Ka Leo o ka Lahui, Volume II, Number 209, 5 June 1891 — UA HALA O HON. G. B. PALOHAU. [ARTICLE]

UA HALA O HON. G. B. PALOHAU.

Ma ka la 27 aku nei o Mei, ma Kalaupapa, Mōlokai, ua kipa ao la ka anela o uaake Ika hale kino o Hon. G. B. Palohau, a kaili aku la i ka hanu ola mai iaia aku, a waiho iho la kona kino lepo no ka lepo. O Hon. G. B. Palohau, oia kekahi ona hoa kau kanawai o ko kakou nei aupuni, a he kanaka kalaiaina naauao hoi, a ua noho oia iloko o ka Ahaolelo i kekahi mau kau. a he keonimana i mahalo nui ia oia. Aka. mamuli o kona loaa ana i ka ma'i hookaawale ohana, ua haawi mai oia iaia -iho malalo o ke aupuni, a hoi aku la no ka aina a ka ehaeha i noho ai, a ua noho oia malaila me ka hoomanawanui, & hiki wale i ka wa a ka anela o ka make i hiki mai ai ona r la. 0 kona mai nae i make koke ai, oia no ka fiva la grippe, i kona loaa ana i kela mai ano hou, elua la wale no a me ek©lu po. a kuu aku la kona luhi, pau ka auwe ana, nau hoi ka ike ana i na ehaeha o keia ao v a moe aku la i ka moe kau a ka HooMo. He kupa, he kamaaina oia no Kauai o Manokalanipo, he aloalo kuaua no Hanalei, a he ihupani hoi no ia kualono. Ae, e ke ahi lele o Nu'alolo e, o Hdh, Palohau, ua nalo o*a mai a oe mai. E ka wai ula iliah i o Makaweli e, ke uuina mai la ka wai o Namolokama, ke paiauma mai la ka auhau.o Makuaiki, o na hala o Naue i ke kai, ke puolo rnai la i kā wai Kuauhoe, ke hoike mai la <t Ilaupu i ka luuluu. aia o Kalalea la ke au ala i ke kai hanupanupa me-. ka puolo walmaka. . Luulua wale oe e Kalihiwai, liha lilia wale Anahola, e ka noe haln i Koloa e, 8 ka uln kukni ī Pilaa hoi. e ka pii'ua ku ha-Io i Wahiawa e, eia ka ukana la e haawe ai e Niumalu i kaha one, ua hala, ua fyala, ua hala loa i ke ao hoi hou ole mai, o Hon. G. B. Palohau. Auwe, aioha wale ia keiki papa o ua aina la a ka nani a me ka mai kai i noho ai. Aka. e hoonani ia ka inoa o lehova, nana no i haawi mai, a nana no i lawe aku. 0 niakou kekahi iioko o ke kumakena ana nona.