Ka Leo o ka Lahui, Volume II, Number 213, 11 June 1891 — Nawai e Hookele Nei ke Aupuni? [ARTICLE]

Nawai e Hookele Nei ke Aupuni?

E ka lahui Hawaii aloha, ke ninau nei makou: Nawai e hookele nei ke aupuni ? Eia ka puana aka moe; na ka aoao hoomaemae e hookele nei. E i ia mai auanei paha, na ka aoao lahui, ke hoike hou aku nei makou me ka oiaio, o na hookele o ke aupuni e noho nei i keia wa, he poe aka wale no lakou o ka aoao lahui, ao na kuhikuhi ana, na hoonohonoho oihana ana, a peia aku, na ka aoao hoomaemae no ia. Penei e maopopo ai, i ka hoonoho ia aku ai o Mr. Hill i Luna Leta Nui, ua ake oia e hooko i kakana [kana] i olelo ai a i hooia ai hoi imua o ka Moiwahine, e kaiehu aku ana oia i na ilikea a pau mailoko aku o kona keena. Aka, aole loa i ko, oiai, ua kalele koke mei la kekahi o na Kuhina ia Mr. Hill, me ka olelo mai aole loa oe e hoopau, o keia mau a'o ana i ua Kuhina la, mai ka aoao hoomaemae mai no ia, aole hoi no kona manao penei. No laila ma keia kumu, aole loa e holopono na hooponopono aupuni ana, no ka mea, no hai mai ka ike, aole no ka oiwi, a he nui aku na hooia kupono e ike ia nei, a mamuli o na ulia a keia ano, i hoonele ia ai na hana hooh@ a me na hana hoowaiwai e ae. Nolaila, ua loaa no na kumu kupono a ka lahui e nema ai i na hooponopono aupuni o keia ano, oiai aole loa he hana i hana ia ahiki i kei la.