Ka Leo o ka Lahui, Volume II, Number 240, 20 July 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

 

Buke II.          HONOLULU, IULAI 20, 1891.        Helu 240

 

He Moolelo Kaao

no

KANA.

 

KE AHI KANAKA   KA HIAPAIOLE       KA MOOPUNA A ULI        KA MEA NANA I HOOHIOLO O HAUPUKELE KA PUU KAUA I MOLOKAI.

 

            I keia wa a kakou e ike nei, he liilii ke kino o ka Ohiki: o ke kumu o ka liilii ana o ka ohiki, no ka haehae ia ana o ke kino a liilii e Niheu.

            Ma ia nana ana a Niheu i kela kupua, ua haule pahu kona manao no ka luku ana mai ia Kana ma.

            Holo aku la lakou nei me ka maalahi, a ke niau palanehe la ka ihu o ko lakou nei mau waa iluna o na O huku ale e hoop@@@ @@@ ana mamua lakou nei.

            Me ia nanea no o lakou nei i ka holo a hiki i ke kai okilo hee, o ka ili iho la no ia o ka holo ana o ko lakou nei waa, aole i nee aku imua, a aole hoi i hope, aka, i kahi hookahi no kahi i apakau ai.

            No keia ili kupanaha ana o ka waa o lakou nei, nolaila, ua hooho ae la laua nei me ka leo nui pehei:

            He mea kupanaha ka hoi keia.  me keia holo no ka hoi e na waa o kakou, a o ka ili no ka hoi ia; maopopo ole no ka hoi kahi o ka ili ana.  eia hoi kakou i ka hohonu, he mea kupanaha loa keia ili honua ana, a ke emi iho nei na waa o kakou e poho.

            Kai no hoi ua hala aku la ka pilikia i uka aina, aole ka ia he pilikia; no ka mea, aia oia i ka Lonua paa, i kahi e ku ai o na wawae, eia ka ole la, eia kakou i ka hohonu, e lana paha auanei paha ka auwae kahi uuku.

            Ia manawa no, lohe hou aku la laua nei i ka leo kahea, e like no me ke kahea mua ana penei:

            E Niheu, e hopu iho ou mau lima ia Heenui, he kupua iho na, aia ke pili ae nei ma ke kikepa o na waa o kakou; e haehae liilii iho oe i kona kino.

            Ma keia haehae ana a Niheu i kela hee nui, oia ke kumu i liilii ai o ke kino o heenui, o ka hele ia o ka liilii a i ka hee pali, a kakou e ike nei.

            Nolaila, ua helu papalua na kupua a i elua, i pau i ka make ia lakou nei, a ua hala ae la ia mau mea e keakea mai ai i ko lakou nei alanui hele.

            Ua la’i iho la ka makani la’i kakahiaka. a ua hoomau aku la ko ia kou nei holo ana imua.

            Oiai no lakou nei e holo ana a hiki ma ka palena o Hilo, a me Puna, @ua halawai hou mai la ko lakou nei mau waa me na keia.

            A e like no me na hana a kela mau kupua.  pela no hoi laua nei e hoomaopopo nei, i ke ku honua wale iho no o na waa i kahi hookahi, aole hoi o ke nee aku imua a i hope, i kahi hookahi wale iho la no e pakaawili ai.

            Me keia mau mea. ua hoomanao hou ae la laua nei, me ka hooho hou ana ae:

            Eia hou ae no ua kolohe o kai nei, ke hoopaa hou ia mai nei ka holo o na waa o kakou.

            Kahea hou ana no o Kana, e Niheu, e lalau ae ou mau lima, eia iho ia kupua la ke pili ae la maiale o ka moamoa o na waa o kakou, oia o Lehonui, he kupua ia.

            Ma keia haehae ana a Niheu la Lehonui, oia ke kumu i liilii ai o ka leho a kakou e ike nei i keia manawa.

            Ina aole e kolohe o Niheu ia Lehonui, ina la aole e liilii ka lohe; he leho hou no la keia, akahi a pae mai, a ke ola nei no kona i’o oloko.

            Alaila, nooheno mai Ia ka mea a mamalii o kai o iwilei @@@ He elua Leho a e panee nei  O Leho nui a me Leho iki.

            I ka make ana o kela kupua, ua holo mai ia lakou nei a hiki i ke ahuwale ana o ka iwikaele i ka maloo.

            Malia paha o ninau mai kou mea heluhelu.  owai la hoi keia kupua. e hamapaka ae nei i ka holo o na waa o lakou nei, o ka inoa o keia kupua o Keahimakua.

            Kehea hou ana no ka leo ia Niheu:  E Niheu, eia iho kena kupua, ke hapai ne la i na wau o kakou iluna, aia malalo pono ae o ka pola o na waa o kakou, e hopu iho kou mau lima a auhae liilii ae i kona kino.

            Nolaila, ma ia hana ana a Niheu, ua liilii ke kino o ke ahi a hiki i keia wa a kakou e ike nei, a nolaila, ua noho ke ahi ma ka lae o kalae ma Kau.

            A oia no hoi ke kumu e liilii nei ke ahi i kei wa, mamuli o keia hana ana a Niheu ma; oiai ko lakou alahelo e kamoo ana no kahi o ka hana, no ka puu kaua kaulana oia au kahiko o kakou.

 

HE KUAI MAKEPONO.

            I keia la , e kuai aku ana na mea nona na inoa malalo iho i na waiwai o ko laua halekuai ma ke kumukuai makepono loa.  i ike ole ia ka lua ma keia kaona.  No elua pule wale no, mamua o ko maua nee ana aku.  O na ano waiwai a pau, he mau waiwai hou loa, a me na ano paikini o kela a me keia ano o na keonimana.  Na hulu, na Papale, Papale kapu, na naikini o na Lede, i kinoinohi ia me na ano like ole. EGAN&GUNN.

            July 13, 1891. 235       u3.

He Moolelo Nanea.

No

De Atanani.

 

Ke Koa o ka Lio

Olohe,

A I OLE

NA KIAI EKOLU

O FARANI.

 

            Owai?  owau anei?

            Ae, o oe, e kamailio mai nei!

            Aha, ua kuhihewa oe, ua like me ke kuhihewa ana o keia poe koa kiai; aole au o Atanani, aka, o La Fere au.

            E ke kanaka wahahee ke hoino nei oe oe i ka moi o ka @ihana hoo kolokolo!

            Moi o k@ @ihana hookolokolo?  aole loa!  aole loa au i hoino iaia; wahi a La Fere i hooho ae ai.

            Alaila, o ka monasiua Atanani no hoi ha oe?

            Aole no!  aole loa ia o ko’u inoa; aka, o ka inoa hope a’u i ha’i aku nei ia oe oia hoi o La Fere.

            Ae e ka monasina le Comisina, wahi a Bonacio i pane ae ai i ke kanaka kiai o Atanani he kanaka opio loa oia o 19 paha a oi kona mau makahiki, a o keia hoi, he mea pohihihi ole no’u ke koho ana aku, aia oia mawaena o ke kanakolu.  O ko Atani mau aahu hoi, he aahu koa kona o ka puali kavalia o kapena Desearata, a o keia kana ka hoi, he aahu kona o ka puali kiai aahu eleele o kapena Terevila, alaila, e mau no auanei kou kuhihewa ana o Atanani keia?

            He mea oiaio kela e Bonacio, wahi a ke kanaka kiai i pane mai ai, aka, o ka mea kupanaha, o a no ka loaa ana aku o keia kanaka ma ke keena o Atanani.

            Me keia pane a ke kanaka kiai, komo mai la he wahi keiki me kekahi palapala e paa ana ma kona lima, a haawi mai la i ke kanaka kiai.

            Ua lalau aku la ua kanaka nei a haehae ae la i ka wa-hi, a heluhelu iho la i ua palapala nei me ke akenele loa, a no kekahi mau minute, hooho ae la ia me keia mau hua olelo:

            Ka wahine lapuwale!  lapuwale o na lapuwale!!

            Ua hoana e ia ae na helehelena o kahi Bonacio, no kela mau huaolelo a ke kanaka kiai, a eia, ka ua wahi kanaka poupou la i ninau aku ai me ka pihoihoi nui me keia mau olelo:

            Ma o na lani ala, o kou wahine anei kau i kamailio ala?

            Ae e Bonacio, nona au i hoopuka ae la i na huaolelo o ka hoina, a o kou hewa, he wahi hewa kupa@@@@@@ ha maoli no, mamuli o ko olua hoi pu ana e kipi i ka hanohano o ko alii Cadinela.

            Ua kaakaa pono ae la na maka o Bonacio i ka wa a ke kanaka kiai o Basetile i kamailio mai ai i kela mau huaolelo, a o ia ka ua wahi Bonacio la i hoohiki ae ai me keia mau huaolelo:

            Ma ka inoa o na lani, ke hoohiki aku nei au imua o ka monasina le Comisina, aole loa au i ike i keia mau mea, aole lea hoi i ike i hana mau hana, a ina na ua wahine mai nei kena mau olelo, alaila, ke hoi koi loa o ka hoowahawa.

            No keia mau olelo kualehelehe wale a kahi Bonacio, ua pane ae la o La Fere:

            E ka monasiua le Comasina, ina aole au mau hana i koe mea’u, ala ila.  e hookuu mai ia’u e hele no kahi a kou hanohano i ike ai ua kupe no ia’u.

            O keia olelo a La Fere, oia ka ke kanaka kiai i huli mai ai maluna o na koa a haawi aku la i ke kauoha no ka hoihoi ana aku i na pio no ko laua mau wahi, a e kiai ia hoi me ka makaala loa.

            Alaila, me kela mau huaolelo ae la a ua kiai nei.  huli ae la ia maluna o kona mau kapuai, a haalele iho la i ke keena o na paahao no ke kahua o kana hana.

            He mau minute li’u wale o keia noho mehameha ana o ua mau pio la ma ko laua mau keena pakahi, kii ia mai ia o Bonacio a lawe ia’ku la e ke koa kiai.

            Ua ninau aku o Bonacio no kona wahi e lawe ia nei, oia ka ke kua kiai pene mai ai.

            Aole au ninau no ia mea, aka, o kau hana pono wale no kou hahai ana mai ia’u.

            Mamuli o keia pane a ke koa iai, ua hiki ole ia Bonacio ke pane hou aku.

 

            Aole i pau.

$10      MAKANA $10

 

            E makana ia ana he umi dala i ka moa a mea a mau mea paha e hoihoi mai ana kuu lio i nalowale aku mai ko’u wahi o @@@@ nei ma kauhale o na paahana alanui hou Panialua, ma ke kua o Poowaina, He lio ahinahina kane, i k@ni ia ma ka uha hope akau C:K.    J.B. GRANT.

220-tfj

Na Hui Kinipopo.

Iune 13 Kamehameha vs Honolulu

“ 20 Hawaii vs Honolulu

“ 27 Kamehameha vs Hawaii

Iulai 4 Kamehameha vs Honolulu

“ 11 Honolulu vs Hawaii

“ 18 Kamehameha vs Hawaii

“ 25 Kamehameha vs Honolulu

Aug 1 Hawaii vs Honolulu

“ 8 Kamehameha vs Hawaii

“ 15 Kamehameha vs Honolulu

“ 22 Honolulu vs Hawaii

“ 29 Kamehameha vs Hawaii

 

OLELO HOOLAHA.

            Ua nalowale aku kuu Lio  [w] hulupala lae kea loihi a he mau wawae keokeo a pau kona eha, i kuni ole ia i ka hao, a e loaa no ka uku makana o $5.00.  E loaa no au ma kahi o T.C. Polikapa.

JNO H. POLIHALE.

Auwaiolimn, Honolulu, Apr. 30.        3ts       d.

 

 

Olelo Hoolaha.

            Ua makaukau ka mea nona o inoa malalo iho, e hana i na Pua HAKU PUNA ELEELE a me ka pohaku e ae no na pa kupapau.  a me na kahua kukulu kia            hoomanao.

O ka poe makemake e waiho mai i ka lakou mau kauoha me Ioane Akina

J. BOWLER.

Sept. 22, @90, d         ly*

 

H. P. K. Malulani.

            HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukaiau ma ke alo o na pali.  E ohiia no hoi na aie me ke kui ka eleu a me ka puahiohio.       Nov 8 ’90. d    ly.

 

HOOLAHA KAI KONOHIKI.

            Ke pa leo aku nei ke Konohiki o Waialae, i kona mau hoaloha a me na hoaaina o kona Aina, a hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ko poloai aku nei oia e ike a hoomaopopo i kei leo la.         Owau no.

3ins      d.         PAULO ISENBERG.

Ua Makemakeia

KEKAHI keikikane e hana ma kekahi hale kuai, he ohi i ke dala ka hana.  I ike i ka olelo a me ke kakau Beritania.  E ninau ma kahi o N. S. SACHS.

104, Alanui Papu.       3t-d 227.

 

OLELO HOOLAHA.

            Ma keia, ke haawi nei au i ka mana ia George H MoIane, e ohi i na @ie a paa o ka poo aia i ka waiwai o George H. MaLano o Nawiliwili, Kauai, a e haawi i na Ukiki ma ko’i inoa.

June 29, ’91.lwd.        K. PODSYN.

 

Hoolaha Hookapu.

            Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana aia okole i kapaia o Kalaheo, Kahaleula a me Puuoihala, no lakou ua eka @ e waiho la ma ka Paa, Kailua, Koolaupoko, Oahu, i hoolimalima ia e maua ana i ia Keleau (w) mai.  Nolaila, ke pape loa ia aku nei na holoholona o kela a me keia ano, aole e hookuu wale ia makuna o ua mau Apana Aina la, a o ka mea a mau mea paha o kue ana i keia, e hopu ia no o maua, a i ole ia, e ko maua mau hope paha, a o hooko ia e like me ke kuhikuhi a ke kanawai.  O na poe a pau o makemake ana e komo ho@o o keia @ui. o pono lakou e hele mai e hui pu me Mrs.  C.I. HIRAM, a i ole ia, me DAVID DAYTON, a i ole ia KUKA.

Owau no me ka haahaa

MRS. C. L. HIRAM.

Honolulu , Oahu.  Oct. 8, 1890.         3me    d.