Ka Leo o ka Lahui, Volume II, Number 151, 17 March 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

 

KA LEO O KA LAHUI

"EMau ke Ea o ka Aina i ka Pono."

Buke II.                                   HONOLULU, MARAKI 17, 1891.                          HELU 151

 

He Moolelo

 

NO

 

MORIWIANA.

 

            KE KIU O NA MEA HUNA EKOLU---

                        KA UI I HOOLILO I KE KUA O NA

                        LIO I HOME NONA--O KE KANA

                        KA OPIO I LILO KOA KAULANA

                        I NA I A O KALEMANA O BOHEMIANA.

 

 

            E kapena Kainedoa; wahi a ua koa la imua o kona kapena, iaia i hiki aku ai imua o ke alo o kona haku, ua makemake au ia oe e haawi koke ia na hoomakaukau ana i ko'u mau aumoku kana me ka hakalia ole, a ma ka hora 5 o keia ahiahi e haalele iho ai kakou i na kapakai o Italia nei.

            Ua haawi mai o Kapena Komodoa i na kunou ana olelo a kona haku, alaila, huli ae la ia maluna o kona mau kapuai, a huli hoi aku la no ke awa kumoku no ka hooko ana ina kauoha a kona alii moku kiekie

            O keia mau kukai olelo mawaena o ke koa Moriviana a me kona kapena, ua lohe ia mai la ia e kana keiki, a i ka wa a ke Kamedoa i haalele iho ai i ke alo o kona ma kuakane. komo mai la ua opio la me na helehelena o ke koa e haiamu ana maluna ona, a me ka leo o ka wiwo ole luai mai la ia me keia mau olelo.

            He wahi apana hana nui ka olua me kapena Kamedoa ke ole au e hewa?

            Ua haawi mai ke koa Moriviana i na nana pono ana maluna o kana keiki no keia mau olelo a ua koa opio la, a liuliu pane mai la oia penei:

            Ae e kuu keiki aia iloko o na hora pokole i koe, a e kahea ia mai no au e haalele iho i na kapakai o ko kaua aupuni nei, no ka hanu ana ma ka meheu o ke kipi a me ka pakaha.

            A e kuu keiki, ua hapauea ko'u mau la a ua loihi hoi na makahiki: aka, o ka hiki ia'u ke haaheo hou ae me ka'u mau medala kila, aole loa ia i mamao mai ia'u aku i keia manawa.

            E haawi ana au i ko'u ikaika a pau e hiki ai ia'u ke pulumi i na hana mo a pau mailuna aku o ka lepo laahia o Europa nei. a e kuu keiki ke hoomaopopo mai la no anei oe i ka'u mau olelo a pau i hoike aku la ia oe?

            Ae e kuu makua, ke hoomaopopo ala au i kau mau olelo. aka, e hai mai owai ke kipi a me ka pakaha nana i kahea mai ia oe iloko o kou mau la o ka noho ana kanikoo?

            Aole i loaa ia'u kona inoa e kuu keiki; aka, o ka lono wale no i loaa ia'u, aia he powa me ka puuwai eleele o ka hohe wale ke ulupa ala i na moku o kela a me keia aupuni malalo o ka hae apuka o ke kipi a me ka pakaha.

            Aha i hooho ae ai ke koa opio Linehama, he kipi me ka pakaha ae; alaila e kuu makua, e ae mai ia Linehama: oia pu kekahi e haaheo maluna o na wai uliuli o ka moana no ka hanu pu ana aku mahope o ka meheu o kela powa, a ke loaa oia ia'u. e hiu palaka ia uo oia e @'u ma kekahi o na i-a o ko'u moku kana.

            Ua hoopuka ae ke koa opio i kela mau olelo me ke oolea. a na ia mau olelo a ua opio la i hoonaueue ae ka puuwai o ke koa aoo. a oia kapa i pane hou mai ai i kana hapuu keiki:

            Ua makaukau anei oe e Linehama no ka haalele ana i ke aupuni nei mamua ae o ka hora elima o keia ahiahi.

            Ina wa a pau a hou hanohano i makemake ai. wahi a ke koa opio, aka e kuu makua, e ae mai ia'u e lawe pu aku i ko'u hoaloha Lafaela ma ke ano o ko'u kapena no ia. a o ko'u mokuakaua e kahea ia oia ma ka inoa o Verona.

            Ua haawai i ke koa aoo i na kunou ana me ka hiehie no keia mau olelo a kana keiki, alaila e like me kona mana alihiaua nui no na mana kaua o Ialia. hoouna aku la oia i ke kauoha no ka hoomakaukau ia ana o kekahi mokukaua paa loa o ke aupuni, a e hoolako ia hoi me ka ikaika kaua moana mamua ae o ka hora elima o ke ahiahi.

            O keia kauoha a ua koa haaheo la o Europa, ua hooko ia ia me ka hakalia ole a mamua ae o ka hiki ana mai o ka manawa e haalele iho ai ua mau koa la elua ina kapakai aloha o ka aina, aia hoi e wele haaheo ana ka hae alii moku kiekie o ke koa opio Linehama, ma ka huina o ke kiamua o ka makukaua o ke koa opio, i kapaia hoi ma ka inoa o Verona.

            O ka hora elima o ua ahiahi la, oia ka manawa a na koa haaheo elua o Italia i lawe ae ai i ko laua mau kulana alii moku kiekie maluna o ka papahele o ko laua mau halelana aukai. malalo o ka noho kapena ana a ke alii moku Kamedoa no ka mokukua o ke koa Moriviana oia hoi ka mokukaua Hae Eleele, a o Lafaela hoi no Verona. a hiu like ae la ko laua heleuma, kuea na pe'a, no na aie nupanupa o ka moana ka ihu.

 

He Moolelo Nanea.

 

No ke

 

Kamaliiwahine Laulie.

 

A i ole

 

HE NANEA KAMAHAO NO KA

 

HULU GULA O

 

KIBERIANA.

 

He Kaao kahiko no Helene.

 

MOKUNA VIII.

 

            A ina no hoi o ko honi ana iho nei ia'u a i halawai like na pou ihu o kaua, alaila, i e aku no au mamua o ko alo, aohe au wahine aohe no hoi a'u kane, e nalo hoi ke make wahine e imi ae ana no a loaa.

            No ka mea aole au e hahai aku ana ia oe e ke alona i ko'u aina a me ke alanui. aka nae ma ko'u wahi aupuni !uku ua hiki ia oe ke nana i ka hikina a ka la a me ka napoo ana a ka mahina.

            Me he mea la mai keia moolelo mai i kanawai loa ai ka poe Helene aole e honi i ka ih@ o kekahi mea oiai oia e hiamoe ana, a wahi a lakou ina e honi he make a i ole he kaawale ka hopena oia hana ana.

            I ka pau ana nae o na olelo a Laulie, ua eu ae la oia e noho pono iluna, aia hoi lele aku la o Kolana e puliki i ka puhaka o ka mea nona keia moolelo me ka olelo ana:

            E ka nani kaili puuwai, mai haalele mai oe ia'u e make iloko o keia rumi i ka eha lima ole a ke aloha, aka e lawe aku ia'u i kokoolua nou e like me kau i olelo mua iho nei, oiai aole paha he kanaka e ola nei maluna o ka honua holookoa a me na wahi he nui i loaa ka nui o ko'u aloha e hiipoi nei nou.

            Minoa ka iho la o Laulie i ka ike ana ia Kolana e kukuli ana imua ona me ka uwe kahukahu ana, a ua like hoi ia me ka iniki ana ino:

            Aka iki ka ua i ka lau o ka laau

            Ua olu paha loko i ke kaomi a kainuwai

            Ua hiki he kaohi me ka ma-u ka ka huapala.

 

            Aole au e haalele ana ia oe, me oe kuu kino a mau loa, a o oe hookahi hoi ke Konohiki oia kai kapu aohe aeahaukae nana e komo. aka nae o ka'u wale no e noi aku nei ia oe oia keia:

            E kapu kuu nui kino aole e haule i ka auwai oiai na la a me na po i ka moana, a ke hiki aku kaua i kou aupuni. e hana oe a lawa ko makemake i ke ana leo ole o Kiberiana aohe e pa i ka leo, hewa ia la?

            Aole. he waiolu ia no mi nei.

            Ae ua pono. e malama oe i kou maluhia a pela no hoi neia kino malalo o ka leo. aia a hiki kaua i ka aina alaila ku@au ka hana i na nihoniho, akaka ka me @ oulea o e paha owau paha.

 

            A ina he okoa ka mea iloko o kou puuwai e pana la. alaila e nele ana oe i ka wahine ole, @o ka mea he moolelo paha'oha'o kou a ua piha hoi me na mea kupanaha he nui.

 

            Ia manawa hoike mai la oia ia Kolana i kona moolelo piha mai ka mua mai, kona hoolilo ia ana i hipa, kona kaili ana ia Peria ma mailuna mai o ka paila wahie, kona kii ana ia Aromeda i wahine na Peria, kona pepehi ia ana a make a pela aku, e like me na mea i hoike mua ia ma na mokuna i hala.

 

            Mahope iho o kona hahai ana i ko ia moolelo walohia a ku i ke aloha iloko o na poino he nui, olelo mai la oia:

 

            Iloko oia mau mea a pau a'u i olelo aku nei ia oe e kupaa oe maluna o kau olelo, no ka mea aole au e lilo ana i hipa a i hulu gula paha ma keia hope aku, oiai ua hala na po pohihihi he hookai tausani a oi iloko o ka ehaeha.

 

            Ae. ua lilo loa oe na'u i keia po, a na'u a na'u wale no aole na kekahi mea e ae. a ina kaua e hiki aku i kuu aina hanau e hauoli auanei ko'u mau makaainana ke ike mai ia oe ma ke ano. he moiwahine nani no lakou mai na aekai mamao mai o ka hikina.

 

            He nui a he lehulehu wale aku na olelo a Kolana e hoike ana i kona aloha kupouli i ka mea nona ke ia nauea. a oia ka ua ui la i olelo mai ai:

 

            Mai hoike wale aku oe ia mea i kekahi poe e ae, aka mawaena wale no ia ou a me a'u; e hoihoi hou mai i ka'u i olelo aku nei. malia o kaua wale no keia e au kokoolua nei i ka moana aohe he poe e ae mawaho ae o kaua.

 

            Ia manawa akahi no o Kolana a olelo aku; ua piha ka umi ia lakou e holo ana, he ekolu wahine a he ehiku kane, a i ko Laulie lohe ana i ka inoa o Aromeda oia pu kekahi e holo ana, ua hu ae la kona aloha no kana hanai Peria, oia kana i ninau mai ai:

 

            O kana kane pu anei kekahi me ia?

 

            O kana kane imua oia hoi o Peria ua make, a o Opera ka mea nana e pani nei kona hakahaka.

 

            Mahope iho o keia mau kuka'i olelo ana. hemo ae la ka pili a ua mau ipo nei me keia mau huaolelo:

 

            E hookuu kaua e ke aloha, a oiai oe iwaena o ka nui manu mai hoike oe i kekahi mea e pili ana no'u, aka nae e noho no oe a mea manao mai ia'u ke nanea kela poe, pela auanei kaua e hui liilii mau ai a hiki i ka hiki ana o kakou i kou aupuni.

 

Aole i pau.

 

He Ohohia Nui,

 

O ka Leo o ka Lahui aia iloko o ka lekahi

O ka hookuee ana oia kona enemi.

Eia ka poe i hookaa mai ma ka lima o @a Luna:

Ian. 1   Princess Liliu Haimoeipo        1

            C. W. Ashford Merchant St   5

            Chas. Hopkins

            Chas. Gulick                           1

            W. C. Achi                              1

            Wm. Kamana Kawaiahao       1

            Jas. Quinn King St.                 1

            Wm. Rice Merchant Ss.          1

            M. L. Wailele School St.         1

            J. Kahiapo Leleo                     1

            Kaauwai Lilihi St.                   1

            Wahinelili Kunawai                1

Ma o George Kanikau ka Luna eleu.

 

Mar. 10 Mrs. C. J. Hiram                    5

            Makanoe                                 1

            Mahi                                        1

            Hakalaau                                 1

            Kalehua Puukolo                     1

            Lahapa.                                   1

            C. Spencer                               1

            Mio Kulaokahua                     1

            Kahiwalani                              1

            Moku Pauahi                           1

            Lama Kikihale                         1

            Halekala Auwaiolima              1

            Nakanealoha Panoa                 1

            Polikopu Auwaiolimu             1

            Kapika Pauahi                         1

            Piipii Kauluwala                      1

                        Kaneaiakaia, Ka Luna Eleu.

 

Mar. 1 A. S. Cleghorn                         1

            Kaulili                                     1

            Kaua                                        1

            Poni                                         1

            Kekula                                     1

            Hopoe                                     1

                                    John Samoa ka Luna.

 

I ka Poe Lawe Nupepa.

 

            Ke poloai aku nei makou i ka poe heluhelu e lawe nei i ke kakou nupepa, makaala mai i ka hookaa ana i ka uku o ka Nupepa ma ka hebedona, a e malama @ aku no@a na inoa i hoike @ Nupepa. No ke paew@ o ka @ ia ana o ke dala, a me ka hoohiki loa ana mai i ke keena nai, ua hooholo makou ma ka hehedoma ka hookaa. i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma. ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai. ke ula ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu. a ina aole io maoli no na luna ka hewa, alaila. e kala ia makou no ke oki ana aku i ka poe hookaa ole mai i ka lakou nupepa.

                                                                                    J. E. BUSH.

 

 

Hale Kuai Wati Nui

 

HELU 1

 

No C. Ah Kau.

 

KA oi o na mea Gula, na DAIMANA,

            na POHAKU MOMI makamae

            loa, na WATI GULA, na

            WATI DALA & C., na @ o

            kela a me keia ano. na lake wehi

            GULA a me DAIMANA, na KOMOLIMA GULA a me DAIMANA, na WATI aumai ano hou loa o kela a me ke ia ano, na PUPANAPANA a me na lake e ae e pili ana.

            E hoomanaoe na makamaka, o keia A H KAU no ka mea nana i hana na WATI a me na lako GULA oi ma o keia Aupuni, a i kamaaina me kona hale mua i noho ai ma Alanui Nuuanu Helu @ mamua, a oiai ua hoolilo aka oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa E@ a oia no hoi ke Keena oihana mua o ka Hui Alahao Hawaii. E loaa no na mea a pau e pili ala i keia oihana me ka emi loa a e hana hou ia na wati a me na lako gula me ka hikiwawe a me ke emi loa. E hoouna mai i na kauoha ma ka Paha Lata Helu @

            E naue nui mai, a e ike ae oukou iho. O na mea hou loa wale no i ike mua ele la ma Hawaii ne

                        C. A@ Kau.