Ka Leo o ka Lahui, Volume II, Number 234, 10 July 1891 — Page 1
| This text was transcribed by: | Susan Moore |
| This work is dedicated to: | My Dad, Santiago M. Simpliciano |
KA LEO O KA LAHUI.
"E Mau ke Ea o ka Aina i ka Pono."
Buke II HONOLULU. IULAI 10.1891. Helu 234
He Moolelo Kaao
NO
KANA.
KE AHI KANANA--KA HIAPAIOLE--KA MOOPUNA A ULI--KA MEA NANA I HOOHIOLO O HAUPUKELE KA PUU KAUA I MOLOKAI.
Ma ia mea, ua maopopo iho la iaia nei, aohe ana mea e ku ai o kana makaia; ua hooholo iho la oia e huli hoi no knoa one hanau, no Hilo.
Ua hoi aku la oia me ke poho o ka manaolana, a ua hala iaia na anahulu ekolu o keia hele ana aia nei; a huli hoi keia i ka eha o na anahulu, a hiki hou keia i Hilo.
Iaia nei i hiki aku ai i kona home, ua halawai aku la oia me kona ohana, a me ka laua wahi keiki, me Niheu, a ninau mai ia ke keiki i kona makua:
Pehea aku nei kau huakai imi koa, ua loaa aku nei?
Ua hoole aku la kona makuakane, aohe i loaa.
Pane hou mai la o Niheu; a pehea no hoi, ina no hoi kaua e holo ana no Molokai, e kaua aku no hoi me Kapepeekauila, malia paha aohe ne hoi oia i ikaika loa, o ko kakou maka'u wale ana aku no hoi iaia; e hoao ka mea e pau ai o ke kuhihewa.
Pane mai la kona makuakane; aole e hiki ia oe, he opiopio oe, aole oe i kanaka makua, aohe oe i ao ia i ka oihana koa; nolaila, aohe e loaa ana ko makuahine.
Pane hou aku la kona makuakane; e kali hou oe ia'u e kuu keiki, e hele ae au e hoao i kela koa, a i hiki ole no hoi iaia, oia iho la no.
O ka inoa o keia koa a Hakalanileo e manae nei e kii, oia o Lanihale, a he koa kilokilo no hoi.
Oiai o ua o Hakalanileo i hoea aku ai imua o ua koa nei, ua hoike aku la oia i na kumu a pau e pili ana no kana huakai.
A eia ka ua koa kilokilo nei pane no ka ninau a ke alii: E huli hou aku oe i koa, hookahi moku i koe o Hilo.
Hoole aku la o Hakalanileo; aohe koa oia moku o Hilo; ina hoi ha he koa ko ia moku, aole hoi wau e hele mai i keia loa.
A ina pela, ua loaa ke koa, o ke koa k@ hoi ia, hee ua puu la o Haupukele, a pau no hoi kona lele ana i ka lani, a o ua koa kaulana la o luna o ka puu, he i'a auanei ia i mo'a i ka lawalu.
A eia hou keia ninau a'u ia oe: Aole anei a olua keiki hanau mai loko mai o ko laua mau puhaka?
He keiki no, aia aku la no i Hilo kahi i noho ai, me na ohana no o maua, aole nae i kanaka makua, aka, he wahi kino kamalii kona i keia wa.
Ehia a oina keiki i hanau mai ai?
He hookahi no keiki i hanau kanaka mai, a o ka lua o ke keiki, he keiki i hanau ia mai ma ke ano eepa, me he pokaa kaula la, a ua hoolei ia no e maua i ka puu opala; aole ana wahi pono e nana aku ai iaia.
Ia manawa i kulou iho ai o Lanihale i lalo, a i kona ea ana ae iluna, ua nana pono aku la oia ia Hakalani, me ka olelo ana aku:
O ua keiki la a olua i hoolei ai, a oia auanei ke keiki o olua e ola ai na iwi, a oia no hoi ke koa au e holo pu ai i molokai i ke kaua i kela puu, e lilo no auanei ka ikaika a me ka hanohano o kela puu i mea ole iaia.
A o ka ikaika auanei o Kapepeekauila e kaulana nei, e lilo auanei oia i pepe omo waiu imua o kona mama aloha, oia ka hoike a na aumakua o ka po ia'u, i keia wa a kaua e huipu nei.
Nolaila, e hoi oe, a hoouna aku i ko keiki mua, e pii iuka e halawai pu ai me kona kupunawahine me Uli, a na ua keiki la ia a olua e hoi ke aku i ka moolelo piha o ko laua makuahine i lilo ai i ka aihue ia.
Aka, aole nae i loaa he koa, a o ka hua no mai ko olna puhaka aku oia auanei ke koa, hee ka puu a ku hoi ko makaia.
Ke kani la ka lakou aka i keia wa, aka, i kani nae paha ka manu i ka wai.
Nolaila, e hoi pololei oe no Hilo, a e hoouna aku i ko keiki, e like me ka'u e hoike aku nei ia oe.
A ina e aloha mai ke kupunawahine o Uli i ka pii hookahi aku o ka moopuna imua ona, a aloha ae paha i ke kaikamahine ana i ka lilo ana i ka lima pakaha, a menemene ole o ka mea aihue.
A i kulou auanei kona poo ilalo a helelei iho kona mau waimaka, a ea ae iluna, a hoopuka mai i ka huaolelo i ka moopuna kanaka ana, ei ae no ke koa la o ko kaikaina kaula, e lawe oe iaia, i koa nana e luku i kela puu; alaila ka hoi pau ka pilikia, a o ka olelo a ke kupunawahine kana olelo e hoolohe ai.
Aole i pau.
I na Luna Lawe Pepa o KA LEO O KA LAHUI, ke ha'i ia'ku nei ka lohe ia oukou, ina he mau helu koe o ka la 3, 10, 20 o Aperila, a me ka la 5 o Mei nei, o ka nupepa KA LEO, ke kakuoha ia aku nei e hoihoi mai ma ke keena nei.
Ma ke kauoha.
Hale Hana Wai
Momona
Wai Aniani.
Sam. Lad me John @ @ Ona.
Ka poe wale no na lakou e hana nei NA WAI HOOMAEMAE KOKO KAULANA oia hoi ka
SASEPARILA
--A ME KA --
WAI-HAO.
NA WAI MOMONA AWAPUHI, SASEPARELA, LEVI, WAI PIPII, SODAMAOLI, SIDA, KAMEPENA, &C.
Mutnal 330-TELEPONA-Bell 298
E hooia ia ana ka maemae o na wai a pau. E hookoia no na kauoha a pau loa mai na Mo@puni mai a me ko ke kulanakauhale nei. 231 1vd
OLELO HOOLAHA.
Ke hoike ia aku nei ka lohe i na mea a pau, eia ma ko'u wahi noho kekani lio ahinahina me ka hao kuni CPI. O ka mea nona keia lio, e pono e kii koke mai, me ka uku pu mai i ko'u mau lilo a pau loa. E au, o hala ananei na la he 15, lilo loa ia'u keia lio. E loaa no au ma kahi o Samuel Nakuia.
John Ua.
Auwaiolimu, July 6, 1891. 231-6td*
OLELO HOOLAHA.
1. E ike auanei na mea a pau, eia ma ka Pa Aupuui o Makiki nei kekahi lio k, keokeo kikokiko kua nalo huelo poomuku hoailona kuni ano-e ak, uha hope.
2. Lio k, ulaula hauliuli kiko keokeo ma ka lae e 2 wawae keokeo hope hookahi wawae keokeo mua hema kiko keokeo ma ke kua aole hoaiiona kuni.
3. Lio k, ulaula lae kea elua wawae keokeo hope 2 wawae eleele mua hoailona kuni ano-e ak, uha hope.
4. Lio w, ulaula kiko keokeo ma ka lae kikokiko keokeo ma ke kua 4 wawae eleele hoailona kuni C.J. ak, aia ma ka aoao akau o ka ai.
5. Lio w, ulaula lae kea 4 wawae eleele huelo poomuku hoailona kuni ano-e ak, uha hope.
O ka mea a mau moa paha nona keia mau lio e pono e kii koke mai ina aole e kii koke mai a hala na la he 15, alaila, e kuai kudala aku no wau ma ka la 1S o Iulai M. H. 1891 awakea Poaono hola 12.
David Kaoao.
231 6ts-d* Luna Pa Aupuni.
OLELO HOOLAHA.
E ike auanei na mea a pau, eia ma ka Pa Aupuni lio o Makiki kekahi pipi ulaula w, kiko keokeo ma ka lae hoailona kuni 83 ak, uha hope, kikokiko keokeo ma ka aoao ak, oki mawae ma ka pepeiao hema pepeiao ak, oki pahupu ma ka welelau o ka pepeiao malalo o kela ma na pepeiao, aole @ paa maloko o ke pa'i hakahaka, mamali o ka uhai o keia pipi. O ka mea a mau mea paha nana keia pipi, e pono e kii koke mai, a ina aole e kii koke mai a hala na la 15, alaila, e kuai kudala aku no au ma ka la 15 o Iulai hora 12 awakea.
David Kaaoao.
22@ 3ts* Luna Pa Aupuni.
Aila Kuai.
E LOAA NO MA KAHI O
J. F. COLBURN.
(KEONI KOLO@ANA.)
Ma ke Kihi o na Alanui
Nuuanu A ME Moi.
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai ne a pau loa.
Ko oukou hoaloha.
J. F. COLBURN.
Honolulu, Iulai 8, 1891. 232 dtf.
$10 MAKANA $10
E makana ia aua he umi dala i ka mea a mau mea paha e hoihoi mai ana i kuu lio i nalowale aku mai ko'u wahi e noho nei ma kauhale o na paahana alanui hou Pantalus, ma ke kua o Puowaina. He lio ahinahina kane, i kuni ia ma ka uha hope akau C. K. J. B. GRANT
229-tf.
OLELO HOOLAHA.
E ike auanei na mea a pau, eia ma ka Pa Aupuni o Makiki nei, kekahi mau lio kana keokeo ahinahina, huelo poomuku, hao kuni @no e, ma ka aoao akau o ka mea a mau mea paha nona keia lio, e po no e kii koke mai iloko e na la he @5. E hoomaka ana ka helu ia ana o keia mau la mai ka la aku e @ keia oleelo hoolaha: a i ole pela aiaila, e kuai ku dala aku ana au ma ka la 11 o Iulai ae nei 1891.
J. KALEI.
Iune 16, 1891. @ts-d. Luna Pa Aupuni.
I ka Poe Lawe Nupepa.
Ke poloai aku nei makou i ka poe heluhelu e lawe nei i ko kakou nupepa, e makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa. No ke paewaewa o ka hookaa ia ana o ke dala, a ne ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.
J. E. BUSH.
NAWAHI me HUNTSMAN!
NA LOIO LAHUI!
Ua makaukau mana e kokua aku i na poe o ka Lahui i loohia ia e na pilikia kivila a hewa paha; a e @oi a e hoopii @ku ma kekahi o ia mau ano i@ua o na Aha Kanawai, mamuli o na uku i aelike ia. Aia no ko maua keena Loio ma ke ki@i akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9am, a 8pm., ma ka Poaono nae, e pau ana i @a hora 12 m.
O na hana a na aina mahele aina a me ke kaha ana o na kii a me na palapala aina a pau, ua waiho aku maua na ka Loea Ana Aina a Civila Enekinia @aulana R. W. WILIKOKI e lawelawe, a e hooko me ka eleu.
No na mea i ko@ e ki@ @ ma ko maua keena nei e kuka pu ai. O maua no me ke aloha,
J. NAWAHI me D. L. HUNTSMAN.
Honolulu, Iune 3,1831 20@-dti.
Na Hui Kinipope.
Iune 13 Kamehameha vs Honolulu
" 20 Hawaii vs Honolulu
" 27 Kamehameha vs Hawaii
Iulai 4 Kamehameha vs Honolulu
" 11 Honolulu vs Hawaii
" 18 Kamehameha vs Hawaii
" 25 Kamehameha vs Honolulu
Aug 1 Hawaii vs Honolulu
" 8 Kamehameha vs Hawaii
" 15 Kamehameha vs Honolulu
" 22 Honolulu vs Hawaii
" 29 Kamehameha vs Hawaii
OLELO HOOLAHA.
Ua nalowale aku kuu Lio {w} hulupala lae kea loihi a he man wawae keeke@ a pau kona eha, i kuni ole ia i ka @ao, a e loaa no ka uku makana o $5.00. @ loaa no au ma kahi o T. C. Polikapa.
JNO H. POLIHALE.
Auwaiolimn, Honolulu, Apr. 30. 3ts-d.
Olelo Hoolaha.
Ua makaukau ka mea nona Oinoa malalo iho, e hana i na Pua HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanae. O ka poe makemake e waiho mai i ka lakou mau kauoha me Ioane Akina
J. BOWLER.
Sep@. 22, '90, d--ly*
H. P. K. Malulani.
HE LOIO a he hookapeke olelo ma ke Kanawai. E loaa no @ @ ke kai hawanawana o Kawainae e @ @ me ipo la, a Hamakua au i ka la i o K@kaiau ma ke alo o na pali. E ohiia no hoi na aie me ke ku i ka eleu a me ka puahiohio Nov 8 '90, d--ly.
HOOLAHA KAI KONOHIKI.
Ke pa leo aku nei ke Konohiki o Waialae, i kona mau healoha a me na hoaaina o kona Aina, ua ho@limalima aku @ia i ke kai i keia manawa, a ua hookapu iho oia i ka hee nona iho, a nolaila, k@ poloai aku nei oia e ike a hoomaopopo @ keia leo la. Owau no,
3ms-d. PAULO ISENBERG.
Ua Makemakeia
KEKAHI keikikane e hana ma kekahi hale kuai, he ohi i ke dala ka hana. I ike i ka olelo a me ko kakau Beritania. E ninau ma kahi o N. S. SACHS,
104, Alanui Papu. 3t-d 227.
OLELO HOOLAHA.
Ma keia, ke haawi nei au i ka mana ia George H McLane, e ohi i na aio a pau o ka poe aie i ka waiwai o George H. McLane o Nawiliwili, Kauai, a e haa wi i na likiki ma ko'u inoa.
June 29. '91 lwd. K. PODEYN.
Hoolaha Hookapu.
@ Ke hoike ia aku nei ka lohe i oa ano kanaka a pau loa. Ua hookapu loa m@ua i ko maua mau Apana Aina @ i kapaia o Kalaheo, Kahaleala a me Punoihala, no lakou na eke 2@2 e waiho la ma ka Paa, Kailua, Koolaupoko, Oahu, i h@ olimalima ia e ma ua mai ia Keleau (w) mai. Nolaila, ke papa loa ia aku nei na holoholona o kela a me @ ano, aole e hookau wale ia maluna o ma mau Apana Aina la, a o ka mea a mau mea paha e kue ana i keia, e hopu ia no e mana, a i ole ia, e ko maua mau hope paha, a e hooko ia e like me ka kuhikuhi a ke kanawai. O na poe a pau @ makemake ana e komo iloko o kela Hui, @ pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa
MRS. C. I. HIRAM.
Honolulu, Oahu, Oct 8, 1890. @