Ka Leo o ka Lahui, Volume II, Number 194, 15 May 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Ka Moiwahine Liluokalani

MA

Hilo.

Ka Pae ana mai o ka Moiwahine i ka Aina.

            Pili mai la na waa kaulua i ka uwapo, a pii mai la ka Moiwahine a me na ukali, a kau ma ke kaa ka Moiwahine a me ke alii kane, a hooomaka e nee no ka halealii Niulopa, haawi hou ia na leo huro ekolu, a o ka nee aku la no ia o ka huakai a ke Alii, nee pu me na kanaka he mau tausani, e ukali ana ma na aoao a mahope, a o ka hana a na Katolika mamua, a hiki ma ka puka pa o Niolopa, lele iho la ka Moiwahine a me ke 'lii kane, a komo aku la a hele aku la mawaena o na keiki kula o na halekula a pau o keia kaona, ikukulu ia ma na aoao o ke alanui, me ko lakou mele ana mai i ke mele lahui.  He mau minute keia o ka eehia a me ke ohohia i hohola ia maluna o ka lehulehu a me ka Moiwahine pu kokahi.  Mahope o na hoomaikai himeni ana, ua hookuu ia ka lehulehu.

            Iloko o ia wa maikai, aohe he ku kala leo Alii i hoike ia ae no ka wa e hoolauna ia aku ai na makaainana e ike i ka Moiwahine; aka, mahope mai nae, haawi ia mai la na olelo kukala; eia nae, ua poha mua mai la he mau olelo kipaku mua, mai kekahi komite mai, a oia ka mea nana i hooi ae i ka maikai ole, a holo aku la ia lono pono ole a komo i kekahi poe pono ole, a lilo i kuia.  A o ka hoike no ia mea, aolo i hele mai na makaainana e hookupu i ka hora i kukala ia ai.

            Poalima Mei 8, mahope o ka aina awakea, ua malama ia he ahaaina nui ma ka pa hale hookolokolo.  Mamua o ka ai ana, ua haiole lo mai la ka Moiwahine, a o ke ano nui o kana haiolelo, oia no ka hoakaka ana mai i ke ano o ko na Moi mua mau au o ka noho Moi ana, a hiki mai i ko ka Kalakaua au.  Ua nui na mea ai, a ua ai na mea a pau mai na makua a na keiki.  Ma ka po iho, he hula, a ua lealea a hiki wale i ka hora 12 a oi.

            Poaono Mei 9, ma ka hora 10 a oi kakahiaka, haalele ka huakai Alii i ke kaona nei, no ka uka i Olaa.  Ua ukaliia ka huakai Alii e ka Loio Kuhina a me na luna aupuni e ae, a me na lede hanohano a me ka lehulehu ma na kaa a ma na lio.  I ka hiki ana ma Waiuli, ua hoholaia he papa ahaina nui iloko o ka wehi o na laau, e ko laila mau makaainana noho kuaaina, a ua haawi mai lakou i na hookipa pumehana ana i ka huakai alii, e like me ka makaukau i loaa ia lakou.  Ua ai i na mea ai, ka opihi, ka limu, puaa, a pela aku.  Ua haa wi mai la ko laila mau keiki kakaikahi, he mele no ka Moiwahine, a o na O-o a me na Iiwi hoi, ua nalo aku ko lakou mau leo mele.  Ma ke ahiahi, hoi mai la ka huakai alii no ke kaona nei, me ka nanaina nohea.  He nui ka poe i ukali aku ma ia huakai a ke 'Lii.

            Lapule Moi 10, ma ka Luakini o Hilo.  I ka hora 11 am., komo mai la ka Moiwahine, i ukali ia e ka Loio Kuhina a me ua Lede hanohano, na Luna Aupuni, a me kekahi Hon o ka Ahaolelo, a mau Keonimana e ae.  Ia wa i mele ia mai ai ke mele Lahui, a ku na mea a pau iluna.  Piha pono ka Luakini o Haili i na kanaka.

 

Ka Haiolelo a ke Kahunapule Rev. S. L. Desh.

            O ke Poolelo a ke kahunapule i weheia, oia no ka moolelo o Esetera ka Moiwahine, ka mea i imi me ka puuwai aloha, no ka pono o kona lahui Iudaio.  He haiolelo maikai loa keia; he haiolelo lahui hei, a ua piha ke anaina i ka mahalo nui no ka haioleio oia la.  E kona mai ana ia haiolelo i ka Moiwahine Liliuokalani, e hoohalike i kana mau hana me ka kela Moiwahine maikai o Esetera.  Maikai na alakai ana o ka olelo a ke Kahunapule maluna o ke kumu olelo; a o kekahi kumu i maikai ai, ua loaa ka mea nui i hiki mai; a maluna oia mea nui, ua kukulu ia ka manao alakai no ke kumu olelo; a ma ia haiolelo no hoi ua maopopo, aia ke Kahunapule ma ka aoao o ka lahui, a ua kukulu pono ia mai ka olelo imua o ka Moiwahine. A o na manao paipai mahope o laila, he maikai no,a hoe kuu ia ke anaina me ka maikai a me ka maona i na olelo, no ke kupono i ka piko.

            Maanei au, ke hooki nei me ke aloha nui no i na paahana o ka nupepa Ka Leo a me Ka Oiai a me ka Lunahooponopono pukonakona.

            Aloha Lahui.

            Hilo, Hawaii, Mei 10, 1891.

 

HE ANAINA HOOMANA MA ARIONA HALE.

            Ma na Lapule a pau, e hoomaka ana ke anaina haipule i ka hora 9 a hiki i ka hora 10:30 a.m., no na kanaka Hawaii, a ma ke ahiahi hora 7:30 p.m. no na haole, a me ka poe e makemake ana e hele.

            Lunkahiko A Haws.

 

KA HOOMANAO O ISEU KARISTO.

            I na makamaka a me na hoalau na a pau ma ko Hawaii Paeaina, aloha nui oukou:

            Ua makaukau ka hale o keia Hoomana, no ka hoakoakoa ana e hoomana aku i ka Haku ke Akua, e like me kana kuhikuhi maloko o kana olelo Hemolele; a ke kona ia aku nei na mea a pau i makemake i ka pololei a me ka oiaio, o na hana e hana aku ai imua o ke Akua, oiai keia ola ana; e hele mai no maanei, ma na manawa i hai ia ma lalo iho nei.  Aia ma Alanui Pa'ipalapala ka Halepule,e kokoke ana me ka pa o ka hale kula kaikamanine o Kawaiahao.  Na manawa halawai; :Poaono (Poalima ka helu hoololi) ma ka hora 7:30 a.m.  La Sabati (Poaono o ka helu hoololi) hora 10:30 a.m.  He wehewehe a me na ninau Baibala, hoomaopopo ana i na wanana, pule,himeni.

 

I ka Poe Lawe Nupepa.

            Ke poloai aku nei makou i ka poe heluhelu e lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai ua luna aku nona na inoa i hoike ia ma ke poo o keia Nupepa.  No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mania ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke niu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole, no ka mea heluhelu, a ina aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.

            J. E BUSH.

 

Na Hui Kinipopo.

Mei      16        Kamehameha  vs         Hawaii

  "        23        Kamehameha  vs         Honolulu

  "        30        Honolulu         vs         Hawaii

Iune     6         Kamehameha  vs         Hawaii

  "        13        Kamehameha  vs         Honolulu

  "        20        Hawaii             vs         Honolulu

  "        27        Kamehameha  vs         Hawaii

Iulai     4         Kamehameha  vs         Honolulu

  "        11        Honolulu         vs         Hawaii

  "        18        Kamehameha  vs         Hawaii

  "        25        Kamehameha  vs         Honolulu

Aug     1         Hawaii             vs         Honolulu

  "        8         Kamehameha  vs         Hawaii

  "        15        Kamehameha  vs         Honolulu

  "        22        Honolulu         vs         Hawaii

  "        29        Kamehameha  vs         Hawaii

Papale!  Papale!!

 

Papale!!!

E loaa no maanei na PAPALE maikai o na ano a pau

Na Papale i Hoonaniia a Hoonani ola ia.

            I loaa ole ka lua ma keia Paeaina, a no na la hoomanao Kulaia, e loaa no ia oe ma ua kumukuai haahaa.

            Ina oukou e kuai i na PAPLE ma ko makou halekuai nei, alaila e loaa no ia oe ke kaulike.

C. J. Fishel.

 

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

HE OLUOLU KA AUHAU.

            Keena Ohiana:--Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.

 

HE PALAPALA HOOIA.

            Honolulu, April 29, 1891.

            Owau o Chu Sam Lau, no ke kulanakauhale o Honolulu, Mokupuni o Oahu Ko Haawaii Poe Aina.  Ke hooia, a ke hooiaio aku nei au imua o ke akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no a mea, ua lapaau oia ia'u a ua ola au mamuli o kana mau lawelawe akahele aua, oiai o ko'u ma'i he akepau, a he popo hoi ma ka olelo kahiko.  Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola.  Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana a keia ma'i i ko'u kino, aka, ma keia wa na loaa ia'u ke ola maikai loa.  E hele ae e ka poe i luuluu a kaumaha.

            Mei 12, 1891.  lm.-d.

 

HE BUKE MOOLELO

NO

GABRIELA LENOA

KE

A hikanana o ka Puali Kaveria.

            Mamuli o ke noi pinepino mai o na makamaka i ka moolelo o GABERIELA LENOA i hoopuka ia maloko o ka nupepa "Kuokoa," ua oluolu i ka mea kakau Mr. P. Spencer (Kamaki) ke kuupau loa ana aku me ka holonui i ka moolelo piha o ua Kapena kaili wahine la o ka Puali Kaveria, e hoomaka ana mai ka halealii mai o Diava--Ka mare ana i ka wahine--Ka huakai i Berelina--Ke ka ua o Inia a me ka hiki hou ana i Rusia a lauua me kana huapala i hoopala i hookaawaleia no hookahi makahiki a oi.

            O na hoohanohano a me ka hoinainau--e hookahe ia aku ana ka aila iluna o ia wai lana la'i malie o ke aloha kane me ke aloha wahine, me ke kii o ua ahi kanana nei iloko o kona aahu koa piha o ka Puali Kaveria.

            He $1.00 no ka Buke, a e hooana mai na kauoha i ka mea nona ka inoa malalo iiao.

S. K. PUA.

Pahu Leia Helu 5.  lf-d.

 

Kuai no ka Manawa!

HE ELUA PULE WALE NO.

HE WAIWAINUI!

HE WAIWAINUI!

 

Na Kalakoa,                            mamua 10 i-a no $1.00, i keia wa       16 no   $1.00.

 " Kawele                                   "   .25 ken. pakahi,    "               3 no      .50.

 " Vikolia                                He .75 keneta no ka apana hookahi.

 " Kakini wahine eleele              "   .40 keneta paa,     "                             .25.

 

A HE LEHULEHU WALE AKU O NA MEA KUAI I HOOEMI IA KE KUMUKUAI A HAULE ILALO LOA, A NA OUKOU HOI IA E NA MAKAMAKA E WAE NO OUKOU IHO.

            Iloko keia kuai ana a makou, e hoolilo aku ana makou i ko makou mau waiwai no ne kumukuai hoemi.  E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.

            S. EHRLICH.

Kihi o na alanui Papu a me Hotele.     Mei 6, 2 w d.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou

HALEKUAI HOU

            Ma ke Alanui Papu,--(NA HALE'BURUA.

E hoolilo aku ana Makou i koMakou waiwai a pau o na ano Lole:

            NA LOLE NANI,:

            NA LOLE I HUMUIA,

            KAPU A ME PAPALE

            PAHU LOLE, a pela aku

No na Uku Hooemi Loa Nae.

            Egan & Gunn.

ALANUI MOI kokoke i ke ALANUI PAPU.          tf-d.

 

HOOLAHA HOU!

B. F. Ehlers & Co.,--PAINAPA.

HELU 99, Alanui Papu.

            IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano Staila a pau; oia hoi--

            Na Silika hou                          Na Sateen hou

            Na Mikilima hou                     Na Lihilihi hou

            Na Lihilihi keokeo hoa            Na Lihilihi kau lole hou

            Na ano Mamalu heu loa          Na Paku Pukaaniani

            Na lole hou o na wahine         Na lole o na keiki liilii.

            Na lole o kela a me keha ano e loaa no ia oukou no na kumukuai haahaa loa.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.  Owau me ka oiaio,

tf-Daily.          B. F. EHLERS & Co.