Ka Leo o ka Lahui, Volume II, Number 240, 20 Iulai 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

John E. Bush

Luna Hooponopono a me Puuka.

 

Poakahi, Iulai 20, 1891.

 

He Moolelo No KAMAPUAA.

KE KEIKI PUAA A KAHIKIU LA ME HINA - KA MOOPUNA PUAA A KAMAUNUANIHO - KA HOA PAIO HOI O PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

 

O oe ia e Haunuu, e Haulani

E Haalokuloku

Ka Mano e ka Iʻa nui

E ui, e Uilani

Ko inoa Pu, a ia e o mai.

 

            9:29A ia Kamapuaa no ka ike i ka wehe mai o kaiao, koi nei ala ae la no ia a heo ana, pupuhi ka ia o Ukoa.

            Ua hele ia mai la e ia ia loa a hoea kakahiaka keia i kai o Kahului, a kipa ae la keia ma kekahi hale lawaia o kanaka, a nui ana ko ia ew hanu mawaho o ka puko o ka hale, a hooho mai la kanaka o loko.

            E, haalulu kapuai moe ipo e ka hoa mawaho?

            Ae, he hoa kanaka eia mawaho nei kahi i okuu ai i ke anu kehau o kakahiaka nui.

            Ma loko mai noi ha e ka hoa; ua komo aku la keia, a haawi na aloha hoolauna mawaena o kamaaina a me ka malihini.

a ua ike mai la lakou i keia kanaka malihini. a he kulana hoi o ke kanaka hanohano a ka launa ole, i haiamu ia hoi e ka ui, e hooheno ai e ka aoao palupalu.

            Ua hookipa aku la lakou ia ia nei, me ka haawi ana mai i ka ai a me ka ia, a me na mea no a pau o ka aina kakahiaka.

            Nolaila, ua ai iho la keia me na kamaaina i kela manawa, a i ka pau ana o ka lakou ai ana, au ninau mai la lakou ia ia nei:

            Mahea mai nei ʻoe?

            Ma ke Koolau mai nei wau i hele mai nei.

            A e hele ana mahea kau huakai?

            E hele aku ana kaʻu huakai maa nei aku, a hiki i ka lai o Hauola.

            Mama wale no ka hoi kau huakai hele.

            Mahope iho o ka pau ana o ka lakou paina ana, ua hoeu aku la no keia e hele.

            Oia hele o ia nei a kahi ona i kahea ai i ka uhane o ke kaikuaana ma ke oli.

Hoalohaloha mai ana iaʻu kuu kaikuaana

O ka pili manu kahi a kaua e haele pu ai

I ke kula o Kahinahina

Ia Olohemiki

Ia olua la ke kia holomanu

Iaʻu la ke kia mahiai

I na ke alii kaikaina

O koko maka pehupehu i ka la-e

E haa - e, haa ka ia haa o

Koolina - e

O na paakea pani ua o Waikuʻi la

Ia Waikuʻi hoi e -

Hoohali i kana ia mawaho

Maloko ka io, mawaho ka iwi

O ka pipipi kai welawela

O  Kahunaikiulalena nei la e -

O kou inoa ia e o mai oe.

            Huli aku la ka uhane o Kekeleiaiku hoi, e pai aku ana o Kamapuaa i ka uhane o kona hanau mua mahope:

            E hoi ka uhane a puu o Kapolei, ilaila ka hoi ko uhane e noho ai, i kahi o ko kino e waiho ala.

            Kahi hoi au i naauauwa ai, a i kaawe ai hoi i ke aloha o ke kaikaina, e hoi e  noho, e noho me na kupunawahine o kakou, me Kamaunuaniho laua o Wahineokamao.

            Ko Kamapuaa hele aku la no ia a hiki i Halawa, mailaila aku a hiki i ka Mokuumeume, a noho iho la oia maloko o kekahi ana, no ka mea ua ahiahi ka la.

            A ma kela noho ana Kamapuaa ma kela ana, ua kapaia iho la ua ana nei o Keanapuaa a hiki i keia wa.

            A ma @ ia ahiahi no, ua holo mai la na waa, mai uka mai o Ewa, ua piha i na umeke poi, puaʻa moʻa, puaʻa ola, iʻa ko, ipu, maia na huewai.

            He ewalu ka nui o na waa, o keia mau mea ai a na kanaka e lawe nei, he mau mea ai ia na ke alii o Oahu nei, oia hoi o Iouli a me Iomea, na pani hoi o ke alii Olopana i make.

            Ua pae mai la na waa ma kahi a Kamapuaa e noho aku nei, no ke kai maloo, malaila lakou e moe ai a hiki i ke kai pii o ka wanaao, alaila lakou holo no Kou, kahi a na alii kane e noho mai la, o Kou i oleloia o Honolulu no ia i keia manawa.

            Ia lakou i pae aku ai, au hooniau aku la o Kamapuaa ma kona kino puaa, ua pani pu ia iho la e na waa o lakou nei, o waho aku o Keanapuaa.

            Ua pae na waa o na poe kanaka nei, a hoomakaukau nui iho la i wahi no lakou e hooaumoe ai ia po, ua ai iho la lakou a maona, a haule aku la hiamoe, no ka hooluolu ana.

            Ma kela po, ua hele mai la ua puaa nei a pii aku la iluna o na waa, ua ai ia e ua puaa nei, ka iʻa a me ka ai o na waa eono a pau loa, koe ka puaa moʻa a me ka puaa ola, no ka mea, o kona kino no ia.

            A ua koe elua mau waa a me ka ukana oia mau waa, aole i hana ino ia e Kamapuaa.

            O na waa he eono, ua hoopiha iho la o Kamapuaa, me kona hana lepo a piha na umeke, o na hue wai, ua hoopiha ia iho la me kona hanawai.

            I ko na kanaka ala ana ae i ka wanaao, me ko lakou manao e holo no ia manawa, honi ae la lakou i ke pilo o ka hana lepo.

            I ae le kekahi, he mea e hoi ka pilopilo o ka hana lepo, ua hana ino iho nei paha kekahi o kakou?

            Ua hoole like mai la lakou, aohe i hana ino ia e kakou, aohe mea o kakou i ala mua ae nei.

            E hoomanawanui a oili hou aku i ka la apopo.

            I na Luna Lawe Pepa o Ka Leo o Ka Lahui, ke haʻi iaʻku nei ka lohe ia oukou, ina he mau helu koe o ka la 3, 10, 20, o Aperila, a me ka la 5 o Mei nei, o ka nupepa Ka Leo, ke kauoha ia aku nei e hoihoi mai ma ke keenea nei.

            Ma ke kauoha.

700-KAKINI-700

Hainaka Silika

o na

LEDE!

Ma na kumukuai e hoomaha ana mai ka

$1.75

A KE

$3.50

o ke kakini hainaka hookahi.

 

            Aole keia waiwai kuai i ike ia maanei mamua e like aku me kona ano ka nani a me ka emi o ke kumukuai, kihi o na alanui Papu a me Moi, ma Ewa mai o ka Hui o Holo ma.           215-d2ws.

PAPA KUHIKUHI

O

KA HUI ALAHAʻO A ME

AINA O OAHU.

E HOOMAKA ANA MA KA LA

25 O OKATOBA, 1891

 

            A.M.    A.M     P.M.    P.M.

Haalele ia Honolulu*6:15 8:45 1:45 4:30

Hoea ma Honouliuli*7:15 9:49 2:49 5:26

Haalele ia "      *7:45 10:51 @:51 5:50

Hoea i Honolulu *8:40 11:55 4:55 6:45

            Lapule wale no.

            Poaono wale no.

 

Na Lole Komo o ke Kau

Na LoLe Komo o ke Kau

 

NA LAKO HOU LOA a me NA ANO HOU LOA!

 

E weheia nei ma kahi o N.S. Sachs, 104 Alanui Papu Honolulu.

 

Na Ano Lihilihi  o Kela a me Keia Ano.

 

HE KUAI MAKEPONO LOA KEIA.

 

Ua wehe ae nei makou i na ano LIHILIHI a pau i loaa pololei mai ia makou, mai na Hale Hana mai Europa mai, a nolaila, ua hiki ia makou ke kuai aku.

 

NO NA KUMUKUAI HAAHAA I KO KEKAHI MAU WAHI E AE!

 

Ua moakaka ke ano o na lau o ka lole, a ua pomaikai oe ke ike mua, mamua o ke kuai ana ma kahi e aku.

NA HOLOKU LIHILIHI no $4.50 o ka lole i kuai ia no $6.50 a $7 mamua.

            NA LOLE LIHILIHI NO KEIKI, e like ka laula me ko ka pelekoki, mai ke 60 keneta o ka i-a a pii aku.

 

HE NUI NA ANO O NA LOLE KEOKEO, KINAMU, LATINA.

 

KINAMU LOLE, maka hou he 8 i-a no ka $1.00.

NA LOLE MAIKAI PAPAMU a kakau loloa, 20 a 25 keneta a ka i-a.

NA LOLE oi loa aku o ka maikai he 25 keneta wale no ko ka i-a.

NA LOLE KIKOKIKO a me LAU, (Swiss) he emi loa,

NA PAA LOLE LIHILIHI iloko o na pahu, KEOKEO a KALAKOA, e kuai emi loa ia aku ana.

 

NA KAKINI ELEELE ADELINE.

Ina oukou e makemake i KAKINI ELEELE maikai, i KAKINI mae ole o kohu ole, e ninau no ke KAKINI ELEELE ADELINE, ua hanaia keia KAKINI no makou no keia Makeke a ua hiki ia makou ke hooiaio aku i ko lakou maikai, ua lawa no na wahine, kaikamakine, a me na keiki.

 

Mai poina wale iho oukou i ka hele mai e ike i na ano Papale Italia hou no ke Kau, no mea, o na Papale Sila keokeo a eleele, i kahiko ia me na lipine no $1.25, $1.50 a me $2.00.

AIA MA

Ka Halekuai Kaulana,

104, Alanui Papu. Iulai 14, 1891 dtf. WEHI O NA LEDE.

 

PAPALE! PAPLE!! PAPALE!!!

E Loaa no        @        maikai o na

maanei na        @        ano a pau

Na PAPALE i hoonani ia a hoonani ole ia.

I loaa ole ka lua ma keia Pae Aina, a no na la hoomanao Kulaia, e loaa no ia oe ma na kumukuai haahaa.

Ina oukou e kuai i na PAPALE ma ko makou halekuai nei, a laila, e loaa no ia oe ke kaulike.

Nolaila, e kipa mai io makou nei i hoopauia ko oukou kuhihewa

C.J. Fishel.

Mei, 19, 1891 196-tf-d.

 

KUAI HOOPAU NUI.

Ma keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu, - (NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.          tf-d.

 

HOOLAHA HOU

B.F. Ehlers & Co - PAINAPA.

HELU 99, Alanui Papu.

IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano @@i la a pau; oia hoi -

Na Silika hou                          Na Sateen hou

Na Mikilima hou                     Na Lihilihi hou

Na Lihilihi keokeo hou           Na Lihilihi kau lole hou

Na ano Mamalu hou loa          Na Paka Pakaaniani

Na lole hou o  na wahine       Na lole o na keiki liilii.

Na lole o kela a me keia ano e loaa no ia oukou no na kumukuai haahaa @@@.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.  Owau me ke oiaio,

tf         B.F. EHLERS & CO.