Ka Leo o ka Lahui, Volume II, Number 104, 9 Ianuali 1891 — Page 4
| This text was transcribed by: | Punahele Todd |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HE KAAO
NO
DON KUPIDOA.
KA WELI O NA MEA HUNA POHIHIHI-KE KIHAPAI PUA PAHAO HAO O KAMEPULIA-KE ALAHELE O NA MEA HUNA ELUAME KA LUAWAI KAMAHAO O TAWANIA.
Ike aku la na kahu lio i kekahi kanaka opio e kau ana maluna o kekahi wahi kiekie o luna o ka waapa, hoomanao koke ae la lakou o na mea ala ia a lakou i kii mai ai e lawe.
Lele aku la o Tubidoa i uka, a lele koke mai la ke kahulio a hai koke mai la i ke kauoha a ke kaikamahine alii.
A oia hoi ka Don Tubidoa i pane aku ai, ua hoohaahaa ia au e ko oukou aliiwahine, mamuli o kona hoouna ana mai nei ia oukou wale, no aole hoi i ka alihikaua nui, a i ole, o ka puuku paha.
Aka, ua lawa au no ka hooko ana aku i kana olelo kauoha i na wa a pau.
Na keia mau olelo a Tubidoa i lohe aku ai mai ke kahulio mai, na ia mea i kono mai iaia, aole he kauoha maikai ka ke kaikamahine alii aka, no ka hewa no.
Aole no nae keia i kamailio wale ae, aia no ia iloko o kona puuwai kahi i wahio ai, he nane huna ia nana.
Kau aku la keia a kauoha ae la oia i ke kapena o ka moku e ku oia malaila no elua pule a huli hoi hou no lakou no ke aupuni o Palani.
Aolo akula ke kaa no ka Hotele Amani a i ko ia nei hoea ana aku ua makaukau na mea a pau no ka hookipa mai iaia nei.
Ua lohe ia na mea a pau e nune ana no ka inoa o keia kanaka opio, aole nae keia i hoike iki aku ia lakou a pau.
Mahope iho o na kukai olelo ana na ninau aku la keia, auhea la ke kaikamahine alii Kalawarina?
Hoike ia mai la iaia nei, aia no oia iloko o ka hale alii, a e hoea mai ana oia i ka hora 12 o ke awakea oia la e ike ina helehelena o na keiki alii Palani ala.
Ua maikai no ia i ko ia nei manao, a oia ka ia nei i ninau hou aku ai ina he rumi kupono kekahi nona e komo lole ai.
Ua ae ia mai la keia, a lawe ia akula oia no ua rumi ala, he rumi nani hoi a maikai, aohe ana mea e hoohalahala ai.
Komo aku la keia, pani ka puka a komo hou iho la keia i ko ia nei aahu hou, a me ko ia nei hoololi pu ana ae i koa ia nei ano.
Kikeke hou maila keia i ka puka, a i ka hemo ana aku, ua nana hoopahaohao aku la ka mea e ku aku ana mawaho me ka pane ana aku: O oe no anei ke alii?
Ae, owau no keia, wahi a Don Tubidoa i pane mai ai; ua hoohewahewa ka paha oe ia`u.
Ae, he ano e loa oe i ka`u ike ana aku, no ka mea, he opiopio oe mamua a`u i ike ai, a i keia wa hoi, he ano elemakule oe.
Auwe kou kuhihewa nui e, aole no ka paha oe i nana pono mai nei i ka wa a`u i komo mai nei.
Mahope iho o keia mau hoopahaohao ia ana o keia wahi kanaka, ua hoopahaohao ia aku la na kanaka a me na poe a pau i ike mua iaia, a me ka ona hokele pu kekahi la haawina hookahi.
Ua nui ko lakou hoopaapaa ana, aka, aole lakou e hiki ke ku mai imua o Don Tubidoa ma na ano a pau.
I ka hiki pono ana i ka hora 12 o ke awakea, ua pane aku la ka ona o ka hotele aniani :
E ke kanaka kamahao a makou e kahaha loa nei, ke kokoke mai nei ka hora a ke kaikamahine alii i kauoha mai nei ia`u no kona hiki mai ia nei.
Ua hiki, wahi a Tubidoa, e hookuu mai iaia e hele mai io`u nei, a ke pahaohao nei au, heaha la kona makemake nui no`u nei, no ka mea he elemakule wale iho no au, he haae loloa.
Aole i liuliu mahope iho o keia, ua hoea i`o mai la ua kaikamahine alii ala e huki ia ana hoi kona kaa alii e na paalio he 25, a he mau lio like wale no hoi lakou a pau, he nani a he kilakila hoi na hiona a pau o ke kaa.
Aole i pau.
KUAI HOOPOHO
LOA!
No Ekolu Pule Wale no!
E HOOMAKA ANA MA KA POAKAHI
LA 15 O DEKEMABA, NO KA POMAIKAI
O KUU LAHUI PONOI.
E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi oa aku ana wau i ko`u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laula, he 7 I-a na ka $1.00.
Na KINAMU, he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine i kinohinohi ia, he $1.50 a pii aku, no ka mea hookahil.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o na wahine, 10 keneta no ka mea hookahi, a pii aku.
Na KAMAA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI oiaio, he 40 keneta wale no a pii oku.
Na PAA LOLE o na keiki o ke KA LIKIMAKA.
Na PALULE huluhulu mai ke 40 keneta a pii aku.
Na PALULE keokeo i aiana ole ia, he oluolu he kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko`u hale.
F. MOSES KEUMI.
ALANUI MOI. tf.-d
PAPA KUHIUHI
……O……
KA HUI ALAHAO A ME
AINA O OAHU.
E HOOMAKA ANA MA KA LA
25 O OKATOBA, 1896
MANAWA HOLO:
A.M. A.M. P.M. P.M.
Haalele ia Honolulu *6:15 8:45 1:45 5:30@
Hoea ma Honouliuli *7:20 9:49 2:49 5:35@
Haalele ia “ *7:30 10:51 3:51 5:45@
Hoea i Honolulu *8:35 11:55 4:55 6:50@
* Lapule wale no.
@ Poaono wale no.
Oct. 21, 1890 tf-d
H.P.K. Malulani.
HE LOIO a he hookapeke olelo ma ke Kahawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la`i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio.
Nov 8 ’90, d-1y.
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makapono no hoi ke kumukuai, e loaa no au ma Haimoeipo, Hale Kaa o ka Moi, a i ole i ko`u home paha.
MRS. C.I. HAIRAM.
Haimoeipo, Honolulu, Oct. 8, 1890.
3me-C.
Olelo Hoolaha.
Ke kauoha ia aku nei na kanaka a pau i aie ia C.I. HIRAM i make, e hookaa koke mai i ko lakou aie ia MRS. C.I. HIRAM, a i ole ia, ia D. DAYTON. O na poe a pau e hookaa ole mai ana a hala na la he 30 mai keia la aku, e hoopii ia no lakou e like me ke kanawai.
MRS. C.I. HIRAM.
Haimoeipo, Honolulu, Oct. 8, 1830.
3ms-d.
Hoolaha Hookapu.
Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.
MRS. C.I. HIRAM.
Haimoeipo, Honolulu, Oct. 8, 1890.
3ms-d.
A.J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke, kau, hale, a me na mea dula o kela a me kaeia ano, he waipahe loa ka auhau, a pela no hoi me na mea i paa mua. O ka mea e holo ana ia kaua oia ka`u e hana ai.
ALANUI HOTELE [Malalo o ka Alinetona.]
Oct. 27, 1890. tf-d
Hale Kuai Wati Nui
HELU 1
No C. Ah Kau.
KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omauo kela a me keia ano, na lako wehi GULA a me DAIMANA, na WATI nunui ano hou loa o kela a me keia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i ha@@ na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ana i keia oihana me ka emi oloa, a e hana hou ia na wati a me na lako gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.
E nane nui mai, a e ike no oukou iho. O na mea hou loa wale no i ike mua ole ia ma Hawaii nei.
C. Ah Kau:
NA LAKO DALA!
HE $5,000 KA WAIWAI 10
MAI NA MEA ANIANI,
A NA KII.
NA MEA PAANI A ME
NA LAKO DALA.
E Haawi Makana ia
aku ana.
Na Lako Dala! Na Lako Dala!
$2.50-NO 30 LA WALE NO.-$2.50
I ka Poakahi, Dekemaba la 8, 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.
Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.
A i ole, o kekahi mau Makana o na lako
Wai Dala.
E Alawa ae ma ma Pukaaniani o ko
Makou Halekuai Alakai i
ike i ke Ahua nui o na
Makana Makamae
a Makou i ko Makou
poe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE. KIHI O PAPU ME HOTELE
Daily tf
Hoolaha Hou!
B.F. EHLERS & CO.,----Painapa.
Ua loaa mai nei ia makou he mau waiwai hou loa, oia hoi na,
KAKIMIA,
KINAMU,
KEOKEO HALU`A,
CHALLI,
VIKOLIA KEOKEO
-A ME NA-
Mikilima o na ano a pau, a me na paku puka aniani o kela a me keia ano, nona kumukuai haahaa loa.
B.F. EHLERS & CO.
Alanui Papu, Honolulu-25-d3m.