Ka Leo o ka Lahui, Volume I, Number 22, 17 September 1889 — He Moolelo Naui —NO— LIVA DIA. Ke koa Kavalia opio —A I OLE,— O KA LIONA O HORINEDA. —A ME— KA UI ROSINA O NOREWAI. [ARTICLE]

He Moolelo Nani —NO— LIVA DIA.

Ke koa Kavalia opio —A I OLE, — O KA LIONA O HORINEDA. —A ME— KA UI ROSINA O NOREWAI.

"O ka hakoko ana me na mea kaua, O ko'u manawa iho la ia e lealea'i, Nani ke puanuanu o ko'u wahi moe, E waiho 'la ma na kula palahalaha, Kahi a na kulukehau o kakahiaka, I hooma-u ai me na kulu anuanu.' "A Knights Song."' MOKUNA II. Aole i liuliu mahope iho, aia hoi, ike ia aku la he elua mau hoohololio e kainepu ana i ke kula, ma ke alaloa e hiki aku ai i Glumestede, he wahi hoi ia e ane pili koke ana me Horineda, a ua kahiko pono ia ua nmu hololio la me na pono paihi o ka oihana naita. Oiai laua e holo ana, huli ae la kekahi o laua i ukali ia e @ a holo like aku la ma ke alanui e moe lolii ana ma kapa o ka muliwai. Aole i mamao loa ka laua wahi o ka holo ana aku, ua holo mai la o Ada ka haia wahine a ka ui Rosina a ipo hoi a Roderigo, me kekahi apana pepa e paa ana ma kona lima, a me na papahi lei mino-aka e hekau ana ma kona mau papalina, haawi mai la oia i ua apana pepa nei ia Liva Dia, a me ka pane ole mai i hookahi huaolelo, ua huli ae la ua ui nei a hoi aku la no kona hakuwahine. Wehe ae la ua Liva Dia nei i ua wahi apana pepa 'la me ka lelele o ka oili, a haalele pau iho la i ka ike a kona mau maka, a penei na mea ana i ike iho ai: ''E lawe pu aku me kuu puuwai, Ina he mea ia i oluolu ia e oe, A e hoomanao pu iho e kuu Dia, Oia ka mea hiki ia'u ke haawi aku. Rosina." I ka pau ana ae o kana heluhelu ana, ua opiopi hou ae la oia a haehae ae la oia a liilii me ke kiola pu ana, oiai no laua e hoomau ana no i ka holo ana imua, no kahi hoi a kekahi awawa nui e moe palaha mai ana mamua o laua. Oiai laua e holo ana, aole he huaolelo i puka ae mai kekani ae o laua, no ka mea, aia ka huhu a me ka lili iloko o ka naita opio Roderigo no ka naita opio Liva Dia, a e a e ano lilo aku ana laua i mau enemi ma keia mua koke iho. Ua ala mai la keia huhu iloko ona mamuli o Ada, oiai, he ipo ia nana, a no ka maopopo ole iaia o kela leta a Ada i lawe mai ai, nolaila, ua huhu loa oia a haale maluna o ka mea kupono, me ka manao kuhihewa, eia ka naita opio ke hoao nei e kaili aku i ka palaoa i

komo iloko o kona waha. Ua maopopo no ia kaua, ua lako pono no ka naita Roderigo i na pono kahiko kaua a me na lako kaua, e like me ka olo paikini i loaa i kona hoa, a o ka like ole wale no mawaena o laua, o kona papale kila aohe poo liona, a o ka hulu hoi maluna o kona papale he hulu ulaula, a o ko Liva Dia hoi he hulu keokeo. O kana pahikaua hoi he oi aku o ka nui a me ke kaumaha, mamua o ka pahikaua a kona kokoolua, a e lewalewa ana hoi ia ma kona aoao. @ hora okoa paha me hapa o keia holo ana aku a laua, hiki aku la ua mau naita nei iluna o kekahi wahi puu uuku. Malaila, hoomaha iki iho la laua me ka haawi ana i manawa na ko laua mau lio e hanu ai, a no kekahi mau minute pokole, ua hoomau hou aku la laua ma ka laua huakai. Ma keia wahi a laua e hele nei, he ano inoino ke alanui, nolaila, he mea pono ke hele malie ma ia wahi, a ua hooko laua pela. O ka pua i wahi leo ole nae mai a laua ae, h@ oia mau no ia. A huli laua ma kela aoao, he oia au no ko laua noho mumule, aole hookahi o laua i hoao ae e kamailio, aia wale no a hiki laua i ke kumu o ka pali, akahi no a loaa ka @ kekahi o laua. Mamuli o ko Roderigo ano mumule, ua komo ka hoohuoi iloko o ka naita opio, no ke ano e o kona hoaloha.