Ka Leo o ka Lahui, Volume II, Number 246, 28 July 1891 — HE MA'I ANO HOU. [ARTICLE]
HE MA'I ANO HOU.
E na hoa'loha, na makamaka, na kini no a pauu mai Hawaii a Kauai. Ke hoike aku nei makou, oia ke pahola mai nei keia ano ma'i hou
oia hoi, he nahu ma ka opu a huai ma ke kua, he naha, mu'e ka waha, ono ole ka ai, a pela 'ku. Na ouli o kona hoea ana mai. He wela ma na maka, he anu maluna o ke poo, he umii ma ka iwi aoao, a ina e loaa kekahi i keia ano ma'i, e kii aku i laau i ka Papa Ola, oia hoi, paakai hoonaha, aila, lupepa hoolualua'i, alaila, e inu i ka paakai, a i ole ia, aila paha, mahope aku ka lupepa luai, me ka malama loa i ke anu, a aole hoi e inu nui i ka wai huihui. O keia mau loina a pau na makou keia, aole na ka Papa Ola, e like no me ko makou aloha ia kakou Hawaii, pela makou e hoike aku nei i keia ano ma'i hou i ola honua, aole o ke kali a make aku alaila hoike ae, he naaupo ia, e lawe i ka olelo kaulana o kou aina e ka Hawaii, "iluna no kaua, waele e no ke pulu."