Ka Leo o ka Lahui, Volume II, Number 175, 20 April 1891 — Page 3
| This text was transcribed by: | Rosemary Mccune |
| This work is dedicated to: | Cyndi Defenbaugh |
KA LEO O KA LAHUI.
"E Mau ke Ea o ka Aina i ka Pono."
=======================
HE MOLELO HAWAII
-NO-
KUALUNUIAOLA.
--
KE KEIKIKOA O KA MOKUPUNI O MANOKALANIPO, - A HI'APAIOLE O KE KOA
I NA LA O KA NOHOALII ANA O OLA, KE ALII O WAIMEA, KAUAI.
--
Ma keia komo pu ana nae a ua koa nei i ke kaua, ua noke aku @ oia i kaluku i ka poe i huli ma ko Pi ma aoao, a o na papale kikoi, na maniole a me na ahuulu o ka poe e loaa aku ana iaia, pau mai la i ka lilo.
Ua hoomau ia keia hao ana a ua hi'apaiole ala o ke koa, i na waiwai o ka poe e pio ana iaia,m a hiki wale i ka piha ana o kona poli.
A he wa no hoi ia na Lehua e kaili aku ana i ka la, ia manawa huli ae la ua opio nei a hoi aku la no ka ui o Pe'ape'a me ka maluhiluhi nui.
Iaia nae i haalele aku ai i ke kahua e mokomoko ia ana, ua ano kualiilii mai ka hele pupuahulu ana mai a kela aoao, a ua like hoi a like me ka poe o Kekahi, koe wa le no nae ka hiki pono ole ak i ko Kekaha aoao ka hooikaika loa ana aku, a o ia pono hookuanui wale aku no ka lakou.
A e like no hoi me ka Kualunuiaola hele luku ana aku ma kekahi aoao o na enemi, pela no koa hoahanau o Pi e ohi hapuku mai ana makekahi aoaoa o ko Kekaha poe, a na like no hoi a like ka opaha pu o na aoao a elua.
Na keia komo ana aku a ua Kua lunuiaola la ma ka aoao o Kekahi, a me kana mau hana oi kelakela loa ma ka aoao o na enemi, ua hookau aku oia i ka weliweli nui i ka oe e ku aku ana imua ona a oia hoi ka kekahi elele kukini o ka aoao o Pi i haalele aku ai i kona kulana ma ua aoao nei a Kualunuiaola e luku aku ana, a e l@ke no me ka olelo ia, a'o9 ke koa a'o no ka holo, pupuu a hoolei loa ku ana oia imua o Pi kona alii opio a kani aku la hoi ke oli a ua wahi elele la, e hoike aku ana i ke kulana kupilikii i loaa i ko lakou aoao.
I ka lohe ana aku o Pi i neia mau olelo a kekahi o kona mau kukini mama, ua panai mai la no hoi oia ma ke oli, e hoouna hou ia aku i mano kanaka hou ma ia aoao, me ona mau kahuna hou, i ikaika pono ke kia ana aku i pule, i ole hoi e ha'iha'i mau ka pule me ka aoao o na aumakua; a hemau kuhikuhi puuone hoi na lakou na alakai ana a me na kuhikuhi ana ma ka aoao o na alii koa.
I keia wa a ua o Pi o ki-ke ole nei me kona kukini a e haawi ana hoi oia i na kuhukuhi ana i ka elele ana, aole ioomaha ino kona mau lima i ka omau ana aku i ka maka o kana ihe iloko o ka puuwai o na enemi a me ka olohu mau ana ho a kana mau puupuu mahanahana
===============================
E Kokua Aloha mai.
--
Ke poloai aku nei makou i ka Lahui Hawaii ponoi, no lakou na puuwai hamama a me na umauma i iha i ke aloha hoa kanaka, e haawi mai i na kokua aloha ana no ka hapai ana aku i kela hihia nui loa e waiho hoohemahema wale ia mai nei no e ka poe ia lakou ia hana, oia hoi kela kanaka o Kalaniwahnine ka inoa, i pepehi maoli ia aino maHamakua Hawaii, a makou i hoolaha aku ai. A i mea e hiki ai ke hoolimalima aku i ka loio nana e lawelawe ia hana ma ka aoao o kalahui, oia ka makou e poloai aku nei ia oukou e pahola mai i na kokua ana e like me ka mea i pono i kela a me keia; a e lawe mai a hooili mai paa a loaa i ka Hon. J. E. Bush, ka puuku nana e malama a makaukau, o ka hapai koke aku no ia e hana iua hana la. Ua loaa mai la i keia la 2 o Aperila, na W. H. Daniela mai o Wailuku, $5.00; na ka LEO, $5.00; Hon J.Nawahi,$2.00, D.M.Punini Jr., $1.00.
Hookahi no manao nui iloko o keia hapai ana, o ke aloa i ke kanaka i pepehi maoli ia, a o ke aloha ka mea i oi ae mamua o na mea a pau.
KA LEO O KA LAHUI
Aperila 2, '91, Alanui Pa'i Palapala.
-o-o-o-
HOOLAHA I KA POE MAKEMAKE I "KA LEO."
--
Ma keia hope aku ke hoolaha ia aku nei, e kii aku ka poe makemake i ka nupepa KA LEO i na Luna e lawe nei i ka nujpepa, oia hoi o
J. Kahaleluhi J. Kaneaiakala
John Samoa Parao
T. Kapualei JNO. E. BUSH, Luna Hooponopono.
-o-o-o-
Na Komite La Kulaia.
--
O na Komite o ka la 28 o Novemaba 1891, e hoolaha ia nei ma ka nupepa KA LEO O KA LAHUI, ke poloai ia aku nei, e hoolauna mai me ka Puuku, a e kuka pu no na hana e pili ana i ka La Aloha Aina o ka Hawaii Ponoi. E loaa no makou ma kani pa'i o KA LEO ina la a pau, koe ka la Sabati. (Poaono)
================
OLELO HOOLAHA.
Ma keia la a mau loa aku, aole loa au e hookaa ikekahi aie i hoopaa ia ma ko'u inoa, ke ole e loaa kekahi ae ana i kakau ia e a'u. JAMES.H. KAPAHU.
Aleamai, Hilo, March 9, 1891. 43 w3ts.
---------------------
Ka Hui Uwati Kaleponi.
Na uwati gula o waho, hoopiha ia, me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka pule hookahi. E kipa ae io -
A.J.SCHREIBER - Agena
Alanui Hotele, malalo iho o ka Hotele Alonetona.
---------------------
Hoolaha Hookapu.
Ke hoike ia aku nei ka lohe i na ano kanaka a pau loa. Ua hookapu loa mana iko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa,Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o keia a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole iak e komaua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa.
MRS. C. I. HIRAM.
Honolulu, Oahu. Oct. 8, 1890. 3ms-s
=========================
I ka Poe Lawe Nupepa
Ke pololai aku nei makou i ka poe heluhelu e lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ka poo o keia Nupepa. No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma ka poe i hookaa mai a me ka poe ihookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu,
a ina aole io maoli no na luna ka hewa, alaila, @ kala ia makou no ke okiu ana aku i ka poe ookaa ole mai i ka lakou nupepa.
J.E. BUSH
--------------------------
OLELO HOOLAHA.
E ike auanei na mea a pau, owau o Mr. Wiwi, ke mea nana i ka ka upena a Mr. Kaulahea. ua kali au iaia i na pule eha i hala aku, mai ka paa ana a hiki i keia la. Ke akuona aku nei au e kii koke mai i keia upena, iloko o na la he 15 mai keia la aku. A ina e hala ka manawa i haiia maluna ae, alaila, e lilo loa ia'u keia waiwai ma ke ano he uku no ko'u hana ana. O na lilo hooiaha nupepa a pau, maluna no ia o ka mea nana ka upenam ke kii mai i ka la i ha'i ia ae la maluna. Me ka oiaio,
MR. WIWI.
Honolulu Iwilei 30. '91. 160-d3t
--------------------------------------------
Olelo Hoolaha.
Okamea ona kainoa malalo ae ei,kepapa a kehookapu loa aku nei oia i na mea a pau loa, aole e hele a lawaiama kuu Loko o Apili a me ka mulieai, e waio la ma Kalini-kai; ua kapu no hoi me na holoholona, aole e ele wale maluna o ka aina, oiai na lilo mai ia Loko a me ka muliwai a me ka aina pu ia'u ma kahoolimalima, mai a Kale Luka mai, no na makahniki e umikumakahi i koe mai keia la aku. A ua hoonoho aku au ia S.K.Hookano,i Lunmi Nui, anana no e malama, a hoopii i ka poe apau e kue ana i keia Olelo Hoolaha.
AH TIKA (Pake.)
Apili, Kalihi-kai, Oahu, Apr 8. 1md
---------------------------------------
PAPA KUHIKUNHI
...O...
KA HUI ALAHAO A ME AINA O OAHU.
--
E HOOMAKA ANA MA KA LA 25 O OKATOBA, 1890.
--
MANAWA HOLO:
A.M. A.M. P.M. P.M.
Haalele ia Honolulu * 6:15 8:45 1:45 4:30 +
Hoea ma Honouliuli * 7:15 9:49 2:49 5:28 +
Haalele ia " * 7:45 10:51 3:51 5:50 +
Hoea i Honolulu * 8:40 11:55 4:55 6:45 +
*Lapule wale no. + Poaono wale no.
Oct. 21, 1890 tf-d
-----------------------------------------
NO KA POE MAKAIKAI
MA KA
O. R. & L. CO.
MA KA I'A HAMAULEO O EWA
O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45 P.M. ona Poaona a pau.
No ka auhau, aohe olelo ana, he hookahi wai o ka like mai kaliko a ka laele.
[pointing finger] OIA HOI, HE -50 kenetam hiki i Manana a hoi hou mai - 75 keneta, hiki i Honouliuli a hoi mai.
O keia ka manawa pono o la'i ai ka holoholohoohala manawa me ka hanu ana i na ea oluolu maikai, no elua wahi keneta wale no o ka mile.
1m-d Oct. 8 1890
=====================
[two columns wide]
HALE HANA WAI MOMONA WAI ANIANI.
--
HARE MA NA ONA ........................HELU 81, ALANUI MOI.
--
Ka poe wale no nana e hana n ei ka WAI HOOMAEMAE KOKO KAULANA, oia hoi ka Saseparela -a me ka- Wai-Hao.
--
Na Wai Momona Awapuhi, Saseparela, Lemi, Wai-pipii, Soda maoli, Sida Kamepena, &c.
--
Mutual 330 - Telepona - Bele 298
[pointing finger] E hooia ia ana ka maemae o na wai a pau. E hooko ia no na kauoha a pau loa mai na Mokupuni mai a me ko ke kulanakauhale nei.
Mar. 15, 1891. 148d-tf.
======================
[two columns wide]
KUAI HOOPAU NUI.
-o-
Mai keia manawa aku a hiki i ko Makou noonee ana aku iloko o ko maokou
HAKEKUAI HOU
Ma ke Alanui Papu,-(NA HALE BURUA.
E hoolilo aku ana Makou iko Makou waiwai a pau o na ano Lole:
NA LOLE NANI,
NA LOLE I HUMUIA.
KAPU A ME PAPALE
PAHU LOLE, a pela aku
No na Uku Hooemi Loa Nae.
Egan & Gunn.'
ALANUI MOI kokoke i ke ALANUI PAPU. tf-d
=======================================
[two columns wide]
Hoolaha Hou!
-
B. F. EHLERS & CO., - Painapa.
-o-
Ua loaa mai nei ia makou he mau waiwai hou loa, oia hoi
KAKIMIA,
KINAMU,
KEOKEO HALU'A
CHALLI
VIKOLIA KEOKEO
-A-ME-NA-
Mikilima o na ano a pau, a me na paku puka aniani o kela a me keia ano, @ ua kumujkuai haahaa loa.
B. F. EHLERS & CO.
Alanui Papu, Honolulu. -25-d3m.