Ka Leo o ka Lahui, Volume II, Number 243, 23 Iulai 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

HEAHA KEIA O NA OHANA AUPUNI.

   Ke waiho aku nei ka lahui imua o oukou i keia ninau ano nui, a na oukou ia e pane mai i ka haina oiaio.

   Oiai i keia mau la wale no e ike ia nei na hana hoehaa o na oihana aupuni, aole mai kahiko mai. Oiai, o ka oihana he mea ia i ake nui ia, a i pulama ia hoi me ka ihiihi, aka i keia wa e ike ia nei he mea kapae ia no, oiai o ka poe e onou ia aku nei i na oihana i keia au, he poe lakou i hoihoi ole i na hooponopono aupuni o keia au, a no ia kumu ka lawe ole ana.

   Nolaila e na poo oihana o ke aupuni, o ke au a ka Moiwahine Liliuokalani, e ku ae oukou ma ko oukou mau kapuai ponoi iho, a hoike mai ia oukou iho ma ka oukou mau hana, oiai oia wale no ke alahele e ike ai oukou e ka lahui a e pau ai hoi ke kanalua ana.

 

LETA NA MAKAMAKA.

   Ke hoolaha aku nei makou i na leta a na makamaka; aka, aole maluna o makou ke koikoi o na ahewa ana.

HE MAKANA ALOHA I NA MA'I LEPERA MA KALIHI.

   Ma ka hora 11 am o ka la 4 o Iulai i hala, ua makaukau ka paina awakea o na ma'i.

   O na amaama momona o Alenoho, oia kahi mea ai wale no i manao ia, ma ka lulu ana o na ma'i a loaa he mau dala, pela i loaa ai ia mau i'a momona. A i ka makaukau ana, aia hoi, hoea mai la he puaa i hoomo'a ia i ka oma a me na i'a hou i lawalu ia, na uala, na mea ono o kela a me keia ano na omole wai momona a me ka wai hu'i o ka hau e kuhikuhinia ai ka puu moni ai ke moni aku.

   Ua hoonu'anu'a ia ka pakaukau e ke kaikamahine alii opio, nona hoi na helehelena waipahe, Miss Helina Kaiwaokalani Maikai, oiai oia e noho pu ana me makou ma ia poai waianuhea, a na kona makuahine puuwai hamama Mrs. Kaikioewa Ulukou i hoolako mai ma ke ano he makana Pokiulai i na mai lepera. Ke noho nei makou e haupa i na mea ai, a ke waiho nei he mau hainaka silika ulaula ma ke alo o kela a me keia mai.

   Ia manawa, ua kau kela a me keia i kona hainaka ma ka a-i, mai ke nui a ka liilii, nona hoi ka huina he 24, a ua hoakaka mai hoi ka makuahine Viregine, he makana Pokiulai keia na ka Moiwahine Kanemake Kapiolani ia oukou e na mai, a oia ka makou i puana ae ai e ola loihi ka Moiwahine Kapiolani i ke Akua, a nana e kiai ia olua a hiki i ke kolopupu ana.

   Hala aku la ia la me kona nani nui a me kana mau makana poina ole, aia hoi, hoea hou mai la ka la 14 o Iulai me kona walohia nui a ke aloha. Ma ka hora 12 awakea Poalua o ia la, oia hoi ka la e lawe ia ai o na ma'i no ke Panalaau puanuanu o Kalawao, ua hiki kino mai la ka Moiwahine Kapiolani ma ka pa ma'i o Kalihi, ua hele mai la oia e ike i na mai a pau mamua o ka lawe ia ana, oiai o Kilauea Hou e hiu ana a wela, a lawe hoi a lilo no Kalawao, kela home hoomokuahua naau, ilaila kakou la kaawale poe hoi oe pale kaua.

            Aole i pau.

 

    E pau ana keia pule o ka Aha Hookolokolo Kiekie i ka hihia pepea kanaka o ka Pake.

  

NU HOU KULOKO.

 

   He leo kauoha, ke hai ia aku nei i na mea a pau e lawe ana i ka LEO me ka OIAIO, e hookaa koke mai i ko oukou mau koena i koe. E hoolohe i keia leo, o i mai auanei no hoike mua ole ia aku ka hewa.

            Ma ke kauoha.

 

   Ina Luna lawe pepa a pau o KA LEO, ke hoike ia aku nei ka lohe ia oukou, i na o ka luna, a mau luna paha o oukou he koena pepa kana o ka la 8 o Iune nei, e hoihoi mai i ke keena nei. Ma ke kauoha.

 

   O huina nui o na hihia o keia kau e hana nei he 92, ke hui pu ia na hihia hewa me na hihia waiwai. Nui kela.

   Ma keia moku mahu mai nei i lohe ia mai ai, aia ae la o Wm. G. Irwin ma Bosetona, a malaila e huli hoi pu mai ai oia me kona ohana.

   Ma ka po o ka Poalua nei, na komo aihue ia ke keena oihana o Mr. A. Jaeger, ma alahui Kaahumanu, aole nae i maopopo heaha la na mea i lilo.

   Oiai ka Auseteralia i unu mai ai i na leta no Hawaii nei, mai na aina e mai, hiu hoi na mokuahi holo piliaina no na mokupuni like ole. Holo ka hana.

   He wehe ole no paha no Pakaa i ke po'i o ka ipu makani ana, ka mea i kanaha'i iki ai i ka la inehinei, mea ia mai nae hoi, he nuha ka no Kuapakaa.

   E ane pii ae ana ka mauu ai a ka lio, no ka nui o na kauoha mai Amerika Hema, i ka poe o Kaleponi. Ke emi mai nei ka loaa, ke pii aku la nae na hoolilo.

   I ka hora 12 awakea o keia la e kuai kudala ia aku ai e ke aupuni, ma Aliiolani Hale, na apana aina ma Kalihi. He manawa kupono keia a pau loa aku na wahi aina o ke aupuni.

   Ma ka Poalima ae nei Iulai 24, e haawi ana o Mr. a me Mrs. Kaikainahaole, i kekahi paina luau no ka laua hapuu o na la kanikoo, nui na hoaloha a me na makamaka i kono ia me na palapala kono ia la.

   I keia la e haalele aku ai ka mokuahi Monowai i ka hui kaulua o ka Ipuka Gula, no na kaiaulu o Hawaii nei ka pahu hopu, a keia Poaha ae Iulai 30 e kapalulu mai ai i ka nuku o Mamala, me na mea hou o ka aina Hikina.

   Ma ko makou makaikai pono ana i na lima hana o ka Oihana Leta Nui o ke Aupuni Hawaii nei, aole loa i lawa kupono, oiai, ua oi aku ka hana i hana ia, mamua o na limahana, aole i hewa ke hoonui hou ia ae na lima hana oia oihana.

    Apopo, hora 10 a.m., e haulani aku ai ka Malulani no kona mau awa maa mau, oiai, he anahulu ae nei a oi kona hoomaha ana, e pahee ana paha keia i ka lawe a ke au, o ka poe e ake ana e holo no na Kona e pono e eleu mai, o haule auanei i ka hope waa.

   Pau aku nei ke Kuhina Kamaki, a me kana Kakauolelo o ka Hui Oiwi o Hawaii, Asa Kaulia, a haalealea wale ia ka nupepa. Komo mai nei hoi o Kuhina Paka, me kana Kakauolelo o ka Hui Oiwi o Hawaii me ka nupepa "Hawaii Holomua." Hookani wale no mea i koe e nani ai, e hooluu ia ke kuhina i hoahanau o ka Hoomana Hope Loa o na Haipele, i ke kai oolea o Kahala.

   Ma ke ku ana mai a ka Auseteralia i ka Poalua nei, ua ike-a aku la ka uwapo o Ainahou ua hele a lehau ina kanaka, me ka manao e ike ia Hon. R. W. Wilikoki, eia no ka kela me ke anu o Omaha kahi i hooipo ai.

   Ua hanau mai ke keikikane mohaha ma ka la 19 o Iulai iho nei, na ka wahine a Mr. D. Hoapili.

Ua kanu o David, na ke au i hoopulu, a na ka manawa i hoohua mai. Nani na pua i hoomahala ia ka malamalama malalo o ka berita o ke Akua, ke aloha – ka hooko ana i ke aloha i ka hoakanaka iwiaoao, he hoolohe ana ia i ke kauoha mua, e aloha i kou Akua me kou hoopono a pau. Aloha.

 

   OLELO HOOLAHA.

   E ike auanei na mea a pau, eia ma ka Pa aupuni o Makiki kekahi lio k, ulaula, hoailona hao, [U.I.] uha-hope akau, eha wawae eleele, elua wawae mua paa i kamaa hao, hookahi wawae hope, paa i kapuaihao hrm. Moali keokeo ma ka a-i. O ka mea a mau mea paha nona keia lio, e pono e kii koke mai, ina aole e kii koke mai a hala na la he 13, e kuai kudala aku no au ma ka la 25 o Iulai, 1891, awakea, Poaono, hora 12.   S. W. David Kaoao.

                                                                Luna Pa Aupuni.

                        July 13, 1891. 8t.d-*

 

OLELO HOOLAHA.

   E ike auanei na kanaka a pau eia ma ka  Pa Aupuni o Makiki, kekahi mau lio elua. Keokeo eha wawae paa i kapuai hao, hae kuni ano e. Lio k ulaula, elua wawae keokeo ma ka hema, hao AE. Lio k ahinahina elua wawae keokeo hope, nae kuni ano e hema. O ka mea a mau mea paha nona keia mau lio, e pono e kii koke mai o hala na la he 13, alaila, e kuai kudala aku no au me ka la 1 o Augate, 1891, hora 12 awakea Poaono.             

                        DAVID Kaoao.

                        Luna Pa Aupuni.

            Iulai 22, 1891. 242 3td.

 

HE KUAI MAKEPONO .

   I keia la 13. e kuai aku ana na mea nona na inoa malalo iho i na waiwai e ko laua halekuai ma ke kumukuai makepono loa i ike ole ia ka lua ma keia kaona. No elua pule wale no, mamua o ko maua nee ana aku. O na ano waiwai a pau, he mau waiwai hou loa, a me na ano paikini o kela a me keia ano o na keonimana. Na hulu, na Papale, Papale kapu, na paikini o na Lede, i kinohinohi ia me na ano like ole.           EGAN&GUNN.

            July 13, 1891. 285-tfd.

 

Hoikeike Nui

MA KA

Hale Mele Hou

E HAAWI IA ANA E KA AHAHUI

Hooikaika Kino o Honolulu.

I KA PO POALIMA, IULAI 24, 1891.

   Oia hoi na hana KUWALAWALA ma na LIO LAAU, na LAAU MOE KAOLA,  na HOIKEIKE KII a me na mea hou he nui wale e hana ia ana e ka papa o na Kamalii Liilii. E oi aku ana mamua o 40 poe e komo ana iloko o keia mau hana Hoikeike.

E HELE NUI MAI E NA MAKAMAKA I IKEMAKA.

Na Noho i malama mua ia       $1.00

"     "  mahope iho                    .75

"     "  o luna                             .50

   E loaa no na noho i malama ia ma ka halekuai ko o Ludwigsen & Croa@ ma alanui Hotele.  233 2@

 

$5.00 MAKANA.

   O ka mea a mau mea paha e loaa ai kuu lio kane ahinahina nona  ka hao kuni, W.D., ma ka uha akau hone, a ma ka aoao hema o kona a-i na hoailona ia penei: ZZ. E loaa kela makana i ka mea nana e hoihoi mai ma he Keena o ka LEO.

            Iulai 7, 1891. 5ts-d.

 

Hale Hana Wai Momona

Wai Aniani.

Sam. Lad me John Grace na Ona.

Ka poe wale no na lakou e hana nei

NA WAI HOOMAEMAE KOKO KAULANA

oia hoi ka

SASEPARILA – A ME KA – WAI-HAO.

NA WAI MOMONA AWAPUHI, SASEPARELA, LEMI, WAI PIPII, SODAMAOLI, SIDA, KAMEPENA, &c.

Mutual 330 – TELEPONA – Bell 298

   E hooia ia ana ka maemae o na wai a pau. E hookoia no na kauoha a pau loa mai na Mokupuni mai a me ko ke kulanakauhale nei.    231 1yd.

 

Aila Kuai

E LOAA NO MA KAHI O

J. F. COLBURN.

(KEONI KOLOBANA.)

Ma ke Kuhi o na Alanui Nuuanu – A ME – Moi.

   E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau loa.

   Ko oukou hoaloha,

            J. F. COLBURN.

   Honolulu, Iulai 8, 1891   232 dtf.

 

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

HE OLUOLU KA AUHAU.

   KEENA OIHANA: - Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.

HE PALAPALA HOOIA.

            Honolulu, April 29, 1891.

   OWAU o Cha Sam Lau, no ke kulanakauhale o Honolulu, Mokupuni o Oahu Ko Hawaii Pae Aina. Ke hooia, a ke hooiaio aku nei au imua o ke akua, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, @a he popo hoi ma ka olelo kahiko. Ke noi aku nei au i ka poe a pau i @ me kela ano ma'i e hele ae iaia, a e loaa no ke ola. Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana a keia ma'i i ko'u kino aka, ma keia @@ loaa ia'u ke ola maikai loa. E hele ae e ka poe i Luuluu a kaumaha.

            Mei 12, 1891. @

 

@AWA@

NA LOIO LAHUI.

   Ua makaukau@ poe o ka Lahui @ vila o hewa paha @ aku ma kekahi o ia @ Kanawai, @.

Aia no ko @ akau o na alanui Moi a @ loko o ke @ . Ma hora @ a 8 pm., ma ka Poa@ i ka hora 13 @.

   O na @ na aina, mahele aina a me ke @ na kii @ palapala aina @  Loea Ana Aina @ R. W. WILIKOKI  @ me ka eleu.

   No na mea i koe, e kipa mai no @ ko maua keena nei e @ pu ai. O @ no me ke aloha,

            J. NAWAHI me D. L. H@

Honolulu, Iune 3, 1891. 2@6-dtf .

 

Kauka Yong Kam

Pung.

(APANA.)

Helu 53, Alanui Maunakea.

Ke Kauka Loea o ka Aina Pua!

Ua hiki ke hoola ia kela me keia ano ma'i, mai ko na kane, wahine a me na keiki liilii. O na ma'i @o ua hiki loa ia ke h@ ia me ka maalahi. A o na @ e pili ana i ka maka pau pu'ia i ke ola. Ka hoike ia aku @ eia @ ka oluolu @ auhau. Ka @ pilikia hanau keiki a hele nui paha  @, a paa a lohi paha ka ha@ , paa paha o ka waiu, e hele nui mai i o'u nei.

   E kipa mai a ka poe i hooluuluu ia me na haawina pilihua a ka ma'i, a na'u oukou e hooluolu aku.

            KAUKA YONG KAM PUNG.

Honolulu Iune 2, 1891.

 

Ka Buke Akeakamai

AO

KE KI GULA

NO KEKAHI MUA MEA HUNA POHIHIHI I HULIIA E KA NOEAU O KE KANAKA.

KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hooululu, Hooponoponoia, a Hoomahuahua hoi ia e Levi-i-Levi ole ia ka Akeakamai Hawaii o ke Keneturia 19.

Mahele o ka Buke.

            MAHELE I.

ZODIALOGIA – Hoike Ouli ma na kau luna Mahina.

            MAHELE II.

NAEVIALOGIA – Hoike Ouli no ka Ila @ o ke kanaka.

            MAHELE III.

METRAGARATIMA – Ka hoike Ouli ma ka Hoonohonoho Huahelu ma ka Helu Kabala.

            MAHELE IV.

           ONEIROLOGI.

            MAHELE V.

Ka Papa Konane Hoailona Pomaikai.

            MAHELE VI.

   Ka Arimatika Kamahao.

            J. M. POE@OE.