Ka Leo o ka Lahui, Volume II, Number 243, 23 Iulai 1891 — Page 1
| This text was transcribed by: | Paka Westin |
| This work is dedicated to: | Awaiaulu |
KA LEO O KA LAHUI
"Ea ma ke Ea o ka Aina i ka Pono"
Buke II. HONOLULU, IULAI 23, 1891 Helu 243
He Moolelo Kaao
--NO--
KANA
______
KE AHI KANANA----KA HIAPAIOLE--KA MOOPUNA A ULI--KA MEA NANA I HOOHIOLO O HAUPUKELE KA PUU KAA I MOLOKAI.
______
Ia manawa i hli ae ai o Keoloewa, a olelo ae la i kona kaulana aina, ia Kapepeekauila me he mea la, ua pololei paha ka ike ana a ke kahuna a Mo-i, i keia koa kaika a hiki mai, a auhee ana kakou, a o ke koa hoi ia, hee ka puu kaua o kakou.
Ua hoike mua mai no ke kahna a me ke kilo; he koa nui keia hiki mai, eia ka auanei ehiki i'o mai ana, ia'u keia, huhu ia aku nei kekahuna, a hoopaa ia aku nei laua i ke kala, na mea hewa ole.
Nolaila, ke nihi ae nei wau i ko'u hewa, i ka hoopa ana ia Mo'i ma, no ka mea, ua pololei laua hoike ana mia mua o'u, a o keia hoi a'u e mihi nei, aole me mihi ola, aka, he mihi poino.
Kena ho mai a o Keoloewa i na koa, ehele aku enana i ka nui o na koa o luna o na waa, a hoi ho mai e hoike iaia.
Me ia kauoha, ua hooko aku la na kanaka i ka leo alii.
I ko lakou nana pono ana aku i na waa; he elua no mau kanaka i ike ia aku i ka noho mai iluna o na waa, a he ahua nui maluna o kekahi waa, a pela no hoi ma kekahi waa.
Ua hoi aku la na kanaka a hoike i ke alii, i n nea i hoike ia ae la maluna.
I mai la ke alii: Ina ha ela, aole no hoi kakou e maka'u i ua kea lal, aole ae la hoi he nui o kona mau koa, nolaila, ke lana nei no ko'u ,manao, na kakou no ka ai, ke hoouka kakou i ke kaua i keia la.
Ua huli aku la ke alii, e hele e huipu me kona kaulana aina, Kapepeekauila.
Pehea kou manao ke kaua kakou i keia la? malia aha, o na wai io keia o ua akoa nei, a Mo-i i hoike mua iho nei ia kakou.
Pela paha, aole au i ike, wahi a kona koa.
Heaha auanei hoi ka hewa ke kaua kakou i keia la? He mea hoi paha ia e ike ia ai no keikikane o maua, nana paha na ka malihini a i ole, na'u paha; no ka mea, o ko'u aina ia o ka ikaika.
O ko'u hiamoe ka hoi ua nanea hoala ia mai nei hoi e ia: a hiki hoi, i loaa ka hoa paani no'u no keiala, no ka mea aole iaina ko'u aina kakahika.
Pehea kakou? E hoeu aku na koa no keakua, eiho ak kakou ilalo a huipu he alo, a he alo, he maka hoi a he maka.
Ia manawa, i kena koke aku ai ke alii i kona mau a-ipuupuu, e hoomakaukau i na mea ai, nona a me kona mau makaainana.
Nolaila, ua lilo iho la ia manawa i manawa no lakou e hoopiha ai i ka lua oka inaina.
I ka pau ana o ko lakou paina ana, ua liuliu koke mai la na koa oluna o ua puu nei ni ka hoomakaukau ia lakou iho, me kamanaolana e aio an lakou he alo, a he alo, eia ka auanei, aole pela, o ko laku nui a lehulehu, he mau tausani, he mea ole loa ia ia Kana.
I ka pau ana ae o ka paina ana o ke alii, a me kalaua mau wahine, ua hooluana iho la lakou, me ke kali aku o ka pii maio ua koa ikaika nei iluna o ka puu, a lakou hoi i lohe ai ia Mo-i.
Aka, aole nae i hiki mai, e hiki wale i ke awakea loa ana, a pau wale no na kanaka a me ua mau alii nei i ka hiamoe.
Oiai ka la e hookokoke ae ana e hili i ka lolo, ua hoomaka iho la ko Niheu me Hakalanileo paina akakahiaka e ai.
A pau ko laua ana, ua noho iho lalaua hoomaha no kekahi mau minute.
Ia laua no e nanea ana, na hoomaka mai la o ua o Kana eolelo imua o Niheu na, me ka keo moakaka me ha kanaka maoli la no; a penei na olelo ao a Kana i kona hanau mua:
E Nihe, e pii oe iluna o kauu, pii no oe a loaa ka makuahine o kaua, pololei no oe a iaia, hopu oe a lawe mai, aina e kahea mai na koa o ka puu ia oe, mai nana kau oe ia lakou.
He Moolelo Nanea
NOL
De Atanani.
_____
Ke Koa o ka Lio Olohe.
--A I OLE--
NA KIAIEKOLU O FARANI.
_____
A oki loa aku hoi no kaike anaie madame de Caverausa.
Ina pela, alaila, i kou wa e kii ai i kau wanine i ka halealii, he hoi po'olei no anei olua no ka hale?
Aole e ka mea hanoheno, no kahi wa, ua hoi pololei, aku maua no ka hale, a i kahi wa, ua kipa aku maua ma kekahi mau hale a ua wahie la a'u i ha'i mai ai he mau hale hana lole ia!
He ehia ka nui o keia mau hale hana lole?
He elua wale iho no a'u i ike, kahi hoi a maa e kipa mau aka ai e kuu wahine.
A aia mahea o Paisa nei kahi i ku ai o keia maa hale?
Pane aku la o Bonaoio, he hookahi o laua aia ma Rue deaVarigada, a o ka lua, aia ma Rue de La Hapa.
He komo pu no anei oe iloko o keia mau hale me ua wahine nei au?
Aole e ka haku Cadinela, oia wale no ke komo, a owau, nawaho no au e noho ai i na hoomaikai me ka lala o kona papale kapu.
E hele e Mr. Aliikoa, eia ke kana mawaho me kahi i kali ai, a e makemake ana e ike ia oe me ka awiwi nui
Ina pela, e hookomo koke mai ia ia iloko ne, ua makaukau o Roseliu e ike iaia.
Ua emi hope aku la ke aliikoa meka pani na maai i ka puka mahope ona, a i ka hala na ae o a sekona elima, hemo hou mai la ka puka, a ia wa i komo ma' ke kauna Rocefota.
A oia kela!! i hooho ae ai o Bonaeio.
Pane mai la ke Cadinela, owai ia au e kamailio la, a heaha hoi ke ano o kau mea e kaailio pupule mai nei?
O keia mau olelo a kaua i ike ae nei mai kahi Bonacio mai, na pololei a oiaio maoli ni ia, o a kauna Rocefota i'o la no ia. ka mea nana i kaili malu i kana wahine, a o keia Rocefota hookahi no hoi ka mea nana i lawe aihue ka lea hoolauna a Atanani imua o kapena Terevila, ma kai kahale o Muna, a ma kahi olelo ana hoi, ke kanaka kamahao o Muna.
Nolaila, ia kaua e ike aku ai i kela inoa kauna Rocefota, e hoomanao iho kaua e ka makamaka, o ke kanaka kamahao o Muna, nolaila, e hoomau hou aku kaua i ke kamailio ana no mua.
I kela a Bonacio i hooia aku ai, o kela kauna Rocefota no ka mea nana i aihue i kana wahine, ua hookani koke ae la ke Cadinela i ka bele, haawi mai la oia i ke kauoha no ka lawe ana aku ia Bonacio iwaho, a waiho aku iaia malalo o na kiai ana a kona mau koa kiai.
O keia kauoha a ke Cadinela, oia ka ke aliikoa i hookko aku ai, a ia laua i hemo aku ai, huli ae la ke Cadinela a pane aku la ia Rocefota me keia mau olelo:
E kuu kauna, heaha kau mea hou?
Pane mai la ke kauna, ua hui laua he alo a healo, ka ipo hoi me ke aloha
Owai kau e kamailio nei, o ka moiwahine anei a me keia Duke ino?
Ae e Raceliu ke alii! Mahea? Maloko no o ka halealii Levere, wahi a ke kauna.
Aole i pau.
Na Hui Kinipopo
_____
Iulai 25 Kamehameha vs Honolulu
Aug 1 Hawaii vs Honolulu
" 8 Kamehameha vs Hawaii
" 15 Kamehameha vs Honolulu
" 22 Honolulu vs Hawaii
" 29 Kamehameha vs Hawaii
Olelo Hoolaha
Ua makaukau ka mea nona O inoa malalo iho e hana i na Puna HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina.
J. BOWLER.
Sept. 22, '90, d---ly*
H.P.K. Malulani.
HE LOIO a he hookpeke olelo ma ke Kanawai. E loaa no au mai ke kai hawanawana o Kawaihaie e hoene an me ipo la, a Hamaka au i ka la'i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio. Nov 8 '90. d--ly.
HOOLAHA KAI KONOHIKI
Ke pa lep aku nei ke Konohiki o Waialae, i kona mau hoaloha a me na hoaaina o kena Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia i ike a hoomaopopo i keia leo la. Owau no,
3ms-d. PAULO ISENBERG.
Ua Makemakeia
KEKAHI keikikane e hana ma kekahi hale kai, he ohi i ke dala ka hana. I ike i ka olelo a me ke kakau Beritania. E ninau ma kahi o N.S. SACHS,
104. Alanui Papu. 3t-d 227.
OLELO HOOLAHA.
Ma keia, ke haawi nei au i ka mana ia George H Mclane, e ohi i na aie a pau o kak poe aie i ka waiwai o George H. McLane o Nawiliwili, Kauai, a e haawi i na likiki ma ko'u inoa.
Jne 29. '91 1wd. K.PODEYN.
Hoolaha Hookapu.
Ke hoike ia aku nei kalohe i oa ano kanaka a pau loa. Ua hookapu loa maua o lp ,aia ,ai Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Kekeau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maa mau hope paha, a e hooko ia e like me ke kuhikahi a ke kanawai. O na po a pau e makemake ana e komo iloko o keia ilui, e pono lakou e hele mai e hi pu me Mrs. C.I. HIRAM, a i ole ia me DAVID DAYTON, a i ole ia KUKA.
Owau no me ka haahaa
MRS. C.I. HIRAM
Honolulu, Oahu, Oct. 8, 1890 3ma-d.
OLELO HOOLAHA
1. E ike auanei na mea a pau, ea ma ka Pa Aupuni o Makiki nei kekahi liio k, keokeo kikokiko kua nalo huealo ppmuku hoailona kuui ana-e ak. uha hope.
2. Lio k. ulalula hauliuli kiko keokeo ma ka lae e 2 wawae keokeo ma k lae e 2 wawae keokeo hope hookahi wawae keokeo mu hema kiko keokeo ma ke kua aole hoaiiona kuni.
3. Lio k. ulaula lae-kea elua wawae keokeo hope e wawae eleel mua hoailona kuni ana-e ak. uha hope.
4. Lio w. ulauia kikokiko keokeo ma ke kua 43 wawae eleele hoailona kuni C/J. ak. aia ma ka aoao akaou oka ai.
5. Lio w.ulaula kae-kea 4 wawae eleele huelo poomuku hoailona kuni ana-e ak, uha hope.
O ka mea a mau mea aha mona keia mau lio e ono e kii koke mai ina aole e kii kokke mai a hala na la he 15, alaila, e kuai kudala aku no wau an ka ia 18 o Iulai N.H. 1891 awakea Poaono hola 12.
David Kaoao
231 6ts-d* Luna Pa Aupuni.