Ka Leo o ka Lahui, Volume I, Number 21, 16 Kepakemapa 1889 — He Hoopunipuni. [ARTICLE]

He Hoopunipuni.

No kou ike ole i ka moolelo o ke ao, e ike ai oe i ke ano a na moho kalai aupuni, i hoouna Elele ia ma na aina e, nolaila, hiki ole ai oe ke hoomaopopo i ka oiaio o ka ke Kuhina Noho ma Amerika. Ua olelo mai oia ia oe i hele mai oia maanei nei e ao aku i kanaka Hawaii. Ma hea kahi i ike ia ai ua hoao oia e ao i kanaka Hawaii, e like me kana olelo. Aole wale o makou kai ike i ke ano e o kana mau olelo a me kana mau hana, aka, he nui wale aku a eia ke keki olelo ia nei kou koolua ka P. C. Advertiser e ka nupepa Kuokoa Bulletina me na olelo a me na pane mamuli ona @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ o ka hoopau ia ana o E. K. M@kalani mai ka hana ana i malama ole ai me ka pololei. Eia. - no ka hoihoi pono ole aku i ke dala a ka mea waiwai. No ka hoolimalima papalua i ka aina o ka mea nona ka aina. He okoa ke puka aku, he okoa kai ai ia e Puhalauoo ma, e uwe mai nei. No ka huikau o na Buke Moodala o ka mea nona ka waiwai, a hiki ole ke ike ia ka lilo mai ka loaa, iloko o ka makahiki lehulehu i waiho ia ai ma ka lima o ka mea i hookiekie a hoowahawaha i ka hana a ke 'Lii, oia ka mea i lawe a ai. A no ka ike ia o ke o kupono ole o ke "kanaka makua o ke alo alii'' a me ka mai Puha e maea mai nei, nolaila, ua haawi aku ke Aliiwahine i ka mea ana i makemake ai. No na hana o keia ano a me ka hoohalahala o na haole i ke kii aku o Lilikalani e haawi wale mai i ke dala iaia i ka wa e kikoo aku ai i na aie

Ua loihi ka hoomanawanui ana o ke alii a ua ike maka a ua poho i ka pau o ka loaa o na aina i kuaihamau ia e Puhalua ma e kamailio kua mai nei. Ke hoomaopopo nei au ma ka ke Aliiwahine olelo; ina aole no ke aloha hoopii ia ka mea i hoopauia, oiai, i keia mau la, ua kii aku no oia e ohi me ke kuleana ole i na auhau o ka aina o ke Aliiwahine. O ke kolohe, o ka palaualelo, a me ka imi loaa ma ka hoopunipuni, oia ka alopeka nana i hoopau mai ia olua mai ka ai hookauo ana i ka waiwai a na 'Lii. Ua nonoi aku ke Aliiwahine ia Ailuene Bush. O ka lua keia o ke no ana, a oiai, he mana kaokoa ko na wahine mare maluna o ko lakou waiwai e haawi i ka waiwai e like me kona manao, oia ke kumu ona i haalele ole ai i keia leo hookohu mai ke Aliiwahine mai, a no ke aloha no hoi kekahi i ke kikiki ia me ka lokoino maopopo i mea ahuai na olua e Puhalauoo i ka hoopunipuni. Ho-ae kaua i ke akea e Puhanohoikapoopoo e peepee mai nei. LEAKAHELE. —♦♦♦—