Ka Leo o ka Lahui, Volume II, Number 235, 13 July 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NU HOU KULOKO.

 

>hand dingbat>   He mau puaa opio no ke kuai aku aia ma ka aina o Kapohulu, ma ke alanui mawaena o Waikiki a me Kamoiliili, e loaa ai, ina e makemake kekahi e hele malaila.

 

>hand dingbat> He leo kauoha, ke hai ia aku ne i na mea a pau e lawe ana i ka LEO a me ka OIAIO, e hookaa koke mai i ko oukou mau koena i koe. E hoolohe i keia leo, o i mai auanei no hoike mua ole ia aku ka hewa.

                Ma ke kauoha.

 

>hand dingbat> Ina Luna lawe pepa a pau o KA LEO, ke hoike ia aku nei ka lohe ia oukou, i na o ka luna, a mau luna paha o oukou he koena pepa kana o ka la 1 o Iune nei, e hoihoi mai i ke keena nei. Ma ke kauoha.

 

O ka mokuahi Iwalani ke pani aku ana ma kahi o ka mokuahi Malulani, oiai, e hoomaemae ia'ku ana oia.

E ke kiai, heaha ko ka po? Pane ke kiai: Ua poholo ae ma ka ipuka aniani o Keena Waiwai he iole lima huluhulu!

He holahula Europa ka i malamaia i ka po Poalima, ma Kilauea Kauai, no ka hoohauoli ana ia Lihu o Lolokulani.

He mau kulu, paka-ua olelo ko kakaiaka nui o nehinei i hookulukulu iho ai; e ole nae hoi ia, oluolu ai ka maka ke nana aku.

Iloko o ka wa a Kulanihako'i e kuupau ana i kana po'i wai, oia ka wa a kekahi poe lede i hiu aku ai no Manana ka pahuhopu.

Ua lohe mae makou i na iho he mau Loio hui hou ko keia kulanakauhale, he mau Hawaii wale no laua a elua, e malama i ke kahua o ka pono, i holopono ka hana.

Ua komo aihue ia ke Keena Waina Waihona o ka Lahui i ka no Poaono nei, e ka piko pau i ka iole, a hiu aku la i kekahi huina i maopopo ole; i keia la e ike ia ai.

I hea hoi oe i ka po nei, ho, ho, ho, i ka nounou hua noni, ha, ha, ha, pehea hoi oe i ka N. G. C. ho, ho, ho, he oe mahuha ma-he-ha, ha, ha, ha, oia ka hoi, ae, M.C. ho, ho, ho?

I ka huli, hoi ana mai o ka Maluiani, ua lonea mai la ka lono o Mr. Mahukaa Kamika, ua hala, ua nalo, ua kuu ka luhi, a ua haalele iho oia i kona hoa pili a me kana mau lei, e paiuma aku nona ma keia ka'e o ka maliwai eleele o ka make.

Ma ka hookuku kinipopo i ka auina la Poaono nei, mawaena o ka Honolulu me Hawaii, ua kea ka lanakila i ka inoa mua, ma o ka loaa ana i ka inoa mua 7 puni kue ia 6 puni a ka Hawaii. kekahi keia o na paanai maikai i ike iloko o keia Kau Kinipopo

He owala he peku kick ka hana a na wahi lio liilii i ka po Poaono nei, oi hoao aku ka poe kau iluna oke kua o ua poe liilii nei a paha'a ke akamai kau. Lohe mai nae makou mai a Pali mai, ua hanai kolohe ia i ka paula e kela keonima i haiolelo Pake ai a pau unuhi ma ka olelo Hawaii; oia ka ke kumu i noke loa ai o ua poe lio liilii nei o ka Mele Kolauna i ka owala, maikai loa nae koe na wahi pola kope 10c, aohe e pau i ka amu ia e kela poe lio kolohe nui wale.

I ka Poalima aku nei i haalele aku ai ka nuakal [sic] alii ia Lihue, a motio aku la no Kilauea ka pahu hopu.

 

UA KOMO AIHUE IA KE KEENA

O KE KUHINA

WAIWAI E KA MEA

LIMA LEPO.

 

Ma ka po Poaono nei, Iulai 11, ua komo aihue ia ae la ke keena o ke Kuhina Waiwai oia ke keena ma Ewa, oiai, o keia keena, oia ka waihona waiwai o ka lahui holokoa, mai o a o.

O kahi o keia lima lepo i komo mai ai, ma ka ipuka aniani mai no ia, ua hapai ia ka puka aniani iluna, a ua wehe ia ke olepelepe o loke, a ua komo aku ka mea aihue iloko.

Ma ka makou nana ana, ua hemo ke pani o ka hauhao, a o ka huina waiwai io i aihue ia aole i maopopo, ehia la ia, i keia la e ike ia ai.

O kahi o ke holohe i hoea ai i waho, ma ka puka ia ma waikiki, a ka rumi Ahaolelo, a ahai aku la ka pupuhi he i'a no uko'a. Ma ka makou kilo pono ana i ka mea nana i hana keia hana, me he mea ana i hana keia hana, me he mea 'la he kupa a he kamaaina i ke alo pali, a o ka hiki mua o ka poino o ka lahui, ola no ka mea nana e lawelawe ia loko, oiai, aole he wahi i manuhe'u o kahi o ke kolohe i hana ai i kana hana.

Nolaila, he mea pono i ke aupuni e hanu hele aku i ka meheu o ka mea nana i hana keia hana, e noii me ke akahele ma na ano a pau, oiai, o ka waihona ponoi keia o ka lahui. A he mea pono no hoi i ka Ilamuku, e haawi ae i kekahi uku makana kiekie i ka mea a mau mea paha, nana e hoola mai ka me nana i aihue, oiai, ma ka nana pono ana, me he mea ala, he elua paha mea nana i hana keia hana; aka ke olelo mai nei o Iehova ke Akua, o ka mea i hana ia ma kahi malu, e hoike ia ana no ia i ke akea.

Nolaila, e na kiai o ke aupuni, e hooikaika oukou ma na ano a pau, i hiki ke loaa keia kupu ino, a e he mea ala o ka wa i hana ia ai keia hana, i ka wa paha ia a ka ua e haluku ana, oiai he ano wai ke kapuai ke nana iho.

Nolaila, e na kanaka e lawelawe ana iloko o na keena oihana, e pono oukou e makaala loa, aole o ka mioi e aku no i ka hoi, me ka makaikai mua ole i na wahi a pau o ke keena; mamuli o keia hana ia ana o ka waihona o ka lahui, ua like ia me kehahi puupuu ikaika loa i ili iho maluna ou e Hawaii, oiai, i ka Poano ne no ka hoea ana mai o ka hoike a Keena Waiwai, a i ka po iho no hiki ae la ka aihue.

 

AUWANA A AIHUE IA PAHA

Ua nalowale aku mai kahi o ke Kanikela Iapana, alanui Nuuanu, kekahi lio ano hulupala hauliuli, he 8 makahiki, he 15 ana peahi lima ke kiekie, a he kiko keoeo mawaena o na maka, paa eha wawae a pau i ke kapuai hao. O kekahi mea e hoihoi mai ana, a e hoike mai ana i kahi e loaa ai, e uku ia no me ka maikai kupono, ma ka hole ana aku ma ke keena kanikela Iapana.           Mei 18, d5ts.

 

OLELO HOOLAHA

Ke hoike ia aku nei ka lohe i na mea a pau, eia ma ko'u wahi noho kekani lio ahinahina me ka hao kuni CPI. O ka mea nona keia lio, e pono e kii kok@ mai, me ka uku pu mai i ko'u mau lilo a pau loa. E au, o hala auanei na la he 15, lilo loa ia'u keia lio. E loaa no au ma kahi o Samuel Nakuia

                John Ua.

Auwaiolimu, July 6, 1891. 231-6td*

 

HE KUAI MAKEPONO.

I keia la 3. e kuai aku ana na mea nona na inoa malalo iho i na waiwai o ko laua halekuai ma ke kumukuai makepono loa i ike ole ia ka lua ma keia kaona. No elua pule wale no, mamua o ko maua nee ana aku. O na ano waiwai a pau, he mau waiwai hou loa, a me na ano paikini o kela a me keia ano o na keonimana. Na hulu, na Palale, Papale kapu, na paikini o na Lede, i kinohinohi ia me na ano like ole.   EGAN & GUNN.

        July 13, 1891.  235-tfd.

       

OLELO HOOLAHA.

1. E ikea auanei na mea a pau. eia ma ka Pa Aupuui o Makiki nei kekahi lio k, keokeo kikokiko kua nalo huelo poomuku hoailona kuni ano-e ak. @ uha hope.

2. Lio k. ulaula hauliuli kiko keokeo ma ka hae e 2 wawae keokeo hope hookahi wawae keokeo mua hema koko keokeo ma ke kua aole hoaiiona kuni.

3. Lio k. ulaula lae-kea elua wawae keokeo hope 2 wawae eleele mua hoailona kuni ano-e ak. uha hope.

4. Lio w. ulaula kiko keokeo ma ka lae kikokiko keokeo ma ke kua 4 wawae eleele hailona kuni C.J. ak. aia ma ka aoao akau o ka ai.

5. Lio w. ulaula lae-kea 4 wawae eleele huelo poomuku haoilona kuni ano-e ak, uha hope.

O ka mea a mau mea paha nona keia mau lio e pono e kii koke mai ina aole e kii koke mai a hala na la he 15, alaila, e kuai kudala aku no wa ma ka la 18 o Iulai M. H. 1891 awakea Poaono hula 12.

                        David Kaoao.

231 6ts-d*       Luna P Aupuni

 

I ka Poe Lawe Nupepa.

Ke poloai aku nei makou i ka poe heluhelu e lawe nei i ko kakou nupepa, e makaala mai i ka hookaa ana i ka uku o ka Nupepa m aka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa. No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole ia maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.

                J.E. BUSH.

 

Kauka Pake Akamai!

DR. LEONG KANG TONG.

MAKAUKAU OIA E LAPAU I NA

MA'I A PAU O KELA A ME KEIA

ANO, ME KA ELEU A ME KA

HOLOMUA

 

HE OLUOLU KA AUHAU.

 

>hand dingbat> KEENA OIHANA :– Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.

HE PALAPALA HOOLA.

       Honolulu, April 29, 1891.

Owau o Chu Sam Lan, no ke kulana kauhale o Honolulu, Mokupuni o Oahu Ko Haawaii [sic] Pae Aina. Ko hoola, a ko hooiaio aku nei au imua o ke akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo hoi ma ka olelo kahiko. Ke noi aku nei au i ka poe a pau i loohia me kela ano ma'i e hele ae iaia, a e loaa no ke ola. Ua loaa au i keia ma'i mai ko'u wa opio loa mai, a ua aneane he 4 makahiki o ka hoomalie ana a keia ma'i i ko'u kino, aka, ma keia wa ua loaa ia'u ke ola maikai loa. E hele ae e ka poe @luuluu a kaumaha.

        Mei 12, 1891           lm.-d.

 

$5.00 MAKANA.

O ka mea a mau mea paha e loaa ai kuu lio kane ahinahina, nona ka hao kuni, WD. ma ka uha akau hope, a ma ka aoao hema o kona a-i ua hoailona ia penei ZZ. E loaa kela makana i ka mea nana e hoihoi mai ma ke Keena o ka LEO.

Iulai 7, 1891. 5ts-d.

 

Hale Hana Wai

Momona

Wai Aniani.

Sam. Lad me John Grace na Ona.

 

Ka poe wale no na lakou e hana nei

NA WAI HOOMAEMAE KOKO KAULANA

oia hoi ka

SASEPARILA

-- A ME KA --

        WAI-HAO.

 

NA WAI MOMONA AWAPUHI,

SASEPARELA, LEMI, WAI

PIPII, SODAMAOLI, SIDA

KAMEPENA, &Ck@

 

Mutual 330-TELEPONA - Bell 298

>hand dingbat> E hooia ana ka maemae o na wai a pau. E hookoia no na kauoha a pau loa mai na Mokupuni mai a me ko ke kulanakauhale nei.              231 1yd

 

Aila Kuai.

 

E LOAA NO MA KAHI O

 

J. F. COLBURN

(KEONI KOLOBANA.)

Ma ke Kihi o na Alanui

Nuuanu

        -- A ME --

        Moi.

 

E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau loa.

Ko oukou hoaloa,

        J. F. COLBURN.

Honolulu, Iulai 8, 1891, 232 dtf.

 

Hale Kuai Wati Nui

HELU 1

No C. Ah Kau.

KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keai ano, na lako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lako e ae e pili ana.

E hoomanao a na makamaka, o keia AH KAU no ka mea nana i hana na WATI a me na lako GULA oi na o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, na wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ana i keia oihana me ka emi loa, a e hana hou ia na wati u me ua lako gula me ka hikiwawe a me ke emi loa. E hoouna mai i na kauoha me ka Pahu Leta Helu 268

E naue nui mai, a e ike no oukou iho. O na mea hou loa wale no i ike mua ole ia ma Hawaii nei.

        C. Ah Kau.

 

NAWAHI ME HUNTSMAN!

 

NO LOIO LAHUI!

 

Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na aha Kanawai, mamuli o na uku i aelike ia. Aia no ko maua keena Loio ma ke hiki akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3 p.m., ma ka Poaono nae, e pau ana i ka hora 12 m.

O na hana a na aina, mahele aina a me ke kaha ana e na kii a me na palapala aina a pau, ua waiho aku mana na ka Loea Ana Aina a Civila Enekinia kaulana R. W. WILIKOKI e lawelawe, a e hooko me ka eleu.

No na mea i koa, e kipa mai no ma ko maua keena nei o kuka pu ai. O maua no me ke aloha,

        J. NAWAHI me D. L. HUNTSMAN.

Honolulu, Iune 3, 1891.  208–dtf.

 

Kauka Yong Kam

Pung.

(APANA)

Helu 53, Alanui Maunakea.

Ke Kauka Loea o ka

Aina Pua!

 

Ua hiki ke hoola ia kela a me keia an@

ma'i, mai ko na kane, wahine a me

na keiki liilii. O na ma'i ha-no

ua hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke hoike

ia aku nei.

eia ke ola ia nei, me

ka oluolu pu o kahi auhau.

Ka poe pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o'u nei.

 

>hand dingbat> E KIPA mai e ka pie i hool@u@lau ia me na naawina pilihua a ka ma'i a na'u oukou e hooluolu aku.

KAUKA YONG KAM PUNG.

Honolulu Iune 2, 1891.  206-d3m

 

Ka Buke Akeakamai.

…… A'O ……

KE KI GULA

NO KEKAHI MUA MEA HUNA

POHIHIHI I HULUA E KA NOEAU

O KE KANAKA.

 

KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua houia o Levi-i-Levi olo ia ka Akeakamai Hawaii o ke Keneturia 19.

Mahele o ka Buke

MAHELE I.

ZODIALOGIA–Hoike Ouli ma na kaulana Mahina.

MAHELE II.

NAEVIALOGIA–Hoike Ouli no ka lia@ o k kanaka.

MAHELE III.

METRAGARATIMA–Ka hoike Ouli ma ka Hoonohonoho Huahelu ma ka Helu Kahala.

MAHELE IV.

ONEIROLOGI,

MAHELE V.

Ka Papa Konane Hoailona Pomaikai,

MAHALE VI.

Ka Arimatika Kamahao.

        J. M. POEPOE.