Ka Leo o ka Lahui, Volume II, Number 114, 23 January 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

The Lay of The Tow-Line.

Come all ye Master Mariners, who sail to this yer port;

We’ve a trim steam craft of@0 ft. draft and a towline we can sport,

We can lug any rig from a scow to a brig; or two if it comes to that.

And if you don’t believe us, just come aboard and inspect the flews and draft and the shaft and the 125 pound biler; but don’t believe that yarn about the Admiral’s Hat.

 

                                    Telephonic News.

 

            The P. C. Advertiser says that Captains are now thankful tha the Eleu. Is on he regular berth for towing vessels, and presumabby is glad for that class whom the Cook of the Akamai undertook to take out a few days ago.

 

            The trouble at the Caroline Islands will undoubtedly be enquired into by Uncle Sam.  The statement of an English officer to the S. F. Chronicle thast “ allegations were freely made that some missionaries pay more attention to their own aggrandizement than to the welfare of the people among whom they are supposed to be laboring in the cause of religion.”  Is only what has happened, and is happening elsewhere.  However this may prove to be the Spanish power if to-day is not much more civilized in its dealings with what they term inferior races, than the ssame power was in Mexico in the days of Montezuma, when as an eminent writer said,  “Spain extinguished a civilization superior to he own.”  It is a chance for the vigorous Blaine to show his hand at once in the cause of humanity and national honor; with all the world at his back.  Let the Spaniards be driven out of the Carolones, and Cuba be placed where mature intended her, under the stars and stripes designes.

                                               

                                                Towing in 1891

 

            Mr. Cook “master of the Akamai” has written a sympathetic letter to the Bulletin in which he spreads out some of the melancholy history of the towage event of last Saturday.  We learn that the owner was not on board when the Irwin was in tow, therefore our credulity was imposed upon in the matter of the cocked hat incident; but we can’t help congratulating all hands on board on the owner’s absence, or Cook might have gone up the flue instead of the cocked hat, and served him right for not having had steam up sufficient with a boiler tested up to 125 pounds.  The cap’n wants us tp put up coin that he “can tow two such vessels as the Irwin.”  If we accepted the offer he might go round trying to get the vessels, and our fear of being accessory to the incarceration of a fellow citizen in a lunatic asylum, is even at higher pressur than that boiler,  Moreover we don’t care to take chances on nautical problem,  the cap’n might take to towing three W. G. Irwins at a time, and where would our coin be then?  Having given the cap’n cheap ad. In our dailies, we hope he will stand the cham.

            N.B. We did not know our columns were going to be reproduced in the Advertiser, or we would have saved the cap’ns feelings by adding “This is a goke.”  Our little yarn was intended for the nursery.  If the captain or cook will stand a 5 (to uncork the necessary inspiration) our poet will write a euolgy – high pressure – in five stanzas, one verse mamuahi.

ALAHELE NANA ALANUIAC.  N. SPENCER, KUHINA KALAIAINA MA KA LUA PELE.

 

            Haalele makou i keia wahi a pii wawae aku la makou a hiki ma kahi e ku nei o na hale lole o ka mea ana-aina, hoomaha iki malaila a pii hou aku la e nana no kahi aku i koe o keia alanui. A li’uli’u iki, hoi hou mai ke Kuhina me ka haole ana aina, o ka hora 5 ia o ke ahiahi, a kua hoaumoe iho la ke Kuhina ma ia po ma keia mau hale lole a owau hoi ua nonoi aku la au i ka lokomaikai o ke Kuhina e hookuu mai ia’u e moe ma ka hale laumaia o ke kanaka kahi olona, no ka mea ua ike au ua piha loa na hale, aohe wahi kupono e moe ai, no ka mea, he elima haole. Ekolu kanaka a me hookahi pake kuke eiwa ka nuil

            Nolaila ua ae mai la kela ia’u me ke kauoha mai ia’u e hiki aku au ma kahi hoohuina o keia mau alanui elua, mamua ae o ka hora eiwa kakahiaka, a hiki ia manawa alaila hiki mai ke Kuhina a hiki pu mai no hoi me kekahi poe e ae.

            Haalele makou i keia wahi ma ka hora 9 kakahiaka, a kamoe aku la no ke alanui mua no ka Luapele,  Ma keia alanui, e waiho mai ana na pohaku i hoopahu ia, ma kahi o ke alanui i manao ia e hana ia aku ana.  Ma keia alanui a makou e pii nei; ua hai mai ke Kuhina ia’u, o ka huina dala no ka pauka wale no, he hookahi tausani eono haneri dale no ka mile, me ka helu ole ia o ka uku hana o ke kanaka ma keia hana ana iho nei, a ina pela wahi ana, he elua haneri tausani dala paha alaila paa keia alanui Pele, nolaila ke kumu o ko’u hoihoi hou ana i keia alanui ma ka ululaau, he mau pomaikai e loaa mai ana i ka Lahui ma keia alanui.

            Pela makou i pii hoomau aku ai a hiki i Palauhulu, ike aku la makou i ke ahi e a mai ana; eia ka ua kauoha aku ke Kuhina i na kanaka waele alanui e ho a mai i ke ahi i maopopo e hana.  Ma ka nana ana o makou, ua pii pololei mai la no keia alanui a hiki i kahi a makou e ku ana, ua manao ke ana aina he eloma paha mile mai kahi o ke ahi a hiki ia makou a he eono mile hoi i pau i ka hana ia, a ina pela alaila he umi kumamakahi mile ka loa mai ka huina o na ala elua o kai a hiki i Palauhulu i manao ia he nui ka pohaku pahoehoe paakiki ma kekahi wahi, a aohe no hoi ma kekahi wahi; pela makou i pii hoomau aku ai a hiki i ka hale kookipa, ka Hotele o Ka Lua-pele i ka hora 2 auina la.

            Ma ka lolomaikai o Mr. J. H. Maby ka mea malama Hotele, ua hookipa ia aku la makou ma ka rumi hookipa, a o na wahi koloua o makou komo aku la i ka rumi lio a he mau kukai olelo ana ka makou ia manawa a makaukau ka ai, kii ia mai la makou e ai, no ka mea ua pololi makou ma keia hele ana.

            Pau ka paina ana, ua hoomaha iki iho la no kekahi mau hora a hi ki i ka hora 5 ahiahi; o ko makou iho aku la no ia, owau o ka haole ana aina a me ke kanaka alakai, me na ipukukui pakahi ma ko makou lima a me na laau no hoi.

            O ka loa o keia wahi a makou e iho nei, ua hai mai ka mea malama Hotele, he 3 mile me ka hapa alaila hiki aku i ka luapele, kahi hoi e a nei ka pele, he hookahi hora me ka hapa hiki makou i ka lua,  I ko makou hiki ana aku; aia no ke ahi ilalo o ka lua kahi i nakulu ai, me he hekili la; ia manawa ua hoomaikai mua aku la au i na mana Lani no Kana mau hana k@@anaha a ku i ka weliweli ke nana aku; a pau ia manawa ua hoomakaukau iho la au e kiola aku i ka makou wahi makana ma ko’u lima e paa ana; a kiola aku la au iloko o ke ahi.  Aole i hala he mau minute mahope iho, me ka hakaha ole, ua pao ia nai la kekahi pali hui mamua o makou a puka ma kekahi aoao, me he mea la he ma lihini kana ua hiki mai, a e wehe mai ani i ke pani-puka o kona hale, aole i emo ua piha koke ae la ka lua i ke ahi a hu mai la ma keia puka a holo ae la a puni owaho o ka lua a me kahi a makou e ku ana aole he wahi ahi ole, ua manao au o ko’u manawa hope loa kela, a aole hoi e ike hou i na maka o ko’u mama a me ka ohana; a o ka haole ana aina keia, ua holo aku la ma kahi e, me ka huhu ia’u; me ka i mai e hoi koke makou o make auanei no ka mea, ua nalowale ke alanui e hoi aku ai.

            Haalele aku makou i ka luapele i ka hora 7, a hiki i ka Hotele ma ka hora 9, a hoaumoe iho la ma ia po. O ka mea hou ano ohi a makou’i loha ai mai ka haole malama hotele mai, ua hiki mai o J. Kakina me kekahi mau haole no ka hookuene ana i ke kahua o kekahi hotele nui e kukulu ia aku ana ma keia hope akku, ke maopopo mai ka paa ana o kela laina hou mai ka hema mai a hiki i Hilo a ina pela, alaila e lilo ana ke kulanakauhale o Hilo i wahi waiwai loa i like aku me Honolulu nei ma keia hope aku.

            Poakolu, Ianuri 14, haalele makou i ka hotele i ka hora 7 no ke taona o Hilo a hiki i ka hapalua o ka hora 2 auina, hookuu mai la ke Kuhina ia’u no ko’u wahi, a hele hou akku la me ka haole ana aina no ke ana ana i kahi e hoomoe aku ai i na paipu wai no ke taona o Hilo, kahi hoi a ka ua noho mau ana.

            Poaha Ianuari 15, halawai hou maua ma ke alanui, e hele ana e ana i ke kahua o ka halema’i o Hilo, mauka ae o Mokuola.

            Ma keia huakai hele a ke Kuina Kalaiaina, he kala’e na Lani, ahuwale na kuahiwi, a o ka mauna hoi o Maunakea e aahu mau ana i kona kahiko.

            O ka pau keia o ka maua huakai makaikai no ke alahele.  Owau no me ka oiaio.

                                                                        J. ALAPAI.

Homelani, Ian. 15, 1891.

 

                                    HOOLAHA A KA PUUKU.

 

NO NA HOOKUPU NO KA LA KUOKOA O KA LAHUI HAWAII.

 

            I na Hawaii a pau, ke poloai aku nei ka mea i kohoia he Puuku no ka wa, no ka malama ana i na hookupu, e loaa no oia na ke Keena o ka LEO O KA LAHUI i na la a pau, koe ke Sabati, ka la ehiku o ka hebeloma, e lawe i na hooku pu a ka poe i aloha i kona aina hanau, i makee i Kona Kuokoa o Hawaii Ponoi.

            I mea e maopopo ai ke ano o keia hookupu. Ke hoike aku nei ka puuku, penei.  Ua noa ka hookupu i na Hawaii a pau, i na hookupu dala, a me ai paha.  He mau haneri dala kai hookupu ia i ke ia manawa, a he 10 bipi, he 20 mau puaa,  E hoike ia aku ana no ka papa inoa hookupu i ka wa e pau pono mai ai o ua hookapu ma ko’u lima.

                                    Ma ke Kauoma,

                                                            JNO. E. BUSH.

 

            I ka Poe Lawe Nupepa.

 

            Ke poloai aku nei makou i ka poe heluhelu e lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa.  No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Papapala hookaa, he mea hoi e maopopo ai, ke ulu ae ka hele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu a ina aole io maoli no na luna ka hewa, alaile, e kala ia makou no ke oki ana aku i ka poe hookaa ole mai i ka lakou nupepa.

                                                J. E. BUSH.

 

Na Waiwai Hou o na la Kulaia ma ka Halekuai

 

                                    O

GOO KIM—KUKIMA

 

UA WEHE AE NEI MAKOU I NA WAIWAI HOU LOA I HOEA

   Mai nei, i kupono no na La Kulaia e hiki mai ana.

 

Na HAINAKA SILIKA i kuni ia,

Na HAINAKA LILINA keokeo a pela aku,

Na KIHEI SILIKA lau o kela a me keia ano,

Na HULUHIPA o na wai hooluu like ole,

Na KII paani a na kamalii, o kela me keia ano

Na PAHU WELEWEKA, BUKE KII, a he lehulehu wale o na makana makamae.

 

            Na Lele Tela o na Keonimana i hana ia me ka noeau a holopono no hoi.

 

                                    GOO KIM MA.

 

ALANUI NUUANU.                                                Dec. 15, 1890.

 

 

KA HUI KAA ENTERPRISE.

 

Ua kukulu ae nei au i kekahi HUI KAA Eleu ma ka aoao ino o KALAKAUA HALE ma Alanui Kalepa.

 

Ma ka Huina Hoolulu Kaapio Helu 13.

 

O na  kauoha a pau e hoouna ia mai ana ma ke TELEPONA  mai na makamaka mai ma na wahi a pau o ke kulanakauhale nei, e hoo ko koke ia no me ka piha eleu o ka uwila.

 

                        E Hoao i pau Kuhihewa.

                        WALLACE JACKSON,

                                                            Luna Nui.

 

TELEPONA BELE HELU .......113

                  MATALA.............690

 

 

 

            Hoolaha Hookapu.

 

Ke hoike ia aku nei ka lohe i na ano kanaka a pau loa.  Ua hookapu loa mana i ko maua mau Apana Aina ekolu i kapaia o Kalaheo, Kahaleula a mePuuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e mana, a i ole ia, e ko maua mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia , me DAVID DAYTON, a i ole ia KUKA.

                                    Owau no me ka haahaa, MRS. C.I. HIRAM

 

Honolulu, Oahu, Oct. 8 1890.

 

NO KA KPOE MAKAIKAI

            MA KA

OL R. & L. Co.

MA KA I’A HAMAULEO O EWA.

 

O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45 p.m. o na Poaono a pau.

            No ka auhau, aohe elelo ana, he hookahi wai o ka iike, mai ka iiko a ka laele.

 

OIA HOI, HE – 50 keneta, hiki i Manana a hoi hou mai 75 keneta, hiki i Honouliuli a hoi mai.

 

O keia ka manawa pono e la’i ai ka holoholo hoohala manawa, me ka hanu ana i na ea oluolu maikai, no elu wahi keneta wale no ka mile.

                                    Oct. 8 1890

 

 

Ka Hui Uwati Kaleponi.

 

            Na uwati gula o waho, hoopiha ia, me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka pule hookahi.  E kipa ae io                 

           

            A.J. SCHREIBER  Agena

Alanui Hotele, malalo iho o ka Hotele Alonetona.

 

 

KAUKA  YONG KAM PUNG

 

HELU 53, ALANUI MAUNAKEA

 

Ke Kanka Loea o ka Aina Pua.

 

UA HIKI KE HOOLA IA KELA A me keia ano ma’i, mai ko na kane wahine a me ko na keiki liilii.  O na ma’i ha-no, ua hiki loa ia ke hoola ia me ka maalahi.  A o na ma’i e pili ana i ka maka, pau pu ia i ke ola.

            Ke hoike ia aku nei, eia ke ola ianei me ka oluolu pu o ka auhou.

            E KIPA mai e ka poe i hooluuinu ia me na haawina pilihua i ka ma’i a na’u oukou e hoola aku.

 

KAUKA YONG KAM PUNG.

 

            Augate 25,