Ka Leo o ka Lahui, Volume II, Number 220, 22 June 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO

John E. Bush

Luna Hooponopono a me Puuku

 

POAKAHI, IUNE 22, 1891

 

He Molelo Kaao

 

No

 

KAMAPUAA

 

KE KEIKI PUAA A KAHIKIU

LA ME HINA – KA MOOPU

NA PUAA A KAMAUNUA

NIHO – KA HOA PAIO HOI

OPELE, KA WAHINE O KA

LUA I KILAUEA, A HALA

LOA AKU I NA KUPUNA O

KUKULU O KAHIKI

 

O oe ia e Haunuu, e Haulani

E Haalokuloku

Ka Mano e ka I’a nui

E ui, e Uilani

Ko inoa Puaa ia e o mai

 

OLELO HOAKAKA – O keia paha ka moolelo hookala kupua, a hoopahaohao i ka noonoo o ke kananka. A kou mea kakau e panee aku nei imua o na makamaka heluhelu o ka Nupepa KA LEO O KA LAHUI; e pili ana i keia kanaka Puaa i hanou kupanaha ia – A i lilo hoi ia i Akua no kekahi hapa o keia Lahui kanaka e hoomana ai i ke au kahiko, mai kona mau kupuna mai, na makua, kona hanau ana a me kona ikaika lua ole.

Ina e ike ana ke mea e heluhelu ana i keia moolelo, i na hemahema a me na kina’una’u, e pono no e kala mai, oiai, aole paha i like loa ka moolelo a kela a me keia mea e paa mai nei i keia wa, e like me keia, aole no paha he mea e loa ana i keia manawa i ike i na mea i hana ia i na la iokiki loa; aole no i akaka ka mea pololei.

O Kananananuiaimoku k, noho ae ia Haumealani w, ke kaikamahine no Kuaihelani, mai ke kukulu mai o Kahiki.

O Kananananuiaimoku k, no ka pali ia o Kapulehu, e pili la i Waihee, Maui, oia kona one hanau.

Ua hanau mai na Kananananuiaiku k, me Haumealane w, keia mau keiki; Kamaunuaniho w, Haunuu w, Haulani k, Haalokuloku k, Kamanokaianui k, Lono k, Ui k, Uilani w, Kuliaikekaua k, a me Aweaweaikealoha k, pau na kupuna o Makapua.

Ua leihi na la o ka noho pu ana o Kananananuiaimoku me kana wahine; a mailoko mai hoi o ke laua mau puhaka kela poe keiki i hoi ke pakahi ia ae la ke lakou mau inoa maluna.

A mahope mai oia manawa, oiai, ua lu’a iho la ka noho pu ana o ke kane me ka wahine, a ke pii mahuahua ae la ka nui o ke kino o ka laua kaikamahine makahiapo, a pela pu no hoi me kekahi mau keiki e ae a laua.

Ua hanai kapu ia o Kamaunuaniho, mai kona mau la opio mai a hiki i kona nui loa ana, a i kupono hoi no ka ike ana aku i ke kane.

Iloko o keia manawa a ka makua kane e ike nei i ka nui @kupono o kana kaikamahine no ke kane, nolaila, ua ulu ae la no ka manao iini iloko ona no ka lawe ana mai i ka laua kaikamahine makahiapo i paepae aoao hou nona.

I ka wa i ike lihi ai o Haumealani i ka hana aloha ole a kana kane iaia, no ka laua kaikamahine, nolaila, ua hoike aku la o Haumealani i kona manao i kana kane.

Aka, mamua o ka hoopuka ana aku o ka wahine i kona manao, ua pane e mai la kana kane:

Heaha ka manao e ka’u aliiwahine, e pono no oe e hoike mai.

I aku la kana wahine iaia e aho no paha e lawe no oe i ka kaua kai kamahine i wahine hou nau.

Aia no hoi paha ia i ka kaua hoo holo like ana, ke pono no hoi paha ia i kou manao, wahi a ke kane i pane aku ai.

Heaha auanei hoi ka’u, na’u no hoi i hoike aku la ia oe, a e noho pu no hoi paha kakou.

Ina pela ua pono, a noho ae la no hoi lakou nei, he kane a he mau wahine.

A iloko o keia manawa a lakou nei e noho like nei, ua maopopo mua no ia Haumealnai kana mea e hana ai, e haalele ino iho ana ia i ko Hawaii nei keiki, ua loaa ae la no hoi na hua mai ko laua mau pu haka aku; a ke hu mai la hoi kona aloha i kona mau makua, na ohana, a me ka aina hanau.

Ua hoomakaukau mua keia i kona waa, me na lako o ka holo moana ana, a me ke kokua pu ia mai hoi e kona mau kupuna akua o ka po, a pela iho la oia i huli hoi ai no kona aina makuahine me ka maalahi, a ua haalele iho la koa waa i koa kanaka.

A ma keia wahi o ka kakou moolelo, e hoopoina kakou ia Haumealani, a e huli hou ae kakou i hope, a nana aku ia Kananananuiaimoku me Kamaunuaniho, noho pu ana.

Ua hapai ae la o Kamaunuaniho, a hanau mai la ia Hina w, ua hanai kapu ia iho la o ua o Hina e na kaikunane o Kamaunuaniho, mau ka o Waihee, a hiki i ka nui ana, a ua pii pu ae no hoi me kona nani lua ole, ua haiamu iho la ka maemaemae, me ke onaona pu kekahi maluna o ko Hina oiwi kino; a ua hoopulu mau ia kona kiuo palupalu e ka wai hu’ihu’i o Eleiili, oia hoi ka wai kaulana oia aina.

No keia ike ana o ua mau makua nei ika nani hoomhie o ka laua kaikamahine, nolaila, ua kuka pu iho la o Kananananuiaimoku, me kana kaikamahine wahine, a me na kahu hanai o ka laua kaikamahine.

I aku la na luna, aloha ino oukou, i ka papau o oukou i ka make i ke alii o makou; no ka mea, he.

Ma ko lakou kuka like ana, ua hooholo lakou e kapu ka maluhia o ke kihapai pua, o ka lakou kamalei, a noa ka ili i ke alii nui o ka Moku o Oahu, oia hei o Olopana.

O Olomana k, noho ae ai ia Anini w, hanau mai o Olopana k, a me Kahikiula k, elua mau keiki alii, a keia mau alii o ka moku o Oahu.

Maopopo ae la paha ia oukou e na makamaka heluhelu o keia moolelo na makua o Olopana ke alii o Oahu nei i kela wa kahiko.

Ua hoolako iho la na makua o Hina, no na mea e pono ai o ka holo moana ana, no ka haukai imi kane, i ko Koolau e kupono ana me Hina.

Ua waiho iho o Haumealani he laau kookoo ula na Kamaunuainiho, he laau hooilina mai ko Haumealani mau kupuna mai.

Ua hiki i keia laau, ke hooliloia i Waa i kekahi manawa, e like me ka makemake o ka mea nana ia laau; a oia ka waa i holo ai o Kamaunuainih a me Hina, kana kaikamahine, a me na kaimunane ekolu o Kamaunuainiho, Uilani. Kuliaikekaua a me Aweaweikealoha.

He elima ko lakou nui i holo mai ai, mai Waihee Maui mai, i na la i na Ole, oia na la wehe o ke au i ka aina, a he mau la maikai hoi ia no ka holo moana ana.

Ua haalele iho lakou i ko lakou home a me ko lakou mau ohana mahope, a hele mai i ka huakai imi kane hoi a ka lakou kaikamahine.

Ua holo mai lakou ma ke ahiahi o ka la o Ole Kukahi, a ma ka auina la o Ole Kulua, ua pae aku la ko lakou nei we ma Oneawa.

Kahi keia a Hiiaka i olelo aku ai i kana aikane aloha ia Wahineomao

O kuu Ulukoa i kai o Oneawa

E – aloha wale.

Hoole mai o Wahineomao me ka olelo pu mai:

Wahahee wale oe, aia paha i ke kuahiwi e ike ia ai ka ulukoa, aole i kahakai.

Aole paha i ike o Wahineomao, o ka waa kea e auamo ia ae la e na kanaka makai o Oneawa.

I kela wa a ko lakou nei waa i pae mai ai, ua kapua ia na kapakai o ka mokupuni o Oahu nei, aole he waa e pae; no ka mea, e kapu Heiau ana o Oahu nei, na ke alii na Olopana.

Aka hoi, i keia waa hoonana no hoi i pae mai ai, aohe he i ae e he maka’u, oiai hoi, ua puni na makalae o Ooahu nei i ka hoonoho@a me na luna kiai; ina e pae mai ka waa he make wale no ko ke kanaka, aohe he ola, a aohe hoi he puuhonua e pakele ai.

Ma ia la a lakou nei i pae mai ai ua @ele mai la na luna, a halawai pu me lakou nei, a ua haawiaku la na luna i ke aloha i na malihini holo moana.

Ua ninau hou aku la na luna, he waa aha ko oukou, he waa alii anei? a owai ka inoa o ke alii.

Ae, he waa alii, a o Hina ke kaikamahike alii o luna o keia waa, mau la kapu Heiau keia no ua alii nei o makou, no Olapana.

Pane aku la o Kamaonuaniho a me kona mau kaikuaana i na luna, heaha la auanei hoi ka hewa ke make? no ka mea hoi, he mau iwi make no ka hoi keia, a he nani ma ke ana ia, ua make imua o ke olii.

Eia ka auanei, aohe he make olaila, i ka wa i ike ai ua alii la o Oahu nei i ke kaikamahine o Maui.

A huli hoi aku la na luna imua o ke alii o Olopana, a hoike aku la hoi i keia mea hou imua o ke alii; olelo aku la na luna, he mao wahine ui laua a elua, he waa ula he ula na mea a pau o luna o ka waa, a me ekolu mau kanaka o luna o ua waa la.

 

TOO MUCH POLITICS IN HAWAII

 

Like Bancho’s ghost we just appear upon the scene once more to echo the sentiment o fthe ‘Bulletin’ man, with the big head, that “there’s too much politics in Hawaii.” and why we want to take a rest is to give the “Bulleting” a chance to get off that three rail fence of religion, rum and marriages and write some more inspiriting articles about “Too much politics in Hawaii,” as we have been at the weary task of hunting through the “Bulleting” pages for the past four months, and all that is there about politics is “there is too much politics in Hawaii,” and when we come out of our cave about four months before election time, we shall expect to find the “Bulleting” “rasseling” with a plethora of politics and still on the three rail fence.

As for old granny on Merchant street, of course she had, - tru to her cur instincts – to yelp at the Lion retiring for a rest. But au revoir, granny, we will keep up the fun about the “incubus” later.
We saw the “political agitator and adventurer,” and he was considerably broken up, as he expected the “Bulletin” man would support him for the Secretaryship of the Y. M. C. A., but “too much politics in Hawaii” is a live theme for the disappointed inspector of minds, morals and mortar. Take a rest thou muchly kicked pair of battered apologies!!

 

We hear of another suit for damages, for $25,000. This suit, is instituted by a Philistine widow against one of the elect.

 

NAWAHI ME HUNSTMAN!

 

NA LOIO LAHUI!

 

Ua makaukau mana e koukua aku i na poe o ka Lahui i loohia ia e na pilikia ki@ilaa hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i aelike ia. Aia no ko maua keena Loio ma ke kihi akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3 pm., ma ka Poaono nae, e a pau ana i ka hora 12m.

O na hana a na aina, mahele aina a me ke kaha ana o na kii a me na palapala aina a pau, ua waiho aku maua na ka Loea Ana Aina a Covila Enekinia kaulana R. W. WILIKOKI e lawelawe, a e hooko me ka eleu.

No na mea i koe, e kipa moi na ma ko maua keena nei e kuka pu ai. O maua no me ke aloha,

J. NAWAHI me D. L. HUNTSMAN

Honoiulu, Iune 3, 1891.  208-dtf.

 

Ka Hui Uwati

Kaleponi

 

Na uwati gula o waho, hoopiha ia, me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka pule hoikahi. E kipa ae io –

A. J. SCHREIBER – Agena Alanui Hotels, malalo iho o ka Hotels Alonetona.

 

OLELO HOOLAHA

 

E ike auanei na mea a pau, eia ma ka Pa Aupuni o Makiki nei, kekahi mau lio i lio kane ulaula lae kea, wawae keokeo hope hema, hoailona kuni (I) ma ka uha hope akau; 2 lio puakea aole kuni. Nolaila o ka mea a mau mea paha no lakou meia mau lio, e pono e kii koke mai iloko o na la he 15. E hoomaka ana ka helu ia ana o keia mau la mai ka la aku e puka ai keia olelo hoolaha; a i ole pela alaila, e kuai kudala aku ana au ma ka la 4 o Iulai ae nei 1891.

 J. KALEI

Iune 16, 1891. 3ts-d. Luna Pa Aupuni.

 

AUWANA A AIHUE IA PAHA

 

Ua nalowale aku mai kahi o ke Kanikela Iapana, alanui Nuuanu, kekahi lio ano hulupala hauliuli, he 8 makahiki, he 15 ana peahi lima ke kiekie, a he kiko keokeo mawaena o na maka, paaeha wawae a pau i ke kapuai hao. O kekahi mea e hoihoi mai ana, a e hoike mai ana i kahi o loaa ai, e uku ia no me ka maikai kupono, ma ka hele ana aku ma ke keena kanikela Iapana.

Mei 18, d5ts.

 

 

OLELO HOOLAHA

 

E ike auanei na mea a pau, eia ma ka Pa Aupuni lio o Makiki kekahi mau lio; hookahi ho kane, hao kuni [d] @ F. akau, lae kea wawae keokeo 4; hookahi lio wahihe, lae kea ulaula wawae keokeo hope hema kiko keokeo hope akau, hao kuni JK. Ua komo mai keia mau lio i ka la 11 o Mei, makahiki 1891, a ina aole e kii mai ka poe nona keia poe lio alaila e kuai kudala ia aku no keia mau lio ma ka la 23 o Mei.

J. KALEI,

Mei 19, 3ts-d. Luna Pa Aupuni

 

I ka Poe Lawe Nupepa

 

Ke poloai aku nei makou i ka poe heluhelu e lawe nei i ko kakou nupepa, e makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa. No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.

J. E. BUSH

 

Hale Kuai Wati Nui

HELU 1

No C. Ah Kau

 

KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na lako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lake e ae e pili ana.

E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke keena o ka nupepa Elele, a oia ne hoi ke Keena oihana mua o ka Hui Alahao Hawaii. E loaa no na mea a pau e pili ana i keia oihana @e ka @mi loa, a e hana hou ia na wati u me na lak@ gula me ka hikiwawe a me ke emi loa. E hoouna mai i na kauoha ma ka Pahu Leta Helu 968

E naue nui mai, a e ike ne oukou iho. O na mea hou loa wale no i ike mua oio ia ma Hawaii nei.

 

C. Ah Kau