Ka Leo o ka Lahui, Volume II, Number 212, 10 June 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.                                               HONOLULU, Iune 10, 1891.                                    Hela 212

 

He Moolelo Nanea.

 

NO

 

De Atanani.

 

Ke Koa o ka Lio Olohe.

 

- A I OLE -

 

NAKIAIEKOLU O FARANI

 

            Aka, e hoomaopopo oukou e na keonimana, o ka’u kauoha ia oukou ua lawa, ua lawa na hana o keia ano, a o na hewa a pau a oukou i hana ai, ua huikala ia ia ma ka inoa o ka moi Lui XIII.

            Alaila, haawi mai la ia ia Atanani i na $40 pisetole, me ka panai pu ana mai o ua moi nei i na huaolelo penei:

            E lawe ii keia i hoike no ko’u ma halo nui ia oe?

            Ua haawi aku ka opio i kona mahalo no keia makana a ka moi iaia, alaila, emi hope mai la ia he mau kapuai mai ka moi mai, kunou aku la oia me ka hanohano o ka oi hana ana e hiipoi ana, a malaila, ku iho la oia me kona oiwi kino po lolei, a haka pono aku la maluna o ka moi no kana mea e pane mai ai iaia.

            Ua haawi hope mai ua moi la i na nana pono ana maluna o ka opio a me na kiai ekolu, alaila, pane hou mai la oia.

            O ka hora 8:30 keia, nolaila, ke hookuu aku nei au ia oukou e hoi, a e hoomanao, aia pu na hilinei ana a ko Lui mau manaolana maluna o oukou, aole anei pela?

            Pela no e ke alii, e ae no makou ia makou iho e okioki liilii ia me ka maka pahikaua, no ka hooko ana i ka hanohano o kau kauoha, wahi a na hoaloha eha i pane like mai ai:

            Maikai loa, oia ka mea e paa ai a lokahi, o ke kuee a mokuahana, e hiolo auanei, wahi a ka moi.

            Alaila, huli ae la oia maluna o ke kapena, a pane aku la i keia mau huaelelo me ka malie, oiai na hoaloha eha ua haalele iho i ua kee na:

            E Terevila, oia: aohe he kulana hakahaka e ae iloko o kou puali, nolaila, i mea e kaohi ia mai ai kela opio me kakou, he mea pono ia oe, e hoonoho aku iaia iloko o ka puali o Desesata, kou kaikoeke, aka, e Monasina kapona, e kuaki loa ana ke Cadineia, ke lohe aku no keia mau hana a’u, aka, heaha la ia a’u e hopo aku ai, oiai, ua hana au i ka mea pono a pololei, aole hoi i ke apuka a me ka apakee o ke kelohe.

            Me keia mau olelo a ka moi, hoe kuu mai la oia i ke kapena iloko o na kukai aloha ana me ka pumeha na, a ahuli hoi awiwi aku la oia me na kapuai mama o ka mea i loaa na manao hauoli, no ka apono ia ana o na koa kiai o kona puali, ka poe noi no lakou na hilinai ana a ua kapena la, e lilo aku ana lakou i mau kiai maluhia naue ole no Farani ii na la e hiki mai ana, na la hoi a kaua e ka mea heluhelu e olelo ae ai:

 

            “Haunaele Farani i ka Moae

            Oniku ka i’a o ua aina nei.”

 

Na Kiai Ekola – Ka hoaloha opio.

 

            I na koa kiai ekolu a me ko la kou hoaloha opio i mamao mai ai mai ka halealii mai, puunaue ae la ke koa opio i kana mau wahi dala mawaena o kona mau hoaloha ma ka pa umi pisetole pakahi, a he mea oiaio, ma ka hoopokole ana ae e ka olelo, ua lako a kuonoono mao li ua poe hoaloha ia.

            Ma ua la ala ua loaa pu ae i na mau hoaloha la eha, he eha mau kanaka lawelawe, ka poe hoi no lakou na puuwai i pilipaa aku na ma nae me ka oiaio maluna o ko lakou mau haku.

            Aole wale ma na mea o ke kine, aka, iloko o ka make a me ke ola, a o ia manawa, e ike aku ana kaua e ka makamaka ma keia mua iho o ka kaua nanea.

            Pela no hoi me na hoaloha eha, ua makia paa ia ka noho’na pilipaa mawaena o lakou, no kahi ka pilikia e kokua like ana lakou, a no kekahi hoi ka hune a nele, ua lawa ia i kekahi, a ma ka olelo pokole ana ae no ia mau la a ua mau la a ua mau hoaloha ia e naale ae ai ma na alanui a maloko o na hale inu rama, ua kau ka weli o na koa o ke Cadinela no lakou, a o ke pihoihoi hoi a me ka hopohopo maluna o ka lahui Farani.

            Ma ka lehelehe o kela a me keia kanaka, e lohe mau ia aku ana lakou i ka hoepuka mau ae i na olelo e pili ana i ua mau hoaloha nei, ma ka olelo ana ae, na lima hao puhipuhi ahi o ka puali kiai aahu eleele.

            O keia mau olelo a na kanaka o kea lo ahi o Parisa, e kaao ana ma kela a me keia wahi a lakou e maa lo ae ai, ua lilo ia i mea na ua mau hoaloha eha nei e haaheo ai.

                                                            Aole i pau.

 

HE HOOLELO KAAO.

 

No Na Hoahauau

 

KALOAIKANAKA.

 

O

 

HALEMANO.

 

NA WELI O KE AU KAHIKO, MAI NA ‘LII A NA MAKAAINANA.

 

            Eia kea no o keia mau mapuna olelo i pane ia mai ai e na koa!

            I kuha’i, he papa alii kiekie o Lono-akai, he kai ke koko, o kea no oia, ao’e lakou e ae e hoi hone molika ke koko ia olua, imua a make a ola, he menemene makou ia olua.

            Ma keia, ke ike nei kakou i ka like ole o ka manao o na koa, me ko ke kahuna, a me ko ka elele mai kela aoao mai.

            Ia wa, pane hou aku la o Lo ia Kukaniloko, e hoi oe a hoike aku i ke alii e like me kau i lohe iho la.

            Nolaila, e hele pu ana no kakou i ke kahua kaua, oiai aole na makou i hole i kona leo, aka, na ka wiwo ole no o ka paawai o ke maua mau koa.

            Pau no ia mau olelo o ka heo aku la no ia o Kukaniloko, a oi u iho, ku ana keia imua o Kualii, hoike aku la keia i na olelo a pau e like me ka kakou i ike mua ae nei, a lohe o Kualii i keia, aohe ana olelo pane, oiai, ua maikai no ia i kona manao.

            Ua hiki aku la ka elele imua o kona haku, ua lohe ia ka olelo o kahi alii, a e hoi pono ae kaua e ka hoa kuili o keia nanea a ke kulana o Ainaike.

            I ka hala ana aku no o Kukaniloko, ua hoomaka koke aku la no ka pualikoa o ua mau opio nei a kaua e hele.

            I ko lakou nei puali e nee aku nei, aia no hoi ka pualikoa koa o Kualii ke uhai ae la e hui pu.

            Oiai ua mau paaii kaua la i hui pu ae ai i kahi hookalu, ua haawi ae la lakou i na leo iku-a o ka hauoli, a kai nui aku la ne ke kahua kaua.

            Ma keia wahi, ke ike nei kaua e ka makamaka heluhelu i ka hai ana o keia mau puali kaua a elua, aka, aole i loaa aku ka hapalua o na koa o na alii e kola aoao, oiai, o ke kahua kaua holooko, ua na paa pu ia e na koa o kekahi aoao.

            Nolaila, e hoomanao iho kaua e ke hoa i keia wahi olelo kaulana o Hawaii nei, puali ka hau nui i ka hau iki, ma ki’o pela aku ana keia, alia nae hoi kaua e pulale mai e nana aku kaua i ko mua aku.

            Oiai ka pualikoa o ka kaua mau opio i hookokoke aku ai i ke kahua kaua, me ka makaukau e hookau aku i ka elele a ka make maluna o ke lakou mau hoa paie, ua ike pu ia aku la no hoi kela aoao ma ia haawina hookahi.

            I hakalia no a hui ua mau puali kaua nei o ka wa koke noi a iike ia aku ai na laau ihe o kela a me keia aoao e ahai ana ii ke ola o ka poe e loaa aku ana ma ko lakou alahele, ua hoomau ia keia kaua me ka hahana a hiki i ke ahiahi aoa; a oia no hoi ka wa i ike ia aku ai ke kuhau ana o kanaka o kela aoao, aka, e like ko me kea no mau o keia lahui pela no keia, he ake e luku wale aku.

            Ma keia wahi, e aui hou ae kaua i hope.  I ka ike-ana mai o Hoolonoapahu i ka hana a na koa o kana mau keiki, na pane koke aku la oia i kona pokii kuapuu, ka mea hoi nana ka pu-lani kani hoene i ke one o Puaena.

            E like no hoi me na mea mua a kaua i ike ae nei i na helu mua i hala, pela no hoi keia a ua hooko koke aku la oia i kana apana hana i ike.

            I lawa no a poha aku ke kani oeoe o ka pu-laui a ua wahi kuapau nei, o ka wa koke no ia i ike ia aku ai ke emi hope ana mai o ka puali koa o ua mau opio nei a kaua, a huli mai la hoi no kahi o ko laua luaui e noho aku ana.

            I ka puali koa o ua mau opio nei i hiki mai ai i kahi a ko laua makuakane e noho ana, oia ka wa i ikua ae ai na leo o na koa e hoopaiakuli ana ii na paia o ka lewa me ka hooho ana me na leo nui a ka launa ole penei:  E ola na alii o Wailua nei ia Mano ke Akua o na kiai a pau.

            I ke kaa ana iho o keia mau leo hauoli o na koa, oia ka wa i pane aku ai o ke alii Hoolonoapaha, i kana mau keiki, a me ke alii Kualii penei:  Ke hai aku nei a a ia ou kou, ua loaa ka lanakila ia oukou, a no kakou a pau ia pomaikai.

            Nolaila, e o’uolu mai oukou e hoi hou aku i ke kahua kana, a e lawe mai i na kino make o au poe keiki ii pauaho mai la i keia ao.

            Oiai hoi, he aaea ehaeha no’a ko waiho ia ana o na kino pela, nolaila na makemake au e la ia lakou a pau iloko o ke ana.

 

Na Hui Kinipopo.

 

Iune  18 Kamehameha   vs. Honolulu

 “     20 Hawaii              vs. Honolulu

 “     27 Kamehameha   vs. Hawaii

Iulai  4 Kamehameha     vs. Honolulu

 “     11 Honolulu          vs. Hawaii

 “     18 Kamehameha   vs. Hawaii

 “     25 Kamehameha   vs. Honolulu

Aug  1 Hawaii                vs. Honolulu

 “     8 Kamehameha     vs. Hawaii

 “     15 Kamehameha   vs. Honolulu

 “     22 Honolulu          vs. Hawaii

 “     29 Kamehameha   vs. Hawaii

 

OLELO HOOLAHA.

 

         Ua nalowale aka kuu Lio (w) hulapala lae kea loihi a he mau wawae keokeo a pau kona eha, i kuni ole ia i ka hao, a e loaa no ka uku makana, o $5.00.  E loaa no au ma kahi o T. C. Polikapa.

                                                            JNO H. POLIHALE.

Auwaiolima, Honolulu, Apr. 30. 3te-d.

 

Olelo Hoolaha.

 

         Ua makaukau ka mea nona O-inoa malalo iho, e hana i na Pua HAKU PUNA ELEELE a me ka pohaku e ae no na pa kupapau, a me na kahua kukulu kia-hoomanao.  O ka poe makemake e waiho mai i ka lakou mau kauoha me Ioane Akina.

                                                            J. BOWLER.

                                                Sept. 22, ’90 d-1y*

 

H. P. K. Malulani.

         HE LOIO a he hookapeke olelo ma ke Kamwai.  E loaa no au mai ke kai hawanawana o Kawaihae, e hoene au a me ipo la a Hamakua au i ka la’i o Kukaiau ma kea lo o na pali.  E ohiia no hoi na aie me ke ku i ka eleu a me ka puahiohio.                           Nov 8 ’90, d-1y.

 

HOOLAHA KAI KONOHIKI.

 

         Ke pa leo aku nei ke Konohiki o Waialae, i kona mau hoaloha a me na hoe aina o kona Aina, na hoolimalima aku oia i ke kai i keia Manawa, a ua hookapu iho oia i ka hoe uoua iho, a nolaila, ke poloai aku nei oia e ike a hoomaopopo i keia leo la.                   Owau no,

3ms-d.                                                 PAULO ISENBERG.

 

HE KOKUA !

 

NO KA POE PILIKIA, E HELE AKU I K KEENA O

R. W. WILIKOKI MA.

 

         HE KOKA ma ke KANAWAI a no ka Hooponopono ana i na kuleana Aina a me na palena Aina.  Ua makaukau oia e hana i na Palapala Kanawai o na ano a pau, a ua lawa oia no ka hana ana imua o na Aha Hookolokolo a pau o ke aupuni, ma o kona hoa, kekahi o na Loea Kaulana o keia mau la.

                                       Keena Helu 15, Alanui

Kaahumanu.                            195-dly.

 

Hoolaha Hookapu.

 

         Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleulu a me Punoihala, no lakou na eka 202 e waiho a ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nein a holoholona o keia a me keia ano, aole e hookuu wale ia maluna o ua maa Apana Aina la, a o ka mea a mau mea paha e kue ana i keia, e hopu ia no e mana, a i ole ia, e ko maua mau hope paha, a e hooko ia e like me ke kahikuhi a ke kanawa.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID LAYTON, a’I ole ia KUKA.

                                       Owau no me ka haahaa.

                                                MRS. C. I. HIRAM.

Honolulu , Oahu, Oct. 8, 1890.           3me-d.