Ka Leo o ka Lahui, Volume II, Number 109, 16 January 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

HE KAAO

NO

DON KUPIDOA.

Ka Weli  O Na Mea Huna Pohihihi –Ke Kihapai Pua  Pahao  Hao  O Kamepulia- - Ke Ala Hele O Na Mea Huna Elua- Me Ka Luawai Kamahao O Tawania.

Heaha keia mau hana aloha ole a olua i ke kaikamahine alii o ko oukou aupuni?

Kulikuli ia oe, e paa kou waha e pono ai, aole ia oe ia wahi me maua no ia.

E hoomanao e na makamaka heluhelu, o na helehelena o Tubidoa i keia manawa, oia no kona mau helehelena ponoi.

He nani hoi a maikai na helehelena o ua Tubidoa ala e like me kona mau-

He mahina konane ia

He ula-weo hoohie ia

Hoa kaana o ka uka iu

He malanai ka hoa like.

I kela wa nae a lakou e kukai olelo, ua nui na olelo ino i hoopukaia mai e na keiki alii, a he panai wale aku no hoi ka Tubidoa i ka nanahe wale no.

Na keia mea i hoouluku loa aku i ka naau o ua mau keiki alii ala, a o ka laua ia i pane mai ai me ka leo moakaka penei:

E pani koke oe i kou waha, a ina aole oe e pani koke ana i kou waha e like me ka maua kauoha, e hoouna aku no maua i ka elele o ka make maluna ou.

He pili ka’u ia olua he ekolu kui pine, wahi a Tubidoa i pane aku ai, aole loa e hiki ia olua ke hana pela, no ka mea, aole olua i ike i ko’u ano a me ka’u mau hana.

O ke kaikamahine alii i kela wa, aia no oia ke ku ala, a na kona waimaka no e hele me ka-paa ole aku i ke kaohi mai.

I kela wa nae a lakou e kamailio ana, na hili koke mai la kekahi keiki ia ia nei, e like hoi me ko Tudidoa ano mau o ka eleu.

Ua haawi aku la oia i kekahi puupuu ikaika loa, he koha ana, kaka ana ka wawae o kekahi keiki  iluna o ka papahele, ku no hoi kekahi walawala ana a pahu aku la ilalo.

I kela wa ua pii aku la ka lia o ka makau maluna o na mea a pau no keia kananka puupuu peku hoki Palani, a oia ka lakou i iniki aku ai a iniki mai, me ka pane ana ae penei:

He lohe olelo wale no ko kakou no keia kanaka, akahi no hoi a ike maka, he mea oiaio maoli no, aohe ona lua.

He kanaka keia nona na lima topido me na puupuu poka-pahu, aohe mea kino e hiki ke ku aku imua ona a puni ke ao holookoa.

A oiai hoi na keiki alii e waiho ana me ke kahe ana hoi o ke koko mai ko laua mau ihu mai, ua hele aku la ke kaikamahine alli a pane aku la ia Don Tubidoa pennei:

E hoihoi ae oe ia’u no ka hale alii, a he manakana no ka’u  e uku aku ana ia oe no keia hoopakele ana iho nei au ia’u.

He hana hiki wale no ia ia’u, ina nae ua pau ka manao ino o keia mau kanaka ia’u, wahi a Don Tubidoa i pane aku ai.

Mai nana aku no laua, e hahai mai oe mahope o’u, a na’u no e alakai ia oe no kahi ou e pono ai, e hele mai ano.

Ae aku la o Don Tubidoa, a hele aku la laua, me ka manao o ke aliiwahine eia no la kona kaa ke ku nei.

Aka, i ka hiki ana aku, aohe ke kaa alii, ua hoihoi ia e ke kahulio malalo hoi ona kauoha a kela ona hotele hoopunipuni.

Oia ka ke kaikamahine alii i pane ae ai ia Tubidoa, e hele wawae no kaua a hiki i ka hale alii,  no ka mea aohe o kaua kaa.

O ko Tubidoa ano mau no hoi o ka piha oluolu, ua ae aku la oia i ke noi a ke aliiwahine.

No ke kaa alii hoi, i kona wa i hiki aku ai i ka hale alii, ua ninau mai la ka moi, heaha la ke kumu nui o ka holoholo mau o ke kaa alii ina wa a pau.

Pane aku la ke kahukaa o ke kumu, he keiki alii, a o kona inoa o Don Tubidoa, mai Palani mai nei oia, aia oia me ke kau kaikamahine ke luana ala @ aio  o ka malumalu o ka hale hotele aniani.

                                           Aole i pau.

 

KUAI HOOPOHO

LOA!

No Ekolu Pule Wale no!

E HOOMAKA ANA MA KA POAKAHI

LA 15 O DEKEMABA,  NO KA POMAIKAI O KUU LAHUI PONOI.

E kipa mai i hookahi, o ka pono no o ka hele mai no a pau. i ike maka, oia hoi, e kuai hooemi loa aku ana wau i ko’u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 1-a no a $1.00.

Na KALAKOA laula, mai ka 6 a 8 I-a ko ka $1.00.

Na KALAKOA hapa kanikau laula, he 7 I-a na ka $1.00.

Na KINAMU, he 12 I-a $1.00.

3 Paa KAKINI WAHINE 25 keneta.

Na PAPALE o na opio wahine i kino hinohi ia, he $1.50 a pii aku, no ka mea hookahi.

Na LEPO-NALO mai ka 8 a 18 I- a no ka $1.oo.

Na A-1 KALA KEOKEO a me hapaka nikau o na wahine, 10 keneta no ka mea hookahi, a pii aku.

Na KAMAA haahaa o na wahine, he $1.00 wale no no ka paa.

Na KIHEI huuluu, na HULUHULU manoanoa; na HALII moe a pela aku.

Na PALE-ILI oluna o na kane, he 25 keneta wale no o ke ano maikai.

Na PALE-ILI olalo, he 40 keneta wale no a pii oku.

Na PAA LOLE  o na keiki o ke KALIKIMAKA.

Na PALULE hana o na kane mai ka 40 keneta a pii aku.

Na PALULE huluhulu mai ke 40 keneta a pii aku.

Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa  ai ka makepono loa o na mea kuai ma ko’u hale.

F. MOSES KEUMI.

ALANUI MOI                                                                                           tf.-d

 

PAPA KUHIKUHI

O

KA HUI ALAHAO A ME

AINA O OAHU.

E HOOMAKA ANA MA KA LA

25 O OKTOBA, 1890

MANAWA HOLO:

                                       

                                          A.M. A.M. P.M. P.M.

 

Haalele ia Honolulu     *6:15  8:45  1:45  5:30

Hoea ma Honolulu        *7:20  9:49  2:49  5:35

Haalele ia  @ @ @        *7:30 10:51 3:51  5:45

Hoea i Honolulu             *8:35 11:55  4:55  6:50

        *Lapule wale no.

         t Poaono wale no.

         Oct. 21, 1890                                                        tf-d

 

H.P.K. Malulani.

 

HE LOIO a he hookapeke olelo ma ke Kanawai. E loaa no au mai ke kai hawanawana o Kaiwaihae e hoene ana me ipo la, a Hamakua au i ka la’i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio.

                                                                                         Nov. 8 ’90, d-ly.

 

Olelo Hoolaha.

Ke ahi ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa no au ma Haimoeipo, Hale Kaa o ka Moi, a i ole i ko’u home paha.

                                                          Mrs. C.I. Hairam.

Haimoeipo, Honolulu, Oct. 8, 1890

3me-d.

 

Olelo Hoolaha

Ke kauoha ia aku nei na kanaka a pau i aie ia C.I. HIRAM  i make e hookaa koke mai i ko lakou aie ia Mrs. C.I. HIRAM, a i ol@ia, ia D. DAYTON. O na poe a pau e hookaa ole mai ana a hala na la he 30 mai keia la aku; e hoopii ia no lakou e like me ka kanawai.

                                                                        MRS.C.I. HIRAM.

Haimoeipo, Honolulu, Oct. 8, 1880.

                                        3ms-d.

    

Hoolaha Hookapu

Ke papa loa ia aku  nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.            MRS. C.I. HIRAM.

Haimoeipo, Honolulu. Oct. 8, 1890.

3ms.-d.

 

A.J. SCHREIBER KA OLOHE .

HANA WATI ME NA MEA GULA.

O ka hana hou ana i na wati pakeke, kau, hale, a me na mea dula o kela a me keia ano, he waipahe loa ka auhau, a pela no hoi me na mea i paa mua. O ka mea e holo ana ia kaua oia ka’u e hana ai.

ALANUI HOTELE Malalo o ka Aline 

tona.                                                                     Oct. 27, 1890   tf-d

 

Hale Kuai Wati Nui

HELU 1

No C. Ah Kau.

Ka oi na mea Gula, na DAIMNA, na POHAKU MOMI makamae loa, na WATI GULA, na WATI DALA & C., na @au o kela a me keia ano, na lako wehi GULA a me DAIMANA, na KOMOLIMA GULA  a me DAIMANA,  na WATI nunui ano hou loa o kela a me ke ia ano, na PUPANAPANA a me na lako e ae e pili ana.

E hoomanao e na makamaka, o keia AHKAU no loa mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka hui Alahao Hawaii. E loaa no na mea a pau e pili ai a i keia oihana me ka emi loa, a e hana hou ia na wati u me na lako gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.

E naue nui mai, a e ike no oukou iho. O na mea hou loa wale no i ike mua ole ia ma Hawaii nei.

C. Ah Kau.

 

 

NA LAKO DALA!

$5,000 KA WAIWAI

 

[MAI NA MEA ANIANI, A NA KII]

[NA MEA PAANIA ME NA LAKO DALA]

E Haawi Makana

aku ana.

Na Lako Dala!  Na Lako Dala!

$2.50 – NO 30 LA WALE NO.- $2.50

 

I ka Poakahi, Decemaba la 8, 1890 ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.

Hoko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io  mai ia makou aku, kekahi makana o na Lako Aniani like ole, na kii a me na mea Paani o kela a me keia ano.

A i ole, o kekahi mau Makana o na lako

Wai-Dala.

 

E Alawa ae ma@ma Pukaaniani o ko

  Makou Halekuai  Alakai i

    ike i@ke Ahua  nui o na

      Makana Makamae

        a Makou i ko Ma

          kou poe kuai.

Chas. J. Fishels.

Ma ka Halekuai hoopau.

MA KA HALE ILUNA E HANA IA AI NA LOLE. KIHI O PAPU ME HOTELE.

Daily tf

Hoolaha Hou!

B.F. EHLERS & CO., --Painapa.

Ua loaa mai nei ia makou he mau waiwai hou loa, oia hoi na.

 KAKIMIA

   KINAMU

      KEOKEO HALU’A

                CHALLI,

                                 VIKOLIA KEOKEO

-           A ME NA-

-           Mikilima o na ano a pau, a me na paku puka aniani o kela a me keia ano, no na kumukuai haahaa loa.

-           B.F. EHLERS & CO

-           Alanui Papu, Honolulu. -25-d3m.