Ka Leo o ka Lahui, Volume II, Number 213, 11 June 1891 — Page 3
| This text was transcribed by: | Jaedine Ehia |
| This work is dedicated to: | Kilihunekapalai and Keli'ikoa Ehia |
He Moller Nanea
NO
De Atanani.
Ke Koa o ka Lio Olohe.
A I OLE
NAKIAIEKOLU O FARANI.
Aka i ka mea heluhelu, aia he la e hoea mai ana, a e ike aku ana kaua, o ke koa opio o ka lio olohe, he liona hae maopopo oia no Farani, e makee ana i kona kulana a me ka haaheo o kona inoa, a ma kekahi olelo ia ana hoi, he puuwai hao kila i makaukau mau me kana pahikaua e kue aku ma ka aoao o ka moi Lui XIII no ka pono a me ka hanohano oi kelakela o ke aupuni o Farani.
Nolaila, ia kaua e makaikai aku ai no ia manawa, e pono ia kaua e hoomahele hou aku no na la o ke koa opio o ka lio olohe e uhaiaholo ana ma ka meheu o kona mau hoaloha ekolu.
E like me ka kaua i ike mua ae nei, ka pilipaa ana o ka nohona hoaloha mawaena o na koa opio la o ka lio olohe a me kona mau hoaloha, nolaila, he mea paakiki no kaua e ka makamaka ka olelo ana ae.
“E hemo ana ka pili a makalii Ke ku‘ihao a ka ike noeau.”
Aka e ka makamaka, iloko o ia paa a me ka lokahi o ia noho hoaloha ana a ua poe hoaloha la, aia hoi, ma kekahi la, hoea mai la ka palapala kauoha a kapena Terevila imua o ke koa opio Atanani, e kau oha mai ana I ua koa opio nei, e hoea aku oia o kona hanohano me ka hakalia ole.
E like me ke kauoha a me ka makemake o ke kapena, pela ua koa opio nei i hoea aku ai imua o kona alo, a imua hoi o ka hanohano o ua kapena nei I loaa mai a@ i na koa opio @a ka hookohu e lilo oia i koa no ka puali kavalia malalo o kapena Desesate.
O keia hookohu i loaa mai la i ua koa opio nei, aole oia i awiwi a pupuahulu aku ma ka ae ana, aka, ua lawe ae oia ia mau minute no ka noonoo a me ka haawi ana I na apono ana a kona lanaikehala, @ liuliu, pane aku la ola i ke kapena me keia mau huaolelo.
Alaila e ke kapena i 10 anei o‘u makahiki e noho ai iloko o kela pu ali, mamua o ko‘u lilo ana i koa no ka puali aahu eleele?
Ao! wahi a kapena Terevila i pa ne mai ai.
Alaila, wahi hou a ke koa opio, ina pela ke ano a me na kanawai o ka oihana kaua o Farani nei, ke ho ole aku nei au i ko‘u lilo ana i koa no kela puali.
A pehea? wahi a Terevila, ina e h@@hewa mai ana ka moi no keia mau olelo au i ku i ku i ke kipi a me ka pale kauoha, ua aa no anei oe e lawe i ke koikoi o na ahewa ia ana mai mai ka moi mai.
Pane aku la o Atanani, me kuu naau a pau, ina he mea ia no‘u e ahewa ia mai ai me ka hoopa‘i o ke ki poka ia ana.
Nolaila, ua makaukau oe no ke koikoi o na ahewa a pau e kau ia mai ana maluna o@ ea? wahi a ke kapena.
Ae e kou hanohano, ua makaukau au no na ahewa ana a pau! wahi a Atanani.
Alaila, e kuuhoaloha opio, o keia ke kauoha a ka moi ia‘u, e hookomo aku ia oe iloko o ka puali ka valia o kapena Desesata, a oiai, o na kanawai koa o Farani nei, he mea paakiki ia, ka hiki ana i kekahi alii a alakai nui paha o ka puali ke pale a kue aku, nolaila, ua hiki ole ia‘u ke hahaki ae i ka mana o kela kauoha mai ka moi mai e ka hoaloha opio.
Alaila e ke kapnea, elike me ka hiki ole ana ia oe ke hooko aku i ka hanohano o kau oihana, nolaila, no ko‘u pono kaokoa iho, ke hoole pu aku nei i ka ae ana aku i kela hookohu, oiai, no na la pokole i koe o Farani nei, a e ike mai no oe ia‘u e ke kapana, he Ilamuku au no ke kahua kaua o Farani nei, a i ole he aliikoa e noho noomalu ana maluna o kekahi mau makele regimana o Farani nei.
Aha! e lilo aku ana ka oe i Ilamuku no ke kahua kaua ea? alaila, e Atanani, aole oe i makemake e lilo i koa no ka puali kavalia o kapena Desesata?
Aole e ka mea hanohano, ina o keia ae la na kanawai koa o Farani nei, alaila, aole au i makemake no keia hookohu, a aole no hoi au i makemake e lilo i koa no kela pua li koa kavalia.
Na keia mau olelo oolea a ke koa opio i pane hope aku ai, na ia mea i hookunana iho la kapena Terevila a haka pono mai la ia me na ma ka oolea maluna o ua koa opio nei a no kekahi mau minute, pane hou mai la ia i keia mau olelo.
Pehea, ona e hoemi iho ana au i kou noho koa ana no ka puali kavalia, mai ka umi makahiki a ka elua, aole anei oe e ae mai ana?
Pane aku la o Atanani ke ike a hoomaopopo ala au, a ina pela io kou manao, alaila, me kuu puuwai holokoa ke ae aku nei au i kela hookohu.
Ua uhola ae na minoaka ana ma luna o na helehelena o ke kapena i ka wa a ke koa opio i pane aku ai no kana mau olelo, a oia hou ka ua kapena la i pane mai ai.
I keia la, ke hoololi nei au i ka loihi o kou hookohu mai ka 10 makahiki a ka 2, a ke loaa ia oe na haawina o ke kaulana a me ka @@a heo iloko o keia makahiki elua, alaila, o ka‘u wale no ia oe e ku@ hoaloha opio, e hoomau aku imua a hiki i kou lilo ana i Ilamuku no ke kahua kaua.
Me keia mau olelo a ke kapena Terevila, kakau kua iho la oia i ka hookohu o ke koa opio, a i ka pau ana, haawi mai la ia i ka palapala ia Atanani me ka panai hope ana mai i keia mau olelo.
Aole i @au.
NAWAHI : HUNSMAN!
NA LOIO LAHUI!
Ua makaukau mana e kokua aku i na poe o ka Lahui i loohia ia@e na pilikia kivila a hewa paha; a e ko@ a e hoopii aku ma kekahi o ia mau ano imua o na Aha Kanawai, mamuli o na uku i aelike ia. Aia no ko maua keena Lolo ma ke kihi akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.
O na hana a na aina, mahele aina a me ke kaha ana o na kii a me na palapala aina a pau, ua waiho aku maua na ka Loea Ana Aina a Civila Enekinia kaulana R. Wl WILIKOKI e lawelawe, a e hooko me ka elen.
No na mea i koe e kipa mai na ma ko maua keena nei e kuka pu ai. O maua no me ke aloha,
J. NAWAHI me D. L. HUNTSMAND.
Honolulu, June 3, 1891. 208-dtf.
Kauka Pake Akamai!
DR. LEONG KANG TONG.
MAKAUKAU OIA E LAPAAU I NA MA’I A PAU O KELA A ME KAIA ANO, ME KA ELEU A ME KA HOLOMUA.
HE OLUOLU KA AUHAU.
KEENA OIHANA:-Aia ma ka aoao ma Ewa iho o ka halekuai puaa, e ku nei ma ke kahi o na Alanui Kamika me Hotele.
HE PALAPALA HOOIA.
Honolulu, April 29, 1891.
Owau o Chn Sam Lan, no ke kulana kauhale o Honolulu, Mokupuni o Oahu Ko Haawaii Pae Aina. Ke hooia, a ke hooiaio aku nei au imua o ke akea, ua ike au a ua maopopo ia‘u a ke haawi nei au i ko‘u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia‘u a ua ola au mamuli o kana mau lawelawe akahele ana, oiai o ko‘u ma‘i he akepau, a he popo hoi ma ka olelo kahiko. Ke noi aku nei au i ka poe a pau i loohia me kela ano ma‘i, e hele ae iaia, a e loaa no ke ola. Ua loaa au i keia ma‘i mai ko‘u wa opio loa mai, a ua aneane he 4 makahiki o ka hoomailo ana akeia ma‘i i ko‘u kino, aka, ma keia wa ua loaa ia‘u ke ola maikai loa. E hele ae e ka poe i luuluu a kaumaha.
Mei 12, 1891. 1m.-d.
Kuai Kudala
O NA
Pa-Hale ma Kalihi, Honolulu, Oahu.
Ua loaa mai ke kauoha ia‘u e kuai aku ma ke kuai kudala akea, ma ko‘u Keena Kudala, ma Alanui Moiwahine, i ka POAKAHI IUNE 29, 1891, HORA 12 M.
He 36 mau Paa aina Noho Nanai, mawae na o alanui Moi me Beckley, he aneane hapaha mile ma Ewa aku o ke Kula Kamehameha. Ua mahele ia keia mau apaua ma kekahi ano, a me ka nunui ku pono e hiki ai ke k@ mo mai iloko o ka li ma o kela a me kaia mea ka loaa ana e like me ka makemake, kekahi home no lakou ponoi iho iloko e na palena mamao kupono i ka piko o na wahi hana o ke kulanakauhale.
Ke kulana a me na pono lehulehu e ae o keia mau apana aina, na hiki ole ke hooka@ke ia me na aina e ae o keia ano i kuai ia iloko o keia kulanakauhale i na makahiki i hala e aku.
O ke ano o ka waiho ana o keia mau aina, ma ka wah aku o ke awawa o Kalihi ma ke kiekiena kupono, na loaa mau ke ea oluolu maikai a me ka maikai mao li no o ka noho ana.
E huli ana keia mau nina pa-hale ia @au i ke alanui Kalihi, he 55 kapuai, oia nei ke alanui oi aku o ke akea ma na wa hi e pili kokoke @@a i ke kulanakauhale o Honolulu, a e holo ana hoi mai alanui Moi a puku i alanui Beckley.
Aia malalo iho o ekolu minute ke hele wawae aku a loaa keia mau apana aina mai kahi o ke alanui kaaha@ (Tramcar) @@@@@@@
Ka wai, E hoomoe ia ana he paipu kumu wai, he S iniba ke ana-waena e hoomoe ia ma ke alanui Moi, mai na hoo moe ana paipu o ke aupuni, e hooia ana i ka lawa i ku wai. Ano e loaa no ka wai mai ka pa kula Kamehameha mai.
E ike ia no kekahi palapala kii aina o keia mau hale pa hale ma ko‘u Keena kahi no hoi e loaa ai na hoike i makemake ia e nanu aku.
Ke ano o ke kuai ana. Hookahi hapa ma ke dala kuike, ke koena iloko o hookahi makahiki ma ka ukupau@@ o 9 ke ne@a pa haneri i hoopaa ia ma ka moraki.
O na lilo ka palapala kuai, me ka mea ao ia e kuai ane i ka aina.
JAMES E. M RGAN,
@@@na Kudala.
Honolulu, Mar 29, 1891. @@-dtf.
E! Kakou i ka Heihei!
Na Papale Wahine i hanaia.
E HOOMANAO E HOOMANAO
O ke Kilohana o kahi o na Papale i Hanaia,
AIA MA
:N. G. SACHS:
(104 Alanui Papu, Honolulu.)
Eia ia makou, a e loaa mau mai ana ma na mokumahu a pau,
Na Paikini Hope a me na Ano Hou Loa.
Na Papale Poepoe i-e nani, eleele a me keokeo, i kahikoia me na pua maikai, mai
ka $4.50 o ka Papale a pii aku.
Na papale Sela i hanaia me na Lipine, $2.00 a pii aku.
Na Papale Sela Spar, i hanaia me na kahiko a me na bo, $2.50 a pii aku.
Na Papale Keiki i kahiko ia, no ke kumukuai haahaa loa.
Na Pua hou! Na Hulu hou! Na Lipine hou!
He mau mea kupono wale no no La Nui e hoea mai ana.
Na Lole Keokeo Lihilihi i-a loihi, ku i ka koloku, he $4.50 no ka lole holoku, Na Lihilihi laula kupono no na Lole Keiki, ma ke .60 a me .75 keneta o ka i-a. Na Lole Keokeo maikai kakaulo ‘oa a papamu paha, ma ka .20 a .25 keneta o ka i-a
Aole e lawa ke kahiko lole keokeo, ke ole me kekahi KAHEI SILIKA, E loaa ana no i o makou nei o na ano waihooluu o na ano a pau, no $1.00 a me $1.25 pakahi. Na Lihilihi kekahi no na Lole Lihilihi a me na kahiko lole ma ke kumukuai haahaa loa. Ina oukou e imi ana i @a ano i-e hana lole huluhulu a pulupulu keokeo, a waihooluu ia paha, eia ia makou ia ano a kupa‘i, no ke kumukuai haahaa loa. Ua hilinai makou i ke kuai hoopono ana, a e pomaikai ana oukou @ke kipa mua mai mamua o ke kuai ana aku i kahi e. N. S. SACHS.
“Ka Halekuai Kaulana o na Kahiko Wahine.” 104. Alanui Papu.
Honolulu, Iune 4, 1891 208-dtf
Papale! Paple!! Papale!!!
E Loaa no maikai o na
maanei na ano a pau
Papale
Na PAPALE i hoonani ia a hoonani ole ia.
I loaa ole ka lua ma keia Pae Aina, a no na la hoomaanao Kulaia, e loaa no ia oe ma na kumukuai haahaa.
Ina oukou e kuai i na PAPALE ma ko makou halekuai nei, alaila, a loaa no ia oe ke kaulike.
Nolaila, e kipa mai io makou nei i hoopauia ko oukou kuhihewa
C. J. Fishel.
Mei 19, 1891 196tf-d.
KUAI HOOPAU NUI.
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu,- (NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a pela aku
No na Uku Hooemi Loa Nae.
Egan & Gunn.
ALANUI MOI kokoke i ko ALANUI PAPU. tf-d.
HOOLAHA HOU
B. F. Ehlers & Co.-PAINAPA
HELU 99, Alanui Papu.
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano S@aila a paui oia hoi-
Na Silika hou Na Sateen hou
Na Mikilima hou Na Lihilihi hou
Na Lihilihi keokeo hou Na Lihilihi kau lole hou
Na ano Mamalu hou loa Na Paku Puka@niani
Na lole hou o na wahine Na lole o na keiki liilii
Na lole o kula a me keia ano e loaa no ia oukou no ma kumukuai haahaa @@a.
E kipa mai e na makamaka, i hoopau ia ai ko oukou kanalua no ka makou kuni hoooho aku ia oukou.
tf B. R. EHLERS & CO.