Ka Leo o ka Lahui, Volume II, Number 203, 28 Mei 1891 — Page 1
| This text was transcribed by: | Kehau |
| This work is dedicated to: | I ko kakou po'e kupuna i hookumu ai i ka moomeheu pa'u, ke aloha nui |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU, MEI 28, 1891. Helu 203
_____________________________
_____________________________
He Moolelo Kaao
No ke
Kamaliiwahine Laulie.
A i ole
HE NANEA KAMAHAO NO KA
HULU GULA O
KIBERIANA.
He Kaao kahiko no Helene
_____________________________
MOKUNA X.
_____________________________
E kuu aloha, aole oia na'u i pe-pehi aku nei, aka na kana hana no oia i pepehi, wahi a Kolana me ka hoao ana e hoomalielie i na manao uluku pono ole o kana wahine.
Auwe ! e kuu kane, ma kahi o ko'u hauoli i kou pakele ana mai nei ke kaumaha nei au i ka ike ana ua paumaele kou mau lima me ke koko o kekahi mea uhane a Alahe i hana ai.
E hoomanao oe e ka wahine, na kela luahine lapuwake oe i kaili ma nawaino mai ko kaua aupuni mai, kahi hoi a kaua i hooko mua ai i ko kaua mau iini, a nana no hoi au i noke mai nei i ka hailiili me na inoa lepo a pau a kou mau pepeiao e kuu wahine e oluolu ole ai ke lo-he, a mawaho ae oia mau mea elua, oia no ka i lele mua mau nei e pepe-hi ia'u, ua lwe oia i na hana a pau nana wale no, nolaila na kana mau hana no oia i pepehi aole na'u.
I ka maopopo pono ana ia Lau-lie o na kumu hope elua i pii ai ko Kolana kai a pepehi ai oia i ua lua-hine la, ua hooho koke ae la oia me ka piha hauoli o ka naau:
E hoomaikai ia ka inoa o Alahe no kou pakele ana mai nei, a e hoo-maikai ia no hoi o Alahe no ka ma ke ana o kela luahine, a na ka pa-laho auanei e ai i kona kino a hiki i ka lilo ana i mea ole.
Ma keia wahi e hookuu kaua i keia mokuna me kana mau pono, a e hoomau aku kaua i ka hele ana imua ma kekahi mokuna hou aku.
MOKUNA XI.
Ma ka mokuna i hala ua ike ka-ua ua make ke kupu ino, oia hoi ka luahine nana i pakaha o Laulie, a ua ike pu ae nei no hoi kaua i na ipo elua iloko o ka halepaahao, no-laila e kamailio kaua ma keia mo-kuna ma kahi i koe.
Mahope iho o na olelo a Laulie i kana kane ma ka pewa hiu o ka mokuna i kunewa akula, ua hoola-le hou aku la o Kolana i kana wa-hine e hahai piha mai iaia i ka mo-olelo kamahao mai ka mua a ka ho-pe e pili ana i kona aihue ia ana mai, a me kekahi mau mea e ae i hanaia ana i ike ole ai me ka huna ole mai iaia aku.
Aia a puka kaua mai keia wahi aku, alaila hahai aku au ia oe e kuu kane i na mea a pau me ke koe ole o kekahi mea hookahi, wahi a Laulie.
He manawa hoi wale no no kaua e kuu wahine; aka ua po keia ma-nawa, mahea la kaua e haha poele aku ai? Nolaila e hoomanawa iki ka hoi a hiki i ke ao ana.
O ka kaua wahi keia e noho ai e ke kane, aole loa kaua e ike ana i ka malamalama o ka la, ke konane o ka mahina a me ka olino o na ho-ku, oiai ua nui ae nei na la o ko'u noho ana iloko nei me ka ike ole ia mau mea, koe wale ino no ka mala-malama o keia mau kukui e a nei.
No keia koi a ka wahine, ua ae aku la o Kolana i ka hoi ana. a oiai laua e hele ana maloko o kekahi ala ololi malalo o ke alakai ana a ka malamalama hopipi o na kukui, hiki aku la laua ma kekaki pani pu ka pohaku.
Ma keia wahi ku iho la laua me ka hoka ana me ka maopopo ole o ka laua mea hana ai.
Oiai o Kolana e imi ana i kahi e hemo ai ua pani pohaku la, hoao aku la oia e hoonaueue i na pani pohaku la, aia hoi he naue wale no, nolaila haawi aku la oia i ke keiki a laua i ka wahine e paa ai, a me kona mau lima kona hao elua i kokua ia e kona mau olona wikani, lepe pu ae la ka ihu o ua pani po-haku la, kaawale ka pili me ka ni-honiho.
I ka hemo ana ae o ua pani po-haku nei, ike aku la laua i ka owa-owaka mai o na hoku o ka lani, a lohe pu aku la no hoi laua iloko oia manawa hookahi i ka nunulu mai o na ale ahiu o ka moana, me ka hoonene ana i ka iliili.
Me ka naau hauoli, puka mai la laua mai ke ana mai o ka ehaeha, a noho iho la ma kahakai, oiai o ka hele ana aku imua he mea hiki ole ia, no ka mea he kai nui ke hoho-la mai ana imua o laua. a aole no hoi he hiki ke hele ma kela a me keia aoao, oiai ua hele ka pali a luu iloko o ke kai.
Nolaila ua moe iho la laua ma ka waha o ke ana, oiai o kahi kaawale wale no ia no laua e hoaumoe ai ia po.
Oiai laua e hiamoe ana, ua olelo aku la o Kolana i kana wahine, akahi no kaua a moe pu hou, e kuu aloha.
He moe auanei a he moe pono oiai ua hele kaua a ku i ka nuku. aole e hiki ke kuupau ka hana i na nihoniho.
He oiaio kau e ka eha koni; aka nae eia kaua ke hookokoke aku nei i kahi e noke ai a haalele; nolaila ua aie nui loa kaua i keia mau paa kamaa aniani, no ka mea ina aole laua, aole kaua o halawai hou he ale a he ?
_____________________________
He Moolelo Nanea.
No
De Atanani.
_____________________________
Ke Koa o ka Lio Olohe,
A I OLE
NAKIAIEKOLU O FARANI.
_____________________________
Mamuli o keia mau olelo a kape-na Terevila. ua haawi mai ka moi i ka nana pono ana maluna ona me na maka hulili o ka piha pihoi-hoi, a liuliu pane mai la oia:
Ua maopopo aku la ia oe ka'u kauoha e Monasiua Kapena ea ? alaila, e hoomanao oe, o ka wa a'u i kauoha aku la ia oe, oia ka manawa au e hoea mai ai me kela mau kanaka wiwo ole eha.
Ua haawi aku ke kapena Terevi-la i ka ae ma ke kunou ana o kona poo, mahope iho o kona hoolohe akehele ana i na huaolelo a kona moi.
Alaila, huli ae la ia maluna o kona mau kapuai me ka haawi ana aku i ke aloha kunou poo i ka moi a haalele iho la ia i ka halealii no kona kakela.
Ma a ahiahi nei, ua ae hou ua kapena Terevila nei e i ike hou aku i na koa kiai ekolu me ko lakou hoaloha opio, a imua o ua mau hoa-aloha la eha, hoike aku la oia i na olelo a ka moi.
Na ia mea i hoouwila ae i na manaolana iloko o ua mau koa nei, a o ka oi loa aku paha o ke ohohia a me ka ulumahiehie, oia no ke koa opio o ka lio olohe.
Na ia mau manao uluku ohohia i hoouha aku i ua koa opio la o ka lio olohe no ke keena o La Fere ma ke kakahiaka o kekahi la ae.
O ka hora S ia o ke kakahiaka a ua opio la i hoea aku ai ma ke kee-na o La Fere, a ua loaa aku iaia o La Fere e makaukau ana e haalele iho i kona keena.
Aloha kakahiaka oe e ka Mona-siua, wahi a La Fere.
Kakahiaka maikai e ka Monasi-ua kiai, wahi a Atanani i nanai aku ai. A e ka Monasiua, mahea kau wahi holoholo o keia kakahi-aka ?
No Luxemaboro, wahi a La Fere i pane.
Aole ka hoi o oe kekahi o hoea aku ana ma ka ike alii o keia la ? wahi hou a ka ninau
Owau ko kekahi e kuu hoaloha, a oiai he eha hora okoa i koe, ala-ila hoea mai ia manawa, nolaila, ua hooholo makou me ko'u mau hoaloha me ke ahiahi nei, e hele holoholo ma Luxemaboro no kekahi mau hora, mamua o ko kakou hele ana aku i ka ike alii.
Nolaila e Atanani, aole anei oe e hui pu mai me makou ma ka ma-kou huakai holoholo o keia kakahiaka ?
Ua haawi aku ua koa opio nei i kona ae no keia kono a kona hoa-loha La Fere, a iloko o na minute pokole, aia laua e kuoe ana ma ke ala e hoea aku ai i Luxemaboro.
Ia laua i hoea aku ai no ke ka-kahua olohu popo o Luxemaboro, aia o Velona a me Hapale e u-kali mai ana no La Fere, ai ko laua wa i ike mai ai ia laua nei, haawi maila laua i ko laua aloha kakahiaka, me ko laua panai pu ana mai i keia mau olelo:
Ulolohi loa nae oe i keia kakahi-aka e Monasiua La Fere ?
Ae e na hoaloha, mamuli o ka hoea ana ae nei o ko kakou hoalo-opio nei, ua hookaulua iki ia ko'u hele koke ana mai, a e o'u mau hoaloha, ua komo aku nei au i ko ka-kou hoaloha opio nei e hui pu mai me kakou ma ka kakou mau lealea hoohala manawa o keia kakahiaka.
Ua pono, ua pono no e La Fere, ano, e hoomaka kakou i ka kakou kemu mua, o oe no hoi me ko ka-kou hoaloha opio, a owau no hoi me Velona, pehea, ua pono anei kela ? wahi a ka Monasiua Hapale e ohiohi nei.
Aohe a'u olelo ana no ia mea, aka koe wale iho no paha ko kakou hoaloha opio, aole paha oia i lealea no keia mau kono a kakou.
Ua ae au i na kono a pau, koe wale no keia aole au i maamaale'a mua no keia ano lealea; a na ia mea i kaohi mai i kaohi mai i ko'u manao mai ka ae ana aku i ka ou-kou kono; nolaila, e kala mai ou-kou ia'u mai ka hui pu ana aku me ka oukou lealea.
E kala aku hoi ka ia iaia, i kahi kanaka Gasecona makemake e lilo i koa kiai no ka moi, a he hoohe wale ka i ke pa'i popo ! wahi a ke-kahi leo i kahea mai ai.
Na kela leo kahea ano hoohene-hene, na ia mea i ho-aui ae i ke koa opio o ka lio olohe, a haka pono aku la oia maluna o ka puulu o na kanaka e hehe ana na aka, a iwaena o ia puulu, he hookahi wahi koa'e hoike mai ana, he koa kiai oia no ke Cadinela.
Aole i pau.
_____________________________
Na Hui Kinipopo.
_____________________________
Mei 23 Kamehameha vs Honolulu
" 30 Honolulu vs Hawaii
Iune 6 Kamehameha vs Hawaii
" 13 Kamehameha vs Honolulu
" 20 Hawaii vs Honolulu
" 27 Kamehameha vs Hawaii
Iulai 4 Kamehameha vs Honolulu
" 11 Honolulu vs Hawaii
" 18 Kamehameha vs Hawaii
" 25 Kamehameha vs Honolulu
Aug 1 Hawaii vs Honolulu
" 8 Kamehameha vs Hawaii
" 15 Kamehameha vs Honolulu
" 22 Honolulu vs Hawaii
" 29 Kamehameha vs Hawaii
_____________________________
Olelo Hoolaha.
Ua makaukau ka mea nona O-inoa malalo iho, e hana i na Pua HAKU PUNA ELEELE a me ka pohaku e ae no na pa kupapau a me na kahua kukulu kia hoomanao. O ka poe makemake e waiho mai i ka lakou mau kauoha me Ioane Akina
J.BOWLER
Sept. 22, '90, d--ly
_____________________________
H.P.K. Malulani.
HE LOIO a he hookapeke olelo ma Ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la'i o Ku? ma ke alo o na pali. E ohiia no-hoi na aie me ke ku i ka eleu a me ka puahiohio. Nov 8 '90, d--ly
_____________________________
HOOLAHA KAI KONOHIKI.
Ke pa leo aku nei ke Konohiki o Wai-alae, i kona mau hoaloha a me na hoaai-na o kona Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo la.
Owau no,
3ms-d. PAULO ISENBERG.
_____________________________
HE KOKUA
NO KA POE PILIKIA, E HELE AKU I KE
KEENA O
R.W. WILIKOKI MA.
HE KOKUA ma ke KANAWAI a no ka Hooponopono ana i na ku-leana Aina a me na palena Aina. Ua makaukau oia e hana i na Pa-lapala Kanawai o na ano a pau, a ua lawa oia no ka hana imua ona Aha Hookolokolo a pau o ke au-puni, ma o kona hoa, kekahi o na Loea Kaulana o keia mau la.
Keena Helu 15, Alanui Kaahumanu. 195--d-ly
_____________________________
Hoolaha Hookapu.
Ke hoike ia aku nei ka lohe i na ano kanaka a pau loa. Ua hookapu loa ma-ua i ko maua mau Apana Aina ekolu i kapaia o Kalaheo, Kahelula a me Puuoihala, no lakou na eka 308 e waiho la ma ka Paa, Kailua, Koolaupoko, Oa-hu, i hoolimalima ia e mama mai ia K?-(w) mai. Nolaila, ke pana loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i kela, e hopu ia no e maua, a i ole ia, e ko maua mau hope paha, a e hooko ia e like me ke kuhiku-hi a ke kanakawai. O na poe a pau e ma-kemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUNA.
Owau no ke ka haahaa,
MRS. C. I. HIRAM.
Honolulu, Oahu, Oct. 8, 1890 ?