Ka Leo o ka Lahui, Volume II, Number 107, 14 January 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

HE KAAO

NO

DON KUPIDOA.

            KA WELI O NA MEA HUNA POHIHIHI - KE KIHAPAI PUA PAHAO HAO O KAMEPULIA - KE ALAHELE O NA MEA HUNA ELUAME KA LUAWAI KAMAHAO O TAWANIA.

            Pane aku la ua kaikamahine alii ala no ka pupuka maoli no kekahi o kela kanaka, ke kuhi nei paha hoi au he maoli ililahilahi no ka waokele, eia ka o ka pupuka ia o na pupuka ino loa.

            Ua kuhihewa loa ia manao ana ou e ke aliiwahine, no ka mea, o keia helehelena au i ike ai, he mau helehelena hoopahaohao wale iho no ia aole ia o kona helehelena maoli, he kanaka ui loa oia.

            Ua hoike ia mai no ka hoi oe he kanaka hoopahaohao oia, eia nae aohe ou wahi mea a noonoo iki iho no hoi.

            He mea oiaio kau e kamailio mai la, ua lohe io no au ia mea a oia no hoi ke kumu o kou kanoha ana aku nei iaia, nolaila, ua hewa loa au no ia hana ana au.

            Nolaila e hoi awiwi aku oe ano, a olelo aku i ua kanaka ala e noho iho oia pela a hiki aku au ilaila i ka hora 7 o keia po.

            Huli koke ae la ka on a hotele a hele aku la me ka awiwi nui, a i kona hiki ana aku i kauhale, aia hoi ua hala o Tubidoa, ua hoi wawae i kona wahi paiki.

            I ka lohe ana o ua on a hotele la ua hoi o Don Tubidoa, ua holo hou aku la oia no ka hale alii a hoike aku la i ke kaikamahine alii, ua hoi wawae aku nei no na kanaka ala.

            I kela wa ua ano e loa ua kaikamahine ala, a oia kana i kauoha awiwi ae ai i kona mau kahulio e hana koke ia mai kona kaa alii.

            Ua ae koke mai la kona mau kahulio, a ua hele koke aku la lakou e nana i ke kaa, aole no hoi i Huliu aku ua hoea mai la ke kaa me kona mau paa lio.

            I ke kaa no hoi a ku, ua kau koke iho la ua kaikamahine alii ala a holo aku la no kai o ka uwapo.

            Mamua ae rae o kona hiki ana aku i ka uapo ua halawai koke mai la ka ike a kona maka me ke kanaka elemakule, a oia kana i kauoha ae ai i kona mau kahulio e ku iho ke kaa.

            I ke ku ana iho, ua pane aku la o Kalawalina i ke kanaka elemakule penei.

            E kuu makamaka, aole anei oe e ku iho a hoolohe mai i keia leo e pane aku nei?

            Aohe huaolelo i pane ia mai e ua elemakule Tubidoa ala, he ano nuhu ko don Tubidoa mau hele helena i kela wa.

            Pane hou aku la no ua kaikamahine alii ala no ka elua o ka manawa aole no nae he pane ia mai.

            Aia maluna o ke kaa alii o ua nohea alii ala he mau hua noni, ua hele a pala memele.

            Hopu iho la ua nohea ala, a pa ki aku la ma ke kikala 6 ke kanaka elemakule me ka pane ana aku i keia mau huaolelo hooheno:

            I kamaiho ole hoi paha oe i ko ku ole aku i ka hua noni ea? a kamumu ana ke kikala i kekahi hua a pa aku la hoi kekahi me ke kua.

            Auwe! wahi a ua Tubidoa nei i pane ae ai, "pakele kou sikala mai eha, i ka hoonou ia i ka hua noni," heaha iho la hoi ka mea o ka hoonou ana i kau mea eha e ke alii wahine?

            He kulolo, he niu; heaha kou mea hookuli iau, aohe ka hoi he me a lohe iki ou mau eeiao, manao iho la paha oe he ua au.

            Aole pela, wahi a Don Tubidoa aka, aole anei oe i olelo mai iau ua lawa kou ike ana iau?

            Aohe ou makemake e kamailio mai oe iau e kau mai iluna nei o kuu kaa alii alaila wehe aku o uwahi no ka hotele aniani

            Malalo o na rula makai, ua ae aku la o Tubidoa i ka makemake o ke aliiwahine a kau aku la oia maluna o ke kaa alii.

            Hiu aku la ke kalaiwa i kona mana, hiu hoi o uwila a lilo, wehe aku la hoi o uwahi no ka hotele aniani ka pahu hopu.

            Aole i pau.

 

KUAI HOOPOHO LOA!

No Ekolu Pule Wale no!

E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU LAHUI PONI.

            E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i kou mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 10 I - a no a $1.00.

            Na KALAKOA laula, mai ka 6 a 8 I-a ko ka $1.00.

            Na KALAKOA hapa kanikau laula, he 7 I-a na ka $1.00.

            Na KINAMU, he 12 I-1 $1.00.

            3 Paa KAKINI WAHINE 25 Keneta.

            Na PAPALE o na opio wahine i kinohinohi ia, he $ 1.50 a pii aku, no ka mea hookahi.

            Na LEPO-NALO mai ka 8 a 18 I-a no ka $1.00.

            Na A-I KAMAA haahaa o na wahine, he $1.00 wale no no ka paa.

            Na KIHEI huluhulu, na HULUHULU manoanoa; na HALII moe a pela aku.

            Na PALE-ILI olalo, he 40 keneta wale no a pii oku.

            Na PAA LOLE o na keiki o ke KALIKIMAKA.

            Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma kou hale.

F. MOSES KEUMI.

ALANUI MOI.

 

PAPA KUHIKUHI

O

KA HUI ALAHAO A ME AINA O OAHU.

E HOOMAKA ANA MA KA LA 25 O OKATOBA, 1890.

 

MANAWA HOLO:

A.M. A.M. P.M. P.M.

Haalele ia Honolulu: *6:15 8:45 1:45 5:30

Hoea ma Honouliuli *7:20 9:49 2:40 5:35

Haalele ia "                      *7:30 10:50 3:51 5:45

Hoea i Honolulu               *8:35 11:55 4:55 6:50

     * Lapule wale no.

            * Poaono wale no.

            Oct. 21, 1890 tf-d

 

H.P.K. Malulani.

            HE LOIO a he hookapeke oleloma ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka lai o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio.

Nov 8 90, d-ly.

 

Olelo Hoolaha.

            Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumaknei e loaa no au ma Haima@@ipo, Hale Kaa o ka Moi, a i ole i kou home paha.

            MRS. C.I. HAIRAM.

            Haimoeipo; Honolulu, Oct. 8, 1890.

 

Olelo Hoolaha.

            Ke kauoha ia aku nei na kanaka a pau i aie ia C.J. HIRAM i make e hookaa koke mai i ko lakou aie ia MRS. C. I. HIRAM, a i ole ia, ia D. DAYTON. O na poe a pau e hookaa ole mai ana a hala na la he 30 mai keia la aku e hoopii ia no lakou e like me ke kanawai.

            MRS. C.I. HIRAM.

            Haimoeipo, Honolulu. Oct. 8, 1830

            3ms-d.

 

Hoolaha Hookapu.

            Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.

            MRS. C.I. HIRAM

Haimoeipo, Honolulu. Oct. 8, 1890.

3ms.-d.

 

A.J. SCHREIBER KA OLOHE.

 

HANA WATI ME NA MEA GULA.

 

            O ka hana hou ana i na wati pakeke, kau, hale, a me na mea dula o kela a me keia ano, he waipahe loa ka auhau, a pela no hoi me na mea i paa mua. O ka mea e holo ana ia kaua oia kau e hana ai.

ALANUI HOTELE. [Malalo o ka Aline tona.] Oct. 27, 1890. tf-d.

 

Hale Kuai Wati Nui

HELU 1

No. C. Ah Kau.

            KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na lako wehi GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lako e ae e pili ana.

            E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu He@@ 37 mamua a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keen oihana mua o ka Hui Alahao Hawaii. E loaa no na mea a pau e pili a@a i keia oihana me ka emi loa, a e hana hou ia na wati a me na lako gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.

            E naue nui mai, a e ike no oukou iho. O na mea hou loa wale no i ike mua ole ia ma Hawaii nei.

            C. Ah Kau.

 

NA LAKO DALA!

HE $5,000 KA WAIWAI IO

MAI NA ME ANIANI A NA KII

A MEA PAANI ME NA LAKO DALA.

E Haawi Makana ia aku ana.

Na Lako Dala! Na Lako Dala!

$2.50 NO 30 LA WALE NO $2.50

            I ka Poakahi, Dekemaba la S. 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.

            Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.

 

A i ole, o kekahi mau Makana o na lako Wai-Dala.

 

E Alawa ae mana Pukaaniani o ko Makou Halekuai Alakai i ikeike Ahua nui o na Makana Makamae a Makou i ko Makou poe kuai.

Chas. J. Fishels

Ma Ka Halekuai hoopau.

MA KA HALE ILUNA E HANA IA AI NA LOLE. KINI O PAPU ME HOTELE. Daily tf.

 

Hoolaha Hou!

 

B.F. EHLERS & CO., ---Painapa.

            Ua loaa mai nei ia makou he mau waiwai hou loa, oia hoi @a.

            KAKIMIA, KINAMU, KEOKEO HALUA, CHALLI, VIKOLIA KEOKEO

 

A ME NA

 

            Mikilima o na ano a pau, a me na paku puka aniani o kela a me keia ano, no na kumukuai haahaaloa.

            [B.F. EHLERS & CO.]

            Alanui Papu, Honolulu - 25-d3m.