Ka Leo o ka Lahui, Volume II, Number 204, 29 May 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

HE NANEA PAHAOHAO

--: NO : --

TAUSANI

-- A ME --

Saribano.

--

 

Ka wiwo ole hoi o na wiwo ole -- Ka Poai honua kunukunu ole -- Ka mea hoi nona na lima i aie ai ke ao holookoa.

 

I ua luahine ala hoi e noke ana i ke kupaka, aia hei ke koko ke kahe ala me he muliwai ala, ke hele ala a halana pu ia wahi.

I keia wa hookahi no hoi i @pane mai ai o Saribano i kona mau koa me keia mau huaolelo o ka hoolana penei:

Imua me ka hopo ole e o'u koa puuwai lokahi, e ako ae i ka hanau o kea moo deregona lapuale, e wiki mai lehi.

Ia wa no i lele like aku ai na koa, o kela oki o keia peku, hele ka lima hahau ka pauku laau, a i ka hope loa, ua make iho la o Kaukani.

I ka make ana aku la o Kaukani ua hauoli iho la lakou nei a pau, aka, koe no o Rubinia, he uwe wale no kana hana.

Nana pono aku la o Saribano a pane aku la: Mai kaumaha e kuu aloha, ua aneane e pau ka pilikia, o ka hemo ae no koe o na kaula hao.

Ia wa i ea mai ai ke poo o Rubinia iluna, nana pono mai la i kana kane a liuliu iki, pane mai la oia penei:

E Saribano e, e wiki a hemo ae au ei aku a hoea mai ka poino nui maluna o kaua i oi paumi aku i ko keia.

No ka mea, aole i make kela luahine, e noke wale no ka pepehi a nui, he oia mau no oia, e kona kino eepa koe aole i make, a o ka hoea mai koe.

I ka lohe ana o Saribano i keia mau olelo, ua pii ae la kona huhu i awili pu ia hoi me ke aloha i kana wahine, a pane ae la:

Owau o Saribano, ke hoohana nei au i kuu mau lima punahele no ka wa mua loa, me kona ikaika hoohana piha.

Lalau iho la i na kaula hao i hoopaa ia ai o Runinia, a iloko o ka imo ana o ka maka, ua mokumoku liilii ae la ua kaula hao ala a hemo ae la o Rubinia.

I keia wa ua hoolale koke aku la no o Saribano i kona poe hoa no ka hoi ana, oiai ua loaa ae la no ka lakou mea i imi mai ai.

ua liuliu koke ae la lakou a huli hoi aku la, me ka noonoo ole ae he poino ei aku ke imi mai la mahope i kona makamaka.

Oiai lakou e walea ana i ka hele, aia noi pa e ana kekahi leo kakana o ka mea i puua, i ka i ana mai, penei:

Kahaha! o ka hoi no ka hoi ka oukou, ahoe noonoo ae o ka hoahele i pauhia i ka hiamoe, hoala iho, a hookahi hoi ka hoi pu ana.

O oukou na hoahele aohe i kana mai o ua mea he apiki, hele aina ka hoi o Pilal@ i ke kula e Uwehe, a ia nei la wehe ka pili a kakou.

I ka lohe ana o Saribano ma i keia leo, ua huli ae la lakou a pau i hope, a i nana aku ka hana, e ku mai ana o Kaukani.

E kihe'ahe'a ana ke koko ma o a maanei o kona kino, a e paa ana hoi kona mau lima i na wahi pahi kaua i pahu ia ai ma kona kino

A e lei ana hoi oia he mau le kaula hao nunui he kanalimakumamalima ma kona a-i, a he umi hoi ma ona puhaka kahi i lewlewa ai.

Ua hiki ole ia Saribano ma ke neeu hou aku, ua paa ka leo, a aia lakou ke ku ala me ka haalulu nui ua piha pahaohao.

No kekahi mau minute keia ku ana o lakou me ka pane ole aku o kekahi i kekahi, ia wa i pane hou mai ai o Tausani penei:

E Saribano e loaa hou no oe ia'u e aihue ana i kuu kaikamahine, o ko hana ana keia pau ou mau iwi i ka hakihaki.

Aohe mana aohe ikaika nana e hoopahu'a ia'u, a e hoopakele ia oe, e make ana oe i ka make mau loa, a o ka lua ahi enaena kou lua kupapau.

Ia wa i pane ai ai o Rubinia: E Kaukani e, heaha la hoi, he make ko kuu kane ia oe, a he ola hoi ia'u, aia no i na hana ana.

Alia oe e awiwi e kuu wahine, wahi a Saribano, owau nei ka mea nana e hoouna iaia e hoi e noho i kuku na ka aumakua o na ke'e eku lepo.

Aka, me imo ana ala na ka maka, aia hoi, ua lilo aku la o Runinia i ua luahine ala, a hauhoa ia ae la oia i na kaulahoa he umi.

Ia wa i pane mai ai ua Tausani ala: Ke hele nei au e Saribano, a e noho oe me ka hoomanao, ke hoea hou mai au, o oe a me kou mau ko'u kuleana i hiki mai ai.

E kau aku ana au i ka hoopai maluna ou, a o lakou nei ae hoi, i pupu awa no Kaukani nei, no ke kuluaumoe.

Nola@a, o ke aloha no ko oukou, a hui hou aku kakou, penei la imi ka pono, a he hu ana no ka makani na i a'e aku la ua kupuino nei.

I keia wa i kulou iho ai o Saribano ilalo me ka uwe ana me ka naau ehaeha no kana wahine, aia oia ke lawe ia ala no ke alahele pohihi, he make paha, a he ola paha.

Oia hoi kana i huli ae ai a pane aku la i ka loea kakapahi kaua: Aole loa au e ae ana i keia, ma kona meheu au e uhai aku ai a hiki i kona loaa ana ia'u.

Ma kau wahi e hele ai e kuu haku, malaila au, i na po ka make, ua hiki no, a i na hoi no ke ola, oia iho la no, wahi a ka loea i pane mai ai me ka helelei ana o kona waimaka.

 

OLELO HOOLAHA

E noho ana ka Hui Kalaiaipa i ke ahiahi Poakahi, hora 7:30 p.m. ae nei Iuni 1, 1891; ma ka Hale Paikau ma ka uwapo ma Alanui Moiwahine, no na manao nui e waiho ia aku ana imua o ka Hui. E pono i na lala a pau o ka Hui e hele ae no ka lohe ana.

        J.A. KAHOONEI,

Peresidena o ka Hui. Mei 28, 1891.

 

Kauka Pake Akamai!

DR. LEONE KANG TONG.

MAKAUKAU OIA E LAPAAU I NA

MA'I A PAU O KELA A ME KEIA

ANO, ME KA ELEU A ME KA

HOLOMUA.

 

HE OLUOLU KA AUHAU.

 

> pointing hand dingbat >  KEENA OIHANA: -- Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.

 

HE PALAPALA HOOIA.

 

Honolulu, April 29, 1891.

Owau o Chu Sam Lan, no ke kulanakauhale o Honolulu, Mokupuni o Oahu Ko Haawaii [sic] Pae Aina. Ke hooia, a ke hooiaio aku nei au imua o ke akea, ua ike au a ua maopopo ia'u a ke haawi nei au i ko'a mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo koi ma ka olelo kahiko. Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola. Ua loaa au i keia ma'i mai ko'u wa opio loa mai, a na aneane he 4 makahiki o ka hoomailo ana a keia ma'i i ko'u kino, aka, ma keia wa na loaa ia'u ke ola maikai loa. E hele ae e ka poe i luuluu a kaumaha.

        Mei 12, 1891.  lm.-d.

 

Kuai Kudala

-- O NA --

Pa-Hale ma Kalihi, Honolulu, Oahu.

Ua loaa mai ke kauoha ia'u e kuai aku ma ke kuai kudala akea, ma ko'u Keena Kudala, ma Alanui Mokuwahine, i ka

POAKAHI MEI 28, 1891, HORA 12 M.

He 36 mau Paa aina Noho Nani, mawaena o alanui Moi me Beckley, he aneane hapaha mile ma Ewa aku o ke Kula Kamehameha. Ua mahele ia keia mau apana ma kekahi ano, a me ka nunui kupono e hiki ai ke k@ mo mai iloko o ka lima o kela a me keia mea ka loaa ana e like me ka makemake, kekahi home no lakou ponoi iho iloko o na palena mamao kupono i ka piko o na wahi hana o ke kulanakauhale.

Ke kulana a me na pono lehulehu e ae o keia mau apana aina, na hiki ole ke hoohalike ia me na aina e ae o@ keia ano i kuai ia iloko o keia kuianakauhale i na makahiki i hala e aku.

O ke ano o ka waiho ana o keia mau aina, ma ka waha aku o ke awawa o Kalihi ma ke kiekiena kupono, ua loaa mau ke ea oluolu maikai a me ka maikai maoli no o ka nohoana.

E huli ana keia mau aina pa-hale a pau i ke alanui Kalihi, he 55 kapuai, oia hoi ke alanui oi aku o ke akea ma na wa hi e pili kokoke ana i ke kulanakauhale o Honolulu, a e holo ana hoi mai alanui Moi a puka i alanui Beckley.

Aia malalo iho o ekolu minute ke hele wawae aku a loaa keia mau apana aina mai kahi o ke alanui kuahao (Tramear) e pau ai.

Ka wai. E hoomoe ia ana he paipu kumu wai, he 8 iniha ke ana-waena e hoomoe ia ma ke alanui Moi, mai na hoomoe ana paipu o ke aupuni, e hoola ana i ka lawa i ka wai. Ano o loaa no ka wai mau ka pa kula Kamehameha mai.

E ike ia no kekahi palapala kii aina o keia mau hale pa hale ma ko'u Keena kahi no hai e loaa ai na hoike i makemake ia e ninau aku.

Ke ano o ke kuai ana. Hookahi hapa ma ke dala kuike, ke koena iloko o hookahi makahiki ma ka ukupanee o 9 kenet@ o pa-haneri i hoopaa ia ma ka moraki.

O na lilo o ka palapala kuai, me ka mea no ia e kuai ana i ka aina.

        JAMES F. MORGAN.

                Luna Kudala.

Honolulu Mei 29, 1891. 204-dtf.

 

Kuai no ka Manawa

HE ELUA PULE WALE NO.

HE WAIWAINUI!

HE WAIWAINUI!

Na Kalakoa, - - - mamua 10 i-a no $1.00, i keia wa 16 no $1.00.

" Kawele - - - - "  .25 ken.pakahi, " 3 no .50.

" Vikolia - - - He .75 keneta no ka apana hookahi.

" Kakini wahine eleele " .40 keneta paa, "  .25.

A HE LEHULEHU WALE AKU O NA MEA KUAI I HOOEMI IA

KE KUMUKUAI A HAULE ILALO LOA, A NA

OUKOU HOI IA E NA MAKAMAKA E WAE

NO OUKOU IHO.

> pointing hand dingbat > Iloko keia kuai ana a makou, e hoolilo aku ana makou i ko makou mau waiwai no ne kumukuai hoemi. E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.

                S. EHRLICH.

Kihi o na alanui Papu a me Hotele.               Mei 6, 2w d.

 

KUAI HOOPAU NUI.

Mai keia manawa aku a hiki i ko Makou hoonee

ana aku iloko o ko makou

HALEKUAI HOU

Ma ke Alanui Papu, –(NA HALE BURUA.

E hoolilo aku ana Makou i ko Makou waiwai a

pau o na ano Lole:

NAhLOLE [sic] NANI,

        NA LOLE I HUMUIA,

                KAPU A ME PAPALE

                        PAHU LOLE, a pela aku

No na Uku Hooemi Loa Nae.

        Egan & Gunn.

ALANUI MOI kokoke i ke ALANUI PAPU.         tf–d.

 

HOOLAHA HOU

B. F. Ehlers & Co., –PAINAPA

HELU 99, Alanui Papu.

IA OUKOU E NA MAKAMAKA A ME NA HOALOHA, OIAI HOI UA

makaukau makou i ke kuai ana aku ia oukou i na lako lole wahine o na ano Staila a pau; oia hoi–

Na Silikia hou                         Na Santeen hou

Na Mikilima hou                    Na Lihilihi hou

Na ano Mamalu hou loa         Na Paku Pukaaniani

Na lole hou o na wahine         Na lole o na keiki liilii.

Na lole o kela a me keia ano e loaa no ia oukou no na kumukuai haahaa loa.

> pointing hand dingbat >  E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.        Owau me ka oiaio,

tf-Daily.                          B. F. EHLERS & Co.

 

Papale! Paple!! [sic] Papale!!!

 

E Loaa no                        maikai o na

 – Papale –

maanei na                       ano a pau

 

Na PAPALE i hoonani ia a hoonani ole ia.

I loaa ole ka lua ma keia Pae Aina, a no na la hoomanao Kulaia, e loaa

no ia oe ma na kumukuai haahaa.

I na oukou e kuai i na PAPALE ma ko makou halekuai nei,

alaila, e loaa no ia oe ke kaulike.

> pointing hand dingbat > Nolaila, e kipa mai io makou ne i hoopau ia ko oukou kuhihewa.

                        C. J. Fishel.

Mei 19, 1891.  196-ttd.