Ka Leo o ka Lahui, Volume II, Number 114, 23 January 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU.                        IANUARI 23, 1891.  Helu 111

 

He Moolelo Nanea.

No ke

Kamaliiwahine Laulie

Aiole

HE NANEA KAMAHAO NO KA

HULU GULA O

KIBERIANA.

 

He Kaao kahiko no Helene.

 

MOKUNA V.

 

            No na keiki hoi a ka makani akau aole i maopopo ko laua hopena a me ko laua wahi i lele hou aku ai mahope iho o keia hakaka ana; no ka mea aole o Kolana ma i ike hou ia laua mahope mai; a wahi nae a kekahi poe o Helene e pili anano keia moolelo, mahope iho o ka make ana o na luahine kino moo ua hoomau aku la no laua i ka lele mau ana i ka po a me ke ao e kaapuni ana ho@ i ka honna i kela a me keia manawa a hiki wale i ko laua @mi liilii mau ana ilalo no ka maluhiluhi a oopa i kela a me keia minute.

            Hoao ae la laua e hooikaika hou, aka nae aole e hiki, no ka mea u@ ikaika ka pololi a me ka makewai maluna o laua, nolaila ua hauleiho la laua ilalo iiuna o ka piko o kekahi mauna ma ke ano he luaahi na ka make, a na kekahi kanaka hahai holoholona i huna i ko laua mau iwi malalo o Lenoa, a no na haneri makahiki i kaa hope ae nei ua lilo i mea makaikai nui ia ko laua wahi i kanu ia ai, no ka mea e kau mau ana ke anuenue ma ia wahi i ke ao a me ka po, a ike pu ia ana hoi kekahi eleinakule e uwe mau ana maluna o ko laua mau heena ma na la makani nui a pau, a ua manao wale ia o ko laua nani no ia ka makani akau. Aloha ino.

            A ua olele pu ia no hoi maloko o keia nanea a kaua e hooipo nei, pela iho la i pau ai ka ike ia ana o ua mau luahine deragona la ma ka aina o Momianu a hiki i keia la, a o ka ino nae a me ka makani e ike mau ia ana ia mau mea ma ia aina aole he wa e pau ai.

            No Kolana hoi a me na keikialii i koe, ua hoomau hou ake la no lakou i ka holo ana maluna o ko lakou moku no ka hikina a ka la, e alo ana hoi iloko o na ino he nui o ka huhu o ka moana, oia hoi ke kai a kakou e kapa nei i keia manawa o ke kai Eleele, aka i ka poe Helene iloko oia au pouliuli o ka moana Eukine.

            He kanawai loa ka poe Helene i keia moana iloko oia mau la mai kahiko mai, a he mea maka'u loa hoi na lakou ka hookokoke ana ma kona mau palena a me kona mau huna kai, kona mau pukoa nunui, na paou nani o kona mau kahakai, a pela aku; a he nui no hoi a lehulehu wale ko lakou mau moolelo pahaohao e pili ana i ua moana la, he hoopunipuni a make eleele i ka iho-hee kekahi oia mau moolelo, a o kekahi hoi ua awili iki me kekahi mea oiaio, a ke waiho nei hoi kekahi oia mau mea a hiki i keia la.

            Ua olelo lakou maloko oia niau moolelo eia keia moana ke hai a ke ko mau nei i ka akau apili i kahi i hu ai ka lani a me ka honua, kahi hoi a ka pouli e poipu mau ana a puni ka makahiki, oia hoi kahi a na uhane o ka poe make e noho ai, a aoole hoi e ike ia ka la ka makina a me na hoku ma ia wahi.

            Aka no Kolana ma nae mahope o ka meheu o ka hulu gula, ua lilo i mea ole na kapu o ua kai la ka hehihehi ku ia e ko lakou halelana mai kekabi ohuku aku a kekahi, e holo ana hoi i ka makani holo i ka hoe, a ke nana aku ia mua o kaihu o ko lakou moku ua hele a kuakea i ke kai.

            Ua hoomau ia keia holoana imua me ka hoomaba ole, no ka mea he kai wale no ka mea e hoholu mai ana mamua o lakou ma na aoao a pau aole he mau kapakai e pili aku ai e like me ka manao o kahi a ke ike o ka maka e lele aku ai.

            Oiai lakaou e holo ana, ua huli mai la o Opera ke keiki al@i o na mea kani olelo mai la ia Kolana kokoke kakou e hiki i na puko'a eleele, kahi hoi a kuu makuhine i olelo mai ai ia'u, po@aikai ke kananaka ola e pakele ana i ka, make mai a laua aku, no ka mea--

            Aole nae i oau pono na olelo a Opera, aia hoi hooho mai la ka mea e ku ana i ka hoe uii ua ike aku la oia mamua pono o ka ihu o ko lakou moku i kekahi mau mea uliuli me he mau puu pohaku la.

            He lono ano nui keia i lohe ia ae iloko oia mau minute maluna o ka hokua o na ale, nolaila ua koi ia aku la na maka o ua poe keiki alii la e nana hoomau aku i ua mau pu ko'a nei no kehahi mau minute, a e like me ke loihi o ka lakou holo ana pela ka pii mau ana ae o ka nui o ua mau puko'a la i kela a me keia minute

            Oiai ka la e kiola pau ana i kona malamalama, ua hulali anapa mai la ua mau puko'a la e like me ke aniani, a e pii ana hoi ke kai a kokoke e ae maluna o laua me ke amio ana o ka makani me ka ikaika a ke hiki ke kanaka ma ia wahi aole he manao ana i koe no ke ola.

            I ko lakou kokoke ana aku lohe aku la lakou i ka ku a ka inakani a haalele wale me ke kuehu ana i ke kai, a e hooku'i ana hoi i na ale elua i kahi hookahi me ka ikaika, a o ka halulu ua hiki ia ke lohe ia no kahi loihi.

            Aole i pau.

 

He Moolelo

NO

MORIWIANA.

 

KE KIU O NA MEA UNA EKOLU--

KA@ I HOOLILO I KE KUA O NA @O I HOME NONA -- O KE KANA KA OPIO I LILO I KOA KAULANA @NA IAO KALEMANA O BOHEMIANA.

 

            Ua kahiko na kaikamahine alii la me kona aahu hooilina kalaunu piha o ke aupuni o Helevitia, e owaka ana kona mau n@ku alii ma ke alo o kona umauma ka mea hoi a ke koa opio o Moravia i na la aku i hala i ike ole ai; a akahi wale no i keia la, a maluna ae o na mea a pau, he kulana alii piha ihiihi o ke kapu kona e hiki ole ai i ke kaulana o ka inoa o ko koa opio ke hihi iho @lalo, aka e nana aku no na mea @ hoea mai ana.

            Ae e kuu makaniaka e nana aku kaua no na mea e hoea mai ana iloko o na minute pokole i koe, a na ia manawa e hoike mai ia kaua i ka hopena o kela koi hoohui mare a ka moi Kaleuana mawaena o ke koa opio Moriviana a me ke kaikamahine alii Rowena o Helevitia.

            E like me ka kaua i ike m@ha o ka hakanu maluna o ke keena a ka moi Kalemana me kona alihikaua opio a me kama'liiwahino e noho ana, a o ia mau minute meha a me ka hakanu, na wawahi hou ia ae ia e na olelo a ka moi Kalemana mahope iho o ka hala ana ae o mahope iho o ka hala ana ae o ekolu minute o kolakou noho ekomu ole anna.

            Wahi a ka moi Kalemana: E Moriviana kuu hoaloha, ua kaupaona aoei oe i kou noonoo ana no keia kumuhana, a i ole ua makaukau anei me kau olelo hooholo o ke kaulike?

            E hoomanao e Moriviana ke koa lanakila i koe a Europa e noho aie nei o kou hoole ana mai i ka'u mau hoolala ana o kou'hoolilo ana mai no ia ia Kalemana e hoi hou aku i hope i kona mau la o ka noho'na kuewa, a o ka mana hoi o kona noho alii i mea weluwelu liilii.

            He hapalua minute ka loihi o ka manawa a ke koa opio i haawi mai ai i na hoolohe ana no na olel@ kona moi, alaila luai mai la oia i keia mau olelo:

            E kuu moi, wahi a ua opio la me ka leo malie: O kau ninau ia'a no ko'u haawiana i ko'u mau nooaoo akahele, a me ka'u olelo hooholo maluna o keia hooh@i mate; e ae mai ia'u e hoomaikeike pokole aku i nakumu o ko'u hoole ana, e like me kau i hoike mua aku ai ia oe no ko'u ano pela no wau e olelo hou aku nei o keia hoohui mare mawaena o'u a me ke kaikamahine alii o Helevitia, he hoohui mare ia o ka haahaa loa, oiai au e paa ana i ke kulana he koko makaninana.

            Aole ma ko'u ano he koa @nakila a kaulana, aole ma ko'u lilo ana i keiki alii i poni ia no Bohemia nei, a aole hoi ma ke kulana he alihikaua no kona mau mana kaua, oia ka mea nana i koi ia Moriviana pela oia e lawe ai i ke kaikamahine alii i kokoolua nona ma keia ola aua.

            Ea, e kuu moi e aho Moriviana e lawe i ke kulana o ka noho meha meha ana e like mena Moneda, mamua o ko'u kapa ia ana mai ho kaneka hobe wale, aka i mea e ho@luelu ia ai kou mau manao e kuu moi, ke waiho aku nei au na ke kama'liiwahine kalunu o Helevitia e haawi i ka olelo hooholo no ka mea o kaua i pono.

            O keia mau olelo a Moriviana o ia ka Kalemana i huli ae ai a kunou aku la i ke kaikamahino alii Rowena me @lusi pu ana aku i keia mau o@lo:

            E kuu Rowena; ka hoku alohilohi o kuu mau la kuewa, ka pauwai koa hoi i haawi me ka wiwo no ka pono oko'u noho alii a me ko'u aupuni, ua hala ia mau la o ka weliweli a me ka inea, a i kei la eia kaua maluna o kekahua onipaa o ka noho'na nialuani@, ka mea a kein opio koa nui wale i haawi ai me kona ola hookahi no ka hoihoi hou ia mai o kona hanu.

            Ano e Rovena i keia la, ein oe a me a'u maluna o na ninau pili aupani, ka mea a'u i hoolala ai o ka hoohui ana ia oe maka mare me ke koa lanakila o Europa, he mea ia hoonipaa ia ai ka nohono hoaloha a pili makamaka o ko kaua mau aupuni me ko keia koa wiwo nui wale.

            O na hilinai hope loa ana o ko'u mau manaolana, aia no ia maluna ou e kau Rowena, o na kumu pale a ke koa lanakila i hoike mai nei, ua loaa ia'u ka haaheo e olelo au he mau kumu pale kupono ole ia a'u e hewa ole ai ke olelo ae, ua loaa iui@ ke kulana piha ma ke koko alii @ like me ko ka@a.

            Ae e Rowena o keia kanaka epio o ke koa nui wale, he opio oia i hoea m@uloko mai o ka ohana koa a wiwo ole o Morenedai, kela kanaka hookahi a Europa i aie ai a luaui makuakane o ka opio nei, a oia no hoi (Morenedai) kela kavaha kaulana loa o Italia i ke au o ka moi Kale I.

            Aole i pau.

 

He Ohohia Nui,

 

O ka Leo o ka Lahui aia iloko o ka lokahi

O ka hookuee ana oia kona enemi.

Eia ka poe @ hookaa mai ma ka lima o na Luna:

 

Ian. 1   Princess Liliu Haimoeipo        1

            Mrs. C. I. Hiram                      5

            C. W. Ashford Merchant St   5

            Chas. Hopkins                         1

            Chas. Gulick                           1

            W.C. Achi                               1

            Wm. Kamana Kawaiahao       1

            Jas. Quinn King St.                 1

            Wm. Rice Merchant SS.         1

            M. L. Wailele School St.         1

            @. Kahiapo Leleo                   1

            Puakinamu Kakaako               1

            J. W. Okuu Kawaiahao           1

            Kaauwai Liliha St.                  1

            Wahinelili Kunawai                1

 

Ma o George Kanikau ka Luna eleu.

 

Ian. 1   Kaelele Kalihi                         1

            Kani Kapalama                       1

            Lokalia Koiuiu                        1

            Kakai Leleo                             1

            Kaluhimoku Honokaupu         1

            @. Dolo Niupaipai                  1

            Kumukahi Waikiki                  1

            Elemakule Moihi@i                1

            Ka@ue Puahia                                    1

            Kaheihopua Ka@anuwai        1

            Kanakaole Waikiki                  1

            Keala Leleo                             1

            S. M. Mahoe Leleo                 1

            Meheula Auwaiolimu              1

 

Ma o J. W. H. Keanu Ka Luna

 

Ina. 1   Meicholeko                             1

            Haaio'u                                    1

            Kapika                                     1

            Hakul@au                               1

            Kauoiwai Kaukopua               1

            Keumi                                     1

            Kanealoha                               1

            Mano                                       1

            Keoninaone                             1

            C. Spencer                               1

            Piipii Kauluwela                      1

            Lahapa                                                1

            Kaui                                        1

            Kenshupu Puukolo                  1

            Puakalehua Leleo                    1

            Pahano Ewa                            1

            Kahiwaloai Waikahalulu         1

            Ke@iki                                    1

            Ane Pelekane                          1

            Mahi Kikihale                         1

            Kalehaa Puukolo                     1

            Haleakala                                1

            Makahi Makeke                      1

            K@alele Kamanuwai              1

            Keaweiwi Koleaka                  1

            Makanoe Mana                       1

            Mio Kulaokahua                     1

            Palakiko                                  1

            Kamoku Auwaiolimu              1

            Kekinokou Apua                     1

            C. K. Kup@ Soimu                1

            W. Mikel Huuhaukoi              1

            Kaipo Kikil@le                       1

            Op@nni Haimoeinn                1

            Wiliam Iioopii Kahehuna        1

            Kanemiakala, Ka Luna Eleu.

 

Hoolaha Hoopau Hui.

 

Ma keia ke hoolahaia aku nei, o ka. Hui o ka poe no lakou na inoa malalo iho, malalo o ka inoa Hui KA HUI MAIA HAWAII, ma keia ua hoopaula ma@ali o ka ao@like ana o na lala a pau.

ENOCH JOHNSON

W. H. CUMMINGS

W. C. ACHI

D. K. BAKER

G@O. L. DESHA

J. W. H. WAHINEAUA

C. KAONOHI

ISAAC D. IAEA

S. M. KAMAKAU

LAHAPA KEKAI

IOELA KAIANUI

FRANK ARCHER

J. PAAKAULA

J. KEAKAHIWA

J. W. BIPIKANE

S. M. KAAUKAI

JNO. E. BUSH

MRS. KAHAUNAELE

C. K. KAPULE

J. M. BRIGHT

MRS. J. C. KAAUKAI.

By W. C. ACHI hie Atty

" " " " her

Dec. 16, 1890