Ka Leo o ka Lahui, Volume II, Number 105, 12 January 1891 — Page 4
| This text was transcribed by: | Kerry Iwamuro |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HE KAAO
NO
DON KUPIDOA
KA WELI O NA MEA HUNA POHIHIHI-KE KIHAPAI PUA PAHAO HAO O KAMEPULIA-KE ALAHELE O NA MEA HUNA ELUA ME KA LUAWAI KAMAHAO O TAWANIA.
I ke ku ana iho o ke kaa alii mawaho o ua hokele ala, ua lele iho la ua kaikamahahine alii ala mailuna iho o ke kaa alii.
Ia wa i ike aku ai o Don Tubidoa ina helehelena o ua kaikamahine alii Kalawalina ala, he mea oiaio, he nani lua ole ua wahine opio ala e loaa ole ai he lua e like me ia a puni ka aina o Palani.
Pane iho la ua Don Tubidoa ala iaia iho penei: He mea oiaio ua pomaikai au i keia holo ana mai nei a'u malalo o na kauoha au e ka wahine opio no ka mea, ua ike iho nei au i ka nani o kou helehelena.
"He nani i'o no
Maoli ili lahilahi
Mahina konane ka hoa like
Kalawalina ka ui o Suedena.
Ina la aole au a mare mua, wahi hou a ua Tubidoa nei, ina la o oe ko'u hoa, a e lilo au i kauwa nau, a o oe hoi i lei hoomanao na ko'u puuwai e malama mau ai.
E hoomanao kaua e ka hoa heluhelu, o keia kuko ana a Tubidoa, na hewa ia, no ka mea ua hoohiki mua oia i kana wahine, me ka olelo aku hoi, aole oia e hana i ka hewa, aka na ke au o ka manawa e hoike mai ia kaua i ka mea oiaio o keia mau hana.
I ka wa a ua nohea ala i lele iho ai mailuna iho o ke kaa ua pii koke aku la oia no ka hokele, a oia kana i ninau aku ai i ka ona hokele: Auhea ke alii o Palani.
Pane mai la ua ona hotele ala, eia no iloko, a hawanawana aku la oia ma ka pepeiao o ke aliiwahine me ka pane ana aku: Aole ui he elemakule.
Heaha ? wahi a ke kaikamahine alii Kalawalina i ninau hou aku ai i ka ona hokele.
He elemakule, mai hele aku oe e nana, o hoi e ke alii ina oe e oluolu ana.
Aole au e ae aku ana i kau e kamailio mai nei. no ka mea he kanaka kena na'u i kauoha aku nei no ko'u makemake e ike iaia.
E komo ae oe e ike maka iaia, no ka mea aia no oia iloko kahi i noho
Ia wa no ua komo aku la ua ua Kawalalina ala iloko a ka rumi o Tubidoa e noho ana.
He mea na kaua e kamailio ae ai e ka mea heluhelu no ka mea, i ka wa a ua nohea ala i ike ai, ua kokoe koke ae la na maka o ua nohea ala i kona ike ana aku i na helehelena pupuka o Don Tubidoa.
Aka, aole e hiki iaia ke hana hoohilahila aku, oiai he hoohaahaa ana ia i ke aupuni o Palani.
Nolaila, hele lohi aku la oia a haawi aku la i kona lima no ke aloha ana me ka hoihoi ole o loko o kona naau.
Aloha ae la laua, a pane aku la ka nohea i keia mau olelo; ua hauoli loa au i keia launa ana o kaua, owai keia, o ka ui nohea o Suedena nei, oia hoi o Kalawalina.
Pane aku la o Tubidoa, ua waiwai loa keia hui kino ana o kaua, no ka mea ua ike au i ka nani o kou mau helehelena.
Ke hilahila loa nei au i ko'u wahi helehelena a he mea maopopo, aole ou hoihoi no keia kanaka elemakule e hui pu nei me oe, a me he mea ala ua poho loa oe i keia hele ana mai nei.
Aole pela ko'u manao e ke alii Tubidoa, no ka mea, ua hauoli nui loa no au, ua pau kuhihewa.
Pau ae la keia mau kukai olelo ana a laua nei, ua pane aku la ke kaikamahine alii penei:
Ua lawa paha kaua ma keia hui ana ke kali ia mai la au o ka hoi aku, he wahi manawa wale no ko'u i hookuu ia mai nei.
Ae, o hoi, wahi a Tubidoa, ke pahola aku nei au i ka mahalo kiekie loa imua o kou hanohano, no kau mau hana maikai ia'u ma keia aina malihini.
Aole 'i pau.
KU AI HOOPOHO
LOA!
No Ekolu Pule Wale No!
E HOOMAKA ANA MA KA POAKAHI
LA 15 O DEKEMABA, NO KA PO-
MAIKAI O KUU LAHUI PONOI
E kipa mai i hookahi o ka pono no o ka hele mai no a pau. I ike maka, oia hoi, e kuai hooemi loa aku ana wai i ko'u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laua, he 7 I-a na ka $1.00.
Na KINAMU, he 12 I-a $1.00.
3 Paa KAKINI WAHINE 23 keneta.
Na PAPALE o na opio wahine i kinohonohi ia, he $1,50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o na wahine, 10 keneta no ka mea hookahi, a pii aku.
Na KAMA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA.
Na PALULE hana o na kane mai ka 40 keneta a pii aku.
Na PALULE keakeo i aiana oli ia, he oluolu ke kuai ana, a he nui wale aku no koe o na waiwai e kuai kooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko'u hale.
F. MOSES KEUMI.
ALANUI MOI tf-d
PAPA KUHIKUHI
O
KA HUI ALAHAO A ME
AINA O OAHU.
E HOOMAKA ANA MA KA LA
25 O OKATOBA, 1890.
MANAWA HOLO:
AM AM PM PM
Haalele ia Honolulu *6:15 8:45 1:45 5:30+
Hoea ma Honouliuli *7:20 9:49 2:49 5:35+
Haalele ia ** *7:30 10:51 3:51 5:45+
Hoea i Honolulu *8:35 11:55 4:55 6:50+
+ Lapule wale no.
+ Poaoho wale no.
Oct. 21, 1890 tf-d
H.P.K. Malulani.
HE LOIO a he hookapeke olelo ma ke Kana@@. E loaa no au mai ke kai hawanawana o Kawaihae, e hoene ana me ipo la, a Hamakua au i ka la'i o Kukaiau ma ke alo o na pali. E ohiia no hoi na aie me ke ku'i ka eleu a me ka puahiohio. Nov 8 90, d-ly
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa no au ma Haim@@@@@, Hale Kaa o ka Moi, a i ole i ko'u home paha.
MRS. C.I. HAIRAM.
Haimoeipo, Honolulu, Oct. 8, 1890.
@ne-d.
Olelo Hoolaha.
Ke kauoha ia aku nei na kanaka a pau i aie ia C.I. HIRAM i make. e hookaa koke mai i ko lakou aie ia Mrs. C.I. HIRAM, a i ol@ ia, ia D. DAYTON. O na poe a pau e hookaa ole mai ana a hala na he 30 mai keia la aku, e hoopii ia no lakou e like me ke kanawai.
MRS. C.I. HIRAM.
Haimoeipo, Honolulu, Oct. 8, 1890
3ms-d.
Hoolaha Hookapu
Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.
MRS. C.I. HIRAM.
Haimoeipo, Honolulu, Oct. 8, 1890.
3ms.-d.
A.J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke kau, hale, a me na mea dula o kela a me keia ano, he waipahe loa ka auhau, a pela no hoi me na mea i paa mua. O ka mea e holo ana ia kaua oia ka'u e hana ai.
ALANUI HOTELE [Mahalo o ka Aline tona.] Oct. 27, 1890. tf-d
Hale Kuai Wati Nui
HELU 1
No C. Ah Kau
KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & O. @@ omau o kela a me keia ano, na lako wehi GULA a me DAIMANA, na KOMOLIMA GULA a me DAIMANA, a WATI nunui ano hou loa o kela a me ke ia ano, na PUPANAPANA a me na lako e ae e pili ana.
E hoomanao o na makamaka, o keia AH KAU no ka mea nana i hanaWATI a me na lako GULA oi ioa o Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, na wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili @a i keia oihana me ka emi loa, a e hana hou ia na wati u me na lako gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.
E naue @@i mai, a e ike no oukou iho O na mea hou loa wale no i ike mua ole ia @a Hawaii nei.
C. Ah Kau.
NA LAKO DALA!
HE $5, 000 KA WAIWAI 10
MAI NA MEA ANIANI, A NA KII.
NA MEA PAANI A ME NA LAKO DALA.
E Haawi Makana ia
aku ana.
Na Lako Dala! Na Lako Dala!
$2.50 - NO 30 LA WALE NO. - $2.50
I ka Pookahi. Dekemaba la 8. Iloko o keia mau la he 30. e loaa 1890 ka hoomaka ana o ka makou no i ka poe a pau e kuai ana malokuai hoopau i ukali ia e na maka- ko o ko makou halekuai nei a hik@na o na lako dala, na me paani, i ka $2.50 ka waiwai io mai ia mana kii a na kamalii, a me na lako kou aku, kekahi makana o na Lako hoonani aniani o kela a me keia Aniani like ole, na kii a me na mea ano. Paani o kela a me keia ano.
A i ole, o kekahi mau Makana o na lako
Wai-Dala.
E Alawa ae ma na Pukaaniani o ko
Makou Halekuai Alakai i
ike i ka Ahua nui o na
Makana Makamae
a Makou i ko Ma-
kou poe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE. KIHI O PAPU ME HOTELE. Daily tf
Hoolaha Hou!
B.F EHLERS & CO.-Painapa.
Ua loaa mai nei ia makou he mau waiwai hou loa, @@@ @@@ @@
KAKIMIA,
KINAMU,
KEOKEO HALU'A,
CHALLI,
VIKOLIA KEOKEO
- A ME NA -
Mikilima o na ano a pau, a me na paku puka aniani o kela a me keia ano, no na kumukuai haahaa iou.
B.F. EHLERS & CO.
Alanui Papu, Hono.ulu.-25-d3m.