Ka Leo o ka Lahui, Volume II, Number 214, 12 June 1891 — Page 3
| This text was transcribed by: | Julia Ann P Kaupu |
| This work is dedicated to: | Charles Kauhi Kaupu, Jr. |
KA LEO O KA LAHUI.
"E Mau ke Ea o ka Aina i ka Pono."
He Lono Lauahea.
Ua lohe mai makou, ua hoi aku nei ka Ua'u a noho i ka lua, oiai ua makau ka opaa i ka laau kia manu a ke keiki o ka uka i Oiaa. Ea, heaha hoi ka mea o ka pee ana ua ike no paha aohe i hele kauna ia hoonahoa keia i ka la ino.
Ino luna ke lele ino nei ke ao wahi a Keoua, aka o ka la o ka make, ua pouli pu ka ike o ke kanaka. kau na iwi iluna o Puukohola, a pela paha auanei o lakou ma, pau pulu.. aohe lau kanu ole, nolaila. e heluhelu me ke akahele, e noii i ke kaona a ka moe. Nalo ole ka puana a ka moe, ua ike o Mo'i i Molokai.
NU HOU KULOKO.
I na Luna Lawe Pepa o KA LEO O KA LAHUI, ke ha'i ia 'ku nei ka lohe ia oukou, ina he mau hele koe o ka la 3, 10, 20 o Aperila, a me ka la 5 o Mei nei, o ka nupepa KA LEO, ke kauoha ia aku nei e hoihoi mai ma ke keena nei.
Ma ke kauoha.
He leo kauoha, ke hai ia aku nei i na mea a pau e lawe ana i ka LEO am me ka OIAIO, e hookaa koke mai i ko oukou mau koena i koe. E hoolohe i keia leo, o i mai auanei nohoike mua ole ia aku ka hewa.
Ma ke kauoha.
He mau puaa opio no ke kuai aku, aia ma ka aina o Kapohulu, ma ke alanui mawaena o Waikiki a me Kamoiliili. e looa ai, ina e makemake kekahi e hele malaila.
Maikai na kuma lani hanau o ko kakou Na'i Aupuni.
I kakahiaka nui wale o nehinei. pili ana ke Kinau i ka uwapo.
O Kamehameha a me Honolulu na hui e paai ana i ka la apopo ma Piikoi Kuea.
Hapa mai ka mama holo o ka makani puahiohio ia mea i ka la inehinei. Ku ka huelo.
Ma ka hora 12 o nehinei i malama ia ai na ki pu aloha ana, no ko kakou Na'i Aupuni kaulana.
Pua no hoi ka uwahi i na lio o kekeiki lalawai o Waimanalo i ka la inehinei ma Kapiolani Paka.
He mau la hooluu wale no keia no kekahi mau paa hoe o ka Holomua, peia mai kahi kapala poi ia makou.
I keia kakahiaka a hora 10, e pahee aku ana i ka ohuku ale ka mokuahi "Malulalni," no kona mau awa maa mau.
Maluna makou o ke kaa huliiua i ka la inehinei. nana aku nohoi ia la, lawe a puehu i ka ulu kiawe o Piolani Paka. Peia no oukou la e mea ma?
N@i kou laki i ka la inehinei he ewalu wahina maluaa o ke kau kika @ i haawi ua i i ko lakou aloha maikai ia'u. ma oko lakou honi pakahi aua ia'u. Awaawa ea.
He aia mau no na hana hookalakupua a ke alii wahine o Kailauea, he nalo aku a mea pua mai ana, pela na @u oia e hoopahaohae mau mai nei, e like me ka pepa o ke ao pela pu ao hoi ka po.
Nui na hauoli o nhinei ma ke kaona nei, a ma na kua aku nei o kakou.
Ina aole oe e ae e kepa no 6 mahina, a i ole, e lumai i ia paha oe iloko o ke kai, alaila e hoopau ia no oe mai ka hana mai. Oia ka mea ka e ike ia nei ma ke keena o k a Holomua. Nui ka epa, ina he oiaio keia lohe o makou.
Ma ke "Kinau" mai o nehinei, i hoea mai ai no ke alo alii nei. o Hon. F. S. Lyman a me kana wahine, mai ka ua Kanilehua mai o Mokaulele, me ke ola kino maikai, a he nui no hoi ka poe e ae i hoea mai.
Nui ka hauoli o na manu piheekeloo, ma ke ahiahi o ka Poakolu nei, malalo ae nei o Kikihale, oiai, na leo ikuwa e kupinai ana, i ka lewa, no ka loaa ana o kahi puu iki o ka hoi ana aku no kauhale,
Ma ka auwina la oakou nei hora 4, ua malama ia ka huakai hooolewa o Kaleikuikapooloku Apikaila, mai kona home aku a ka luakini o Malieokamalu, a pau na hana malaila, ua kai loa aku ka huakai no Koula.
Ma ke ahiahi Poalua nei, makai o Kuloloia, ua hoolana i ka auwae i kahi haiki kekahi mau lede, oiai lakou e huli hoi mai ana mai Healani hale mai, maluna o ke alahaka e moe ala i ka akau, a i ka aneane ana aku e kau i kula, ua haki iho la ke alahaka, a okuu nui ana iloko o ke kai. Aole no nae hoi i hewa. pau i ka pika, pau ka hala.
@ili Koolauua Ahiahi, He Lau Pala Wale ka Awapuhi.
O kekahi keia o na olelo kaulana o ko kakou aina makuahine nei, i hoopuka ia e ka mea nona keia la a kakou e lumaha'i nei.
Oiai oia i ake ai e make o Namakeha, ma ka Haleioleole ma Kaipaloa, Hilo. Nolaila mai ke kaoha o kela poo e kau ae la malua, o ka mea nana i hooko i keia kaona, oia o Kealaikahiki, kekahi alii o Waiohinu Hilo.
He maikai, a wailohia kela mau mapuna olelo, aka, aia ilaila he mea e pono ai, a na ia mau huaolelo i kaili aku aku ke ola oia alii o Hawaii nei. A o keia ke alii i ike ole ia kona wahi i waiho ai, aka, ke hoike aku nei makou. aia i lko'a na iwi o kei alii a hiki i keia la.
Ka Buke Akeakamai a o KE KI GULA
NO KEKAHI MAU MEA HUNA PO HIHU@ I HULU A E KA NOE AU O KE KANAKA.
Kakau mua ia e ka Mea Hanohano DAVID KALAKAUA a me kekahi poe e ae he nui, a i HooulUia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.
MAHELE o ka BUKE
MAHELE I.
ZODIALOGIA - Hoike Ouli ma na kaulana Mahina.
MAHELE II.
NAEVIALOGIA - Hoike Ouli o ka @la o ke kanaka.
MAHELE III.
METRAGARATIMA - Kahoike Ouli ma ka Hoo@ Huaheiu ma ka Helu Kahala.
MAHELE IV.
ONE@ROLOGI.
MAHELE V.
Ka papa Konana Hoailona Pomaikai.
MAHELE VI.
Na Arimatika Kamahao.
J. M. POEPOE.
NAWAHI ME HUNTSMAN!
NA LOIO LAHUI!
Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i aelike ia. Aia no ko maua keena Loio ma ke kihi akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3pm., ma ka Poaono nae, e pau ana i ka hora 12 m.
O na hana a na aina, mahele aina a me ke kaha ana o na kii a me na palapala aina a pau, ua waiho aku maua na ka Loea Ana Aina a Civila Enekinia kaulana R. W. Wilikoki e lawelawe, a e hooko me ka eleu.
No na mea i koe, e kipa mai no ma ko maua keena nei e kuka puai. O maua no me ke aloha,
J. Nawahi me D. L. Huntsman.
Honoiulu, June 3, 1891. 208-dtf.
Kauka Pake Akamai!
DR. LEONG KANG TONG.
MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.
HE OLUOLU KA AUHAU.
KEENA OIHANA: - Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.
HE PALAPALA HOOLA.
Honolulu, April 29, 1891.
Owau o Chn Sam Lan, no ke kulana kauhale o Honolulu, Mokupuni o Oahu Ko Haawaii Pae Aina. Ke hooia, a ke hooiaio aku nei au imua o ke akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo hoi ma ka olelo kahiko. Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola. Ua loaa au i keia ma'i mai ko'u wa opio loa mai. A ua aneane he 4 makahiki o ka hoomailo ana a keia ma'i i ko'u kino, aka, ma keia wa ua loaa ia'u ke ola maikai loa. E hele ae e ka poe i luuluu a kaumaha.
Mei 12, 1891. 1m.-d.
Kuai Kudala
o na
Pa-Hale ma Kalihi, Honolulu, Oahu.
Ua loaa mai ke kauoha ia'u e kuai aku ma ke kuai kudala akea, ma ko'u Keena Kudala, ma Alanui Moiwahine, i ka POAKAHI IUNE 29, 1891, HORA 12 M. He 36 mau Paa aina Noho Nani, mawae na o alanui Moi me Beckley, he aneane hapaha mile ma Ewa aku o ke Kula Kamehameha. Ua mahele ia keia manapana ma kekahi ano, a me ka nunui ku pono e hiki ai ke k@ mo@ mai iloko o ka lima o kela a e keia mea ka loaa ana e like me ka makemake, kekahi home no lakou ponoi iho iloko e na paleha mamao kupono i ka piko o na wahi hana o ke kulanakauhale.
Ke kulana a me na pono lehulehu e ae o keia mau apana aina, ua hiki ole ke hooha@ke ia me na aina e ae o keia ano i kuai ia iloko o keia kulanakauhale i na makahiki i hala e aku.
O ke ano o ka waiho ana o keia mau aina. ma ka waha aku o ke awawa o Kalihi ma ke kiekiena kupono, ua loaa mau ke ea oluolu maikai a me ka maikai maoli no o ka noho ana.
E huli ana keia mau aina pa-hale a pau i ke alanui Kalihi, he-oo kapuai, oia hoi ke alanui oi aku o ke akea ma na wahi e pili kokoke ana i ke kulanakauhale o Honolulu, a e ho'o ana hoi mai aianui Moi a puka i alanui Beckley.
Aia malalo iho o ekolu minute ke hele wawae aku a loaa keia mau apana aina mai kahi o ke alanui kaahao (Tramear) e pau ai.
Ka wai. E hoomoe ia ana he paipu kumu wai, he 8 iniha ke aua-waena e hoomoe ia ma ke alanui Moi, mai na hoomoe ana paipu o ke aupuni, e hooia ana i ka lawa i ka wai. Ano e loaa no ka wai mai ka pa kula Kamehameha mai.
E ike ia no kekahi palapala kii aina o keia mau hale pa hale ma ko'u Keena kahi no hoi e loaa a@ na hoike i make@ua ke ia e ninau aku.
Ke ano o ke kuai ana. Hookahi hapa ma ke dala kuike, ke kuena iloko o hookahi makahiki ma ka uku@ o 9 kuneta pa-haneri i hoopaa ia ina ka moraki.
O na lilo o ka palapala kuai, me ka mea no ia e kuai ana i ka aina,
JAMES F. MORGAN,
Luna Kudala.
Honolulu Mei 20, 1891. 204-d@f.
La 11 o Iune. La 11 o Iune.
E! Kakou i ka Heihei!
Na Papale Wahine i hanaia.
E hoomanao, E hoomanao,
O k Kilohana o kahi o na Papale i Hanaia,
aia ma
N. G. SACHS
(104 Alanui Papu, Honolulu.)
Eia ia makou, a e loaa mau nmai ana ma na mekumahu a pau,
Na Paikini Hope a me na Ano Hou Loa.
Na Papale Poepoe i-e nani, eleele a me keokeo, i kahikoia me na pua maikai, mai ka $4.50 o ka apale a pii aku.
Na Papale Sela i hanaia me ua Lipine, $2.00 a pii aku.
Na Papale Sela Spar, i hanaia me na kahiko a me na bo, $2.50 a pii aku.
Na Papale Keiki i kahiko ia, no ke kumukuai haahaa loa.
Na Pua hou! Na Hulu hou! Na Lipine hou!
He mau mea kupono wale no na La Nui e hoea mai ana.
Na Lole Keokeo Lihilihi i-a loihi, ku i ka holoku, he $4.50 no ka lole holoku, Na Lihilihi lauala kupono no na Loke Keiki, ma ke .60 a me .75 keneta o ka i-a. Na Lole Keokeo maikai kakaulo oa a papamu paha, ma ka .20 a .25 keneta o ka i-a Aole e lawa ke kahiko lole keokeo, ke ole me kekahi KAHEI SILIKA. E loaa ana no i o makou nei o na ano waihooluu o na ano a pau, no $1.00 a me $1.25 pakahi. Na Lihilihi kekahi no na Lole Lihilihi a me na kahilo lole ma ke kumukuai haahaa loa. Ina oukou e imi ana i na ano i-e hana lole huluhulu a pulupulu keokeo, a waihoolua ia paha, eia ia makou ia ano a kupa'i, no ke kumukuai hauhaa loa. Ua hilinai makou i ke kuai hoopono ana, a e pomaikai ana oukou @ko kipa mua mai mamua o ke kuai ana aku i kahi e.
N. S. SACHS
104 Alanui Papu.
"Ka Halekuai Kaulana o na Kahiko Wahine."
Honolulu, Iune 4, 1891. 208-dtf.
Papale! Papale!! Papale!!!
E Loaa no maanei a PAPALE maikai o na ano a pau
Na PAPALE i hoonani ia a hoonani ole ia.
I loaa ole kalua ma keia Pae Aina, a no na la hoomanao Kulaia, e loaa no ia oe ma na kumukuai haahaa.
Ina oukou e kuai i na PAPALE ma ko makou halekuai nei, alaila, e loaa no ia oe kekaulike.
Nolaila, e kipan mai io makou nei hoopauia ko oukou kuhihewa
C. J. Fishel.
Mei, 19, 1891 196-tf-d.
KUAI HOOPAUNUI.
Mai keia anawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu, - (Na Hale Burua.
E hoolilo aku ana Makou i ko Makou waiwai a pau o na ano Lole:
NA LOLE NANI, NA LOLE I HUMUIA, KAPU A ME PAPALE, PAHU LOLE, a pela aku
No na Uku Hooemi Loa Nae.
Egan & Gunn.
ALANUI MOI kokoe i ke ALANUI PAPU. tf-d.
HOOLAHA HOU
B. F. Ehlers & Co - Painapa
HELU 99, Alanui Papu.
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano la a pau; oia hoi-
Na Silika hou Na Sat@on hou
Na Mikihuia hou Na Lihilihi hou
Na Lahil@hii kenik@ hou Na Lihilihi kau lole l@
Na ano Mamalu hou loa Na Paku Pukaaniani
Na lole hou o na wahine Na lole o na keiki lilii.
Na lole o kela a me keia ano e loaa no ia oukou no nakumukuai @[phrase]
E kipa mai e na makamaka, i hoopuu ia ai ko oukou kanalua no ka makou kuai hoopohoaku ia oukou. Owau me ke oiaio.
tf B. F. KINLELRS & CO