Ka Leo o ka Lahui, Volume II, Number 111, 20 January 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Telephonic News.

 

His Majesty is at San Francisco, indisposed, having caught a cold, how seriously, we do not know. He is said to leave by the 28th or 30th, inst. in the U.S.S. Charleston, which vessel was at his disposal no later than the 24th inst.            The Irish man-of-war, formerly known as the "Akamai," now commanded by Rear Admiral Bowler, undertook the Herculean task of towing the W. G. Irwin out of Port on Saturday. The Admiral ordered the chief cook to "fire-up there Mickey," and when the bow legged shaft revolved, it knocked the box into smithereens, one of which hit the Admiral on the rear end of his cocked hat, which in its turned dropped down the engineroom an scared the chief engineer, who shoved the hat in the furnace thinking it was the scalp of old Nic himself. When the Admiral had sufficiently recovered to mount the quarter-deck again and box the compass, he found the Captain of the Irwin had cut loose the towline, which fact was only discovered when the Admiral found he was going full speed at the rate of half a knot an hour.

 

He Ninau na Ewa me Waianae.

 

E KA MEA HANOHANO:

 

Aloha kaua a nui loa:- No ka loaa ana o ka manawa kupono e kau leta aku ia oe, malalo o ke kono a na makaainana o ka Apana o Ewa nei a me Waianae, nolaila keia ninau, i ke ano o ka hana a ko makou mea hanohano iloko o ka Hale Ahaolelo o ka M. H. 1890. - no ka mea, he hoohuoi loa makou i kana mau hana. O ke kolu keia o kona hele ana i ka hale kau kanawai, a he ekolu no ka nele o ka apana i kahi pono. He kupanaha keia hoonele ia o Ewa a me Waianae, nolaila makou e nonoi aku nei i kou oluolu e hoike mai oe i ke kumu a me ke ano o kana mau hana. Ua hilinai ka apana o Ewa a me Waianae maluna ou me ke koa kaulana iho, a o ka olua mea e hana ai, oia ka makou e hana aku ai o ka apana o Ewa a me Waianae nei. Ua lawa makou maanei, a e kala mai oe i ko makou a'e ana ae i kou hanohano. Me ka oiaio,  A.K. Halawa, Ewa, Oahu, Jan. 9, ´91.             (Ma kekahi manawa makou e pane aku ai i keia poloai a na makaainana o ka aina i'a hamau leo a me ka ohua pa-lemo. -L. H.)

 

Na Hana a na Kapulu.

 

E ka Lunahooponopono:         Welina kaua:-  Nui ko makou aloha Hape Nuia ia oe. E oluolu oe e hookomo iho ma kahi kaawale o ka kaua pukonakona i keia wahi mea hou a @hoa‘ia‘i ae i ke akea.   Ua hoonoa ia mai nei o Noa i Lunakanawai no ka apana elua o Hana nei. No makou iho, na kupa o Kaupo nei, ua noho pu, ai pu a launa pu. He kanaka oluolu no, inu rama no a he ona akea no. He kapakahi mamua no, a o haukae ke awapae. Aole nae hoi o na loina iho la keia e kupono ai e lilo i makua no keia apana.  I kona hoi ana mai mai Hana a Kaupo nei hoike mai la oia ia makou, o J. W. Kalua a me J. U. Kawainui kona mau hooikaika imua o na Kuhina, a lilo ai oia i lunakanawai. He mea kupanaha no hoi keia, aole keia mau kanaka no loko o Kaupo nei, no kahi hooleina wale no keia mau kanaka, a ia laua nei ae nei hoi ka mahaoi, oia nae hoi, he mau @ pili i ke kumu, a he mau pailaka hoi no lehelehe kii ma. He okoa na inoa i kakau ia iho nei e ka apana nei a hoouna ia aku ia Uhalu nui ma ka la 26 iho nei o Dekemaba; aka, ua mio ia iho ua nonoi nei iloko o ke eke a Hagai, a hehi ia iho la ka manaolana o ka poe o Kaupo nei. Nolaila, he koho kapulu keia, mamuli o ka pili kapulu i ka mana kapulu a Uhalu nui, me kona mau hoa kapulu. He nui ke kahaha a me ke kahuhu o ka poe ke‘iko‘i a me ka poe lopa no keia mau hana, a pela mai no paha auanei me ka Luna Makai. Kau i ka pua o ka pono o ka lahui i keia aha uhalu kahi e kalele ai. Ua hiki, he maia ke kanaka, a ka la e mimino ai, alaila, e ike ia iho no kona mau ilo.      KAMAKI O KAUPO.

 

HE MOOLELO HAWAII

NO

KUALUNUIAOLA !

 

KE KEIKIKOA O KA MOKUPUNI O MANOKALANIPO.- KA HI‘APAIOLE O KE KOA I NA LA O KA NOHOALII ANA O OLA, KE ALII O WAIMEA, KAUAI.

 

Wahi a ka olelo, he wahine ui o Kahapula, ua like kona ili me ka memele o ka lau maia pala, he nani kona mau papalina; a ke pa iho na kukuna o ka la, ulu mai la kaena o na hiona, me he liko la no ka lehua ka enaena ula o na papalina; e iho ana ke oho a halii i ka papahele, a he kohu aahu ka uhi ae a paa pono na ki o Wahinekapu. I ka wa a keia elemakule, kahu o ke alii, e ike a e hakilo nei i ka ui o Kahapula, he ui hoi aole i hoolauna ia me na ono a ke kino, a e paa ana no ke kino, aohe i eheu loa ae ka manu, e hiki ai la ke lele ae @ loa o ka‘e pali; a o kona ano hoi i ka hoohalike aku, me he mahina piha ala akahi no a kiei mai maluna o na laina kualono, me na opuu o ka hoailona w@hi e hoomaka ae ana e mohala.    A oia hoi ka keia elemakule e muka mau nei iaia iho, a e namunamu mau ana me he la e kuko ana i ke alii wahine, a e helu ana paha i kona mau la i hala e na la hoi e moku pono ai ka i‘a hou ke nahu-pu iho.  Hoohele iho la na onohi ike o ua elemakule la a hiki i na ki o Wahinekapu, kani iho la ke u o ke kahu o ke ‘lu:       "U! nani no hoi oe a nani nani no hoi o mua a me hope, ua nani oe mai luna a lalo, aohe kina‘una‘u a ka maka e nema ai, he hialaai wale no ka ko‘u maka e hana ai, a he kuko hoi ka loko.     "Heaha la hoi, ua aie iho la au ia oe e ke kamalii wahine, a me kou ike ole i ko‘u maona i ka hiaai i kou nani! ua a@e au, a he hookahi no uku o kuu  hanai. Heaha la hoi, e hoao ae hoi a waiwai kena nani a ui palena ole ou e ke aliiwahine!"    Huli hoi aku nei ke kahu o ua alii nei a hui aku la me kona haku e nanea kauhale ana no, hoopuka aku la no hoi oia i kana hanai ma kahi malu no kana mea nani i ike ai, a koi koke aku la no i ka hanai ana e uhaele pu laua, i ike pono ai oia i ka oiaio o kana mau olelo. No ka ulumahiehie loa o na hiona a me na olelo a ua wahi elemakule kahu nei o ke alii, a me ka loli ano e ana ae hoi o kona nanaina hapauea a ano okalakala, manao iho nei ke alii, he mea oiaio loa ka kona kahu e kamailio nei iaia.   No keia kumu, ua ae aku la ke alii i kona kanaka, a uhaele pu aku la laua a ma kahi a kona kahu i hakilo ai i ka auau a ke aliiwahine opio o uka e Peapae.  I ko @ hiki ana aku, e hoeu ae ana ke aliiwahine a ku ae iluna me ka waiho kahela ana o kona kino holookoa, me ka manao ole ae, he mau maka ipo kekahi e imo aku ana i ka nani o Himela, e hene waiolu ai a ka opua, i ka waiho kahola i na hono a Piilani.   Aole i paa pono iho na kahiko aahu o ke aliiwahine, hiki aku la ka elele a ke alii e poloai aku ana ia lakou e kipa kauhale; ia manawa no hoi, ua hoea mai la no ke alii kane, ua hele wale a li‘a loko, a ua hiki ole ke waiho i ka olelo na ke kahu, i kahi mamao no nae kahi i ku mai ai, a ani peahi mai la na lima, e ani hooipo ana i ka Malana‘i.  Hele ae la ka ula o ke aliiwahine a papalua, oia no oe o ka ula o ke ao opua i na kukuna o ka la e napoo aku ana i ka wa ahiahi.                   Aole i pau.

 

I na Luna Lawe Nupepa a pau.

 

Ke poloai ia aku nei oukou a pau hookaa pono mai ma keia keena i na dala o na Nupepa i na Poalima a me na Poakahi, i ka mea nona ka inoa malalo iho, aole hoi ia ha‘i aku. E like me ka nele mai ia oukou, pela no e nele pu aku ai ka nupepa. Ua hana ia keia rula i mau ai ke ola o ka maka a me ka Wahaolelo hopo ole  no ka oiaio a me ka pono o ka Lahui.         J. E. BUSH.    Luna Hooponopono Nui.

 

I ka Poe Lawe Nupepa.

 

Ke poloai aku nei makou i ka poe heluhelu e lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa. No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina na hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a me aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa. J. E. BUSH.

 

KAUKA YONG KAM PUNG.

HELU 53, ALANUI MAUNAKEA

 

Ke Kauka Loea o ka Aina Pua.

 

UA HIKI KE HOOLA IA KEL@ me keia ano ma‘i, mai ko na kane wahine a me ko na keiki liilii. O na ma‘i ha-no, ua hiki loa ia ke hoola ia me ka maalahi. A o na ma‘i e pili ana i ka maka, pau pu ia i ke ola. Ke noike ia aku nei, eia ke ola ianei me ka oluolu pu o ka auhau.        E KIPA mai e ka poe i hooluuluu ia me na haawina pilihua i ka ma‘i a na‘u oukou e hoola aku.                      KAUKA YONG KAM PUNG         Augate  2@,   @

 

Na Waiwai Hou o na la

Kulaia ma ka Halekuai

o

GOO KIM - KUKIMA

UA WEHE A E NEI MAKOU I NA WAIWAI HOU LOA I HO@A mai nei, i kupono no na La Kulaia e hiki mai ana

Na HAINAKA SILIKA i kuni ia,

Na HAINAKA LILINA keokeo a pela aku,

Na KIHEI SILIKA lau o kela a me keia ano,

Na HULUHIPA o na wai hooluu like ole,

Na KII paani a na kamalii, o kela me keia ano

Na PAHU WELEWEKA, BUKE KII, a he lehulehu wale o na makana makamae.

Na Lele Tela o na Keonimana i hana ia me ka noeau a holepeno no hoi.

GOO KIM MA.          ALANUI NUUANU.                        Dec. 13, 1890.            1m -d.

 

KA HUI KAA ENTERPRISE.

 

Ua kukulu ae nei au i kekahi HUI KAA. Eleu ma ka aoao iho o KALAKAUA HALE ma Alanui Kalepa.

Ma ka Huina Hoolulu Kaapio Helu 13.

O na kauoha a pau e hoouna ia mai ana ma ke TELEPONA mai na makamaka mai ma na wahi a pau o ke kulanakauhale nei, e hoe ko koke ia no me ka piha eleu o ka uwila.

E Hoao i pau Kuhihewa.

WALLACE JACKSON.

Luna Nui.

TELEPONA BELE HELU.....           113

MATALA....                                       690

 

Hoolaha Hookapu.

 

Ke hoike ia aku nei ka lohe i na ano kanaka a pau loa. Ua hookapu loa  maua i ko maua mau Apana Aina ekolu i kapaia o Kalaheo, Kahaleula a me Punoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia me DAVID DAYTON, a i ole ia KUKA,           Owau no me ke haahaa.          MRS. C. HIRAM.      Honolulu, Oahu, Oct. 8. 1890    @

 

            NO KA POE MAKAIKAI

MA KA

O. R. & L. Co.

MA KA I‘A HAMAULEO O EWA.

 

O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45 P.M. o na Poaono a pau. No ka auhau, aohe olelo aua, he hoekahi wai o ka like, mai ka liko a ka laele.            OIA HOI, HE - @0 keneta, hiki i Manana a hoi hou mai - 70 keneta, hiki i Honouliuli a hoi mai.               O keia ka manawa pono e la‘i ai ka holoholo hoohala manawa me ka hanu ana i na ea oluolu maikai, no elua wahi keneta wale no o ka mile.        1m-d    Oct.8 1890.

 

Ka Hui Uwati Kaleponi.

 

Na uwati gula o waho, hoopiha ia me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka p@ hookahi. E kipa ae io-                     A.J. SCHREIBER- Agena Alanui Hotele, malalo iho e ka Hotele Alonetona.

 

Pine Omau Haule!

 

Ua haule ma ka po o ka la 3 iho nei o keia mahina, mawaena o ka hale noho e MR. S. DWIGHT me MISS ANNIE AKONG, he pine pupu keokeo aniani, a ina o ka mea e loaa ai, e oluolu e hoihoi pololei mai i ka mea nona ka inoa malalo iho, a e loaa no ka uku kupono.                       Owau no me ka oiaio              MISS. ANNIE AKONG.             DEC. 11- 1md.

 

Olelo Hoolaha.

 

Ke papa loa ia aku nei na kanaka @ kela a me keia ano, aole e hookomo wale a lawe wale mai paha i ko lakou mau holoholona mai ke aina mai o Hale@ a me Kaluapahi ma Ka@, K@poko, Oahu, me ka loaa ole e kekahi aelike mai ia MRS. C. I. HIRAM aku. O ka mea a mau mea paha e kue ana i keia, e hopu ia no lakou a hoopii ia ma ke kanawai.                        MRS. C. I. HIRAM.               Haim@iop, Honolulu. Oct. 8. 1890.               @-d.