Ka Leo o ka Lahui, Volume II, Number 226, 30 June 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

Ka Leo

John E. Bush

Luna Hooponopono a me puuku.

POALUA,IUNE 30, 1891

      He Molelo Kaao No KAMAPUAA.

      KE KEIKI PUAA A KAHIKIULA ME HINA - KA MOOPUNA PUAA A KAMAUNUANIHO - KA HOA PAIO HOI A PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

     

      O oe ia e Haunuu, e haulani

      E Haalokuloku

      Ka Mano e ka i'a nui

      E ui, e Uilani

      Ko inoa Puaa ia e o mai.

 

      Ua hoole mai la kana wahine mai pii oe iuka, e noho kaua una oe e pii, pii no kaua. E noho nei oe i ka hale nei o kaua, a hoi mai hoi au. aole oe e hoi ola mai ana, oia ke kumu o ka'u au'a ana aku ne ia oe, e noho mai no jaua, mai hoopaakiki oe.  Aole pela, o kou koho e mai no ia'u no ka make, owai hoi ka mea hoihoi aku ia mea ino o ka make, nolaila, mai au'a oe ia'u, he mau keika kane no hoi maua.  No ko ia nei paakiki, ua hoopau wale ae loa no kana wahine i kona manao au'a; nolaila i ke kupono ana o ka la i ka lolo, ua hiki pono aku la keia maluna pono o kekahi pali, e huli aku ana hoi o kahi a LonoKaeho e noho mai ana me kana wahine.  I ka ike ana mai Lonokaeho i keia kanaka e ku hookano aku nei iluna o kaula o ka pali, ua kuhea mai loa oia: Maihea mai bnei oe e kela kanaka hookano, o ke komohewa ana mai i ko'u kuahiwi kapu ?  Aole anei oe i lohe au kapu keia uka no Lonokaeho ke kanaka ikaika ? No kuu lohe no hoi ke kumu o ko'u pii ana mai nei, no ko'u makemake e uhaki i na lae oioi ou a e pili mai hoi oe e huipu me a'u i ike ia na mea keiki kane o kaua, nau paha na kamaaina, na'u paha na malihini. He ikaika oe. wahi a Lonokaeho. Pela no ko'u manao. Pehea la oe i manao ai e Lonokaeho he kanaka ikaika ka oe ?  Penei, he pohaku wale no na wahi a pau o ko'u kino. aia wale no kahi kaawale la o ka piko; a pehea la hoi kou ikaika e kela kanaka malihini ? I aku la o Kamapuaa, he pohaku wale no no ko'u a pau,a ma ko'u piko, he papa pohaku pnoa, a oia la i lohe oe.  Ikaika io aku la oe, wahi a Lonokaeho, ke lele liilii la ka pala ai kahiko o ka umeke; nolaila e iho mai ilalo nei kaua e hakaka ai.  Aole paha e ku ka ikaika i kahi haiki e hakaka ai, e pii mai oe iluna nei, wahi a Kamapuaa.  Ua pii mai la o Lonokaeho me kona mau lae ku'i elua, a i mai la e aho ia oe ka mua o kaua i ka malihini.  Ia oe no ka mua i ke kamaaina, wahi a kamapuaa.  Ia wa, au lalau aku ia o Lonokaeho i kona lae ku'i, a hoopili iho la ma kona lae, a hoomaka mai la e oki i ke kuahiwi, a au manao iho la oia au make kona hoa paio; aka i ka hoi ana mai o ua lae nei a pili i kona kino, ua ku hou aku no o Kamapuaa imua on a.  E kuhi ana au au make oe, wahi a Lonokaeho.  Pela wale iho la no kou ikaika e hana ai, ina iho la no kou wahi ikaika, @@ila. aole no i waa ka noho ana i. Hilo, wahi a Kamapuaa.  Ia wa au lalau hou aku la o Lonokaeho i ka lua o kona lae ku'i ia wa ua hoomaka aku la ua lae nei e oki i na ululaau a au i ke kai hohonu, a i ka pau ana, ua hoi mai la a pili i kona kino; i nana mai ka hana e ku aku ana no keia.  E make ole la hoa paio e Lonokaeho, kai no paha u alawa oe me ka ikaika, no laila, e hana a nui ko ikaika o make auanei oe ia'u a i makemake oe i ke ola e mihi mai, wahi a Kamapuaa. Heaha ko'u mea e mihi aku ai ia oe, no ka mea, o ka'u ai keia me ka'u i'a, o nei mea o ka ikaika he ipo aloha na'u, wahi a Lonokaeho.  I ku no kou ikaika i ka hakaka me kamalii me ka wahine, i loaa iho nei owau o ke keiki kane, e mimihi paha auanei o Kaukuiki pokii ma ia oe, a e uwe auanei paha ka liha i kona makua he uku, wahi a Kamapuaa.  I loa no a pau ka laua kamailio ana, au hoolale koke aku la no o Kamapuaa me kana laau ihe. e malama i kou ola, o puehu auanei i ka moopuna puaa a Kamaunuaniho.  O ko ia nei onou aku la no ia o kana laau ihe, i pale ae ka hana o Lonokaeho, ua puka pu aku la kona kino, a moe aku la i ka moe kau a hooilo. Nolaila, ua ike iho la ua puaa nei a kaua, ua make kona hoa paio ua hoomaka aku la e iho ilalo o ka pali kuhoho.  No ke kii ana i ke kaikuana o kana wahine, i ko ia nei hoea ana aku, au koi aku la keia e hoi kaua no ka home o kou mau makua e noho kanaka ua mai la ia oe. a pela no hoi ko kaikaina ka'u wahine a me na makaainana. Ua ae mai la o Kekaihaakulou i  ka manao maikai o ka laua kane nolaila, ua hoomakaukau iho oia iaia ih@ a i ka pau ana au hoomaka aku la laua nei e hoi.  I ko laua nei hoea ana aku i kai au ike mai la na makua me na ohana alii o ko laua mau makua he mau hora ia o ke aloha, hoonipo mawaena o ke keiki me ka makua, ka pokii hoi me ka hanau mua. A pela pu no hoi mena makaainana, au noho kauoli iho la ke alo alii no ke anahulu la hookahi, me na hoahaaina lehulehu ana mao a maanei ko kane mai.  Ua make ai nei oia ia ia nei, he keu keia o ke oolea ma ka'u ike i ko kaua nei wa i hakaka ai, oia ko'u kumu i hoi mai nei, a ke kauoli neiwau i ko kakou hui hoi ana he makua a he keiki.  Heaha la auanei ka'u uku e uku aku ai i ka mea nana i hoopakele mai nei ia'u. ke manao nei au hookahi no a'u uku e uku aku ai, o na iwi, ke oluolu oia. e noho aku no wau ma ke anoano he kaua lawelawe nona, a i ole o ko kakou nei aupuni, a me na makaainana pu kekahi, e haawi aku i uku panai no ko'u ola nei.  He mea maikai ia, wahi a ko laua nei mau makua. e noho kauwa aku kakou malalo ona, ua hooholo lakou ia manao me ka naau lokahi.  Nolaila ua hoike aku la lakou i ka lakou mea i kuka ai imua o Kamakaokai, ua olelo mai la oia:  aole au e lawe mai ana i ko oukou manao hoopaa, a hoi iho no hoi aole o'u makemake e uku ia mai au no ka'u mea i hana ai maluna o Lonokaeho ma ka waiwai, hookahi no a'u uku i manao ai, oia no ke aloha.  No ka mea, ua aie mua au i ka lokomaikai palena ole. o ka olua kaikamahine ia'u, i ko'u wa i kipa malihini mai ai io oukou nei; nolaila e hoopau oukou i ko oukou manao.  Nolaila aa hoopau wale ae la no lakou i ko lakou manao, a noho pu wale iho no lakou.  I kekahi mau la ua kuhaua ae la ke alii i kona mau makaainana no ke kukulu ana i ka hale no kana mau kaikamahine a me ka laua kane, ( ua noho hookele ae hoi keia no ia mau waa ia manawa).  Ua hooko mai la na makaainana i keia leo o ko lakou alii, a i ka paa ana, au hoi aku la o Kamapuaa me kana mau wahine no loko o ua hale nei.  Ua liuliu wale na la o lakou nei i noho pu ai, au ku a nanea maoli ko ia nei noho ana i ke kainulu o Kahiki.  Me he mea la. e like me na hooheno a ko kakou mau alii opio i hala e aku nei e like me keia: E walea iki ae ana, Me ke kai lu'a i ka ili. Pela iho la i hoohala ai o Kamapuaa ma ka noho pu ana me kana mau wahine o ia aina malihini ana i alo hookahi ai.

 

Kauka Pake Akamai!

DR.LEONG KANG TONG.

MAKUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

HE OLUOLU KA AUHAU.

Keena O@ana: - Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.

 

HE PALAPALA HOOLA

      Honolulu, April 29, 1891. Owau o Chn Sam Lan, Mokupuni o Oahu Ko Haawaii PAe Aina.  Ke hooia, a ke hooiaio aku nei au imua o ke akea, ua ike au a ua maopopo ia'u a ke haawi Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo hoi ma ka olelo kahiko.  Ke noi aku nei au i ka poe a pau i loohia me kela ano ma'i. e hele ae iaia, a e loaa no ke ola. Ua loaa au i keia ma'i mai ko'u kino, aka, ma keia wa ua loaa ia'u ke ola maikai loa.  E hele ae e ka poe i luuluu a kaumaha.

 Mei 12, 1891. 1m.d.

 

Ka Buke Akeakamai.

A O

KE KI GULA

NO KEKAHI MAU MEA HUNA PO HIHIHI I HULUA E KA NOW AU O KE KANAKA.

 

KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e LEvi-i-Levi ole ia ke Akeakamai Hawaii o ke Keneturia 19.

Mahele o ka Buke.

      MAHELE I.

      ZODIALOGIA - Hoike Ouli ma na kaulana Mahina.

      MAHELE II.

      NAEVIALOGIA- Hoike Ouli no ka @a o ke kanaka.

      MAHELEIII.

      METRAGARATIMA - Ka hoike Ouli ma ka hoonohonoho Huahelu ma ka Helu Kabala.

      MAHELE IV.

      ONEIROLOGI

      MAHELE V.

      Ka Papa Konane Hoailona pomaikai.

      MAHELE VI.

      Ka Arimtika Kamahao.

        J.M. POEPOE.

 

 

PAPA KUHIKUHI

O

KA HUI ALAHAO A ME AINA O OAHU.

E HOOMAKA ANA MA KA LA 25 OKATOBA, 1891.

                                             A.M A.M P.M P.M

      Haalele ia Honolulu *6:15  8:45 1:46 4:30+

      Hoea ma Hononliuli *7:15  9:42 2:49 5:29+

      Haalele ia                 *7:45 10:51 3:51 5:50+

      Hoea i Honolulu       *8:40 11:55 4:55 6:45+

      * Lapule wale no.

      + Poaono wale no.

 

 

OLELO HOOLAHA

      Ke hoikeia aku nei ka lohe i na mea a pau, eia ma kahi noho o ka mea nona k inoa malalo iho, kekahi lio kane lae kea umauma keokeo me ka hao kuni H.  O k amea no ua keia lio, a mau mea paha, e pono e kii koke mai, me ka uku pu mai i ko'u mau lilo a pau, a me ka uku o keia hoolaha ana E au. o hala auanei na la he 15, o ka lilo no ia o keia lio ia'u.

  J. ALAPAI Kapalama, Honolulu, Iune 8, 3tsd

 

 

700 KAKINI 700

$1.75 A KE $3.50 o ke kakini hainaka hookahi.

 

 

      Aole keia waiwai kuai i ike ia maanei mamua e like aku me kona ano ka nani a me ka emi o ke kumkahi, kihi o na akanui Papu a me Moi, ma Ewa mai o ka Hui o Holo ma. 215-d2ws.

AUWANA A AIHUE IA PAHA

 

                 

 

      Ua nalowale aku mai kahi o ke Kanikela Iapana, alanui Nunanu, kekahi lio ano hulupalu hauliuliu, he 8 makahiki, a he 15 ana peahi lima ma ke kiekie, a he kiko keokeo ma waena o na maka, paa eha wawae a pau i ke kapuai hao.  O kekahi mea e hoihoi mai ana, a e hoike mai ana i kahi e loaa ai, e uku ia no me ka maikai kupono, ma ka hele ana aku ma ke keena kanikela Iapana. Mei 18, d5ts.

 

I ka Poe Lawe Nupepa.

 

      Ke poloai aku nei makou i ka poe heluelu e lawe nei o ko kakou nupepa, e makaala mai o la hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike la ma ke poo o keia Nupepa.  No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ke hebedoma ka hookaa. i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o ma luna ae, alaila, no na luna ka hewa, aole no ka mea heluhelu, a ina aole io maoli no na luna ke hewa. alaila,e kala ia makou no ke oki ana aku i ka poe hookaa ole mai i ka lakou nupepa. J.E BUSH

 

Hale Kuai Wati Nui

HELU 1

No C. Ah Kau.

 

      KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C, na @@au e kela a ,e keia ano, na lako wehi GULA a me DAIMANA, na KOMOLIMA GULA a me DAIMANA, ne WATI nunui ano hou loa o kela a me keia ano, na PUPANAPANA a me ma lako e ae pili ana.  E hoomanao e na makamaka, o keoa AH KAU no ka mea nana i hana na WATI  a me na lako GULA ai mai kela Aupuni, a i kamaaina ma kona hale nana i nohe ai ma Alanui Nuuanu Heli @ mamu, a oiai ua hoolilo aku oia o kona kuleana malaila, ua wehe ae nei oia he hale hou ma Alanui Moi ma Waikiki iho e ke Keena e ka nupepa Elala, a ola no hoi ke keena oihana mua o ka Hui Alahao Hawaii.  E loaa no na mea a pau e pili ana i keia oihana me ka emi loa, a e hana hou ia me na wati a me na lako gula me ka hikiwawe a me ka emi loa.  E hoouna mai i na kauoha ma ke Pahu Leta Helu 2@@.  E nana mai , a e ike no oukou ma O na mea hou loa wale no i ike @@@ ola ia ma Hawaii nei C. AH KAU.