Ka Leo o ka Lahui, Volume II, Number 155, 23 Malaki 1891 — UA HALA. [ARTICLE]
UA HALA.
Ma ka auina la 11 o keia mahina, ua kikoo mai la na lima menemene ole o ka make maluna o ke kino o Mr. Puamana, a lawe aku la i ka hanu ola a waiho iho la i ke kino lepo e hoi aku no i ka lepo. He nui ko makou minamina iaia, oiai, he makua oia no ka lehulehu, he heahea, he hookipa, he puuwai hamama i na mea a pau e hiki aku ana i kona home. Ua haalele iho oia he kaikamahine a he moopuna hoi e noho kumakena aku ana nona; he mau la kakaikahi wale no kona ka'a-ama'i ana, a hiki wale i kona pauaho ana mai la i keia ola ana. A o makou a pau ka ohana, ke noho aku nei e kaumaha a e u iaia ma keia aoao o ka muliwai eleele o ka make, aka, ua hala ka hanu e hiki ai ke ike aku a ike mai; oia nae ke alahele hookahi o na mea a pau e motio aku ai. Ma Auwaiolimu kena wahi i make ai, a o ke 60 paha a oi o kona mau makahiki. Aloha wale. J. P. Kuaeau Auwaiolimu, Honolulu.