Ka Leo o ka Lahui, Volume II, Number 118, 29 January 1891 — Page 1
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
==================================================================================================
BUKE II. HONOLULU. IANUARI 29, 1891 Helu 118
==================================================================================================
He Moolelo Nanea.
No ke
Kamaliiwahine Laulie.
Aiole
HE NANEA KAMAHAO NO KA HULA BULA O KIBERIANA.
--
He Kaao kahiko no Helene.
--
MOKUNA V.
--
E kaapuni mau ana oia i ka aina no ekolu puni i kela a me keia la, a aole ho@ ona manawa e hiamoe ai; a ke ike oia i kekahi poe malihini e like me kakou e manao nei e pae aku @uka, e iho mai no oia me ka lapalapa ahi mai ke kuahiwi mai a lua'i mai i ka luai pele a nana auanei e hoolilo ia kakou i mau puu lehu me kona nui kino i piha me ka ahi.
I ko Kolana lohe ana i keia moolelo, ua kamailio aku la oia, e loaa ona wai no kakou e pono ai e Opera, a ina aole e pau ana kakou i ka make.
Mahope iho na hoomau hou mai la o Opera i kona kamailio ana, ina he oiaio ka'u moolelo i lohe ai e pili ana no keia pilikua, oia hoi he hookahi no ona naau a ua piha hoi ua naau la i ka luai pele, a ma kekahi poo o ua naau la ua hoopaa ia me kekahi kui pine; aika nae aole i hoike ia mai ia'a kahi o ua kui la i paa ai, aia paha ilalo i ka wawae a i ole aia paha iluna i ke poo, oia ka'u e hopohopo nei.
Ina e hemo ana ua kui pine la o ka pau no ia o ko kakou pilikia, a na ka lua'i pele no ia e kahe a hiki i kona pau ana, aka me ka i;o a me koko, owai la iwaena okakou uuku i koe iho i aa e hele e hui kino me Miriana, aole, aole hookahi; no ka mea aole kakou i hoomaopopo io kahi i paa ai o ua kui la.
O kou manao paha ia e Opera, wahi a ka opio, a me he mea la @ ko oukou manao no ia a pua, aka nae no'u iho, owau o Kolana, aole ona makemake e huki ia kona hae ilalo, nolaila e hoe aku kakou a kau aku au i ka aina, alaila nana ae oukou i ka hopena e kau mai ana maluna o'u, a ke make au ku @ no oukou a hoi anak ua ike no oukou i kahi a kakou i holo mai ai.
Ua ae like mai la na keiki a pau i keia pai a ua opio nei i k@ oolea, nolaila ua hoolele hookahi ia aku la oia aohe koolua iuka o ka aina o Cereta, a oiai oia e ku hookahi ana i kahaone me ka noonoo ana i kana mea e hana ai, ua haupu koke @e ia oia i kona puuhonua o ka wa pilikia, nolaila ua ninau aku la oia ia Hera ina ua ike oia i kahi o ke kui pine o ka naau o ua pilikua la i paa ai, oia ka ua ipo la a Alahe i huaipau mai ai mai ka mua a ka hope, me ke a'oa'o pu ana mai ia Kolana i kana mea e hana aku ai i ka wa o ua Niwana la e holo mai ai me ka piha p;ono i ka lua'i pele no ka mea wahi ana, aohe he mauna kiekie loa ke hoomau ia ka pii ana i keia a me keia la, a aole no hoi he mea huu loa e nele i ka aka ana i kahi manawa ke hoomau ia ka hooneoneo ana.
MOKUNA VI.
I ka maopopo ana i na opio nei o kana mau mea a pau e hana ai, ua kakali malie iho la oia no ka hiki mai o ua pilikua la, aia hoi ike aku la oia i ua Mirana nei e hele mai ana i ona la me ka lapalapa ana a ke ahi mao a maanei, a o kona nui kino holookoa mai ke poo a na wawae he ahi wale no a oiai oia e hele mai ana ua lapalapa ae la ke ahi i ka mauu a me na laau ma kahi a kona mau kapuai i hele mai ai, a e punohu ana hoi na mokuna uwahi ma kela a me keia wahi o ka aina, a i kona kokoke ana mai ma kahi a Kolana e ku ana me ka oni ole, ua ku iho la oia me ka nana hulili ana o kona mau maka ia Kolana a haule pu mai la no hoi me ka make mai kona waha mai, nolai la ua pane aku la ka opio:
Ma ka inoa o Alahe mai pepehi mai oe ia'u; no ka mea ua oi aku ke ola mamua o na pohaku makamae o ka honua, aka nae o ke ola ua like ia me ka mahu i pua ae a nalo aku iloko o ka manawa pokole; mai ke kanaka au liilii a ke kanaka au nunui o ke ao nei, a mai na kanaka maoli hoi e like me a'u a na kanaka kamana'o i piha me ka lua'i pele kolakou naau aole loa lakou e pakale ana i ka make no ka mea he mea puanuanu wale no ke koko, a he mea pio wale no hoi ke ahi a maalili me ha wai la ke ano.
No'u iho aohe o'u manawa e maka ai, aka ua hiki ia'u ke ole loihni me he akua la e ole mau ana i kela a me keia keneturia iloko o ka opio pio mau a aole hoi he manawa e elemakule ai a palupalu, no ka mea he wai ola aia iloko o ko makou na au, ka wai hoi o ke ole mau a make ole, ka opiopio mau, ka hauoli mau a pela aku.
I ke kuu ana iho o na olelo a ua opio nei ua ninau koke mai la ua pilikua la. Ea, e ke kanaka opio mai hea mai oe; a aiahoi ihea e loaa aikela wai okeolamau loa a make ole au iolelo mai nei.
I kela wa ua hoikeike koke aku la o Kolaua i kekahi pupu o kahakai ana i hoomakaukau e ai mamua i ola honua, me ka olelo pu ana aku ua iloko nei o keia pupu kekiahi mau halu oia wai ola, a na Alahe hoi kau mea i haawi mai.
Aole i pau.
======================
He Moolelo
NO
MORIWAINA.
KE KIU O NA MEA HUNA EKOLU - KA UI I HOOLILO I KE KUA O NA LIO @ HOME NONA-
O KE KANA KA OPIO I LILO I KOA KAULANA I NA IA O KALEMANA O BOHEMIANA.
--
O ka mana i loaa ia'u ma kainoa o ke aupuni o Bohemia, oia ka'u e hoohana aku ai iloko o na la e hiki mai ana a kekuikahi ole mai na pookalauna a Europa me ka hoao ana mai e kue ia'u, alaila e Rowena, o ka hohenu o na wai uliuli o ke kaikuono o Bohemia, a i ole o ka umauma akea o na ale ahiu o ka moana oia ke kahua paio kahi a Moriviana ko Bohemia nei alihikaua i aa ai e ku aku a paio he alo a he alo me lakou malana o ka ikaika o namea kaua.
A e ke kama'liiwahine, o keia hopena weliweli i kau ia aku maluna o ke kino laahia o kuu makuahine aloha, oia ka mea nana i hoopokole mai i na la o ke ola ana o kuu luaui makuakana a ihno aku la oia ma kela aoao o keia ola ana he koa me ka puuwai noha.
Alaila e hoom,anmao oe e ke aliiwahine ua hoonele pu ia mai au me na makua ole ma keia ao, e like nohoi meikou nelek akak o na mana lani oia wale iho no kio'u hiimai i koe a o ko'u paulele ana aia no ia maluna o ka'u pahikaua hookahi wale iho no.
Ano, e ke aliiwahine ua lawa ka'u mau hoomaikeike ana e like me ka mea a kou kiekie i makemake ai.
Ua haawi hope mai la ua Rowena nei i na nana pono ana maluna o ke koa opio no kekahi mau minute, me na helehelena hakanu o ke kaumaha e uhola ana maluna ona, alaila e like me ke auhee ana o ka pouli imua o na kukuna olinolino o ka malamaolama, pela na hiohiona kaumaha a auhee akuy ai mai iaia aku, a olino hou mai la na hiona o ka hauoli, a o iakana i pane mai ai.
E ke koa lanakila; maluna ae o na mea a pau ke haawi mua aku nei au i ko'u mau hoomaikai p;alena ole ana maluna ou no kau mau hana hoaloha a hoopakele i ko'u aupuni, kuu lahui a me ko lakou kuokoa, mailoko mai o na lima pakaha o ka enemi, a he mea hoi na'u a me ko'u aupuni e hiki ole ai ke hoopoina i na o ka sekona hope loa ia o ko lakou manaolana.
Ano e ke koa lanakila, no ka hoo pokole ana ae i ka'u mau olelo, e ae mai ia'u e olelo ae maluna o ke kumuhana a ko kaua moi i hoolala ai oia hoi ka hoohui mare pili aupuni.
Ua ano e ae na helehele o ke koa opio no kela mau olelo hope a Rowena, "ka hoohui mare pili aupuni;" aka aole nae oia i pane ikio mai.
Wahi a Rowena ihoomau aku ai i ke kamilio ana: E ke koa lanakila, ma na mea a ko kaua mei i holala ai, ua loaa ia'u ka hanohano e olelo ae, ua hana oia e like me ka makemake o na lani, a ina o ia ka makemake o na lani, alaila heaha ka Rowena e hana ai, aole anei oia e kooko aku?
Ae - e hooko o Rowena e pono ai; aka, e ke koa lanakila he kue ana paha ia i kou makemake; aka no'u iho ua apono au me kela hoolala o ka hoohui mare pili aupuni, ua pono a pololei hoi na hoolala ana a ko kaua moi.
Ke haawi pu aku nei hoi au i na hoomaikai ana nou no kou haawi ana i na noonoo akahele maluna o keia hoolala mare pili aupuni, a mea i loaa he kakaikahi loa iwaena o na kane ke akahele, a me ke akahai o na noonoo ana.
O kau mau kumu pale no keia hoohui mare, o kekahi ia o na hoakakia naauao maluna o ke kahua kalai pili aupuni e hiki ole ai i ka ikaika o na medala kila ke wawahi me ka hookahe ole ia o ke koko.
Aka e ke koa lanakila, no kou kulana aole loa ia i nele mena aweawe o kekoko aliii kiekie, oiai ma ka moolelo o kou kupunakane ma ka aoao o kou makuahine a'u i lohe aimai ko'u mau makua mai, he koko alii kiekie loa oia i pili kokoke loa i ka nohe alii o Italia; he haku a he kiaaina nui hoi no roma malalo o ka moi Kale I.
O kou kupunakiane hoi ma ka aoao o kou makuakane he koa kavalia kaulana loa ia i kela au i hala lilo, a o kona moolelo, aole loa ia ihoomaikeike ia mai imua o Europa,akaua lawa nmae na hoohuoi@ i manao wale ia he koakavalia o ia mailoko mai o kekahi koko alii o ka hale o Moteneda kekahi o na mamo alii kahiko loa o Italia.
Alaila e ke koa lanakila; ina o ia kahoike a na ouli lani o ka manae hewa anei kekaikamahina alii ke olelo ae ua pono a pololei kamoi Kalemana.
No'u iho i keia wa, hemea haaheo na'u ke olelo ae, ua lawa kaua me ha haawina apau e keia mea he koko alii, a o ka kaua hana pono wale na i koe, oia no kokaua apono ana aku i keiahoohui mare pili aupuni a ko kaua moi aloha i haawi ai me kona ikaika a pau a o ko kaua hoole ana, o ko kaua pale ona no ia i ka makemake o na lani.
===================
He Ohohia Nui,
--
O ka Leo o kaLahui aia iloko o ka lokahi
O ka hookuee ana oia kona enemi.
Eia ka poe @ hookaa mai ma kalima @ na Luna:
Ian. 1 Princess Liliu Haimoeipo 1
Mrs. C. I. Hiram 5
C. W.Ashford Merchant St 5
Chas. Hopkins 1
Chas. Gulick 1
W. C. Achi 1
Wm. Kamana Kawaiahao 1
Jas. Quinn King St. 1
Wm. Rice Merchant Ss. 1
M. L. Wailele School St. 1
J. Kahiapo Leleo 1
Puakinamu Kakaako 1
J. W.Okuu Kawaiahao 1
Kaauwai Liliha St. 1
Wahinelili Kunawai 1
Ma o George Kanikau ka Luna Eleu.
Ian. 1 Kaelele Kalihi 1
Kaui Kapalama 1
Lokalia Koiuiu 1
Kakai Leleo 1
Kaluhinmoku Honokaupu 1
H. Dolo Niupaipai 1
Kumukahi Waikiki 1
Elemakule Moihi@i 1
Kahue Puahia 1
Kahailiopua Ka@nuwai 1
Kanakaole Waikiki 1
Keala Leleo 1
S. M. Mahoe Leleo 1
Meheula Auwaiolimu 1
Ma o J. W. H. Keanu Ka Luna
Ina. 1 Meleholeko 1
Haalo'u 1
Kapika 1
Hakalaau 1
Kahoiwai Kaakopua 1
Wakinekona 1
Keumi 1
Kanealoha 1
Mano 1
Keoninaone 1
C. Spencer 1
Piipii Kauluwela 1
Lahapa 1
Kaui 1
Kenahupa Puukolo 1
Paakalehua Leleo 1
Pahano Ewa 1
Kahiwaloni Waikahailulu 1
Kemiki 1
Ane Pelekane 1
Mahi Kikihale 1
Kalehua Puukolo 1
Haleakala 1
Makalii Makeke 1
Kaalele Ka@nuwai 1
Keaweiwi Koleaka 1
Makanoe Mana 1
Mio Kalaokahua 1
Palakiko 1
Kamoku Puwaiolimu 1
Kekinonoa Apua 1
C. K. Kapula Koi@iu 1
W. Mikela Hauhaukoi 1
Kaipo Kikihale 1
Opunui Haimoe@o 1
Wiliam Hoopii Kahehuna 1
@ kala. Ka Luna Eleu.
===================================
Hoolaha Hoopau Hui.
Ma keia ke hoolahaia aku nei, o ka Hui o ka poe no lakou na inoa malalo iho, malalo o ka inoa Hui KA HI'I MAIA HAWAII, ma keia ua hoopauia mamuli o ka aelike ana o na lala a pau.
ENOCH JOHNSON
W. H. CUMMINGS
W. C. ACHI
D. K. BAKER
GEO. L. DESHA
J. W. H. WAHINKAU@
C. KAONOHI
ISAAC D. IAFA
S. M. KAMAKAU
LAHAPA KEKAI
IOELA KAIANUI
FRANK ARCHER
J. PAAKAULA
J. KEAKAHIWA
J. W. BIPIKANE
S. M. KAAUKAI
JNO. F. BUSH
MRS. KAHAUNAELE
C. K. KAPULE
J. M. BRIGHT
MRS. J. C. HAAUKAI
By W. C. ACHI his @y
" " " " her
Dec. 16, 1890