Ka Leo o ka Lahui, Volume II, Number 106, 13 January 1891 — Page 4
| This text was transcribed by: | Joyce Yoshimoto |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HEA KAAO
No
DON KUPIDOA.
KA WELI O NA MEA HUNA POHIHIHI – KE KIHAPAI PUA PAHAO HAO O KAMEPULIA – KE ALAHELE O NA MEA HUNA ELUAME KA LUAWAI KAMAHAO O TAWANIA.
Me keia mau kukai olelo pokole ana o laua, ua huli ae la ua kaikamahine ala a hele aku la a kau maluna o kona kaa a hoi aku la no kona home.
I ka hala ana aku o ua kaikamahine alii ala, ua hina aku la o Don Tubidoa maluna o kona noho a noke ae ia oia i ka akaaka me ka leo nui me ka paipai pu ana i kona lima.
Puiwa ae la na pakipa a holo mai la e nana heaha la ke kumu o keia aka honua ana o ke alii.
I ka hiki ana aku o na pakipa ua ninau aku la lakou : Heaha la keia akaaka ana ou e ke alii, he hoohenehene anei keia nau i ko makou aliiwahine?
Aohe nae he hoolohe mai o ke alii Tubidoa i keia mau kamailio a pau imua ona.
No kekahi mau minute loihi keia noke ana ona i ka akaaka ua mao ae la, a pane mai la oia me keia mau huaoleio penei :
E akaaka ae ana au i ko’u hoohoka ino ia ana iho nei e ko oukou aliiwahine a me kekahiwahi mea okoa e ae nohoi.
E hai aku au ia oukou me ka oiaio, owau neia o Don Tubidoa, ke kaeaea o Peresia, ka mea hoi nana i hoopahaohao aku ka hapalua like o ke ao holookoa nei.
O oukou hoi keia, nolaila, ua hoopahaohao ia oukou e a’u, a ua pohihihi oukou no’u, a heaha la ko oukou mea i ninau mai ai no ko’u ano a me ko’u helehelena.
Pane aku la na pakipa, he oiaio kau mea e kamailio mai nei, aole makou i ike a i lohe mua o kou inoa ia, ina paha i lohe mua makou, ina la aole makou e hoopahaohao ia e keia mau hana.
Aka, e hoomanao iho oe e ke alii, ke mihi aku nei makou i ko makou hewa nui loa imua ou, a e kala mai.
Pane aku la o Don Tubidoa, ua ae au e lawe mai i keia mihi a oukou, a no ke aliiwahine ko’u e kanalua loa nei, heaha la kona mea i hana mai ai ia’u e like me keia, no ka mea, no kona lohe ana i ka inoa o’u nei a me ka’u mau hana @ia kona mea i kauoha ae ai ia’u.
Kai no paha i kona ike ana iho nei la hoi ia’u, oia ka mea nana e hoopau aku i kona pohihihi, eia ka eia ka mea nana e olelo aku iaia e hoohoka mai ia’u.
Nolaila, aole au e noho ana e hoi ana no au i keia la, aole au e noho ana a ike i ka napoo ana e ka la ma Suedena nei.
Au’a mai la ka ona hotele me ka pane ana mai, aole oe e hoi e ke alii, ina he manao kou e hiki ke hooluoluia.
Aole au e noho, e like me ka’u mea i olelo ai, pela no au e hooko ai, aole o’u makemake e hoi hope ma ka’u mau olelo ina wa a pau, o ko’u rula paa ia.
He mea oiaio kau mau mea e kamailio mai nei ia’u, aka, ma ko’u manao makee alii wale aku no hoi keia la ina e oluolu ia mai ana hoi e kou hanohano.
Pane aku la ke alii Tubidoa, aole au e noho ana, e hoomakaukau aku ana au i ko’u mau pono a pau ano.
I kela wa ua eleu mai la na pakipa i ka hoomakaukau ana i na ponokino a pau o Tubidoa a i ka makaukau ana, ua kauoha ia aku la ke kaa ‘lii o ke kaikamahine alii e holo mai no ka hoihoi ana aku i ke alii no luna o ka moku.
I ka wa nae a ka ona hotele i hiki aku ai a noi aku la, ua hoole mai la ua nohea ala, aole e loaa ke kaa.
Oia ka ka ona hotele i ninau aku ai, heaha la ke kumu o kona hoole ana mai i ke noi, no ka mea nana no i kauoha i keia alii e holo mai, a maluna no hoi o ua kaa ala i lawe ia ai no ka hale hotele.
Aole i pau.
KUAI HOOPOHO LOA!
No Ekolu Pule Wale no!
E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU LAHUI PONOI.
E kipa mai i hookahi, o ka pono no a ka hele mai no a pau, i ike maka, oia hoi, e kuai hooemi loa aku ana wau i ko’u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laula, he 7 I-a na ka $1.00.
Na KINAMU, he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine i kinohinohi ia, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-1 KALA KEOKEO a me hapaka nikau o na wahine, 10 keneta no ka mea hookahi, a pii aku.
Na K@M@A haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA.
Na PALULE hana o na kane mai ke 40 keneta a pii aku.
Na PALULE kuluhulu mai ke 40 keneta a pii aku.
Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko’u hale.
F. MOSES KEUMI.
ALANUI MOI. tf.-----d
PAPA KUHIKUHI
.............O .........
KA HUI ALAHAO’A ME AINA O OAHU.
E HOOMAKA ANA MA KA LA
25 O OKATOBA, 1890.
MANAWA HOLO:
A.M. A.M. P.M. P.M.
Haalele ia Honolulu *6:15 8:45 1:45 5:30+
Hoea ma Honouliuli *7:20 9:49 2:49 5:35+
Haalele ia “ *7:30 10:51 3:51 5:45+
Hoea i Honolulu *8:35 11:55 4:55 6:50+
*Lapule wale no,
+Poaono wale no.
Oct. 21, 1890 tf------d.
H. P. K. Malulani.
@E LOIO a he hookapeke olelo ma ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la’i i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio. Nov 8 ’90, d—ly.
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuei, e loae ne au ma Haimoeine, Hale Kaa o ka Moi, a i ole i ko’u home paha.
MRS. C. I. HIRAM.
Haimoeipo, Honolulu, Oct. 8, 1890. 3 ms----d.
Olelo Hoolaha.
Ke kanoha ia aku nei na kanaka a pau i aie ia C. I. HIRAM i make, e hookaa koke mai i ko lakou aie ia MRS. C. I. HIRAM, a i ole ia, ia D. DAYTON. O na poe a pau e hookaa ole mai ana a hala na la he 30 mai keia la aku, e Loopii ia no lakou e like me ke kanawai.
MRS. C. I. HIRAM.
Haimoeipo, Honolulu, Oct. 8, 1890. 3ms---d.
Hoolaha Hookapu.
Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.
MRS. C. I. HIRAM.
Haimoeipo, Honolulu, Oct. 8, 1890. 3 ms.---d.
- J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke, kau, hale, a me na mea dula o kela a me keia ano, ne waipahe loa ka auhau, a pela no hoi me na mea i paa mua. O ka mea e holo ana ia kaua oia ka’u e hana ai.
ALANUI HOTELE (Malalo o ka Aline tona.) Oct. 27, 1890. tf-d
Hale Kuai Wati Nui
HELU 1
No C. Ah Kau.
KA oi o na mea Gula na DAIMANA, na POHAKU MOMI makamae loa, na WATI GULA, na WATI DALA & C, na omau o kela a me keia ano, na lako wehi GULA a me DAIMANA, na KOMOLIMA GULA a me DAIMANA, na WATI nonimano hou loa o kela a me ke ia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi ioa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili a@a i keia oihana me ka emi loa, a e hana hou ia na wati u me na lako gula me ka hikiwawe a me ke emi loa. E hoouna mai i na kauoha ma ka Paku Leta Helu 268.
E naue nui mai, a e ike no oukou iho. O na mea hou loa wale no i ike mua ole ia ma Hawaii nei. C. Ah Kau.
NA LAKO DALA!
HE $5,000 KA WAIWAI IO
MAI NA MEA ANIANI, A NA KII.
NA MEA PAANI A ME NA LAKO DALA.
E Haawi Makana ia aku ana.
Na Lako Dala! Na Lako Dala!
$2.50 --- NO 30 LA WALE NO. ---- $2.50
I ka Poakahi, Dekemaba 1a 8, 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.
I loko o keia mau la he 30, e loaa no i ka poe a pau e kuai ana maloko o ko makou hale kuai ne a hiki i ka $2.50 ka waiwai io mai ia mokou aku, kekahi makana o na Lako Aniani like ole, na kii a me na mea Paani o kela a me keia ano.
A i ole, o kekahi mau Makana o na lako Wai-Dala.
E Alawa ae ma:na Pukaaniani o ko Makou Halekuai: Alakai. i ikei ke Ahua nui o na Makana Makamae a Makou i ko Makou poe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE. KIHI O PAPU ME HOTELE.
Daily tf
Hoolaha Hou!
- F. EHLERS & CO., -- Painapa.
Ua loaa mai nei ia makou he mau waiwai hou loa, oia hoi na
KAKI@IA, KINAMU, KEOKEO HALU’A, OHALLI, VIKOLIA KEOKEO
---- A ME NA -----
Mikilima o na ano a pau, a me na paku puka aniani o kela a me keia ano, no na kuniukuai haahaa loa. B. F. EHLERS & CO.
Alanui Papu, Honolulu, ----25---d3m.