Ka Leo o ka Lahui, Volume II, Number 118, 29 Ianuali 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

 

HE KAAO

 

No

 

DON KUPIDOA.

 

KA WELI O NA MEA HUNA POHIHIHI—KE KIHAPAI PUA PAHAO HAO O KAMEPULIA—KE ALAHELE O NA MEA HUNA ELUAME KA LUAWAI KAMAHAO O TAWANIA.

 

 

            Ma kela la, ua hookolokolo ia na keiki alii, a o ka laua hoopa’i e noho laua ma ka hale paahao a hiki i ko lau a mau la hope.

 

            Ua paa kela hoopa’i no laua, a ua papa pu ia hoi na poe apau aole e hoopakele ia laua.

 

            I kekahi la ae, ua kukulu iho la ke kaikamahine alii Kalawalina a me kana mau haia wahine i ke kahi ahaaina nui malolo o kekahi ululaau, ma kahi he elima mile mai ka Hale alii mai.

 

            Ua hoolako ia ua papaaina ala i na mea ai ono loa o na ano a pau, a ua kono ia hoi na alii a me na poe hanohano a pau o ka aina.

 

            I ka akoakoa ana o pa mea a pau a o Don Tubidoa hoi ka malihini hiaai nui ia e na’lii a pau o ka aina, a he pula kaumaka hoi oia na na kaikamahine Suedena e awihi mau ai.

 

            Oiai na mea a pau e a@ana, a e hoohialaai ana hoi, ina ono o ua papaaina ala, aia ke kaikamahine alii Kalawalina ke noho pili kokoke ala me Don Tubidoa.

 

            I kela a me keia wa ana e oki ai i kekahi apana io manu, a mea e ae paha, e kamailio mai ana oia ia Tubidoa me ke peku pu ana aku me kona wawae penei:

 

            “E ai iho i kela apana mea ai a’u i oki ae la.”

 

            Iho iho la no hoi ka Tubidoa o a loaa iho la, a ai ae la.

 

            Ua hiki i na mea a pau e ai ana ma kela pakaukau ke ike mai i keia mau hana a ke kaikamahine alii a me Tubidoa, a oia ka lakou e leha iki mau ana i na wa a pau e loaa ai he manawa. 

 

            Ua malamaia keia papaaina mai ke kakahiaka a hiki i ke ahiahi ana.

 

            Mahope iho nae o ka pau ana o na mea apau i ka maona, a i ke kani ana o ka hora 6 o ke ahiahi ua hookuu ia aku la lakou apau no ka hoi ana no ko lakou mau home.

 

            Oiai nae na mea apau e hoi ala ua hana maalea iho la ke kaikamahine alii, ma o kona pee ana iho malalo o kekehi opu nahelehele nui a nalo iho la oia a o kekahi o kana mau haia wahine oia kai hookau ia aku maluna o ke kaa’iii.

 

            Aohe hoi he olelo a@a no Don Tubidoa oiai hoi, ua hiki wale no iaia ke hana ina mea apau me ka ike ole mai o na mea apau me ka ike ole mai o na mea apau, ua kuhihewa no ka lehulehu ua hoi no ia na’ii eia no ka laua i hope nei i M@liwaa.

 

            I ka nalo ana, aku o na mea a pau, ua kuene pono aela ke kaikamahine alii i kona wahi noho apili pu me Don Fubidoa, aia pu hoi me laua i keia wa he hookahi haia wahina.

 

            O kela po a laua e noho ala he po hu’ihu’i loa ia, e laa ke anu a me kehau o ka po e kololio mai ana mawaena mai o na puu e iniki ana ma na papalina o ua mau ipo ala oia anu nui nae ua lilo wale no ia mea i mea ole i@ka hana nui a loko o ko laua mau puuwai oia hoi ke aloha.

 

            Mahope iho o keia mau mea, ua kono aku la kekahi i kekahi e hele laua no ka pahuhopu o ka laua huakai.

 

            Ia laua e haele malie ala, aia na pana koii koi ana iloko o laua a elua, e like me ka makemake a me ka hiaai o kekahi no kekahi.

 

            No ke kaikamahine alii hoi, aia na manao uluku a me ka pihoihoi nui i loko ona no ke ano o kana mea e hana aku ai maluna o kana ipo, oiai he.

 

            Maukauka hoe hewa

            Aohe iike i ke ku hoe

 

            Oia kana i ninau iho ai iaia iho penei;  “E hooko ia ana no anei kuu makemake me ka halawai pu ole mai o’u me kekahi ulia poino?

 

            No Don Tubidoa hoi, iloko o kela po anu a hu’ihu’i no hoi, ua hele no nae kona kino a auau i ka hou oiai aia ka maka’u a me ka hopoho po iloko ona no kana wahine mare e noho maila no ko laua aupini, oiai o ka hoohiki a laua i hoohiki ai he mea paa ia, a pehea ana la oia ke haule oia i ka hewa me keia nani, me he la, e like ana oia me ka olelo kaulana a ia nohea penei.

 

            A ka lea o Kalaau

            Pau ka pono a Kakina

                        Aole i pau.

 

 

KUAI HOOPOHO LOA!

 

No Ekolu Pule Wale no!

 

E HOOMAKA ANA MA KA POAKAHI LA 15 O DEKEMABA, NO KA PO MAIKAI OKUU LAHUIPONOI.

 

 

            E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i ko’u mau waiwai a pau ma ke dala kuike, oia hoi, na KALAKOA hooluu like ole.  Mai ka 12 a 20 I-1 no a $1.00.

 

            Na KALAKOA laula, mai ka 6 a 8 I-a ko ka $1.00.

 

            Na KALAKOA hapa kanikau laula, he 7 I-a na ka $1.00.

 

            Na KINAMU, he 12 I-a $1.00.

 

            3 Paa KAKINI WAHINE 25 keneta.

 

            Na PAPALE o na opio wahine i kinohinohi @a, he $1.50 a pii aku, no ka mea hookahi.

 

            Na LEPO-NALO mai ka 8 a 18 I-a no ka $1.00.

 

            Na A-I KALA KEOKEO a me ha@aka nikau o na wahine, 10 keneta no ka mea hookahi, a pii aku.

 

            Na KAMAA haahaa o na wahine, he $1.00 wale no no ka paa.

 

            Na KIHEI huluhulu, na HULUHULU manoanoa; na HALII moe a pela aku.

 

            Na PALE-ILI oluna o na kane, he 25 keneta wale no o ke ano maikai.

 

            Na PALE-ILI olalo, he 40 keneta wale no a pii oku.

 

            Na PAA LOLE o na keiki o ke KALIKIMAKA.

 

            Na PALULE hana o na kane mai ka 40 keneta a pii aku.

 

            Na PALULE huluhulu mai ke 40 keneta a pii aku.

 

            Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko’u hale.

 

F. MOSES KEUMI.

 

ALANUI MOI.                      tf.—d

 

PAPA KUHIKUHI

 

O

 

KA HUI ALAHAO@A ME AINA O OAHU.

 

 

E HOOMAKA ANA MA KA LA

 

25 O OKATOBA, 1890.

 

MANAWA HOLO:

 

 

                                                A.M.    A.M.   P.M.    P.M.

Haalele ia Honolulu                *6:15   8:45     1:45     4:30+

Hoea ma Honouliuli                *7:15   9:49     2:49     5:28+

Haalele ia        “                      *7:45   10:51   3:51     5:50+

Hoea i Honolulu                      *8:40   11:55   4:55     6:45=

 

            *Lapule wale no.

            +Poaono wale no.

            Oct. 21, 1890              tf—d.

 

 

H. P.K. Malulani.

 

            HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukaiau ma ke alo o na pali.  E ohiia no hoi na aie me ke ku i ka eleu a me ka puahiohio. 

Nov 8 90, d-ly.

 

 

Olelo Hoolaha.

 

            Ke hai ia aku nei ka lohe i na kanaka a pau, o ka poe e makemake ana @ mau eke paakai maikai a me ona nanahu kie we maikai a make pono no hoi ke kumukuai, e loaa no au ma Haimoeipo, Hal@ Kaa o ka Moi, a i ole i ko’u home paha.

 

MRS. C.I. HAIRAM.

Haimoeipo, Honolulu, Oct. 8, 1890.

3m@—d.

 

 

Olelo Hoolaha.

            Ke kanoha ia aku nei na kanaka a pau i aie ia C.I. HIRAM i make, e hookaa koke mai i ko lakou aie ia MRS. C. I. HIRAM, a i ol@ ia D. DAYTON.  O na poe a pau e hookaa ole mai ana a hala na la he 30 mai keia la aku, e hoopii ia no lakou e like me ke kanawai.

 

MRS. C. I. HIRAM.

Haimoeipo, Honolulu.  Oct. 8, 1890.

3 ms—d.

 

 

Hoolaha Hookapu.

 

            Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.

 

MRS. C. I. HIRAM.

Haimoeipo, Honolulu.  Oct. 8, 1890.

3ms.—d.

 

 

1. J. SCHREIBER KA OLOHE.

 

HANA WATI ME NA MEA GULA.

 

 

            O ka hana hou ana i na wati pakeke, kau, hale, a me na mea dula o kela a me keia ano, he waipahe loa ka auhau, a pela no hoi me na mea i paa mua.  O ka mea e holo ana ia kaua oia ka’u e hana ai.

 

ALANUI HOTELE   Malalo o ka Aline

tona.                Oct. 27, 1890.  tf-d

 

 

Hale Kuai Wati Nui

 

HELU 1

 

No C. Ah Kau.

 

            Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na lako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me ko ia ano, na PUPANAPANA a me na lako e ae e pili ana.

 

            E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina makona hale mua i noho ai ma Alanui Nuuanu Helu 37 mamua, a oiai @ hoolilo aku oia i ko@ kuleana malaila, ua wehe ae nei oia @ hale hou ma Alanui Moi ma Waikiki iho o ke Keena o ka nupepa El@l@, a oia no hoi ke Keena oihana mua o ka Hui Alahao Hawaii.  E loaa no na mea a pau e pili a@a i keia oihana me ka emi loa a e hana hou ia na wati u me na lako gula me ka hikiwawe a me ke emi loa.  E hoouna mai i na kauoha ma ka Pahu Leta Helu 268.

 

            E naue nui mai, a e iko no oukou iho.  O na mea hou loa wale no i ike mua ol@ ia ma Hawaii nei

 

3. Ah Kau.

 

 

NA LAKO DALA!

 

HE $5,000 KA WAIWAI IO

 

MAI NA MEA ANIANI, A NA KII.

 

NA MEA PAANI A ME NA LAKO DALA.

 

E Haawi Makana ia aku ana.

 

Na Lako Dala!                        Na Lako Dala!

 

$2.50—No 30 LA WALE NO. --$2.50

 

            I ka Poakahi.  Dekamaka la 8. 1890. ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.

 

            Ikoko o keia mau la he 30, e loaa no i ka poe a pau e kuai ana maloko o ko makou halekuai nei a hik@ i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.

 

A i ole, o kekahi mau Makana o na lako Wai-Dala.

 

E Alawa ae ma na Pukaaniani o ko

Makou Halekuai Alakai. i

ike i ke Ahua nui o na

Makana Makamae

a Makou i ko Makou poe kuai.

 

Chas J. Fishels

 

Ma ka Halekuai hoopau.

MA KA HALE ILUNA E HANA IA AI NA LOLE. KIHI O PAPU ME HOTELE.

Daily tf

 

 

Hoolaha Hou!

 

2. F. EHLERS & CO.—Painapa.

 

Ua loaa mei nei ia makou he mau waiwai hou loa, oia hoi na

 

KAKIMIA,

KINAMU,

KEOKEO HALU’A,

CHALLI,

VIKOLIA KEOKEO

--AME NA—

 

Mikilima o na ano a pau, a me na paku puka aniani o kela a me keia ano, no na kumukuai aahaa lo@.

 

B.F. EHLERS & CO.

 

Alanui Papu, Honolulu.—25—d3m.