Ka Leo o ka Lahui, Volume II, Number 227, 1 July 1891 — Page 1

KA LEO O KA LAHUI.

"E Mau ke Ea o ka Aina i ka Pono." 4-5-11-12-18-19-25-26-

 

He Moolelo Kaao

NO

KANA.

KE AHI KANANA-KA HIAPAIOLE-KA MOOPUNA A ULI-KA MEA NANA I HOOHIOLO O HAUPUKELE LA PUU KAUA I MOLOKAI.

Ua hele hoolalau aku la o Niheu ia la a hiki i ke ahiahi ana, a moe oia ma ka  nahelehele no ia po; a i ke ao ana ae, au ala ae la no keia a hoi pololei aku la no kai o Hilo; no ke mea, akahi no oia a ike mai i ke ano pololi. Oiai ua wahi kolohe nei e kunewa hele ana no kona home ponoi; a ma ka auina la oia la, ua halawai pu aku la oia me kona mau makua aloha, a ua puili pu mai la kona mau makua iaia nei, me na waimka aloha keiki. I ka pauana e ko lakou hui aloha ana, na makua me kek keiki, ua noho iho la lakou e hoopiha i ka lua o ka inaina; no ka mea, ua hele mai la o loko o kahi kamaiki a hae i na mea ai. Aia ma keia manawa a lakou e nuu ana i na mea ai o luna o ka papaaina; oia ka wa a Niheu i hoike aku ai i ka moolelo o kona pii ana, a me kona hui pu ana me Uli, a me ko Uli haawi ana mai i ke alo ha a nui loa i kona mau makua, ua hoike pu aku no hoi oia ia laua, i kona ike ana i kela hale loihi a ka launa ole mai, a me kona ike pu ana i kela pokaa kaula nui iloko o au hale nei. Pane hou aku la au wahi keiki nei: Ua hoike mai nei kela luahine ia'u; o ko'u kaikaina pokii ka kela pokaa kaula. Pehea la ka olelo a kela luahine i olelo mai nei ia'u? he oiaie anei kana olelo, aole paha; aole o'u hilinai i ka olelo a kela luahine, aia no wau a ike maka, alaila wau hilinai aku, wahi a Niheu. Malia paha ua oiaio no hoi ko kupuna wahine i olelo mai la ia oe; a penei nae kahi moolelo no ua pokii la ou: I kuu hapai ana iaia, a hiki i ka wa i nahunahu ai o'u, a hanau aku la wau, a i ka hema ana iwaho, au haalele iho la wau i ke keiki i ko'u ohana, a hele aku la wau e auau a hoomaemae hoi i ko'u kino, a i ko'u hoi ana mai nae mai ke ki'o wai mai, au olelo mai la ka ohana ia'u, aohe keiki he kaula wale no; molaila ua hoolei ia aku nei e makou ma @ahi e loa, wahi a ka makuahine o Niheu i hoakaka pono aku ai. No ke ano pau ole o ko Niheu pohihihi; nolaila, au huli ae la oia a ninau aku la i kona makuakane: He mea oiaio anei ka mama i olelo iho nei? Ae, he mea oiaio ka kou makuahine i olelo mai nei ia oe, ua hanau kaula ia kekahi o olua, mailoko mai o kou makuahine; malia paha oia aku la no ia pokaa kaula au i ike aku la iloko o kela hale. Pela paha, aole wai i hoomaopopo. Pela pu no hoi ko mana manao, aole i maopopo loa; na ke au o ka manawa e hoike mai, i ke keiki a me ke keiki ole, e nalo no hoi e ike ia ana, alaila, maopopo ia kakou a pau he keiki io no. Ma keia wahi o ko kakou hoonanea, he mea pono e hoopau ko kakou noonoo ana no Niheu i keia wa a e hoohuli ae ko kakou nana ana no ka nohona ohana ana o Hakalanileo a me Hoakalani. O Hoakalani, oia kekahi wahine ui, a he mau helehelena nani a mai kai kona ke nana aku; a he mea no hoi e hoohie ai o ka aoao oolea, no ka mea hoi, he pua keia au kanu ia i Kukaniloko. Ua hauamu ia oia e ke onaona waianuhea, ke noho la no hoi oia me kana kane iloko o na puili pumehana o ke aloha o ke kane i ka wahine, a pela no hoi ka wahine i kana kane. Ua noho laua me ka nanea, me ka manao ole ae e, e hiki mai ana he mau la e loaa ai na haawina kaumaha, a luuluu maluna o Hakalanileo, no ka lilo ana o kana wahine ka mea aloha mai kona poli aku. Ma keia wahi o ko kakou moolelo. he mea pno i kou mea kakau, ke waiho i ke kamailio ana no Hakalanileo a  me Hoakalani, e walea ana i ka ua huki hee nehu o ka aina, a me ka papa kahulihuli o Wailuku. E hoakaka aku ana kou mea kakau i ka moolelo o ka mea nana i kaili aku i ka makuahine o Niheu, a me Kana, ka mea nona keia moolelo a kakou e ike nei. O Hauoukele, he puu kaua ia aia i Molokai, o Mo-i, oia ke kahuna o luna o ua puu kaua la, a oia ka mea i oleloia. o ka moe hoi a Mo i, a ke kahuna mana o Haupu. I mana no paha i ka la o ka mana, a hiki mai ka la o ka pilikia, aole iho la he mana. E like me ka Hiiaka i olelo aku ai i kana ipo aloha ia Lohiau; o ka pule paha, a eia ka Lohiau i pane mai ai, i mana no paha ka pule i ka la o ka mana. O nuakea, oia ke kaikuahine o Mo-i, a he kilokilo kana hana, o Kapepeekauila oia ke koa. a o kona hope aku ma ka oihana koa no ka puu. oia o Kuheulani. O Keoloewa, oia ke alii nui o luna o ka puu. Aole i pau.

NA MEA HOU.

Ua hoale hou aku nei o Rusia he $100,000,000. He $1000,000.000 a oki aku ka moraki aie o Tureke e noho aie nei ia Rusia. Ua make ke Kuhina Nui o Kanada i ka la 6 o Iune, i ke 76 o kona mau makahiki. Ua hana o Pope Leo i kona palapala hooilina, e hooili ana a pau loa i kona waiwai i ka Oihana Hemolele Roma. Ma kekahi mau apana o Rusia he mau hane i ka nui o ka poe make wi iloko o na pule hope pokole mai nei. Ua hoi mai ka Pope e hoonui ae i ka hookupu kanela hookahi o Petero. Ua haule ia keia hookupu he $2,000,00 malalo o ka mea i manaoia ai. Ua ku aku ka moku mahu Itata o na kipi o Kili, ma kekahi awa nuku o To@@pila, Kili, me 5,000 laipela a me 2,000,000 owili poka, ma ka la 4 o Iune. Aole oia i ike iki ia e ke Kaletona. a ku wale no. Mahope o kona ku ana, ua haawi ia mai oia i ka aumoku kauwa ma Iguiga, he haneri mile ma ka akau mai, a e hoihoi ia mai ana hoi e ke aupuni Amerika a Sana Diego.

KA MONAO O KA LAHUI

E na Kuhina o ke alii ka Moiwahine, eia ka lahui ke ku nei me ka nana aku i ka oukou hana, -me ke kali ana o ke ike e hana ia ana ka hana. Ma ke kiai ana a ka lahui holookoa mai o a o, aole loa he wahi lihi iki o ka ikea aku e eueu mai ana oukou, aka, o ka mea i ike ia, oia no kela mau olelo kaulana o ke au i ani aku la; "Alia." Hele a hiki i Kealia o ka po no ia. No ia kali ana, hoomanawanui ana, oia ka mea e hala ai o ka wa pono, a oia ka mea o ka lahui e kamailio nei ia oukou. Oia hoi. o ka lahui, oia ka haku maluna o oukou a pau, e ka poe e paa ana i na oihana o ke aupuni, o na mea a ka lahui e ike ai, oia ka hoolaha a ke Kuhina Kale e pili ana no ke alanui o ka Luapele, mai Hilo aku a Kilauea. Aka ma ka makaikai ia ana o kahi i pau i kea-na ia e ke A-na Aina hoopau dala o ka lehulehu, ua ike ia kana hoike, aole i makohi aku, a o ka hoolaha ana a ke Kuhina Kale no ke koho ana i ka mea koho haahaa e hana ua alanui ala, ua ike ia a @@@ no e hana ia ana. Oiai hoi, ke nee aku nei ka manawa imua, a hoea mai ka 1892, a oia auanei ka wa a ka lahui e pehi mai ai i ka Aha Kuhina o ka Moiwahine, me na olelo o ka la ano keia ano, mai ko lakou mau wahaolelo mai. Nolaila, i mea no oukou e maemae ai imua o ka lahui, a e lohe ole ai, hoi i na kaina leo, e hana koke aku oukou i kekahi hana ano nui i hooholo ia ai e ka Ahaolelo o 1890. Nolaila, ma ko ka lahui aoao ke kamailio nei makou no ka pono laula o na mea a pau.

 

He mau puaa opio no ke kuai, aia ma ka aina o Kapohulu, ma ke alanui mawaena o Waikiki a me Kamoiliili. e loaa ai, ina e makemake kekahi e hele malaila.

He leo kauoha, ke hai ia aku nei i na mea a pau e lawe ana i ka Leo a me ka Oiaio. e hookaa koke mai i ko oukou mau koena i koe. E hoolohe i keia leo, o i maia auanei no hoike mua ole ia aku ka hewa. Ma ke kauoha.

Ina Luna lawe pepa a pau o Ka Leo, ke hoike ia aku nei ka lohe ia oukou, i na o ka luna, a mau luna paha o oukou he koena pepa kana o ka la 1 o Iune nei, e hoihoi mai i ke keena nei. Ma ke kauoha.

I na Luna Lawe Pepa o Ka Leo o Ka Lahui, ke ha'i ia'ku nei ka lohe ia oukou. ina he mau helu koe o ka la 3. 10, 20 o Aperila, a me ka la 5 o Mei nei. o ka nupepa Ka Leo, ke kauoha ia aku nei e hoihoi mai ma ke keena nei. Ma ke kauoha

HE ANAINA HOOMANA MA ARIONA HALE

Ma na Lapule a pau, e hoomaka ana ke anaina haipule i ka hora 9 a hiki i ka hora 10:30 a.m., no na kanaka Hawaii. a ma ke ahiahi hora 7:30 p.m. no na haole, a me ka poe e makemake ana e hele. Lunakahiko @. Haws.

Kuai Kudala

ona

Pa-Hale ma Kalihi, Honolulu, Oahu.

Ua loaa mai ke kauoha ia'u e kuai aku ma ke kuai kudala akea, ma ko'u Keena Kdala, ma Alanui Moiwanine, i ka POKAHI IUNE 29, 1891, HORA 12M. He 36 mau Paa aina Noho Nani, mawaena o alanui Moi me Beckley, he aneane hapaha mile ma Ewa aku o ke Kula Kamehameha. Ua mahele ia keia mau apana ma kekahi ano, a me ka nunui kupono e hiki ai ke komo mai iloko o ka lima o kela a me keia mea ka loaa ana e like me ka makemake kekahi home no lakou ponoi iho iloko o na palena mamao kupono i ka poki o na wahi hana o ke kulanakauhale. Ke kulana a me na pono lehulehu e ae o keia mau apana aina, ua hiki ole ke hoohalike ia me na aina e ae o keia ano i kuai ia iloko o keia kulanakauhale i na makahiki i hala e aku. O ke ano o ka waiho ana o keia mau aina, ma ka waha aku o ke awawa o Kalihi ma ke kiekiena kupono, ua loaa mau ke ea oluolu maikai a me ka maikai maoli no o ka noho ana. E huli ana keia mau aina pa-hale a pau i ke alanui Kalihi, he 55 kapuai, oia hoi ke alanui oi aku o ke akea ma na wahi e pili kokoke ana i ke kulanakauhale o Honolulu, a e holo ana hoi mai alanui Moi a puka i alanui Beckley. Aia malalo iho o ekolu minute ke hele wawae aku loaa keia mau apana aina mai kahi o ke alanui kaahao (Train car) e pau ai. Ka wai. E hoomoe ia ana he paipu kumu wai, he 8 'iniha ke ana-waena e hoomoe ia ma ke alanui Moi, mai na hoomoe ana paipu o ke aupuni, e hooia ana i ka lawa i ka wai. Ano e loaa no ka wai mai ka pa kula Kamehameha mai. E ike ia no kekahi palapala kii aina o keia mau hale pa hale ma ko'u Keena kahi no hoi e loaa ai na hoike i makena ke ia e ninau aku. Ke ano o ke kuai ana. Hookahi hapa ma ke dala kuike. ke koena iloko o hookahi makahiki ma ka ukupanee o 9 keneta pa-haneri i hoopea ia ma ka moraki. O na lilo o ka palapala @@nai, me ka mea no ia e kuai ana i ka aina. JAMES F. MORGAN. Luna Kudala. Honolulu Mei 29, 1891. 204-dtf.

Na Hui Kinipopo.

Iune 13 Kamehameha    vs Honolulu

"      20 Hawaii           vs Honolulu

"      27 Kamehameha             vs Honolulu

Iulai 4 Kamehameha     vs Honolulu

"       11 Honolulu      vs Hawaii

"        18 Kamehameha  vs Hawaii

"        25 Kamehameha  vs Honolulu

Aug   1  Hawaii          vs Honolulu

"         8 Kamehameha   vs Hawaii

"         15 Kamehameha vs Honolulu

"         22 Honolulu       vs Hawaii

"         29 Kamehameha vs Hawaii

OLELO HOOLAHA

Ua nalowale aku kuu Lio [w] hulupala lae kea loihi a he man wawae keokeo a pau kona eha, i kuni ole ia i ka hao, a e loaa no ka uku makane o $5.00. E loaa no au ma kahi o T.C. Polikapa. JNO H. POLIHALE. Auwaiolimn. Honolulu, Apr. 30. 3ts-d.

OLELO HOOLAHA.

Ua makaukau ka mea nona O-inoa malalo iho. e hana i na Pua HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanao. O ka poe makemake e waiho mai i ka akou mau kauoha me Ioane Akina. J. BOWLER. Sept. 22, '90, d-ly*

H.P.K. Malulani.

HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene an! me ipo la, a Hamakua au i ka la'i e Kukaiau ma ke alo o na pali. E ohila ao hoi na aie me ke ku i ka eleu a me ka puahiohio. Nov 6 '90, d-ly.

HOOLAHA KA@@ KONOHIKI.

Ke pa leo aku nei ke Konohiki o Waialae, i kona mau hoaloha a me na hoaaina o kona Aina, na hoolimalima aku oia i ke kai i keia manawa, a ua hookapu iho oia i ka hoe nona iho, a nolaaila, ke poloai aku nei oia e ike a hoomaopopo i keia leo la. Owau no. 3ms-d. PAULO ISENDERG.

HE KOKUA! -

NO KA POE PILIKIA, E HELE AKU I KE

KEENA O

R.W. WILIKOKI MA.

HE KOKUA ma ke KANAWAI, a no ka Hooponopono ana i na kuleana Aina a me na palena Aina. Ua makaukau oia e hana i na Palapala Kanawai o na ano a pau, a ua lawa oia no ka hana ana imua o na Aha Hookolokolo a pau o ke aupuni, ma o kona hoa, kekahi o na Loea Kaulana o keia mau la. Keena Helu 15, Alanui Kaahumanu. 195-dly.

Hoolaha Hookapa

Ke hoike ia aku nei ka lohe i na ano kanaka a pau lea. Ua hooka@u loa maua i ko maua mau Apana Aina ekolu i kapaia o Kalaheo, Kahalenia a me Puuoihala, no lakou na e@a 202 e waiho la ma ka Paa, Kailua, Koolaupoko, Oahu, i hoolimalima ia e mana mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hoo@@@ wale ia maluna o ua mau Apana Aina la, a o ka mea a mau mea paha e kue ana i keia e hopu ia no e maua, a i ole ia e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui. o pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA. Owau no me ka haahaa. MRS. C. I. HIRAM. Honolulu, Oahu. Oct. 8, 1890. 3@@-d.