Ka Leo o ka Lahui, Volume II, Number 253, 6 ʻAukake 1891 — Page 1
| This text was transcribed by: | Naomi Ajello |
| This work is dedicated to: | to my Hawaii Hamachi Ohana |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU, AUGATE 6, 1891 Helu 253.
---------------------------------------------------
He Mooleleo Kaao
---NO---
KANA.
------
KE AHI KANANA—KA HIAPPAIOLE---KA MOOPUNA A ULI---KA MEA NANA I HOOHIOLO O KAUPUKELE KA PUU KAUA I MOLOKAI.
---------------
I aku la o Kana i ua puhi nei; pela iho la e ike ia ai ko kaua ikaika, iloko o ke aki e hakaka ai, uika nei o ka aina e hakaka ai, i ike ia ko kaua ikaika e na kanaka, aole paha iloko o ke kai, a na na i’a hoi e ike mai i ko kaua ikaika.
I mai la ka puhi;pela ko’u manao, no ka mea, o kahi ia i kupono i ko’u kino aole o uka mei o ka aina maloo.
Pane hou aku la o Kana i ka puhi; pehea no hoi, o kahi hapa o ko kaua mau kino iloko o ke kai, a o kekahi hapa i uka nei o ka aina, me ia mea e ike ia ai na keikikane o kaua.
I mai la ua puhi nei ia Kana; ua pono ia manao ou e kuu hoa palealea, e aho e hooko a@u wau i kou makemake, malia o olelo iho oe ilo ko ouo, i make oe ia’u, i ke kaa i ko’u kihapai oloko o ke kai, a ina paha i ka aina maloo, alaila, ike po no ia la paha na keikikane o kaua.
Me keia kuka maikai ana o laua, ua hooholo iho la laua i ko laua wa eu hakaka ai.
Mai la ua puhi nei; e aho ea, o kekahi hapa o kuu kino iloko o ke kai, a o kekahi hapa iuka nei o ka aina maloo.
Ua pono ia manao ou e kuu hoa, i hakalia wale mai no ia oe i ke kamailio.
Ua hakaka io iho la laua me ka kaika nui, ua wili mai la ka hi’u o ka puhi i ke kino o Kana, e like me kona manao e lanakila maluna o kona hoa paio.
Aka, ua lilo no nae ia manao kuhihewa o ua puhi nei, i moehane palaualelo imua o kona hoa haka.
Ke nahu mai la na niho oi wakawaka o ua puhi nei i ke kino oolea o Kana, me kona manao e pau kona hoa i ka weluwelu liilii iaia, aka aole nae i manuheu ke keiki a Hoa kalani, laua o Hakalanileo.
Hookahi wale no wahi a Kana e ku ai, a ke hoopuni nei kona hoa hakaka iaia, me ka manao e hoohina ilalo, aole nae i hina o Kana.
Ua noke ia e laua he mau la, a he mau po, a i ko laua luhi ana, ua hoomakaiho la laua.
I ka luhi ana o ka puhi, ua huli ae la oia a olelo aku la ia Kana: owau wale no ka keia e noke aku nei ia oe, a aohe hoi ou hana mai ia’u, oia paha ke kumu o ko’u luhi loa.
I aku la o Kana i ua puhi nei; heaha hoi ka pilikia, i hookahi hoi aoao kana o kaua, o oe no hoi; ina no hoi o ko’u make ia ie, alaila, o kou pomaikai no hoi ia,a loaa no hoi ka lanakila ma koua aoao, alaila e ku no hoi kau kaena ana, no ka mea ua ikaika oe.
A ina ka hoi aole ouo ikaika, a kaa ka lanakila ma ko’u aoao, a o ko’u pomaikai no hoi ia; a i kaa no hoi ka lanakila la ole ma ko’u aoao, alaila, no’u no hoi ia.
Nolaila, e hana oe ma na ano a pau ia’u, ina e manao oe malaila kou ikaika.
Aia a olelo mai oe ia’u, o kau wale no koe e hana mai ai maluna o’u; alaila, e ike auanei oe, o ko’u wa ia e hoohana aku ai i na i’o huki o ko’u mau lima waikani, a ia wa auanei oe e pauaho mai ai i ka la i ka mea mahana, e hoike aku wau ia oe i ko’u kulana.
Owau ke koa i holo mai nei e kaua me ke koa nui oluna o ka puu o Haupukele, oia hoi o Kapepeekauila, a ma ia mau hooili kaua ana a makou, ua poina wau i ka la mua o ke kaua ana, e ma ka ia hope mai, ua lilo lakkou i moe puu na ka make manaonao.
A pela wau e olelo ae ai, o oe aku paha ananei ko lakouo pani hakahaka ma ia makalua.
Ia manawa, ke hoolohe mai la kona hoa hakaka, i na olela akena a Kana.
Aole no i maopopo i ua puhi nei, u ahee ka puu kaua o Haupu iaia nei,ua hee ka puu kana o Kaupu iaia nei, a ua luku ia hoi ka poe o lina o ka puu, a me ko lakou koa ikaika.
Ina i lohe pono na puhi nei, a i ole u aike paha ua puhi nei, ua ma ke io no ka puu kana i kona hoa hakaka, ina la aole e aa aku e hakaka, ina ua haawi pio mua loa la kaka, ina ua haawi pio mua loa la oia i kauwa lawelawe ma Kana, aka na hoopouli ia mai kona noonoo.
I aku la o Kana i ua puhi nei; o ka’u kino i hanau ia mai ai e ko’u makuahine, he kino kaula, a ua hoo lei ia wau e koo’u mau makua, a na ko’u kupunawahine i hanai ia’u, o ka inoa o ko’u mau maka, o Hoku laua o Mahealani, i o’u mau maka no oe weliweli.
Aole i pau.
------------------------------------------
KO HILO MAU ANOAI.
--------
Ma ka la 31 o Iulai i hala, ua ma lama ae na wahine o Hilo nei, ma Waiakea a hiki i Pahoehoe, he halawai hoomanao no ia la, e like me ka hana mau iloko o na makahiki loihi i hala, maloko o ka luakini o Haili.
Ua kahiko ia na kaikamahine a me na wahine i ka aahu hau o Maunakea a me Heremona, i kip@na ia hoi e na Iipine si@ika e kikepa ana ma na oiwi i hele wale a hoohuelo i ka makani. He mau himeni ka i oli ia mai e ko Puueo mau hapuu, a mahope, ua lulu dala na wahine, a o ka huina dala i loaa, ua $200 a oi. Mahope @ ka hookuu ana o na ha@a, naue aku la ka huakai ma ka hale paina i hoomakaukau ia, a ilaila kahi i holu ai i ka ono a ke kuke a piha @a @okeo. A ma ke ahiahi o ia la, he hole lio ka kekahi mau wahine me na pa-u ula, no lakou na eheu ka@i e kamaula, no lakoju na eheu kani e kamailio ana me ka makani ma ke kikala o na lio.
Ia’u e makaikai aku nei i keia mau lealea o ka la, a na aoao waliwali e kaulani mai la iluna o na lio, hu wale mai la no ke alohoa a hoaleale i ke kaha o Kaunalewa, no ka hoomanao ana ae i na la opio o ua taona nei, i kela ponaha one a waiho leo ole mai la, kahi a ma kapuai lio o ia mau la e paani me na pa-u o ke ano like me ko keia la 31 ae la, a na ui hoi o ia mau la e hookahakaha ai, no lakou na inoa i poina ole ia’u, ua hala aku lakou a pau me ka walohia.
Wahi mai a ke Komite o na makaainana o Olau, Puna, ua ae ia mai no lakou i 500 eka ma ka hoolimalima, a i 30 makahiki ka manawa, a he elua me ka hapalua dala ko ka eka. Aole nae i maopoopo i ke komite, no ka eka paha ia auhau i ka makahiki, no na makahiki paha he 30. Ina no na makahiki he4 30 ia auhau, alaila, ua maopopo ke aloha kanaka o ka Moiwahine.
Aka, ina no ka makahiki hookahi no ia auhau o ka eka. Alaila, ua like me ka hoonaaikola i ua wahi kanaka maoli o Olaa.
He Palapala i ke Kuhina.
Mai Honolulu mai ,makou o Hilo mei i lohe iho la, ua hoouna palapala aku kekahi mau haole o Hilo nei i ke kuhina Kalaiaina, e nonoi ana , e hoonoho ia kela haole luna nui mua iho nei, i noho poo ai no ka hoohana ana i ke alanui Kaluaopele, a me kekahi inooa iho, alua inoa i waih ia aku i luna nui no ka hoohana hou ana aku i ua alanui la.
Mamauli o ka eleu o ko makou makamaka opio H. Wesst, na hna koke no oia i kekahi palapala o ia ano hookahi ma ke ahiahi o ka Poaha Iulai 30, ana no i ka mai ai ma ke Kinau a hele no e kakauinoa iwaena o na kanaka, i keie mau la elua o ka Poalima a me ka Poaono, (ma ka helu hoololi), a ua loaa na inoa he 230 a oi. O kana mau inoa e waiho aku imua o ke Kuhina Kalaiaina, oia o John Moore a me D. Kamai, Eia mai oia me kana pala@ala, ke hoi aku la no Honolulu me ke Kinau.
Kanilehua.
Hilo, Augate 2, 1891.
---------------------------
I ks ls 11 o keia mahina e haale le iho ai ka mokuahi Zelandia i ke ia awa a holo aku no Kaleponi.
-----------------------------
KA HOME A KE ALOHA.
---------
Nani waler kuu home ku kilakila
I ka ulu wehiwehi o na pua
Hookahi pua oi ma kuu home
O ka p@ melia lei onaona
Onaona na maka o kuu makua
I ka noho i ka malu lau ohai
Eia au la ko lei mamo
Malale o ka mana o ka Papa Olu
He aloha e ka leo o kau m@
I ke kaukau mai me ka waimaka
Mehe ‘la a-e i mai ana ia’u
He aloha kuu hoapili o ka hale
Kuu hoa i ka hale lana i ke kai
I ke kai malihini o Kawaihae
Kau aku ka manao no Waimea
E ike i ka ua kipuu@
Alo aku o ke anu a o Mana
E kilohi i ka nanai o Maunakea
Ilaila makou i luana ai
Me o’u kupuna a i hala aku
Haina ia mai ana ka puana
He aloha pau ole no huu home.
Miss Kaiwaokalani.
Kalihi, July 14, 1891
--------------------------------------------
OLELO HOOLAHA.
E ike auanei na kanaka a pau, eia ma ka Pa Aupuni o Makiki nei kekahi mau lio hele hewa; hookahi lio k. ulaula, elua wawae keokeo ma ka hema, hao-kuui A E ma ka hena, kiko keokeo ma ka lae; ;op w/ Hulupala lae kea, elua wawae keokeo hope, hookahi wawae keokeo mua. Hao-kuni N O ma ka aoao hema o ka a-i. O ka mea a mau mea paha nona keia kau lio e pono e kii koke mai, o hela auanei na la he 15, alaila, e kuai kudala aku no au ma ka la 22 o Augate, 1891, hora 12 awaka Poaono.
D. KAOAO.
282 –3tsd. Luna Pa Aupuni.
-------------------------------------------
OLELO HOOLAHA.
E ike auanei na akanaka a pau eie ma ka Pa Aupuni o Makiki, kekahi mau lio elua. Keokeo eha wawe paa i kapuai hao, hao kuni ano e. Lio kaulaula, elua wawaae keokeo ma ka hema, hao A. E. lio k@ahinahina elua wawae keokeo hope, hao kuni eno@e hema. O ka mea a mau mea paha nona keia mau lio, e pono e kii koke mai o hala na la he 13, alaila, e kuai kudala aku no au ma ka la l@o Augate, 1891, hora 12 awakea Poaono.
David Kaoao.
Luna Pa Aupuni.
Iulai 22, 1891. 242 3td.
----------------------------------------------
OLELO HOOLAHA.
E ike auanei na kanaka a pau eia ma ka Pa Aupuni o Makiki, kekahi mau lio elua. Keokeo eha wawae paa i kapuai hao, hao kuni ano e. Lio k@ulaula, elua wawae keokeo ma ka hema, hao A. E. lio k@ahinahina elua wawae keokeo hope, hao numi ano e hema. O ka mea a mau mea paha hona keia mau lio, e pono e kii koke mai o hala na la he 13, alaila, e kuai kudala aku no au ma ka la l@o Augagte, 1891, hora 12 awakea Poaono.
David Kaoao.
Luna Pa Aupuni.
Iulai 22, 1891. 242-3td.
-----------------------------------------------
Kauka Pake Akami!
DR. LOENG KANG TONG.
MAKAUKAU OIA E LAPAAU I NA MA’U A PAU O KELA A ME KEIA ANO, ME KA ELEU A ME KA HOLOMUA.
HE OLUOLU KA AUHAU.
Keena oihana:--Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.
HE PALAPALA HOOIA.
Honolulu, April 29, 1891.
Owau o Chu Sam Lau, no ke kulanakauhale o Honolulu, Mokupuni o Oahu Ko Haawi Pae Aina. Ke hooia, a ke hooiaio kau nei au imua a ke akea, ua ike au a ua maopopo ia’u a ke haawi nei au i ko’u mahalo piha @aKauka Leon Kang Tong e noho nei ma Alanui Hotele Honolulu, no ka mea, ua lapaau oia ia’u a ua ola au mamuli o kana mau lawelawe akahele ana, oiai o ko’u @na’i he kaupau, a he popo hoi ma ka olelo kahiko. Ke noi aku nei au i ka poe a pau i loohia me kela ano ma’i, a ua aneane he @ makahiki o ka hoomailo ana a keia ma’u i ko’u kino, aka, ma keia wa ua loaa ia’u ke ola maikai loa. E hele ae e ka uoe i luuluu a kau maha.
Mei 12, 1891 1m.d.
-------------------------------------------------------
Na Hui Kinipopo.
------------
Iulai 25 Kamehameha vs. Honolulu
Aug. 1 Hawaii vs Honolulu
“ 8 Kamehameha vs Hawaii
“ 15 Kamehameha vs Honolulu
“ 22 Honolulu vs Hawaii
“ 29 Kamehameha vs Hawaii
------------------------------------------------------
Olelo Hoolaha.
Ua makaukau ka mea nona O@, @ iho, e h@ i na Pua @NAKU PUNA ELEELE a me ka pohaku @ no @ pa lu@, a me na ka@ ua kukulo kia-hoomanao. O ka poe makemake e wiho mai i ka lakou mau kauoha me Ioane Akina.
J. BOWLER.
Sept. 22, 1890. D—1y.
-----------------------------------------------
H. P. K. Malulani.
HE LOIO a he hookapeke olelo ma ke Kanawai. E loaa ao au mai ke kai hawanawana o Kawihae, e hoene au me iop la, a Hamakua au i ka la’i o Kakaiau ma ke alo o na pali. K@ ohiia no hoi n aaie me ke ku i ka eleu a me ka puahiohie. Nov 8, ’90. d—1y
-------------------------------------------------
HOOLAHA KAI KOKOHIKI.
Ke pa leo aku nei ke Konohiki o Waialaee i kona mau hoa kiha a me na hoaai@a o k@ Aina, ua hooimalima aku @a i ke kai ikeia manawa, a ua hookapa iho oia i ka hee nona iho, a nolaila, k@ poloai aku nei oia e ike a hoomaopopo i keia leo la. Owau no.
3ms-d. PAULO ISENBERG.
-----------------------------------------------
HE KUAI MAKEPONO.
I keia la 13, e kaai aku ana na mea hona na inoa malalo iho i pa waiwai o ke laua halekuai ma ke kumukuai makepono oa, i ike ole ia ka lua ma keia kaona. No elua pule wale no, mamua o ko maua nee ana aku. O na ano waiwai a pau, he mau waiwai hou loa, a me na ano o na ppaikini o k@la, a me keia ano o na keonimana. Na hulu, na Papale, Papale kapa, na nikini o na Lede, i kinohinahi ia me na ano like ole. EGAN & GUNN
July 113, 1891. 235-tfd.
--------------------------------------------------
Hoolaha Hookapu.
Ke hoike ia aku nei ka lohe i na anokanaka a pau loa. Ua hookapu loa mana i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiha la ma ka Paa, Kaulua Hoolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o keia a me keia ano, aole a hokuu wale ia maluna p ia mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau ope paha, a e hooko i ae like me ke kuhikuhi a ke kanawai. O na poe a pau e makemake ana e kono iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i oleia KUKA.
Owau no me ka haahaa.
MRS. C. I. HIRAM.
Honolulu, oOakhu, Oct. , 1890. 3m@-d.
----------------------------------------------
OLELO HOOLAHA.
1. E ike auanei na me a paa, eia ma ka Pa Aupuni o Makiki nei kekahi lio k, keoeko kikokiko kua nalo huelo poomuku hoailona kuai ano-e ak@ uha hope.
2. Lio k. Ulaula hauliuli kiko keekeo ma ka lae e 2 wawae keokeo hope hookahi wawae keokeo mua hema kiko keokeo ma ke kua aole hoaiiona kuni.
3. Lio k. Ulaula lae-kea elua wawae keoeko hope 2 wawe eleelemua hoailona juni ano-e ak@uha hope.
4. Lio w. ulaula kiko @ekeo ma ka lae kikokiko keokeo ma ke kua 4 wawae eleele hoailona kuni C. J. aka aia ma ka aoao akau o ka ai.
5. Lio w. ulaula lae-kea 4 wawae eleele huela poomuku hoailona kuni ano-e ak@ uha hope.
O ka mea a mau mea paha hoaa keia mau lio e pono e kii koke mai ina aole e kiikoke mai a hala na la he 15, alaila, e kuai kudala aku no wau ma ka la 18 o Iulai M. H. 1891 awakea Poaono hola 12.
David Kaoao.
231 6ts-d. Luna Pa Aupuni.