Ka Leo o ka Lahui, Volume II, Number 203, 28 May 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

 Ke wawa ia nei ma na pipa alanui i keia mau la, o ke kumu ka o Waimanalo i hoi hope mai ai i kela mau la aku nei; no ka hoolele ana i kekahi mau kini kupanaha iuka nei, mai Kahoolawe mai.  Ku no ia po a holo no i ka wanâao.  Ua eleu no.  Ha haki nae no kekahi mea paahana o ka mikini, oia ka ke kumu o ka hoi ana mai, wahi a ka hoopunipuni i epa ae ai.

 Nui ka hoi ka opae oehaa a me oopu nokea i hui pu ia hoi e na upapalu ma ke alanui Beritania i ka la inehiuei; oiai na lae ula a loea a Mr. White e pahonohono ana i kahi i poino o ke paipu wai.  Nana aku no hoi la, nunui ka waha o ka oopu, ke iho aku no ke kapala a pii mai, konini ana ka upapalu. O ka mea nae i aai loa ai, no ka hoehoene ano ele o ka hokiokio ana a kekahi wahi haole ano ailiki, oiai e kiauau ana no Waikiki.  Laki no paha oukou.

 

HE NANEA PAHAOHAO

- NO -

TAUSANI

-A ME -

Saribano.

 

 Ka wiwo ole hoi o na wiwo ole - Ka Poai honua kunukunu ole - Ka mea hoi nona na lima i aie ai ke ao holookoa.

 

 Ae, e uwe aku ana hoi paha au ia oe, he manao anei kou e ole ana kakou i keia mau sekona iho, aole, ina aku o Kaukani a hoea mai, a e pau ana kakeu i ka make, e make ana kakou aohe ahailono.

 E kuu aloha, aole ia kaua ia, aia wale no i ka mea mana loa ma ka lani, ina he make ko kakou, ua make no.

 Aka, e kuu wahine aloha hoi, mai noonoo no ia mea, he alahele maa mau ia no na mea a pau.

 Hoopapau loa iho la lakou nei i ka wehe ana, aohe nae he wahi mea a mohole iho.

 A ia wa koke no, me he imo ana ala na ka maka, ku ana ka luahine Kaukani, a i kahi-e no i kahi-e pa ana kahea -

 Ahahana; loaa pono hou oe ia'u e Saribano e aihue hou ana i kuu kaikamahine, make oe ia'u, aohe oe e pakele.

 Make auanei au ia oe a he mea ia no'u e maka'u ai, ua hiki no i ko'u uhane ke pepehi ia oe no ka manawa hope loa.

 Manao au o oe ka aihue i maopopo loa, oiai, ua aihue aku oe i kuu wahine a me kuu keiki, a ua loaa iho nei kii wahine ia'u ua pepilikia.

 A o kuu keiki hoi, kuu lei aloha, aia la oia ohea, ua pau no paha ia oe i ka ai ea?

 Aole pela, wahi a ka luahine ai kanaka Kaukani, no, no, no, aole loa au he wahine aikanaka, aole au i ai i kau keiki.

 Ina pela, wahi a Saribano, eia wale no ka'u noi ia oe, e haawi mai oe ano i kuu keiki, a me kou wehe pu ana ae i kuu wahine.

 A hana oe i keia mau mea a pau me ka holopono, alaila o ka pau ana ne ia o ko'u manao ana aku e hoopoino wale aku ia oe.

 Kohoho!  O oe ka ke kanaka e hiki ke hoopoino mai ia'u ea, he keu aku oe a ka lalau loa.

 O ka'u wale no ia oe, e waiho malie iho i kuu kaikamahine, he pio oia na'u, a o kona hoopai ia a hiki i kona make ana.

 A o kau hoi e olelo mai nei no ke keiki, aoha au keiki o keia aupuni, aohe hoi ma kuu poli au hoi e ne mai nei.

 Aia ia oe kuu keiki, a e haawi mai oe ano, a i ole oe e haawi mai, e hoike aku ne au ia oe i ka mea oiaio.

 Aole lea au e kuemi hope a hiki i ka halulu ana o ka'u pahikaua ma ko iwi aoao, a me kou alapoho ana aku paha ia'u iloko o kou opu palaualelo.

 Ia wa i lehe ia aku ai ka leo o ke aliiwahine Rubina i ka pane ana ae i kona makuahine Kaukani, penei:

 Aole anei i na kou inaina maluna o'u nei wale no, aia ka a maluna o ka'u kane kekahi.

 He keu wale aku no oe a ka wahine lapule nui wale, e manao ana no anei oe he mea hiki wale ia oe ke kanaka ke hana?

 Mai kinohi mai no kou hana ino i kanaka a hiki loa no i keia manawa, e akahele kau hana, o ai no auanei oe i keu i'o ponoi iho a me kou koko.

 A e lohe no auanei oe e kuu makuahine hana lapuwale: Aia no he minute e hoea mai ana, aole i loihi loa mai keia wa aku a kaua e kamailio nei.

 E halawai ana oe me kekahi pilikia nui, e nui ana ko waha i ka auwe me ka ehaeha nui, e paa ana oe ma keia wahi nei o'u, a e hemo aku ana au, aohe ou puukalahala e ae, aka, o kuu kane no, ka mea hoi au e upu nei e make.

 Nolaila, e kuu makuahine, penei oe la noonoo mai i ka mea pono, a mai hoao oe e hapai i kou lima maluna o kuu kane.

 I ka lohe ana o Kaukani i keia mau olelo, ua naka haalulu ae la kona kino holookoa, enaena na maka, hapai ae la i kona lima iluna a kuhi pololei mai la imua o Rubinia, a pane mai la:

 E ka pupule, e ka henena, ua poina anei oe ia'u?  Ua poina anei oe ia Kaukani?  Ke hai aku nei au ia oe, aole loa he mea nana o kulai ia'u a hiki i ka huli ana o keia honua.

 I kela manawa, ua paila ka wai o ka maina iloko o ka luahine, a pela no hoi me Saribano, a o ka loea kaka pahikaua hoi; aia oia ke haka pono ala maluna o ka luahine me ka makaala nui.

 I kona wa i ike ai he manawa kupono ia nona a me kaua wahi pahikaua nuku iki ke hoomaneoneo aku i ka luahine Kaukani.

 Ua lele aku la oia imua a pahu aku la i kana pahikana ma ka aoao akau o Kaukani, a ka poo pu aku la iloko, a koe ke kuau iwahe.

 Ia sekona koke no, ua pahu hou aku la oia i-ka elua o kana pahi kaua, aka poo aku la malalo pono a ka poaeae.

 A me eleu nui, ua lele aku la oia a paa aku la ma ke kani a-i, a pane iho la:

 Ahahana, kaua make loa ia'u e keia luahine ino aihue i ka wahine a me ke keiki a ko makeu haku Saribano, a ma kona inoa la, ke kauoha aku nei au ia oe, ano e mihi mai.

 I keia manawa i hoomaka ae ai ua luahine ala e oni me ka ikaika nui, e lele ana i o a ia nei, a me ka pane ae: Ke hemo au, pau loa oukou ia'u i ka ai ia.

 

 HE ANAINA HOOMANA MA ARIONA HALE.

 

 Ma na Lapule a pau, e hoomaka ana ke auaina haipule i ka hora 9 a hiki i ka hora 10:30 a.m., no na kanaka Hawaii, a ma ke ahiahi hora 7:30 p.m. no na haole, a me ka poe e makemake ana e hele.

  Lunakahiko@ A. Haws.

 

Kauka Pake Akamai!

DR. LEONG KANG TONG

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

 

HE OLUOLU KA AUHAU.

 

  KEENA OIHANA:- Aia ma ka aoao ma Ewa  iho o ka halekuai Puaa, e ku nei ma ke kihi o na Alanui Kamika me Hotele.

 

HE PALAPALA HOOIA.

 

  Honolulu, April 29, 1891.

 Owau o Chu Sam Lau, no ke kulanakauhale o Honolulu, Mokupuni o Oahu Ko Haawaii@ Pae Aina.  Ke hooia, a ke hooiaio aku nei au imua o ke akea, ua ike au a na maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo koi ma ka olelo kahiko.  Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola.  Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana a keia ma'i i ko'u kino, aka, ma keia wa na loaa ia'u ke ola maikai loa.  E hele ae e ka poe i luuluu a kaumaha.

  Mei 12. 1891.   1m.-d.

 

Ka Buke Akeakamai.

..AO..

KE KI GULA

NO KEKAHI MAU MEA HUNA PO HIHIHI I HULUA E KA NOE AU O KE KANAKA.

 

 KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.

 

Mahele o ka Buke.

  MAHELE I.

 ZODIALOGIA - Hoike Ouli ma na kaulana Mahina.

  MAHELE II.

 NAEVIALOGIA - Hoike Ouli no ka Ila o ke kanaka.@

  MAHELE III.

 METRAGARATIMA - Ka hoike Ouli ma ka Hoonohonoho@ Huahelu ma ka Helu Kahala.

  MAHELE IV.

 ONEIROLOGI.

  MAHELE V.

 Ka Papa Konane Hoa @ona Pomaikai.

  MAHELE VI.

 Ka Aimatika Kamahao@

   J. M. POEPOE.

 

Kuai no ka Manawa

HE ELUA PULE WALE NO.

 

HE WAIWAI NUI !

HE WAIWAI NUI !

 

Na Kalakoa, - - mamua 10 i-a no $1.00, i keia wa 16 no $1.00.

 " Kawele - - - " ,25 Ken. pakahi, " 3 no .50

 " Vikolia - - - He .75 keneta no ka apana hookahi.

 " Kakini wahine eleele " .40 keneta paa, "  .25.

 

A HE LEHULEHU WALE AKU O NA MEA KUAI I HOOEMI IA KE KUMUKUAI A HAULE ILALO LOA, A NA OUKOU HOI IA E NA MAKAMAKA E WAE NO OUKOU IHO.

  Iloko keia kuai ana a makou, e hoololi aku ana makou i ko makou mau waiwai no ne kumukuai, hoemi.  E hoomaka aku ana-keia kuai ana mai ka POAKAHI aku, ka la 4 a ka la 18 aku o MEI nei.

   S. EHRLICH.

Kihi o na alanui Papu a me Hotele.   Mei 6, 2w d.

 

KUAI HOOPAU NUI.

 

Mai keia manawa aku a hiki i ko Makou hoonee ana aku iloko o ko makou

HALEKUAI HOU

 Ma ke Alanui Papu,-(NA HALE BURUA.

E hoolilo aku ana Makou i ko Makou waiwai a pau o na ano Lele:

 NAhLOLE NANI,

  NA LOLE I HUMUIA,

  KAPU A ME PAPALE

  PAHU LOLE, a pela aku

No na Uku Hooemi Loa Nae.

  Egan & Gunn.

ALANUI MOI kokoke i ke ALANUI PAPU.   tf-d.

 

HOOLAHA HOU

B. F. Ehlers & Co., -PAINAPA.

HELE 99, Alanui Papu.

 

 IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano Sta@la a pau; oia hoi-

 Na Silika hou    Na Sateen@ hou

  Na Mikilima hou   Na Lihilihi hou

  Na Lihiihii keokeo hou   Na Lihilihi kau lole hou

  Na ano Mamalu hou loa   Na Paku Pukaaniani

  Na lole hou o na wahine   Na lole o na keiki@ilii.

 Na lole o kela a me keia ano e loaa no ia oukou no na kumukuai haahaa loa.

  E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou,  Owau ma ka oiaio.

 tf-Daily.    B. F. EHLERS & Co.

 

Papale !  Papale !!  Papale !!!

 

 E Loaa no - Papale - maikai o na

 maanei na     ano a pau

 Na PAPALE i hoonani ia a hoonani ole ia.

 I loaa ka lua ma keia Pae Aina, a no na la hoomanao Kulaia, e loaa no ia oe @a na kumukuai haahaa.

 Ina oukou e kuai i na PAPALE ma ko makou halekuai nei, alaila, e loaa no ia oe ke kaulike.

  Nolaila, e kipa mai io makou nei i hoopau ia ko oukou kuhihewa.

  C. J. Fishel.

 Mei 19, 1891.  196-tfd.