Ka Leo o ka Lahui, Volume II, Number 160, 30 March 1891 — Page 1
| This text was transcribed by: | Connie Watanabe |
| This work is dedicated to: | Richard Sueo Sakamoto |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU, MARAKI 30, 1891. Helu 16@
He Moolelo
NO
MORIWIANA.
KE KIU O NA MEA HUNA EKOLU ----
KA UI I HOOLILO I KE KUA O NA @O I HOME NONA ---- O KE HANA KA OPIO I LILO I KOA KAULANA I NA I A O
KALEMANA O BO@EMIANA.
O keia mau ninau a me na olelo oolea a ke koa opio, na ia mea i ho-a aku i ka inaina o ke kanaka opio o ka moku powa, a oia ka ua kanaka nei i pii koke ae ai iluna o ka palekai o kona moku a me na huaolelo oolea o ka wiwo ole, luai mai la ia i keia mau olelo.
A ! o oe ka mea i makemake e ike i ka mea nona keia mau aumoku ea? Alaila, e ka hehena, e huki iho i kela hae Italia hookano ilalo, a e haawi pio mai malalo o ko'u malu, a ke ole pela, alaila, na ka mana o keia mau aumoku e kauoha aku i kou hae e huki ia ilalo.
Ua hanai ia aku keia mau huaolelo a ua kanaka powa nei, me na olelo oolea o ka haaheo mai na leheleha aku o ke koa opio:
Ae, e ka powa a me ka pakaha o ke kipi ! owau ka i makemake e ike i ke slakai o keia mau aumoku pakaha, a e hopu aku hoi iaia ma ke ano he kipi a he powa kiekie loa maluna o na wai o ka meana a lawe aku iaia imua o na mana o Europa, a ano e ke kipi a me ke kolohe o ka puuwai eleele, ua makaukau anei oe e panee mai no kau ninau ?
Ae e ka hehena, ua makaukau au e pane aku no kau mau ninau, wahi a ke kanaka o ka moku powa, aka, ma ka inoa o keia mau aumoku kaua e ha'i mai owai oe, a me kau mau hana maluna o keia mau moana malalo o ka hae Italia.
O Linehame au, kekahi o na alihikaua o Italia, e holo ana malalo o ka haaheo a me ka hanohano o kona hae, a o ke kanaka hoi nana i hopu pio ma ka la inehinei he 12 mau moku powa, a pakele aku ai ma ka apua he hookahi o lakou.
A-he ! i hooho ae ai ua opio powa nei ma ka leo hae o ka ahiu, o oe ka ua kanaka kipi nei o ka hoohaahaa malalo o ka hae Italia ea ? Alaila, e ke kanaka kolohe, ma ka inoa o ka Haku Kalare Luciana o Rinada, ka olali haaheo o na kai, he pio oe nana, a o oe hoi ke kanaka a koi a hanohano i makemake loa ai e hiki aku imua ona no kau mau hana kipi a me ke kolohe, a ke ole oe e ae mai, alaila, ua makaukau au e hoouna aku ia oe a me kou mau aumoku ilalo o ka hohonu o keia moana nui akea.
Ano e Linehama ke kipi nui, na aa anei oe e pale mai i na kauoha a ka weli o na kai, a i ole ia oe a me kou mau aumoku ke iho pu aku ilalo o ka hohona ?
A--ha ! i hae pu ae ai ka leo inaina o ke koa Italia, o Kalare Luciana ka na puuwai eleele la o ka limakoko ea ?
Alaila i ke kepolo, ma ka inoa o ke aupuni o Italia, ua aa au e ku aku imua ona me ka ikaika o na mea kaua ma na ano a pau, a hoouna aku iaia e lewalewa iloko o ka lewa ma kekahi o na i-a o ko'u ino kukaua.
A e ke kipi ! ke pakele oe mailoko aku o ka mana o ko'u mau mokukaua, e lawe aku i ka'u mau hua olelo imua o ua haku la ou a hoike aku, ua aa o Linehama e hahai aku iaia a hiki ma ka'e o kona lua, maluna o na waiakea o ka moana a i ole ia, maloko o kona mau wai uliuli.
Alaila e ka mea heluhelu, me keia mau huaolelo haaheo a ua koa nei, huli ae la ia maluna o kona kapena a luai aku la i keia mau huaolelo:
E Sir. Lafaela, e hooholo aku i ka moku imua o ka makani, a e hoopii koke aku ma ka aoao o na moku powa, a o ka hae hoailona o ke kukala kaua, e huki koke ia ae ia iluna.
Alaila, me kela mau huaolelo, haawi koke ae la, oia i ka leo kau oha o ke kukala kaua maluna o @na mau aumoku me keia mau @ pokole:
E makaukau e na liona aumoana o Italia, a e makaala maluna o ko oukou kahua me ka wiwo ole a hiki i ko kakou iho pu ana ilalo o ka hohonu.
O keia mau huaolelo o ka haawi kauoha ma ka aoao o ke koa opio Linehama, oia pu na minute a ke koa opio powa i haawi ae ai i ke kauoha i na aumoku o kona aoao e liuliu no lakou iao a lele kaua aku maluna o na enemi.
E like me ka hikiwawe o ka haaana ae o na aoao elua i ke kauoha maluna o ko laua mau aumoku, pe la no hoi ua mau alakai opio nei i lawe ae ai i ko laua mau kulana o ka makaukau a me ka makaala.
Aole i pau.
HE MOOLELO KAAO
---- NO ----
LILIA ULAULA.
KA MEA NANA I HOONAUEUE I NA PANI HAO HE 35 O KE AUPUN WANEDELA I NOHO HAKU IA HOI E KE KUPUA
MASELANA.
Iloko o kela manawa a na koa i hiki aku ai ma na wahi la, ua hala aku la ua Bima nei no kona home kuahiwi, malaila kahi i naho ai ua Bima nei a hiki wale i ka piha ana o ka mahina hookahi; a hoi aku la hoi no ke kulanakauhale.
O ke kumu o keia hana puuwai eleele a Bima maluna o kona mau koa, mamuli no ia o kona ano hoonalonalowale, i ike ole ia e ka lehulehu kana hana puuwai eleele maluna o kona pokii.
A o keia mau koa hoi i pakele mai a Bima aku, oia ka mea nana i hookaulana aku i ke kulanakauhale holookoa o Arapia; ua make o Bima ma me na mea a pau a koe laua, a he lono kaumaha ia iwaena o ke kulanakauhale holookoa, ua noho iho la lakou kali.
I ka hala ana 1 mahina mahope mai, ua oili aku la ua Bima nei me ka maalea nui a me na olelo haku epa e punihei ai na mea a pau loa i kana mau olelo.
He mea oiai, ua punihei na mea a pau me ka manao he oiaio keia mau olelo a Bima, eia ka he olelo maalea i nalowale kana mea i hana ai maluna o kona pokii.
Iloko o keia manawa a ke kulanakauhale o Arapia no Bawaria a hala na mahina 4, ua manaoio iho la na mea a pau ua make o Bawaria, ua kanikau holookoa iho la ke kulanakauhale o Arapia nona a ua hoouna aku la ua Bima lokoin@ nei i kekahi leta imua o na kahu hanai o Bawaria i ke Aupuni o Helene, @ hoike aku ana ia laua, ua nalowale o Bawaria me ka ike ole ia; a he nui aku na olelo epa a Bima imua o ha kahu hanai o Bawaria, no ka nalowale ano e ana o ka laua hanai.
I ka moku lawe leta i hiki aku ai i ke aupuni o Helene, ua lawe loa ia aku la ka leta, a ike na makua hanai, ka Haku Makuisa a me kana wahine.
Oiai na kahu hanai o Bawaria i ike iho ai i ka lono kaumaha no ka laua hanai, ua hoanoe ia ae la ko laua mau noonoo kanaka iloko oia manawa, a he mea hoi na laua i haupu mua ole iloko o ka palaka he lono kaumaha kahi e hiki mai ana imua o ko laua alo.
I ka wa a laua e kumakena ana no ka laua hanai, ua nui ka pioloke o na mea a pau o loke a ka hale i ka maopopo ole o ke kumu i loaa mai ai keia haawina ano e maluna o ko lakou mau haku, a ua hoike koke ia aku la keia haawina ano e i ili iho maluna o ka Haku Makuisa a me kana Ewa, me ka maopopo ole o ke kumu, a ua hoike koke ia aku la ia Ninewa ma.
He manawa ole mahope iho, ua hiki mai la o Ninewa ma, ka hoaloha pilipaa hoi o Bawaria, ka mea nana i wanana mua aku mamua o ko Bawaria haalele ana mai ia lakou, a ike mai la no hoi o Ninewa i na hoailona ano e i ili iho maluna o na kahu hanai o kana aikane, a ua ninau koke aku la oia i ke kumu o ko laua ano e ana.
He ole nae ka puka leo mai, o ka lima o ka makuisa ka Ninewa i ike aku ai i kuhi ana ae iluna o ke pakaukau, ua hele aku la o Ninewa a nana aku la iluna o ke pakaukau, a ike aku la oia i kekahi leta @ waiho ana maluna o ke pakaukau.
Oiai o Ninewa e ku ana ma ka aoao o ke pakaukau, ua hopu aku la oia i ka leta e waiho ana maluna o ke pakaukau, a kilohi iho la oia i na manao o loko, a i ka hapalua o na leta nei, na ike iho la oia i ka huaolelo nalowale ana o Bawaria no 6 mahina, a haupu koke ae la o Ninewa i na huaolelo kamahao o kana wahi pokaa ropi, a hooki ae la no hoi oia i kona heluhelu ana i na manao o ua leta nei.
I ka hooki ana iho a Ninewa i kana heluhelu ana, ua kulou iho la kona poo ilalo no kekahi mau minute, a o kana mau huaolelo hope loa i kilohi iho ai, oia no ka inoa o ka mea nana i kakau ka leta, a ua ike koke iho la no hoi oia i ka mea nana ua leta nei, oia no o Bima, a hooiaio koke iho la oia i na hoike a pau loa a kahi pokaa ropi.
Aole i pau.
HOOLAHA A KA PUUKU.
NO KA HOOKUPU NO KA LA KUOKOA O KA LAHUI HAWAII.
I na Hawaii a pau, ke poloai aku nei ka mea i kohoia he Puuku no ka wa, no ka malama ana i na hookupu, e loaa no oia ma ke Keena o ka LEO O KA LAHUI i na la a pau, koe ke Sabati, ka la ehiku o ka hebedoma, e lawei na hooku pu a ka poe i aloha i kona aina hanau, i makee i Kona Kuokoa o Hawaii Ponoi.
I mea e maopopo ai ke ano o keia hoo kupu, ke hoike aku nei ka puuku, penei. Ua noa ka hookupu i na Hawaii a pau, i na hookupu dala, a me ai paha. He mau haneri dala kai hookupu ia i ke ia manawa, a he 10 bipi, he 20 mau puaa. E hoike ia aku ana no ka papa inoa hookupu i ka wa e pau pono mai ai o na hookapu ma ko'u lima.
Ma ke Kauoha,
JNO. E. BUSH.
He Ohohia Nui,
O ka Leo o ka Lahui aia iloko o ka lokahi
O ka hookuee ana oia kona enemi.
Eia ka poe i hookaa mai ma ka lima a na Luna:
lan. 1 Princess Liliu Haimo@ipo 1
C. W. Ashford Merchant St 5
Chas. Hopkins
Chas. Gulick 1
W. C. Achi 1
Wm. Kamana Kawaiahao 1
Jas. Quina King St. 1
Wm. Rice Merchant Ss. 1
M. L. Wailele School St. 1
J. Kahiapo Leleo 1
Puakinamu Kakaako 1
J. W. Okuu Kawaiahao 1
Kaauwai Liliha St. 1
Wahinelili Kunawai 1
Ma o George Kanikau ke Luna eleu.
Mar. 19 Mrs. C. I. Hiram 5
Makanoe 1
Mahi 1
Hakalaau 1
Kalehua Puakolo 1
Lahapa 1
C. Spencer 1
Mio Ku@aokahua 1
Ka@iwalani 1
Moku Pauahi 1
La@a Kikinale 1
Halekala Auwaiolimu 1
Nakanealoha Pauoa 1
Polikopu Auwaiolimu 1
Kapika Pauahi 1
Piipii Kauluwela 1
Kaneaiakala, Ka Lana Eleu.
Mar. 1 A. S. Cleghorn 1
Kaulili 1
Kaua 1
Poni 1
Kekula 1
Hopoe 1
John Samoa ka Luna.
I ka Poe Lawe Nupepa.
Ke pol@ai aku nei makou i ka poe heluhelu o lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa. No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ke hookaa ana a ke mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina na ea hookaa me ka loaa aku o ka Palapala hookaa, he mea hoi o maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole i@ maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.
J. E. BUSH
Hale Kuai Wati Nui
HELU 1
No C. Ah Kau.
KA oi o na mea Gula, na DAIMANA, ua POHAKU MOMI makamae loa, na WATI GULA, na WATI DALA & C., @ omaa o kela a me keia ano, no lako wehi GULA a me DAIMANA, na KOMOLIMA GULA a me DAIMANA, na WATI nunni ano hou loa o kela a me ke ia ano, na PUPANAPANA a me na lako e ae e pili ana.
E hoomanao e na makamake, o keia AH KAU no ka mea nana i hana n@ WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aka oia i kona kuleana malaila, ua wehe ae nei oia he hale hou ma Alanni Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau opili ai a i keia oihana me ka emi loa, a ohana hou ia na wati u me na lake gula me ka hikiwawe a me ke emi loa. E hoouna mai i na kauoha ma ka Pahu Leta Helu 268
E naue nui mai, a e ike no oukou iho. O na mea hou loa wale no i ike mua @l@ ia ma Hawaii nei
C. Ah Kau.