Ka Leo o ka Lahui, Volume II, Number 225, 29 Iune 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.           HONOLULU, IUNE 29, 1891.         Helu 225

 

He moolelo Nanea

NO

DeAtanani.

Ke Koa o ka Lio Olohe,

--A I OLE--:

NA KIAIEKOLU O FARANI.

            Ua ala mai iloko o ua opio nei na noonoo ano nui e pili ana i kona hoaloha Hapale, a oia kana i @lu iho ai me ka moakaka ole o kela mau hana, a i mea nona e ike pono ai owai la kela mea maloko mai o ka hale.

            Haalele iho la ia i kahi ana e pee nei, a hele aku la ia no kahi o na hoohalua o ke aumoe.

            Iaia i hoea aku ai ma kahi e hiki pono ai iaia ke ike pono aku owai la ka mea iloko o ka hale, aia hoi, me kona kahaha nui, aia hoi, ike aku la ia, aole o kona hoaloha Hapale ua mea la e like me kana i koho wale ai, aka, he lede ua mea la, a owai la ua lede nei?

            Aole hoi oia wale ka ua opio nei i ike aku ai, aka, ike pu aku la oia i ua lede nei i ka weho ana ae he hainaka, a haawi mai la i ka lede e ku aku nei mawaho me ka panai pu ana mai i kekahi mau huaolelo a ua koa opio nei o ka lio olohe i lohe ole aku ai

            I ka pau ana ae o na olelo a ka lede nona ke keena, pani hou ia'ku la ke olepelepe o ka puka aniani, a @a wa i hohola hou mai ai ka pouli ma ua wahi nei.

            O ka lede hoi mawaho nei aku o ka hale, ua huli ae la oia maluna o kona mau kapuai a baalele iho la i ua wahi nei, me ka owili pu ana ae iaia iho iloko o kona koloka helepo loihi.

            Me ka manao pu aua hoi o ua le de nei, aole la he mea hookahi i ike iki iaia.

            Aka, o ia mau noonoo ana o ua lede nei, ua kuhihewa loa ia oia, oiai, ua ahuwale e aku la oia i ke koa opio.

            A oia ka ua opio nei i pane ae ai iaia iho me ke ano pihoihoi o ka hauoli.

            O ka madama Bonaeio anei kela a heaha kana mau hana ma keia wahi i na manawa o ka po e like me keia?

            E ukali aku no au mahope o kona meheu, a e pono hoi ia'u ke ike, heaha la k@na mau hana ma keia wahi?

            Me keia mau huaolelo a ua koa opio nei, hahai aku la oia mahope o ka meheu o ua lede maalo nei o ke aumoe.

            A no na minute pokole, kalele iho la na lima o ua koa opio nei i na kipoohiwi o ua lede la, me ka pane pu ana iho:

            E ka madame, heaha kau hana ma keia wahi i na hora o ka po e li ke me keia?

            Ua hoopuiwa loa ia ka madame no keia mau hana a ke koa opio, a i ka wa ana i lohe mai ai i ka leo, huli ae la oia a pane ae la ia Atanani:

            Auwe! e hoomaikai ia na lani, o oe no anei ia?

            Pane aku la ka opio, ae, owau no keia?

            Alaila, i hookolo mai nei anei oe mahone o ko'u meheu? wahi a ka madame.

            Aole e ka madame, aole, aole au i hookolo mai nei mahope o kou meheu, aka, he ulia wale iho la no o ka laki.

            O ka'u mea i ike a hoomaopopo, oia no ko'u ike ana i kekahi lede i like loa na ano me oe, e kikeke ana m@ ka puke aniani o ke keena o ke kahi o ko'u mau hoaloha.

            Aha @ he lede i like loa ke ano me a'u, alaila, e ka Monasiua, ua hoomaopopo anei oe no'u? a owai hoi kela hoaloha ou?

            Pane aku la o Atanani, ae e ka madame, ua hoomaopopo no au nou o ka madame Camile Bonaeio no oe, a o kela hoaloha o'u, o ka Mona siua Hapale no ia, kekahi o na koa kiai o ka puali aahu eleele malalo o kapena Terevila.

            O Hapale? owai la ia mea? wahi o ka madame.

            O kuu hoaloha, kekahi o na koa kiai o ka puali aahu eleele malalo o kapena Terevila.

            Kupanaha! aole loa au i ike a lo he mua na kela inoa, a oki loa aku hoi no kona mau helehelena, wahi a ka madame.

            Alaila, e hoole mai ana anei oe aole oe i ike ia Hapale?

            Ae e ka Mohasiua, aole loa au i ike i kekahi o keia mau mea au e kamailio mai nei.

            Alaila, he lede okoa loa no kela i like l@a @a ano me kou ea? a owai hoi kela lede? ho! aole anei o oe no ia e ka madame?

            Aole, e like me ka'u i hai mua aku nei ia oe? wahi a ua madame Bonaeio nei.

            Ina aole o oe @a lede nei, alaila, e ka madame, heaha kau hana ma keia wahi i na hora o ka po e like me keia?

            Aole anei he hana nui kau e @oao mai nei e hoohunahuna ia'u, wa hi a ka opio i hoomau aku ai i kana kamailio ana.

            Aole ia he mau hana hoohuuahu na a'u, aka, o ka oiaio maoli no @a! wahi a ka madame.

            Mamuli o keia mau kuaolelo hope ae la a ka madame, ua hiki hou ole i ke koa opio ke niele hou aku, a oia hoi kana i hoomaoe hou aku ai i ka madame.

            Alaila, ihea kau huakai o keia wa aumoe e hele aku ai?

            Pane mai la ua madame nei, e ike ana oe i ko'u wahi e hele nei, ke ae mai kou hanohano e lawe aku oe ia'u ilaila.

            Ina pela kou manao, ua loaa ia'u ka hanohano no ka lawe ana aku ia oe ilaila.

            Me keia mau olelo mawaena o ke koa opio a me ka madame, uhaele like aku la laua, a no ka manawa he hapalua hora ka loihi, hoea aku la laua mawaho o ka puka o kekahi hale, a oia ka wa a ua madame la i pane mai ai:

            O kahi keia a'u i hele mai nei, a ano e ka monasiua, ke hookuu aku nei au ia oe me ka mahalo.

            Aole anei au e kali nou mawaho nei? wahi a ke koa opio o ka lio olohe.

            Aole e ka Monasiua, oiai, aole he waiwai o kou kali ana no'u mawaho nei, wahi a ka madame.

            E ka madame, owai la ka inoa o keia wahi?

            O Rue l'Hapa, wahi a ka madame.

            Alaila, aole ou hopohopo no kou wa e huli hoi mai ai? wahi a ka opio.

            Aole e ka monasiua, aole, ma ka mea o na lani, e haalele iho i keia wahi, a! ke kani mai la ka hora 12 o ke aumoe, ka @ora hoi i make make ia ai no ka hiki ana aku no kekahi wahi..

            O keia mau olelo hope a ka madame, oia ka @a koa opio nei i pane aku ai:

            O kau noi ia'u uo ka haalele ana iho i keia wahi, he mea hiki ole ia'u ia ke hoole aku, ano e ka madame, e aloha auanei?

            Me keia mau huaolelo a ua opio nei, haalele iho la ia i ka madame Bonaeo, a huli Loi pololei loa aku la ma ke ala e hoea aku ai no kona wahi keena.

            Oiai oia ma ke alahele e hookoko ke aku a@a i Rue des Fa@oi, ua hoo hikilele loa ia ia oia i ka pa-e ana mai a kekahi leo mahope pono mai no ono, a o ke okalakala a me ka maka'u, ke halii nei ia maluna o ke koa opio:

            Pilikia e ka monasiua ea! pilikia?

 

HE ANAINA HOOMANA MA A@IONA HALE.

            Ma na Lapule a pau, e hoomaka ana ke anaina haipule i ka hora 9 a hiki i ka hora 10:30 a.m., no na kanaka Hawaii, a ma ke ahiahi hora 7:30 p.m. no na haole, a me ka poe e makemake ana e hele.

Lu@kahiko A. Haws.

 

Kauka Yong Kam Pung.

(APANA.)

Helu 53, Alanui Maunakea.

Ke Kauka Loea o ka Aina Pua!

Ua hiki ke hoola ia kela a me keia ano ma'i, mai ko na kane, wahine a me na keiki liihi.  O na ma'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei, eia ke ola ia nei, me ka oluolu pu o kahi auhau.  Ka poe pilikia hanau keiki a hele nui paha o ke koko, a paa a lohi paha ka hanau ana, paa paha o ka waiu, e hele nui mai i o'u nei.

 

            E KIPA mai e ka poe i hooluuluu ia me na @aawina pilihua a ka ma@ a na'u oukou e hooluolu aku.

KAUKA YONG KAM PUNG.

Honolulu Iune 2, 1891.           206-d3m@

 

Ka Buke Akeakamai.

A O

KE KI GULA

NO KEKAHI MAU MEA HUNA PO@ HI@HI I HULIIA E KA NOE AU O KE KANAKA.

KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.

Mahele o ka Buke.

MAHELE 1.

AODIALOGIA—Hoike Ouli ma na kaulana Mahina.

MAHELE II.

NAEVIALOGIA—Hoike Ouli no ka Ila o ke kanaka.

MAHELE III.

METRAGARATIMA—Ka hoike Ouli ma ka Hoonohono@nahelu ma ka Helu Ka@ala.

MAHELE IV.

ONEIROLOGI.

MAHELE V.

Ka@Papa Konane Hoailona Pomaikai.

MAHELE VI.

Ka Arimatika Kamahao.

J. M. POEPOE.

 

Na Hui Kinipopo.

Iune     13        Kamehameha  vs         Honolulu

"           20        Hawaii             vs         Honolulu

"           27        Kamehameha  vs         Hawaii

Iulai     4          Kamehameha  vs         Honolulu

"           11        Honolulu         vs         Hawaii

"           18        Kamehameha  vs         Hawaii

"           25        Kamehameha  vs         Honolulu

Aug     1          Hawaii             vs         Honolulu

"           8          Kamehameha  vs         Hawaii

"           15        Kamehameha  vs         Honolulu

"           22        Honolulu         vs         Hawaii

"           29        Kamehameha  vs         Hawaii

 

OLELO HOOLAHA.

            Ua makaukau ka mea nona Oinoa malalo iho, e hana i na P@a HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanae.  O ka poe makemake e waiho mai i ka lakou mau kauoha me Ioane Akina.

J. BOWLER.

Sept. 22, '90, d—1y*

 

H. P. K. Malulani.

            HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae, e hoene a@ me ipo-la, a @amakua au i ka la'i o Kaka@au ma @e me ke ku i ka eleu a me ka @ahiohio     Nov 7 '90, d-1y.

 

HOOLAHA KAI KONOHIKI

            Ke pa leo aku nei ke Konohiki o Waialae, i kona mau hoaloha a me na hoaaina o kona Aina, @a hoolimali@a aku oia i ke kai i keia manawa, a ua hookapu iho oia i ka hee no a iho, a nolaila, ke poloai aku nei oia e ike a hoomaopopo i keia leo la.       Owau @o.

3 ms-d.            PAULO ISENBERG.

 

HE KOKUA!

NO KA POE PILIKIA, E HELE AKU I K@ KEENA O

R. W. WILIKOKI MA.

            HE KOKUA ma ke KANAWAI, a no ka Hooponopono ana i na kuleana Aina a me @a pa@ena Aina.  Ua makaukau oia e hana i na Palapala Kanawai o na ano a pau, a ua lawa oia no ka hana ana i@a o na Aha Hookolokolo a pau o ke aupuni, ma o kona hoa, kekahi o na Loea Kaulana o keia mau l@

Keena Helu 15, Alanui Kaahumanu.  195-d1y.

 

Hoolaha Hookapa.

            Ke hoike ia aku nei ka lohe i na ano kanaka a pau loa.  Ua hookap@ loa maua i ko maua mau Apana Aina ekolu i kapaia o Kalaheo, Ka@ a me Puuoihala, no lakou @a ek@ 2@2 @ waiho la ma ka Paa, Kailua, Koolaupok@, Oahu, i hoolimalima ia e mana mai ia K@au (w) mai.  Nolaila, ke papa, @ aku nei na holoholona o ke@a a-me-keia ano, aole e hookuu wale ia maluna o @a mau Apana Aina la, a o ka mea a mau mea paha e kue ana i keia, e hop@ ia @ o maua, a i ole ia, e ko maua mau hope paha, a e hooko ia e like me ke kuhikahi a ke kanawai.  O na poe a pau e makemake ana @ komo iloko o keia Hui, @ pono lakou e hele mai @ hui p@ me Mrs, C. I HIRAM, a i ole ia, me DAVID DAYTON, a i ole ia KUKA.

Owau no me ka heahea

MRS. C. I. HIRAM.

Honolulu, Oahu, Oct. 8, 18@0.          @