Ka Leo o ka Lahui, Volume II, Number 115, 26 January 1891 — Page 4
| This text was transcribed by: | Cyndi Defenbaugh |
| This work is dedicated to: | Kaelene Ahu-Rey |
KA LEO O KA LAHUI.
"E Mau ke Ea o ka Aina i ka Pono."
HE KAAO
No
DON KUPIDOA.
KA WELI O NA MEA HUNA POHIHIHI---KE KIHAPAI PUA PAHAOHAO O KAMEPULIA—KE ALAHELE O NA MEA HUNA ELUAME KA LUAWAI KAMAHAO O TAWANIA.
Ea ae la ke poo o ua Moi ala a pane mai la me keia mau huaolelo: Owai la oe?
Owau no keia o ke alii Palani.
E kokua mai oe ia’u ano, ina he mea hiki ia oe, wahi a ka moi Henerika.
E ka moi, aole a’u hana ana aku i keia manawa, ua lanakila au maluna o keila mau keikialii.
Pane aku la ka moi, he oiaio anei kau mea e kamailio mai nei ia’u?
Ae, he oiaio e hele mai oe e nana i ike maka ai oe i ko laua mau kino e waiho mai la.
I kela wa, ua hele aku la na moi ala a ike maka iho la ina mea a pau i hanaia e Tubidoa.
Ia wa, kukuli iho la ka moi imua o Tubidoa me ka haawi ana aku i na hoomaikai.
Mai kukuli mai oe imua o’u, no ka mea ua oi aku kou ane moi mamua o’u, e ike mai oe ia’u ma ke ano hoaloha, aole ma ke ano he mea i oi ae i kou.
Iloko o keia wa, akahi no a mihi iho ka moi Henerika i kona hewa nui me kona nalu ana iho iaia iho penei:
Kahaha, ina wau i hanaino i keia kanaka e like me na manao o kela leta apuhi a keia mau keiki alii, ina peneia ka hiki mai o ka pilikia, he mea maopopo aohe o’u noho moi i keia hora.
Aka, me he mea ala na ke Akua i alakai mai ko’u noonoo aole e hookuke i keia kanaka, he pomaikai nui keia i loaa ia’u.
O ka nohea Kalawalina hoi, ua pahola mai la oia i na pomaikai he nui ia Tubidoa.
Haawi mai la oia i kona mau waiwai a pau loa, a pau me ke kihapai pua pahaohao. Honeikekula.
Oia ka ua Tubidoa ala i pane aku ai me keia mau huaolelo: Aole au e lawe mai ana i kekahi wahi lihi a me kekahi hapa o kou waiwai paa a me na waiwai lewa.
Ua laa ia nou ponoi wale iho no, aole au i manao he mau kokua ana ka’u me ka uku pu ia mai.
Pau keia mau kukai olelo ana, aole no hoi lakou nei i moe iki a hiki wale i ke ao ana.
Hoko nae o kela mau hora a lakou e ala ana, aia ka hiaai nui a me ka makemake maluna o ke kaikamahine alii no Tubidoa a e awihi mau ana oia i kela a keia elua minute.
Oia ka Tubidoa i nalu iho ai iloko iho ona me ka pane ana iho penei:
Kahaha, minamina wale no hoi ka mea ai, aole hoi e hihi ua paaneia i ke sila ia e Manuokekula.
Ina aole au i mare ia, ike oe i ko hipuu polena ia e a’u e kena kaikamahine e hooheno wale mai nei no ia mi nei.
Oiai nae e nalu ana no keia mea me kona noonoo mua ole e loaa ana no ia manao hookahi i ke kaikamaalii, ua pane maila oia penei.
Malalo o n arula maikai ke noi aku nei au i kou oluolu e ae mai oe i ko’u makemake e pahola aku i kekahi mea a’u i manao ai e pahola aku i mua ou.
Pane maila o Don Tubidoa, ua ae au i kau mau mea pau kamailio mai ai aiai au e noho a na maanei.
Mahope iho o keia mau kukai olelo ana o lakou, ua koi aku la o Tubidoa i na’lii e hoi laua e hooluolu aka, ua pane maila ke kaikamahine alii aole laua e hoi ana e moe no leka koena po oiai, ua maka’u loa ia laua no kela mau keiki alii malia o kii hou ma@@ ua e pepehi.
Ala wale aku la no lakou a hiki i ke ao ana.
I ka oili ana mai o ka la i ke kakahiaka ua pahola aela ka lono ma na wahi a puni ke kulanakauhale no ka powa ia ana o ka moi e na keiki alii a me ko laua hopuoio ia ana e ke alii o Palani.
He nui a he lehulehu wale na olelo e pili ana no keia powa ia ana o ka moi aka, e hoopokole kaua i ke kamailio ana maanei e ka mea heluhelu, oiai he mea hoololoiahili wale noia i ko kaua makemake.
E hoomanawanui iki iho kaua e makamaka heluhelu a poakahi.
Aole i pau.
KUAI HOOPOHO LOA !
No Ekolu Pule Wale no !
E HOOMAKA ANA MA KA POAKAHI LA 15 O DEKEMABA,
NO KA POMAIKAI O KUU LAHUI PONOI.
E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i ko’u mau waiwai a pau ma ke dala kuikie, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laula, he 7 I-a na ka $1.00.
Na KINAMU, he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine i kino hinohi ta, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o na wahine, 10 keneta no ka mea hookahi, a pii aku.
Na Ka MaA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA.
Na PALULE hana o na kane mai ka 40 keneta a pii aku.
Na PALULE huluhulu mai ke 40 keneta a pii aku.
Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai kooemi ia aku ana, mai hoohakaliu i ke kipa mai iloko o keia mau I’ule Elkola wale no e loaa ai ka makepono loa o na mea kuai ma ko’u hale.
F. MOSES KEUMI.
ALANUI MOI. tf----d
PAPA KUHIKUHI
O
KA HUI ALAHAO A ME
AINA O OAHU.
E HOOMAKA ANA MA KA LA
25 O OKATOBA, 1890.
MANAWA HOLO:
A.M. A.M. P.M. P.M.
Haalele ia Honolulu *6:15 8:45 1:45 4:30~
Hoea ma Honouliuli *7:15 9:49 2:49 5:28~
Haalele ia “ *7:45 10:51 3:51 5:50~
Hoea i Honolulu *8:40 11:55 4:55 6:45~
* Lapule wale no.
~ Poaono wale no.
Oct. 21, 1890 tf---d.
H. P. K. Malulani.
HE D@IO a he hookapeke olelo m a ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au, i ka la’i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio. Nov 8’90, d---ly.
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kiewe maikai a makepono no hoi ke kumukuai, e loaa no au ma Haimoeipo, Hale Kaa o ka Moi, a i ole i ko’u home paha.
MRS. C. I. HAIRAM.
Haimoeipo, Honolulu, Oct. 8, 1890.
3ms---d.
Olelo Hoolaha.
Ke kauoha ia aku nei na kanaka a pau i aie ia C. I. HIRAM i make, e hookaa koke mai i ko lakaou aie ia MRS. C. I. HIRAM, ai ole ia, ia D. DAYTON. O na poe a pau e hookaa ole mai ana a hala na la he 30 mai keia la aku, e Loopii ia no lakou e like me ke kanawai.
MRS. C. I. HIRAM.
Haimoeipo, Honolulu, Oct. 8, 1890.
3ms---d.
|
Hoolaha Hookapu.
Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea aha e kue ana i keia, e hopu ia no lakou a hoopii ia ma ke kanawai.
MRS. C. I. HIRAM.
Haimoeipo, Honolulu Oct. 8, 1890.
3ms---d.
A. J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke, kau, hale, a me na mea kula o kela a me keia ano, ne waipake loa ka auhau, a pela no hoi me na mea i paa mua. O ka mea e holo ana ia kaua oia ka’u e hana ai.
ALANUI HOTELE [Malalo o ka Alinetona] Oct. 27, 1890. tf-d.
Hale Kuai Wati Nui
HELU 1
No C. Ah Kau.
Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na loako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai na hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ai a i keia oihana me ka emi loa a e hana hou ia na wati u me na lako gula me ka hikiwawe a me ke emi loa. E hoeuna mai i na kauoha ma ka Pahu Leta Helu 268.
E naue nui mai, a e ike no oukou iho. O na mea hoa loa wale no i ike mua ole ia ma Hawaii nei.
C. Ah Kau.
NA LAKO DALA !
HE $5,000 KA WAIWAI IO
MAI NA MEA ANIANI, A NA KII. (PRINTED VERTICALLY WITH A PICTURE OF
A MEA PAANI A ME NA LAKO DALA. AN ELABORATE CONTAINER)
E Haawi Makana ia aku ana.
Na Lako Dala ! Na Lako Dala !
$2.50 -----NO 30 LA WALE NO.----- $2.50
I ka Poakahi, Dekemaba la 8, 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.
Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.
A i ole, o kekahi mau Makana o na lako
Wai-Dala.
E Alawa ae ma na Pukaaniani o ko
Makou Halekuai alakai. i
ike i ke Ahua nui o na
Makana Makamae
a Makou i ko Ma-
kou poe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE KIHI O PAPU ME HOTEL Daily tf
Hoolaha Hou !
B. F. EHLERS &CO., ----Painapa.
Ua loaa mai nei ia makou he mau waiwai hou loa, oia hoi na
KAKIMIA,
KINAMU,
KEOKEO HALU’A,
CHALLI.
VIKOLIA KEOKEO
----A ME NA----
Mikilima o na ano a pau, a me na paku puka aniani o kela a me keia ano, no na kumukuai haahaa loa. B. F. EHLERS & CO.
Alanui Papu, Honolulu. ---25—d3m.