Ka Leo o ka Lahui, Volume II, Number 256, 11 August 1891 — Page 3
| This text was transcribed by: | Kahanu |
| This work is dedicated to: | NĀ KĀNAKA HAWAIʻI |
KA LEO O KA LAHUI.
"E Mau ke Ea o ka Aina i ka Pono."
HE KAAWAI HOU
I ka hora 4 o ka auina la Poaono iho nei na hoao ia iho la ke kaawai Helu 1 hou mai nei ma ke kihi o na alanui Kalepa a me Kaahumanu a ua ike ia ka holopono o na mea hana, a me ka ikaika o ka wai ke lele, koiuiu maoli no ke nana ae. Mahope iho ua lawe ia aku la ua kaa nei ma alanui Nuuanu, makai mai o ka Nokina. I ka hoao ana ma ia wahi ua ike ia aku ka hele palalulu o ka wai ke hele ala ia a pau ole i ke kaohi mai i kau a mea o ka pipii ma ke ana waimahu. He kaawai ano hou keia, a he maemae maoli no ma na ano a pau. Aka ma ka olelo a kahi poe ike wiliki ina o ka palena pau iho la no ia o kona ikaika hoohana e like me ia i hoohana ia iho la i ka Poaono iho nei alaila, he mea kanalua no lakou ka i ana ae, na ka Helu Ekahi ka eha; in a he oiaio keia lohe; alaila o ka makou wale no e i ae ai: Pehea oe e ka Helu Elua? Ei ae ka mea ai la—hamu ia ae i eha no iaia i ka hookuukuu ia aku @i@ mai oe a wela, lawe mai no a lilo ka wai, he hoaa kona hope. A ua haʻi ia mai ia makou, i ka la e puka hou mai ai keia Helu Ekahi e paikau e oili pulelo pu aku ana ke ahi o Kamaile, oia hoi ke kaawai Helu Eha, e kilohi, e makaikai, e halo, e nana, e ike i ka oiaio a me ka ole; e hoao i ka wai lele o Niagara he ole ka lohe pepeiao: nawai la o laua ka eha, na iala paha, na ia nei paha.
HE ALOHA NO KAPIOLANI HOME
I ka Lunahooponopono o KA LEO Welina pu kaua: E oluolu oe e kuene iho ma kahi kaawale o kou kino aho nui i kela mau hua e kau ae la maluna ka home aʻu i noho ai no elua mahina me 25 la a haalele aku la au i kona mau paia eehia a ke aloha i noho ai ua hanai mai oia iaʻu a ua lawa ma na ono a pau a no ka makuahine hoi o ka home nona wau e poina ole ai aole no paha ona lua iwaena o na Hawaii a me na hapa haole aohe kunukunu a hookae hoi ua hiipoi o Mrs. N. A. Lemon ia makou e like me kana poe keiki ponoi, a oi aku no paha aole i hoowahawaha i kekahi a aloha hoi i kahi, he maikai wale no na mea a pau iaia, ua hana o Mrs. M. A. Lemon me ka maemae a me ke ahonui i ka hana a na ʻLii he puuwai hamama hoi kona i na mea a pau a ua kupono keia mau lalani mele no Mrs. Lemona a makou hoi e hooheno ae nei penei:
Ahonui wale ka pua o ka ahihi
E maiau ia mai la e ke Kamakahala
Ka uka o Nuuanu e lohia mai la e ka ua
Mikioi @@a i ka pua o ke kawelu
No ke kauka hoi o ka home, he olu waipaha a he nui no hoi kana mau hana noeau akamai loa i hoohana mai ia makou na maʻi me ka palanehe o na lawelawe ana a ua kupono maoli no i ka Hui Hooulu a Hoola Lahui ke pulama mai ia Kauka. Wahie no ka home, he hoike au no na hana maikai a keia kauka a me ka makuahine o ka home e pehea la ka hoike a koʻu mau hoa o na home ala a ke aloha i noho ai me na keiki oniu hua kepau koʻu anoai—A-e anoai no oe e ka lele.
MRS. S. I. MAIKAI
Aug 10, 180@
ABIGAILA KALANIKUIKAPOOLOKU I NALOHIA AKU NEI KONA MAU-HIOHIO-NA WAIPAHE AUWE LUULUU WALE
O Kelii, noho ia Makuahineopalaka w, hanau o Kukailani k; o Ku noho ia Kaohukiokalani w, hanau o Makaualii w; o Maka noho ia Kapukaanola, hanau o Iwikauikaua k; o Iwi noho ia Keakamahana, hanau o Keakealani w; o Kea noho ia Kanaloaikauilewa puka o Keawe k; o Keawe k noho ia Lonomaaikanaka w, hanau o Kalaninuiamaomao, ka mua he keiki kaou a o Kauhiokeka he wahine; o Kauhiokeka noho noho hou aku nei i ka makuakane ia Keawe, hanau o Kekaulike w ka mua, a o Kaiwaokalani a o Kaoo k; o Kekaulike w, noho ia Kalaninuiamamao k, hanau o Keawemauwili k; o Kaulike no noho hou ia Kepoomahoe k, he ʻlii no loko o ka nalu. Nalu hoohua, nalu hoomanamana.
Ka leo o ke kahuna ke pane ae i kona nani o ka malie; paihi ka lani aohe leia ae, leia ua ua ole ia ka po, hoi ke ao a ke kuahiwi, hoi ka makani a kumukahi, hoi ka malie ka opua i Awalau, hoi ka ua a Maheleana—hanau o Kalanikauleleieiwi w; o Ka - noho ia Kanekoa, hanau o Poomaikelani; o Poo- noho ia Laakea k, hanau o Kuhio k, ka mua, a o Ulualoha k ka muli o Ulualoha noho ia Kekumualii kaikainalii hanau o Kepoookalani w, Kalanikuikapooloku w. O keia Kalanikuikapooloku, he mau moopuna kana e ola nei a oia wale no hoi ka mea i koe nana e hoolaha aku i kona kuamoo alii.
Ke ahua a kapu a mano
Ka hoolaha mea maikai o Halao
Ka uhaʻi lala kapu o Kanoena
Nana i lou na pua i ka lahoa
Ka ulu kaa-kolu i ka wekiu alii
Ke ʻlii ia nana e hinu ke kai
Ka nalu ia nana e poʻi ke kohola
Ka wahine ia nana e hee ka pana
Kai hee-nalu kakala komo i ka hua
Kalaninuiaiapo ae ka wahine
Nana i komo ka ale ka huʻa o ke kai
Ke kai lumilumi haki kea o Noelani
Kai hee kukala i kaa ole ka pahu
Iho honua i ka wekeweke
I ka wele puu, i ka aaka i ka hale loka
I ka paaoao ka hulili ako ka nalu alii
I kipapa iloko o ka huʻa kai nua.
Hoouluhola iloko o ka hale
Make kakala, make alo ka nail
Owili ia ka papa i hala ka ako
Hoea mai ka papa i pae i ka puku
O ka papa o Umi o ka hoolulu o Mahi
Paa ke kulana pae ka nalu ohu
O ka nalu oili na o ka ualena
O ke akamai nana e hee ka opuu
O ke kulana imi ikea ole ia
He @mi ke kulana he omolewa ka nalu
He lele waa ka pae e-
Ike oe i kela kaihee hanawa
Kaihee o ke kai hoe o ke kai loa
I hooke iloko o na huʻa nui
Makolukolu i ka huakai alii
Popoʻi Kapukini i ka huʻa kai awaawa
Ka pupu au awa molea o ka waha
Mulemulea awaawahia ia I
Manalo ole ia Keakamahana
Ka haku piha awaawahia ke mulea
A oi paia i ke kawai alii
E manalonalo ai ke kapu o I
O I @ makua ka po hele mai
Ke ku maopopo nei no mahi
Ke hoololohe nei i ka mele o I
Ka apu ii o na ʻlii nui
I hoao iloko o ke paa alii
O ka ipu peekue i maaoanea
I apiki ia a i ako a makolu
Makolu i ka wahine kuku hoopai moku
O Kalaninuikaielike ka wahine
Ike oe i ke kuku o Waauloa
Kiina ae la e mahi e ke kaele
E ka loli kumoena halau
He halau keakaka mahana
Kamahana kiʻo wai alii
I kumano ia a hohoma
Haki ke kaupale wai i ka pahihi
Ka halukuluku wai alii iloko o Laieikawai
O kulu mai ka wai puka o Laie
Kaikamahine a ka Waiolomea
I moe aloha ia Aiwohikupua
Nona ke ano—eia ke ano nei i Puuloa
O au ke ʻlii nona ia inoa
O Puuloa nui kai anoano
Kai weliweli a ka malihini
I aiwaiwa i ke awalau
Heia a e la a nahae
Nahaehae ka mano o Honouliuli
O ko aina awa kinikini
E helu oe a molowa
He lau ke awa o Hoaeae
He aina apa i ka malihini
Kuhi mai la ka uka o Manana
He waa e amo ana iluna
Aole e holo ana i ke kai ia waa
Hele i ke kulakula
E maalo i ke kula pili
Ia kai makaea i ka makani
E a ka maunu paakea
I wili ia no a moeoula ka wai o ka Huawa
He waiwai ka ke kanaka o ka manao
Ua ipu makau ea ia e noho nei noho la—
Noho ke kini o Ewa kakali i ka lai
Kakali aku o ka lai a ka maunu
I malie loaa ka la ke ohi
He iʻa nene iiikapu na ke kupa
E papa ia mai ana ka malihini
Mai walaau oe o Makani ia Iʻa
A hiki mai ka makani o ka moae
He makani kuehu lepo ia no Ewa
Kuehu aku la puia ka maka o ke kai
Ea loa no mai o aenei
Ula mai Ewa a ka lala hoano e—
E-o e—
HE ANAINA HOOMANA MA BRITS HALE
O na Halawai i malama mau ia iho nei ma Ariona Hale, ua uwai ia ae nei ma Brits Hale, ma ke kihi o na alanui Moi a me Kamika. E hoomaka ana ma na Lapule a pau ke anaina haipule i ka hora 10, o ka haiolelo ana i ka hora 11, mao ka mahele olelo la a i ka hora 7 ahiahi no na mea a pau i lohe i ka olelo haole. Luakahiko A. Haws.
Hale Hana Wai Momona
WAI-ANIANI
Sam. Lad me John Grace na Ona
Ka poe wale no na lakou e hana nei
NA WAI HOOMAEMAE KOKO KAULANA oia hoi ka
SASEPARILA A ME KA WAI-HAO
NA WAI MOMONA AWAPUHI
SASEPARELA LE@I WAI
PIPII SODAMAOLI SIDA KAMEPENA
Mu@aal 330 TELEPONA-Bell 29S
E hooia ia ana ka maemae o na wai a pau. E hookoia no na kauoha a pau loa mai na Mokupuni mai a me i o ke kulanakauhale nei. 231 @yd
KUAI HOOPAU NUI
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu,—(NA HALE BURUA.
E hoolilo aku ana Makou i ko Makou waiwai a pau o na ano Lole.
NA LOLE NANI
NA LOLE I HUMUIA
KAPU A ME PAPALE
PAHU LOLE, a pela aku
No na Uku Hooemi Loa Nae
Egan & Gunn
ALANUI MOI kokoke i ke ALANUI PAPU
HOOLAHA HOU
B. F. Ehlers & Co—PAINAPA
HELU 99 Alanui Papu
IA OUKOU E NA MAKAMAKA A ME NA HOALOHA, OIAI HOI UA makaukau makou i ke kuai ana aku ia oukou i na lako lole wahine o na ano @@ la a pau; oia hoi—
Na Silika hou Na Sateen hou
Na Mikilima hou Na Lihilihi hou
Na Lihilihi keokeo hou Na Lihilihi kau lole hou
Na ano Mamalu hou loa Na Paku Pukaaniani
Na lole hou o na wahine Na lole o na keiki liilii
Na lole o kela a me keia ano e loaa no ia oukou no na kumukuai haahaa loa.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio.
B. F. EHIERS & CO.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka, nou no
Papa Kumukuai no 30 La wale no:
200 paa lihilihi keokeo puka aniani $.90
20 i-a Kalakoa maikai 1.00
12 keokeo 1 i-a laula 1.00
8 keokeo 1 i-a laula 1.00
159 kakini lakeke o na Kamalii (huluhulu .45
93 kakini kaʻe waihooluu o na wahine .05
Huluhulu no na paa lole kupono, 25 keneta o ka i a, e kuai no makou i keia mau la no 7 i-a no 1.00
Papale Kula o na Kamalii .25
Na Kawele nunui, 2 na .25
Kakini eleele maikai .25
Na Papale i kahiko maikai ia 2.50
RUMI HANA LOLE MALUNA, HOLOKU etc. HANA IA ME KA OLUOLU LOA. E HOOIʻAA AKU NO MAKOU NO NA KUMUKUAI MALUNA NO 30 LA. NO KE DALA KUIKE WALE NO KEIA KUAI ANA.
C. J. Fishel.
Ka makamua o na Hale lako o na Wahine, oia hoi na alanui Papu a me Hotele kahi i hanau ia ai na kuai hoopono a ano nui no hoi.
KUAI HOOPOHO NUI.
MA KAHI O
104, alanui Papu N.S.SACH.Honolulu H.I.
E HOOMAKA ANA
POAKAHI AUG.10.1891.
NO ELUA PULE WALA NO KEIA KUAI ANA
IA WA E HOOLILO IA AKU AI NA WAIWAI A PAU O KA HALEKUAI LILO MUA. HE MAU KUAI OIAIO, AOLE HAMABAGA.
He oiaio ka makou e olelo aku la, he hookahi no a makou kuai nui ana o ka makahiki, a ia manawa makou e hoemi ai i ke kumukuai o na mea a pau iloko o na pule elua. Aole makou e nonoi aku ana i ola no ka makou mea kuai e makemake ana makou e hoonui iho i na waiwai a e loaa hoi ko makou kumuiho ma ke dala kuike.
KA OI KEIA O NA KUAI ANA I HOIKE IA AKU.
Kalakoa maikai loa, 20 ia $1.00
Keokeo halena 20 i-a 1.00
Keokeo halena 1 i-a laula, 12 i a 1.90
Keokeo maoli, maikai, 1 i-a laula, @@ i-a 1.00
Lole Kin@@@u Papamu, hoemi ia ha 10 i-a no 1.00
Keokeo Papamu a kakauloloa, 7 i-a no 1.00
Satina, hoemi ia o hookahi i a no .@@
Huluhipa Kakauloloa 10 i-a 1.00
Na Uhimaka Varikine o i-a 1.00
Kakimia eleele, hoemi ia o hookahi i-a no .40 keneta
Siikia eleele lau, hoemi ia a ka hookahi ia no 1.00
Lilina haleua 6 i-a no 1.00
Lakeke o Kamaliikane .@@
Paku Puka aniani lihilihim 10 i a 1.00
Nahenahe Vi@@@@@, 8 i-a o ka ap hoemi ia a ke @@
Na hainaka Waihooluu o kaʻekaʻe no ke kakini @@
Muumuu o na @@@@ he emi loa, he 25 keneta
Na Pelekoki o ka hale pihapiha he @@@ neta
Na Kaliki he $1.00 @uamua, na hoemi la i keia manawa a ka @@
Na Lole Kina@@@, he 25 keneta
Na Lole Keokeo, he 50 keneta
Paku makika, 90 iniha ka laula, he 10@ i a o ka apa 1.76
Kihei uhimoe keokeo, kaʻa kuuwela, he 1 dala me .25 keneta
Kakini maikai o na keiki ma ka paa, he .25 keneta
Na palemaʻi kane, he 5 no 1 dala
Na Palule i aiana ole ia he 50 keneta
He mau Kuai makepono loa ana ua Papale Wahine a @ Keiki Na Papale Seia o ua Le@e, na hoemi ia a 90 keneta. Na Papale hele kula o na Keiki ma@@@@ o na Kumu lilo. E HOOMANAO! E HOOMANAO!
Eha pa@@ wale no kela ma@ @@@ukea 2 @ @@@. N. N@ACHS.