Ka Leo o ka Lahui, Volume II, Number 182, 29 April 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

 

HA NANEA PAHAOHAO

 

:NO:

 

TAUSANI

 

A ME

 

Saribano.

 

Ka wiwo ole hoi o na wiwo ole—Ka Poai honua kunukunu ole—Ka mea hoi nona na lima i aie ai ke ao holookoa.

 

 

            Ia laua e walea ana i ka helu a ka lau o ka niu, a i ka holu a ka lau o ka niu, a i ka mao ana ae o ko laua mau iini, ua hoomaha iki iho la no ka hooluolu ana aku ia koena po.

 

            I ke ao ana ae o ua po ala, ua hele @no hoi ua mau opua ala a Hananee ke kikala oia kini, ua hele a maopa i ka pehia e ka makani o ke ki’owao.

 

            I kela la i hoomakaukau iho ai laua no ka hoi ana no ko Saribano aupuni, me ka hoike pu ana aku hoi i na kaikamahine a pau eha.

 

            Ua nui ke aloha o na kaikamahine a me na kanaka e ae a pau, ua hoao ikaika lakou e kaohi mai, aka, he mea ol@ wale no nae ia i ka manao o ke kaikamahine Rubinia.

 

            Oiai, ua hele mai la o loko ona a li’a i ke aloha no ke keikialii Saribano, a oia kana i pane aku ai i kona mau hoa penei:

 

            Aole au e noho ana me oukou no ka mea, ua ike no oukou aohe o’u kuleana i kuu kino i keia wa, aia au mahope o na olelo a kuu kane, oia ka mea mana maluna o keia kino.

 

            Mahope iho o keia mau kukai olelo ana o lakou, ua ae aku la ua poe ala, me ko lakou piha aloha @u no nae.

 

            I ka makaukau ana o keia huakai a laua, ua hoomaka aku la laua no ka hele ana, me ka uwe kanikau ana mai hoi o ko laua mau hoa o ka noho pu ana.

 

            O ke alahele a laua nei i hele aku ai, oia no ke alahele a Saribano i uhai mai ai mahope o Kaukani, e like me na mea i hoike mua ia ma na helu i hala.

 

            I kela wa nae, ua hahai mai la o Uwila mahope o laua nei, a i huli ae ko laua hana, e hahai mai ana kekahi mea mahope.

 

            Kali iho la laua nei a hoea mai la ua kaikamahine ala, a hoike mai la oia i kona manao a pau, penei:

 

            I hahai mai nei no au mahope o olua no ka mea, ua aloha au no olua, a ke ae mai hoi olua, i hoahele au no olua ma ka olua huakai.

 

            Ae aku la no hoi laua nei, a hele like aku la lakou, me ka manao ole ae hoi o Saribano ma he poino nui ke hoea mai ana.

 

            Oiai lakou e haele nui ana, a i ke kokoke ana ma ke ka’e o ka muliwai, ua puhi aku la o Rubinia i kana ole.

 

            Mehe imo ana ala no hoi na ka maka, ku ana ka lio, kau ae la lakou nei a lele aku la no kela aoao o ka maliwai.

 

            Ia lakou nei i hiki aku ai, ua huli hoi mai la ua lio ala no kona wahi, a huli ae la no hoi ua poe kamahele ala hele ana.

 

            Ma keia wa, i kuhikuhi aku ai o Rubinia i na mea pohihihi a pau o ke aupuni o ka luahine ai kanaka Kaukani, a ua nanea hoi ua wahi eueu nei a kakou i ka lohe ana ia mau mea hou.

 

            Hiki aku la lakou nei i ka hale aniani, a noho iki iho la no kekahi mau la, a hoomaka hou aku la ka lakou huakai no Inia ka pahu hopu.

 

            Oiai lakou e hoomau ana i ka hele ana, hiki aku la lakou malalo pono o kahi a ka luahine Kaukani e pii mau ae ai.

 

            Lalau ae la o Rubinia i kekahi kaula gula e lewalewa ana, ia wa koke no i hamama ae ai na ipuka o luna o ka honua a oili ae la lakou nei a pau a kau ana iluna o ka aina honua maoli.

 

            Akahi no a ike hou ia ka malamalama o ka la, a oia ka Saribano i pane ae ai i kona mau hoahele penei:

 

            Malalo o keia kumulaau i ike mua ai au i ka luahine Kaukani, a maanei no maua i kamailio ai, a alapoho ia ai au iloko o kona opu nui huluhulu.

 

            Aole i pau.

 

Olelo Hoolaha.

 

                        Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa no au ma Haimoeip@, Hale Kaa o ka Moi, a i ole i ko’u home paha.

 

MRS. C.I. HAIRAM.

 

Haimoeipo, Honolulu, Oct. 8, 1890.

 

3ms-d

 

 

OLELO HOOLAHA.

 

Ke hai ia aku nei ka lohe i na kanaka a pau, o kela ano, keia ano, ua kapu na ko’a HEE o Koaiki a me Kaaiape iloko o kai Oneuli, aole e holo ka waa me ke kanaka a o i ka Hee, o ka mea kue i keia olelo hoolaha, a loaa ia’u, e hoopii no au ma ke kanawai o ka aina.

 

M. KALEOIKAIKA.

 

Waikane, Maraki 31, 1891.     2ts-w

 

 

H. P. K. Malulani.

 

            HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukai@au ma ke alo o na pali.  E ohiia no hoi na aie me ke ku i ka eleu a me ka puahiohio.

 

Nov 8, ‘90, d-ly.

 

 

PAPA KUHIKUHI

O

KA HUI ALAHAO A ME AINA O OAHU.

 

E HOOMAKA ANA MA KA LA

 

25 O OKATOBA, 1890.

 

MANAWA HOLO:

 

                                                A.M.    A.M.   P.M.    P.M.

Haalele ia Honolulu                *6:15   8:45     1:45     4:30+

Hoea ma Honouliuli                *7:15   9:49     2:49     5:28+

Haalele ia        “                      *7:45   10:51   3:51     5:50+

Hoea i Honolulu                      *8:40   11:55   4:55     6:45+

 

            *Lapule wale no.

            *Poaono wale no.

            Oct. 21, 1890              tf—d.

 

 

HOOLAHA I KA POE MAKEMAKE I@ “KA LEO.”

 

            Ma keia hope aku ke hoolaha ia aku nei, e kii aku ka poe makemake i ka nupepa Ka Leo i na Luna e lawe nei i ka nupepa, oia hoi o

 

J. Kahaleluhi               J. Kaneaiakala

John Samoa                 Parao

T. Kapualei

JNO. E. BUSH

 

Luna Hooponopono.

 

 

Na Komita La Kulaia.

 

            O na Komite o ka la 28 o Novemaba 1891, e hoolaha ia nei ma ka nupepa KA LEO O KA LAHUI, ke poloai ia aku nei, e hoolauna mai me ka Puuku, a e kuka pu no na hana e pili a@ i ka La Aloha Aina o ka Hawaii Ponoi.  E loaa no makou ma kahi pa’i o KA LEO i na la a pau, koe ka la Sabati. (Poaono).

 

 

E Kokua Aloha mai.

 

            Ke poloai aku nei makou i ka Lahui Hawaii ponoi, no lakou na puuwai hamama, a me na umauma i piha i ke aloha hoa kanaka, e haawi mai i na kokua aloha ana no ka hapai ana aku i kela hihia nui loa e waiho hoohemahema wale ia mai nei no e ka poe ia lakou ia hana, oia hoi kela kanaka o Kalaniwahine ka inoa, i pepehi maoli ia ai no ma Hamakua Hawaii, a makou i hoolaha aku ai.  A i mea e hiki ai ke hoolimalima aku i ka loio nana e lawelawe ia hana ma ka aoao o ka lahui, oia ka makou e poloai aku nei ia oukou e pahola mai i na kokua ana e like me ka mea i pono i kela a me keia; a e lawe mai a hooili mai paha a loaa i ka Hon. J. E. Bush, ka puuku nana e malama a makaukau, o ka hapai koke aku no ia e hana i ua hana @a. Ua loaa mai la i keia la 2 o Aperila, na W. H. Daniela mai o Wailuku, $5.00; na ka LEO, $5.00; Hon. J. Nawahi, $2.00, D.M. Punini Jr., $1.00.

 

            Hookahi no manao nui iloko o keia hapai ana, o ke aloha i ke kanaka i pepehi maoli ia, a o ke aloha ka mea i oi ae mamua o na mea a pau.

 

KA LEO O KA LAHUI.

Aperila 2, ’91, Alanui Pa’i Palapala.

 

 

B. F. Ehless & Co.

:PAINAPA:

99 Fort Street.

 

                        Ia oukou e na makamaka a me na hoa loha, oiai hoi, ua makaukau makou i ke kuai ana aku ia oukou i na lako lole wahine o na ano a pau, oia hoi—

            Na Silika hou

            Na Sateen hou

            Na Mikilima hou

            Na Lihilihi hou

            Na Lihilihi keokeo hou

            Na Lihilihi kau lole hou

            Na ano Mamalu hou loa

            Na Paku Pukaaniani

            Na lole hou o na wahine

            Na lole o na keiki liilii

            Na lole o kela a me keia ano

           

            E loaa no ia oukou no na kumukuai haahaa loa.

 

Ko’u Oiaio,

 

B.F. Ehless & Co.

 

 

Paple! Papale!! Papale!!!

 

E loaa no maanei na PAPALE mai—kai o na ano a pau

 

Na Papale i Hoonaniia a Hoonani ola ia.

 

            I loaa ole ka lua ma keia Paeaina, a no na la hoomanao Kulaia, e loaa no ia oe ma na kumukuai haahaa.

 

            Ina oukou e kuai i na PAPALE ma ko makou halekuai nei, alaila e loaa no ia oe ke kaulike.

 

C.J. Fishel.

 

 

HALE HANA WAI MOMO@ WAI ANIANI.

HARE MA NA ONA                        HELU 81, ALANUI MOI.

 

Ka poe wale no nana e hana nei ka WAI HOOMAEMAE KOKO KAULANA, oia hoi ka

Saseparela a me ka Wai-Hao.

 

Na Wai Momona Awapuhi, Saseparela,Lomi, Wai-pipii, Soda maoli, Sida Kamepena, &c.

 

Mutual 330—Telepona—Bele 298

 

E hooia ia ana ka maomao o na wai a pau.  E hoeko ia no na kauoha a pau loa mai na Mokupuni mai a me ko ke kulanakauhale nei.

Mar. 15, 1891.  148 d-tf.

 

 

KUAI HOOPAU NUI.

 

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

 

No na Uku Hooemi Loa Nae.

 

Egan & Gunn.

 

ALANUI MOI kokoke i ke ALANUI PAPU.          tf-d.

 

 

Hoolaha Hou!

 

B.F. EHLERS & Co.,--Painapa.

 

Ua loaa mai nei a makou he mau waiwai hou loa, oia hoi

 

KAKIMIA,

KINAMU,

KEOKEO HALU’A

CHALLI,

VIKOLIA KEOKEO

 

A ME NA

 

Mikilima o na ano a pau, a me na paku puka aniani @ kela a me keia ano, no na kumukuai haahaa loa.

B.F. EHLERS & CO.

Alanui Papu, Honolulu.  25-d3m.