Ka Leo o ka Lahui, Volume II, Number 194, 15 May 1891 — KA HOOMANAO O IESU KARISTO. [ARTICLE]
KA HOOMANAO O IESU KARISTO.
I na makamaka a me na hoalau na a pau ma ko Hawaii Paeaina, aloha nui oukou: LTa makaukau ka hale o keia Hoomana, no ka hoakoakoa ana e hooma na aku i ka Haku ke Akua, e like me kana kuhikuhi 'malokō o kana olelo Hemolele; ake kono ia aku nei na mea a pau ī makemake i ka pololei a me ka oiaio, o na n'ana e hana aku ai imua o ke Akua, £ oiai keia ola ana; e hele mai no maanei, ma na manawa i hai ia ma lalo iho nei. Aia ma Alanui Pa'i- \ palapala ka Halepule, e kokoke ana me ka pa o ka hale kula kaikamanine o Kāwaiahao. Na manawa h&lawai; Poaono (Poalima ka helu hoololi) ina ka hora 7:30 a. m. La Sabati (Poaono oka helu hoololi) hora 10:30 a. m. He wehewehe a me na ninau Baibala, hoomaopopo ana i na wanana, pule, iiiineiii.