae keokeoma ka hema, hao kuni, AE ma ka hema, kiko keokeo ma ka lae; lio w, hulupala la@ kea, elua wawae keokeo hope, hookahi wawae keokeo mua, ha@ kuni NO ma ka aoai hema o ka @i. O ka m@u a mau mea paha nona keia mau lio e p@@ @ kii @oke mai, o hala auanei na la @e 15. alaila, e kuai ke@@la aku n@ au ma ka la 22 o Augate, 18@@, hora 12 awakea Poaono.

@ KAOAO.

282-3@sd. Luna Pa Aupun@