Ka Leo o ka Lahui, Volume II, Number 202, 27 May 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.          HONOLULU, MEI 27, 1891.          Helu 203

He Moolelo Kaao

No ke

Kamaliiwahine Laulie.

A i ole

HE NANEA KAMAHAO NO KA

HULU GULA O

KIBERIANA.

 

He Kaao kahiko no Helene.

 

MOKUNA  X.

 

  No kekahi mau minute ka noonoo ana a ka luahine i kana pane, kamailio mai la oia me ka huhu i oi aku i ke ka mua:

  E kahi poka'o ! aole o'u manaoio i na olelo a na keiki a kanaka e like me oe e keia hehena nui e olelo mai nei. Ke hahai aku nei au ia oe, hapa ko ikaika i na po, aole loa oe a me ko wahine e puke mai keia halepaahae aku me ke ola, aka o ko olua wahi keia e paa ai a hiki i ka hihi ana o ka punawelewele i ko olua mau maka.

  U-oki ! mai hailiili mau oe ia'u eia wale no e hahai pololei mai oe ia'u me ke kali ole, no ka mea aole e hiki ia'u ke ku loihi maanei mai kuu aloha mai e hoohala manawa wale ai no, o oe owai a me wai ka poe i komo pu ma keia hana kaili malu i kuu wahine ? E hai mai me ke kali ole, oiai he makemake au e hoi me kuu wahine i ko maua aina, a hahao aku i maua iloko o na pui li ana a ke aloha, pau na manao he le auwana.

  Ha ! ha !! aole loa olua e pakele mai keia wahi aku, ha ! O ko olua lua kupapau keia e make ai, ha! ha !! ha !!!

  Ua hoopuka ia mai keia mau huaolelo e ua luahine la me ka akaaka pahenehene ana, a he mau hana hoi ia e hoopii hou mai ai i ko Kolana huhu ma na paona kiekie o ka wela e maalili ole ai i kekahi muliwai nui, a me ka leo ku io pane aku la oia:

  Aole loa he mea malalo iho o ka la nana e keakea mai ia maua ma ka haalele ana iho i keia wahi, o ka mea a mau mea e hoao makapo ana e kue mai i ke maua hoi anaame kuu aloha, e make no ia me ka hakalia ole i panihakanaka ma kahi o kuu Laulie.

  Owau nei e ku aku laka mea nana e paa olua, aole he mea e ae.

  Aole loa oe i hele ia imua o'u; he 99 i koe o ke ano e like me oe, alaila mikomiko pano iho ke keiki Kolana.

  O ka hoao ka mea o ike ia ai, aole o ka make mamua. He oiaionae, ua akaka ka make nau na ke kane, aka nae aole no ia he mea e hopo iho ai ke kaikamahine kino papalua o ka naele o Kiberiana i ka lawelawe lima pu ana me oe, oiai he welo au no ia hana he hakaka, wahi a na luahine nei me ka hoao ana mai e hakaka pu me Kolana.

  I ke Kolana ike ana i keia ano hana pai i ke oolea a ua luahine la, ua olelo koke aku la oia me ka hohola ana o kona mau lima imua:

  E ka haaupo ! ma kahi au e ku la malaila ke ola, nolaila mai hoao mai oe e hele mai imua o'u ka mea nona ka weli i kau ia e ke ao nei, oiai ma keia huli mai o kahi au e ku la he make wale no ia Kolana, aohe he laau e oia ai.

  Aka nae, ua lilo keia mau olelo maikai a ua opio nei i mea ole i ua luahine la, no ka mea ua piha oia me ke kuakoko o ka huhu, a o kona ane maopopo iloko oia manawa, ua pau i ke ahi.

  Lele mai la ua luahine nei maluna o Kolana me ka weliweli nui, me he bipi hae la no Halona, a e like me na tiga omokoko o Benegala, iho mai la kona mau lima lauahi hooponopono ole e loaa mai o Kolana, aka nae ua loaa pono aku la kona kumu pepeiao huluhulu piha ukana i kekahi o na pa'i mahanahana hoolana i ka wai a ka opio, aia hoi pokakaa ae la oia me ke kaanini ana iluna o ka papahele me he iole la ua make mua.

  A ! oia kou uku hoopai e keia lapuwale. wahi a ua opio nei oiai oia e hoopapa ana me kona wawae i ke kino make o ua luahine lapuwale nei.

  I kona ike ana ua make ka aihue ka lima huluhulu hoi nana i kaili mai i kana wahine mai ko laua aina mai, ua ku iho la kana hoonaaikola ana.

  Oiai no nae ua opio nei e nana ana i ka luahine me ka olelo ana: Kupanaha no ka hoi, olelo mai nei hoi oe ia'u he maka'u ka make ia oukou, eia nae hoi aohe ou onioni hou ae,. ua puehu ke aho ka hanu o ke kanaka.

  Me keia mau noonoo iloko ona, lohe koliuliu aka la oia ka leo uwe o kana wahine, nolaila huli koke ae la ia a hoi aku la no kahi a kana Laulie e noho ana me ka palulu ana i kona mau maka me kona mau lima, me ka nalu ana iloko ona iho; he oiaio, e kala no au i lohe aku nei i ke uwe mai, o ka apa hoi ka keia luahine.

  I ko Laulie ike ana mai i ua opio nei e hele aku ana i ona la, ua hooho ae la oia me ka hauoli:

  E hoomaikai ia na lani, oiai aole oia i make !

  Mahope iho o ka ua opio nei hahai ana aku i na mea a pau i kana aloha me ka manao e loaa mai ana na mahalo ana, na kamailio mai la o Laulie iaia--

  E Kolana no hoi ! heaha ko mea i nepehi aku nei i keia luahine a ma ke, oiai aole oia i ike i kana mea i hana ai?

 

 

He Moolelo Nanea.

NO

De Atanani.

 

Ke Koa o ka Lio

Olohe,

--A I OLE--

NA KIAIEKOLU

O FARANI.

 

  Pela no e ka moi, aka, e like no me ka'u i hoike mua aku nei, aole loa na koa o ko'u puali e aa me ka puuwai hoohe wale e hoohaahaa ia ka hanohano o ka inoa o ko lakou puali a hiki i ko lakou haule pio, a i ole ia, o ke kahua kahi a ko lakou mau kapuai e ku ai.

  Aole loa lakou e ae ana e lilo pio malalo o ka enemi a hiki i ko lakou make ana.

  He poe wiwo ole maoli no na koa o ka puali aahu eleele, aka e kapena Terevila, e ha'i mai ia'u i ka moolelo piha o kela hakaka ana mawaena o kou mau koa me ke Cadinela, oiai, ua ake nui loa au o lohe i ko lakou moolelo.

  Ae e ke alii, wahi a Terevila i hoomaka hou aku ai i ke kamailio ana. oiai ke alii e haka pono mai ana maluna ona me ka omilo pu ana i kona umiumi lehelehe:

  O keia De Atanani, aole no ia i puke'o loa aku maluna o na palena o ke keiki opio, a oiai, aole i loaa iaia ka hanohano o ka lilo ana i koa no ka puali nahu eleele, nolai la, na hiki ole iaia ke haawi mai i na kokua ana no na aoao a elua.

  Aka, i ka wa a na koa o ke Cadinela i koi aku ai i kou mau koa kiai no ka haawi pio ana mai, ma ka inoa o ke Cadinela a ma ka oi paha o ka pahikaua, akahi no ua Gaseco na opio nei a haawiaku i kana mau kokua ana ma ka aoao o ka hapa uuku.

  Aha, ke hoomaopopo ala oe e Monasiua Kapena, ma o ua kanaka opio la i ala mai ai keia mau haunaele, wahi a ka moi i pane hou mai ai.

  Aole e ke alii, ke hoomaopono ala au ia mea, aka nae, mamua ae o ka hoomaka ia ana o ka hakaka. ua keno mua aku na koa o ke Cadinela i ua opio Gasecona ia no ka hookaawale ana iaia iho, aka, o ka pane ma ka aoao o ko opio, he koa ki ai oia no kou ponola me ka hanoha no o kou noho alii, a ua makaukau hoi a me kana pahikaua e aa kue mai i na enemi e hoao ana e hehi i ka hanohano a me ka ihiihi o ka inoa o ka moi Lui.

  He kanaka opio koa a wiwo ole maoli kela, wahi a ka moi i pane mai ai.

  Ae e ke alii, o ua opio hookahi lano ka mea nana i hoohanle pio ia Juseka me ka maka@o kana pahika ua.

  Aha. oia anei ka mea nana i hoeha o Juseka, kekahi o na olohe oniu makakila o ko ke Cadinela mau pualikaua ? Ha, ha, ha, na kela wahi keikiwale no e hoeha kekahi o na kanaka koa a kaulana o Parisa nei.

  Ae, oia no, ka mea hoi nona ka hanohano i loaa ia'u ma ka hoike ana aku nei ia oe, wahi a kapena Terevila.

  A, e Terevila, e lawe mai i kela kanaka opio io'u nei, no ka mea. ua makemake loa au e ike iaia, wahi a ka moi.

  I ka wa hea oe i makemake ai iaia ?

  I ke awakea o ka la apopo, wahi a ka pane.

  O ua kanaka opio wale ala no anei ka'u e lawe mai ?

  Aole, o lakou no a pau eha ka'u i makemake ai, pahola aku ai au i ka'u mau hoomaikai a@a maluna o lakou a pau, no keia mau hana koa a wiwo ole a lakou ma ka hoo kiekie ana ae i ka inoa o ka puali kiai aahu eleele a lilo i haku malu na o na koa o ke Cadinela.

  Alaila, no ka hora 12 ponoi o ka la apopo e hoea mai ai au me lakou no ka halealii nei?

  Ae e Kapena Terevila, aka, mai hoike mai ia oe iho a me kou mau koa kiai imua o ke Cadinela, ano e kapena Terevila, ke hoomaopopo mai la no anei oe i ka manao o ka'u au olelo ?

  Aole i pane koke aku ke Kapena no kokahi mau sekona, alaila, hoopuka ae la ia i keia mau olelo:

  Ae, ua maopopo aku la ia'u ke kaona a me ke ano nui o kau mau olelo e ke alii; nolaila, ma ka la apopo, e hoea io mai ana au me he aihue la mai na maka ae o ke Cadinela.

  A e ke alii, ina au e iko ia ana e ke Cadinela, ua aa au o ku aku imua o kena ihiihi a hoele aku i kana mau kumu koi o ka anewa ana i ko'u mau koa, ma ke ano, na kona mau kea ponei no i hooulu na hana hoohaunaele; a ina oia e hoao maiana e ahewa ia'u, alaila, ua makaukau au nona ma na ano @ pau.

 

Na Hui Kinipopo.

 

Mei 23  Kamehameha vs Honolulu

Mei 30  Honolulu        vs Hawaii

Iune  6   Kamehameha vs Hawaii

Iune 13  Kamehameha vs Honolulu

Iune 20  Hawaii            vs Honolulu

Iune 27  Kamehameha  vs Hawaii

Iulai 4    Kamehameha  vs Honolulu

Iulai 11  Honolulu         vs Hawaii

Iulai 18  Kamehameha  vs Hawaii

Iulai 25  Kamehameha  vs Honolulu

Aug  1   Hawaii             vs Honolulu

Aug 8    Kamehameha  vs Hawaii

Aug 15  Kamehameha  vs Honolulu

Aug 22  Honolulu         vs Hawaii

Aug 29  Kamehameha  vs Hawaii

 

OLELO HOOLAHA.

  Ua nalowale aku kuu Lio [w] hulupala lae kea loihi a he man wawae keokeo a pau kona eha, i kuni ola ia i ka hao, a e loaa no ka uku makane o $5.00. E loaa no au ma kahi o T. C. Polikapa.

                       JNO H. POLIHALE.

Auwaiolimn, Honolulu, Apr. 30.  3ts-d.

 

Olelo Hoolaha.

  Ua makaukau ka meanona Oinoa malalo iho. e hana i na Pna HAKU PUNA ELEELE a me ka pohaku e ae no na pa kupapau. a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina

          J. BOWLER.

Sept. 22,  '90, d--1y *

 

H. P. K. Malulani.

  HE LOIO a he hookapeke olelo ma ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la'i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio.          Nov 8 '90, d--1y.

 

HOOLAHA  KAI  KONOHIKI.

  Ke pa leo aku nei ke Konohiki o Waialae, i kona mau hoaloha a me na hoaaina o kona Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo la.         Owau no,

8ms-d.          PAULO ISENBERG.

 

HE KOKUA!

NO KA POE PILIKIA, E HELE AU I KE

KEENA O

R. W. WILIKOKI MA.

  HE KOKUA ma ke KANAWAI. a no ka Hooponopono ana i na kuleana Aina a me na palena Aina. Ua makaukau oia o hana i na Palapala Kanawai o na ano a pau, a ua lawa oia no ka hana ana imua o na Aha Hookolokolo a pau o ke aupnni, ma o kona hoa. kekahi o na Loea Kaulana o keia mau la.

       Keena Helu 15, Alanui Kaahumanu,

           195-d1y.

 

Hoolaha Hookapa.

  Ke hoike ia aku ne@ ka lohe i na ano kanaka a pau loa. Ua hookapu loa m@a i ko maua mau Apana Aina eleele i kapaia o Kalaheo, Kahaleula a me Puuoihala, no lakou na eka @ o waiho la ma ka Paa, Kailua, Koolaupoko, Oahu, i hoolimalima ia e mana mai la Kel@u (w) mai. Nolaila, ke papa loa ia aku nei na holoholona o kela a me keia ano, aole e hooku@ wale ia maluna o u@ ma@ Apana Aina la, a o ka me@ a mau mea paha e kue ana i keia, e hopu ia n@ e maua, a i ole ia, e ko maua mau hope paha. a o hooko ia e like me ke kahik@hi a ke kanawai. O na poe a pau o makemake ana e komo iloko o keia Hui, e pono lakou e hele mai o hui pu me Mrs. C. I. HIRAM, a i ole ia, me DAVID @AYTON, a i ole ia KUNA.

          Owau no me ka heahea

                 MRS. C. I. HIRAM.

Honolulu, Oahu, Oct. 8, 1890.   3@e-d.